ಕವಿತಾकविताPoem
ಸೈಮ್ ಸಪನ್
[ಕವಿತಾ]
ಸೈಮ್ ಸಪನ್

ಚುಡ್ತಾಚಿ ಫಣಿ ಕರೂನ್ಮೊಳ್ಬಾ ಮಾಥ್ಯಾರ್ ಫಿರೊವಯಾದಶಣಿಚೊ ರಂಗ್ ಥೊಡೊದರ್ಯಾ ಉದಕಾನ್ ಖಿರೊವಯಾ
ಕಾಳಖಾಚೊ ಪಡ್ಡೊ ಒಡುನ್ದೊಂಗರಾ ಫಾಟಲ್ಯಾನ್ ಲಿಪುಯಾಚಾನ್ನ್ಯಾಚ್ಯಾ ಉದಕಾನ್ ಮಾಗಿರ್ಮೊಳ್ಬಾ ಆಂಗಣ್ ಶಿಂಪುಯಾ
ಎಕ್ ಎಕ್ ಪುಂಜಾವ್ನ್ ಆಮಿಪೊಶಾಂತ್ ಬರಿಂ ಮಾಂಡುಯಾನಕೆತ್ರಾಂಚಿಂ ಪಾಯಜಣಾಂಮೊಳ್ಬಾದೆಗೆಕ್ ಬಾಂದುಯಾ
ಮೊಗರ್ಯಾವರಿಂ ಸೊಬಿತ್ ಆಮಿಹಾಸಪಾ ಭಾಸ್ ಶಿಕುಯಾತಳ್ಯಾಂತ್ ಪಾಂಯ್ ಮೆಕಳೆ ಸೊಡುನ್ಧಡೆರ್ ಆಮಿಂ ವಾಕುಯಾ
ಚಲಾ ಕಾಳ್ಯಾ ಕಾಳಖಾಕ್ಚಾನ್ನ್ಯಾ ಪದಾಂ ಶಿಕೊವಯಾಹಳುಚ್ ಥಿಕಾಂ ಹಾರ್ ಮಾಗಿರ್ರಾತಿ ಗಳ್ಯಾಂತ್ ಲಕೊವಯಾ
ಹಾತ್ಯಾಚೊ ಪರಮಳ್ ವ್ಹರೂನ್ಚಾಫ್ಯಾಕ್ ಲ್ಹವುಚ್ ಲಾವಯಾಪಾಂಚವ್ಯಾಶಾರ್ ವಿಲೊದಾಚೆರ್ಥಂಡ್ ನ್ಹಿದುನ್ ರಾವಯಾ
ವಾರ್ಯಾ ತಾಲಾರ್ ಉಬತ್ ಉಬತ್ಮೊಳ್ಬಾಮೆರೆನ್ ಪಾವಯಾಚಾನ್ನ್ಯಾಚ್ಯಾ ಗಾವಾಂತ್ ಮಾಗಿರ್ಜೊತಿಂ ಕಾಡುನ್ ಧಾವಯಾ
ಮೊರಾಚ್ಯಾ ಮಾಥ್ಯಾರ್ ಆಮಿಭಾಂಗರಾ ತಿಳೊ ಮಾಳುಯಾಪಾಖ್ಯಾಸರಿಂ ರಂಗ್ ಮಾಗುನ್ದರ್ಯಾದೆಗೆರ್ ದಾಳುಯಾ
ಶಿಂಯಾಚ್ಯೊ ಸೂಯೊ ಚೊರೂನ್ಹಳುಚ್ ಲಿಪುನ್ ಯೆವಯಾಆಂಗಾರ್ ಫಾಟಿರ್ ತೊಂಪುನ್ ಘೆವುನ್ಸೊಬಿತ್ ಗೊಂದುನ್ ಘೆವಯಾ
ವೊವಳಾಂಚೊ ವಾಸ್ ಪುಂಜಾವ್ನ್ವತಾಸರಿ ವಚುಯಾಚಾನ್ನ್ಯಾಚಿ ವಾಟ್ ಪಳಯತ್ಲ್ಹಾರಾಂ ವಾಂಗಡಾ ನಾಚುಯಾ
ಪಾವಸಾಚೊ ಸೊಬಿತ್ ಮುಕುಟ್ ಕುಪಾಂ ಮಾಥ್ಯಾರ್ ಚಡೊವಯಾಸೈಮಾಚೆಂ ಸಪನ್ ಮ್ಹಜೆಂಖರೆಂ ಆಮಿಂ ಘಾಡೊವಯಾ
ಕವಿತಾ ಸಾದರ್ಪಣ್ ಕೆಲಾಂ: ಬಾಬ್ ಉದಯ್ ಎನ್. ಮ್ಹಾಂಬ್ರೊ
© 2026 ಉರ್ಜಿತಾ ಭೊಬೆ · ಆಶಾವಾದಿ ಪ್ರಕಾಶನ್ ಸರ್ವ್ ಹಕ್ಕಾಂ ರಾಕೊನ್ ದವರ್ಲ್ಯಾಂತ್.
ವಿಡಿಯೊविडियोVideo 4 Nov 2026
Poetry of the month #9. Urjita Bhobe
ಕವಿತಾकविताPoem Feb 2020
ಆವಯ್ ಕಿತ್ಯಾಕ್ ಮ್ಹಣಟಾ? (- ಉರ್ಜಿತಾ ಭೊಬೆ)
ಕವಿತಾकविताPoem Jan 2020
ಎಕ್ವೆರಿಯಮ್ (- ಉರ್ಜಿತಾ ಭೊಬೆ)
More in Ashawadi
ಕವಿತಾकविताPoem 20 Nov 2026
ದೆವಾಕ್ ಉಲೊ
ಕವಿತಾकविताPoem 18 Nov 2026
ಜಿವಿತ್ ಫುಲ್ಲೆಂ ನಾ
ಕವಿತಾकविताPoem 18 Nov 2026 KovitaDaaiz | ಕವಿತಾದಾಯ್ಜ್ | कवितादायज
ಕವಿತಾದಾಯ್ಜ್ - 36: ಮ್ಹಜೆ ಭಿತರ್
Send your comments to author on this writing
This is not a comment box. Nothing you write here appears on the site or is shown to any other reader: it is sent to him by email, privately, and he replies to you directly if a reply is called for.

Comments
No comments yet. Be the first to say what you thought of it.
Leave a comment