ಪಯ್ಣಾರಿ
The literary portal, publishing in the Kannada, Nagari and Romi scripts.
924 pages
About Ashawadi Prakashan
AshawadiPrakashan
ಆಶಾವಾದಿ ಪ್ರಕಾಶನ್ आशावादी प्रकाशन
ಯದಾಹಂ ಜೀವಮಿ, ಅಹಮಾಶಂಸೆ
Publishing Konkani literature digitally since 2003
ಆಮ್ಚೆ ವಿಶಿಂ
2000 ಇಸ್ವೆಂತ್ ಕುವೆಯ್ಟಾಂತ್ಲ್ಯಾ ಎಕಾ ಬಹುರಾಷ್ಟ್ರ್ ಕಂಪೆನಿಚೊ ಐ.ಟಿ.ಪ್ರೊಜೆಕ್ಟ್ ಮ್ಯಾನೆಜರ್ ಜಾವ್ನ್ ವಾವ್ರ್ ಕರ್ನ್ ಆಸ್ಲಲೊ ವಲ್ಲಿ ಕ್ವಾಡ್ರಸ್, ಆಶಾವಾದಿ ಪ್ರಕಾಶನಾಚೊ ಸ್ಥಾಪಕ್ ಆನಿ ಪ್ರಧಾನ್ ಸಂಪಾದಕ್ ಜಾವ್ನಾಸಾ.
ತಾಚ್ಯಾ ಮುಕೆಲ್ಪಣಾಖಾಲ್, ಕೊಂಕಣಿ ಭಾಸ್ ಆನಿ ಸಾಹಿತ್ಯಾಚ್ಯಾ ಉದರ್ಗತ್ ಆನಿ ವಾಡಾವಳೆಕ್ ಲಗ್ತಿ ಜಾಲ್ಲಿಂ ಸಭಾರ್ ಕಾಮಾಂ ಜಾಲ್ಯಾಂತ್. ಉದೆವ್ನ್ ಯೆಂವ್ಚಾ ಸಾಹಿತ್ಯಿಕ್ ಪ್ರತಿಭೆಚಿಂ ಸೊಧ್ನಾಂ, ಚಡಿತ್ ವಾಚ್ಪ್ಯಾಂಕ್ ಕೊಂಕಣಿ ಸಾಹಿತ್ಯಾತೆವ್ಶಿನ್ ಹಾಡ್ಚೆಂ, ಸಾಹಿತ್ಯಿಕ್ ಕಾಮಾಸಾಳಾಂ, ಸಂಶೋಧ್ ತಶೆಂಚ್ ಬಹುಲಿಪಿ ಕೊಂಕಣಿಚ್ಯಾ ಸಾಹಿತ್ಯಾಚೆಂ ಲಿಪ್ಯಂತರಣ್ ಆನಿ ಡಿಜಿಟಲೀಕರಣ್.
ವಲ್ಲಿ ಕ್ವಾಡ್ರಸಾಚ್ಯಾ ಆಶಾವಾದಿ ಪ್ರಕಾಶನಾನ್ ಕೊಂಕಣಿ ಸಾಹಿತ್ಯಿಕ್ ವಿಮರ್ಸೊ, ಸಮೀಕ್ಷಾ, ಪ್ರತಿಭಾ ಸೊಧ್, ವಾಚ್ಪ್ಯಾಂಕ್ ಕೊಂಕಣಿ ಸಾಹಿತ್ಯಾಲಾಗಿಂ ಹಾಡ್ಚೆಂ, ಸಂಶೋಧನ್, ಅಧ್ಯಯನ್ ತಶೆಂಚ್ ಕೊಂಕಣಿ ಡಿಜಿಟಲ್ ಮಾಧ್ಯಮಾಚೆರ್, ಇ-ಪುಸ್ತಕಾಂ, ಆ-ಪುಸ್ತಕಾಂ, ವಿ-ಪುಸ್ತಕಾಂ, ವೆಗ್-ವೆಗ್ಳಿಂ ವೆಬಿನಾರಾಂ... ಸವಿಸ್ತಾರ್ ರಿತಿರ್ ನವೆಂಸಾಂವಾಂ ಕೆಲ್ಯಾಂತ್.
ವಲ್ಲಿ ಕ್ವಾಡ್ರಸ್
ಸ್ಥಾಪಕ್, ಪ್ರಧಾನ್ ಸಂಪಾದಕ್
ದಿಶ್ಟಾವೊ ಆನಿ ಮಿಸಾಂವ್
ದಿಶ್ಟಾವೊ
ಕೊಂಕಣಿ ಭಾಶೆಚೆಂ ಆನಿ ಸಾಹಿತ್ಯಾಚೆಂ ಜತನ್, ಸಮೃಧ್ದಿ ಆನಿ ಪ್ರಸಾರ್ ಕರ್ಚೆಂ, ಸರ್ಜನಶೀಲತಾಯ್, ವಿದ್ವತ್ತಾಯ್ (ಸ್ಕೊಲರ್‌ಶಿಪ್), ಉದೆವ್ನ್ ಯೆಂವ್ಚಿ ಸಾಹಿತ್ಯಿಕ್ ಪ್ರತಿಭಾ ಆನೀ ನವನಿರ್ಮಿತೀ ಹಾಂಚೆಂ ವಾಡವ್ಪ್ ಕರ್ಚೆಂ, ಆನಿ ಕೊಂಕಣಿ ಸಾಹಿತ್ಯಿಕ್ ಪರಂಪರಾ ಸಂಸಾರ್‌ಭರ್ ಪಿಳಗ್ಯಾಂಕ್ ಸತತ್ ಪ್ರೆರಣಾ ದಿವುನ್ ರಾವ್ಚೆಂ ಸುನಿಶ್ಚಿತ್ ಕರ್ಚೆಂ.
ಮಿಸಾಂವ್
ಆಶಾವಾದಿ ಪ್ರಕಾಶನ್ ವಿವಿಧ್ ಕೊಂಕಣಿ ಸಾಹಿತ್ಯಾಚ್ಯಾ ಪ್ರಕಾಶನ್ ಆನಿ ಪ್ರಸಾರಾಕ್ ಸಮರ್ಪಿತ್ ಜಾವ್ನಾಸಾ. ಕೊಂಕಣಿ ಸಾಹಿತ್ಯಾಚಿ ಜತನ್ ಕರೂನ್ ತಾಚೊ ಡಿಜಿಟಲ್ ಮಾಧ್ಯಮಾಂತಲ್ಯಾನ್ ವ್ಯಾಪಕ್ ಪ್ರಸಾರ್ ಕರ್ಚೆಂ, ಸಾಹಿತ್ಯಾಚ್ಯಾ ಅಭ್ಯಾಸಾಕ್ ಆನೀ ಸಂಶೊಧನಾಕ್ ಪ್ರೊತ್ಸಾಹನ್ ದಿಂವ್ಚೆಂ, ಸೃಜನಶೀಲ್ ಉಪಕ್ರಮ್ ಆನೀ ಸ್ಪರ್ಧಾಂಚ್ಯಾ ಮಾಧ್ಯಮಾಂತಲ್ಯಾನ್ ನವ್ಯಾ ಸಾಹಿತ್ಯಿಕ್ ಪ್ರತಿಭೆಚೊ ಸೊದ್ ಕರ್ಚೆಂ ಆನಿ ತಾಂಕಾಂ ಪ್ರೊತ್ಸಾಹನ್ ದಿಂವ್ಚೆಂ, ತಶೆಂಚ್ ಗರ್ಜೆವಂತ್ ಲೆಖಕಾಂಕ್ ತೆಂಕೊ ದಿಂವ್ಚೆಂ, ಹ್ಯಾ ಸಗಳ್ಯಾ ಉಪಕ್ರಮಾಂಚೊ ಉದ್ದೆಶ್ ಜಾವ್ನಾಸಾ.
ಹ್ಯಾ ಪ್ರಯತ್ನಾಂಚ್ಯಾ ಮಾಧ್ಯಮಾಂತಲ್ಯಾನ್ ಆಶಾವಾದಿ ಪ್ರಕಾಶನ್ ಕೊಂಕಣಿ ಭಾಸ್ ಆನಿ ಸಾಹಿತ್ಯಾಚಿ ಸಾತತ್ಯತಾ, ಚೈತನ್ಯ್ ಆನಿ ವ್ಯಾಪಕ್ ಪ್ರಸಾರ್ ಬಳಿಷ್ಟ್ ಕರ್ಚೊ ಪ್ರಯತ್ನ್ ಕರ್ತಾ.
Literary initiatives since 2003
ದಾಯ್ಜ್.ಕೊಮ್
2003 - 2013ದಾಯ್ಜ್.ಕೊಮ್ (2003 ಥಾವ್ನ್ 2013 ಮೆರೆನ್) ಕೊಂಕಣಿ ಭಾಸ್, ಸಾಹಿತ್ಯ್ ಡಿಜಿಟಲ್ ಮಾಧ್ಯಮಾಚೆರ್ ಪ್ರಸಾರಣ್ ಕರ್ಚೆಂ ವೆಬ್‌ಸಾಯ್ಟ್. ಸಾಹಿತ್ಯಿಕ್ ಸರ್ತ್ಯೊ, ಸಾಹಿತ್ಯಿಕ್ ಅಧ್ಯಯನಾಂ/ಕಾಮಾಸಾಳಾಂ, ಸಾಹಿತ್ಯಿಕ್ ಸಮೀಕ್ಷಾ ಅಶೆಂ ಡಿಜಿಟಲ್ ಮಾಧ್ಯಮಾಚೆರ್ ಕೊಂಕಣಿ ಸಾಹಿತ್ಯಾಚ್ಯಾ ಬುನ್ಯಾದಿ ವಾವ್ರಾಚಿ ಸುರ್ವಾತ್ ಕೆಲ್ಲೆಂ ವೆಬ್‌ಸಾಯ್ಟ್. ರಾಷ್ಟ್ರೀಯ್ ಮಟ್ಟಾರ್ ಸಾಹಿತ್ಯಿಕ್ ಸರ್ತ್, ಮಯ್ನ್ಯಾಳಿ ಕವಿತಾ ಸರ್ತ್ ಚಲವ್ನ್ ಆಯಿಲ್ಲೆಂ ವೆಬ್‌ಸಾಯ್ಟ್ ಆಜ್ ಮೆರೆನ್ ಫಕತ್ ದಾಯ್ಜ್.ಕೊಮ್ ಮಾತ್ರ್. ಕವಿತಾಪಾಠ್ ಕಾಮಾಸಾಳಾಚೆರ್ ಸಾದರ್ ಜಾಲ್ಲಿಂ ಬರ್ಪಾಂ ಸಂಪಾದನ್ ಕರುನ್ ’ಕವಿತಾಪಾಠ್’, ’ದರ್ಯಾಕ್ ಉದಕ್’, ’ಕಾಳೊಕ್ ನಾತ್ಲೊ ಗಾಂವ್’ ಪುಸ್ತಕಾಂನಿ ಪರ್ಗಟ್ ಕೆಲ್ಯಾಂತ್. (ವಲ್ಲಿ ಕ್ವಾಡ್ರಸ್ ಸಂಪಾದಕ್ ಜಾವ್ನ್, ಮೆಲ್ವಿನ್ ಜೆ. ವಾಸ್ ಆನಿ ಪ್ರಿಯಾ ಸಿಕ್ವೇರಾ ಸಹಾಯಕ್ ಸಂಪಾದಕ್ ಜಾವ್ನ್ ವಾವ್ರ್ ಕೆಲಾ)
ಕೊಂಕಣಿ ಅಭಿಯಾನ್
2003 - 2018ಕೊಂಕಣಿ ಅಭಿಯಾನ್: ಕೊಂಕಣಿ ನೆಮಾಳ್ಯಾಂಕ್ ಚಡಿತ್ ವಾಚ್ಪಿ ಲಾಭಾಶೆಂ ಕರ್ಚ್ಯಾ ಇರಾದ್ಯಾನ್ ಕುವೆಯ್ಟಾಂತ್ ಘರಾನ್ ಘರ್ ವಚೊನ್ ಕೊಂಕಣಿ ನೆಮಾಳ್ಯಾಂಕ್ ವರ್ಗಣಿ ಜಮಂವ್ಚೆಂ ತಶೆಂಚ್ ಕೊಂಕಣಿ ಪುಸ್ತಕಾಂ ಲೊಕಾಕ್ ಪಾವಂವ್ಚೆಂ ಮಿಸಾಂವ್. 2003 ಇಸ್ವೆಂತ್ ’ಕೊಂಕಣಿ ಅಭಿಯಾನ್ ಸಮಿತಿ’ ಸುರ್ವಾತ್ ಕರುನ್, 2004 ಇಸ್ವೆಂತ್, 2005 ಇಸ್ವೆಂತ್ ತಶೆಂಚ್ 2006 ಇಸ್ವೆಂತ್ ಹೆಂ ಮಿಸಾಂವ್ ಸಕ್ರಿಯ್ ರಿತಿನ್ ಆಸೊನ್ ಜಾಯ್ತ್ಯಾ ಕೊಂಕಣಿ ಪುಸ್ತಕಾಂಕ್ ತಶೆಂಚ್ ನೆಮಾಳ್ಯಾಂಕ್ ಮಾಯ್‌ಗಾಂವಾಂತ್ ಸಭಾರ್ ವರ್ಸಾಂಚಿ ವರ್ಗಣಿ ಲಾಭಾಶೆಂ ಕೆಲಾಂ. 2018 ಇಸ್ವೆಂತ್ ಮುಂಬಂಯ್ತ್ ಕೊಂಕಣಿ ಅಭಿಯಾನ್ ಚಲವ್ನ್ ದಿವೊ-ಉಜ್ವಾಡ್ ಆನಿ ಹೆರ್ ಥೊಡ್ಯಾ ನೆಮಾಳ್ಯಾಂಕ್ ಪಾಟಿಂಬೊ ಲಾಭಾಶೆಂ ವಾವ್ರ್ ಕೆಲಾ.
ಅಧ್ಯಯನ್
SINCE 2005ಕವಿತಾಪಾಠ್: 2004 ಇಸ್ವೆಂತ್ ಕುವೆಯ್ಟಾಂತ್ ಸುರ್ವಾತ್ ಜಾಲ್ಲೆಂ ಮಯ್ನ್ಯಾಳೆಂ ಕವಿತಾ ಅಧ್ಯಯನಾಚೆಂ ಕಾಮಾಸಾಳ್ (45 ಕವಿತಾಪಾಠ್ ಕಾಮಾಸಾಳಾಂ ಚಲಯ್ಲ್ಯಾಂತ್)
ಪುಸ್ತಕ್ ಸಮೀಕ್ಷಾ: 2004 ಇಸ್ವೆಂತ್ ಕುವೆಯ್ಟಾಂತ್ ಸುರ್ವಾತ್ ಪುಸ್ತಕ್ ಸಮೀಕ್ಷೆಚೆಂ ಕಾಮಾಸಾಳ್ (27 ಪುಸ್ತಕ್ ಸಮೀಕ್ಷಾ ಚಲಯ್ಲ್ಯಾತ್)
ಕಥಾಪಾಠ್: 2004 ಇಸ್ವೆಂತ್ ಕುವೆಯ್ಟಾಂತ್ ಸುರ್ವಾತ್ ಜಾಲ್ಲೆಂ ಕಥಾ ಅಧ್ಯಯನಾಚೆಂ ಕಾಮಾಸಾಳ್ (11 ಕಥಾಪಾಠ್ ಕಾಮಾಸಾಳಾಂ ಚಲಯ್ಲ್ಯಾಂತ್)
ಕಥಾಪಾಠ್ (ಡಿಜಿಟಲ್ ವೆಬಿನಾರ್ ಶಿಂಕಳ್)
ಕಥಾಪಾಠ್ ಶಿಂಕಳ್ I: ಕೊಂಕಣಿ ಕಥಾ - ತಾಂತ್ರಿಕತಾ ಆನಿ ಕೊಂಕಣಿಂತ್ಲ್ಯೊ ಕಥಾ ಪ್ರಕಾರಾಚೆರ್ ಅಧ್ಯಯನ್ (2020: 5 ವೆಬಿನಾರಾಂ)
ಕಥಾಪಾಠ್ ಶಿಂಕಳ್ II: ವಿಲ್ಫಿ ರೆಬಿಂಬಸಾಚ್ಯೊ ಮೊಟ್ವ್ಯೊ ಕಥಾ - ಅಧ್ಯಯನ್ (2021: 5 ವೆಬಿನಾರಾಂ)
ಕಥಾಪಾಠ್ ಶಿಂಕಳ್ III: ಕೊಂಕಣಿಚ್ಯಾ ಸಮಕಾಳೀನ್ ಕಥಾಕಾರಾಂಚ್ಯಾ ಕಥೆಂಚೆರ್ ತುಲನಾತ್ಮಕ್ ಅಧ್ಯಯನ್ (2022: 11 ವೆಬಿನಾರಾಂ)
ಕಥಾಪಾಠ್ ಶಿಂಕಳ್ IV: ಸಾಳಕಾಚ್ಯಾ ಸಿರಿವಂತಾಚ್ಯೊ ಕಥಾ - ಅಧ್ಯಯನ್ (2023: 5 ವೆಬಿನಾರಾಂ)
ಕಥಾಪಾಠ್ ಶಿಂಕಳ್ V: ಪಯ್ಣಾರಿ ವರ್ಸಾಚೊ ಕಥಾಕಾರ್ ಡೊ.ಎಡ್ವರ್ಡ್ ಎಲ್. ನಜ್ರೆತಾಚ್ಯೊ ಕಥಾ - ಅಧ್ಯಯನ್ (2024: 7 ವೆಬಿನಾರಾಂ)
ಕಥಾಪಾಠ್ ಶಿಂಕಳ್ VI: ಪಯ್ಣಾರಿ ವರ್ಸಾಚೊ ಕಥಾಕಾರ್ ಬಾ.ಚೇತನ್ ಲೋಬೊಚ್ಯೊ ಕಥಾ - ಅಧ್ಯಯನ್ (2025: 5 ವೆಬಿನಾರಾಂ)
ಕಥಾಪಾಠ್ ಶಿಂಕಳ್ VII: ಎಡ್ವಿನ್ ಜೆ. ಎಫ್. ಡಿಸೋಜಾಚ್ಯೊ ಕಥಾ - ಅಧ್ಯಯನ್ (2026: 5 ವೆಬಿನಾರಾಂ)
ಸಾಹಿತ್ಯಿಕ್ ಶಿಭಿರಾಂ:
2005: ಕಾರ್ಕಳ್ ವಾರಾಡ್ಯಾಂತ್ ಕೊಂಕಣಿ ಸಾಹಿತ್ಯಿಕ್ ಶಿಭಿರ್
2006: ಮೂಡ್‌ಭಿದ್ರಿ ವಾರಾಡ್ಯಾಂತ್ ಕೊಂಕಣಿ ಸಾಹಿತ್ಯಿಕ್ ಶಿಭಿರ್
2016: ಮಿರಾರೋಡಾಂತ್ ಕೊಂಕಣಿ ಕವಿತಾಪಾಠ್ ಆನಿ ಕಥಾಪಾಠ್
2022: ಉಜ್ವಾಡ್-ಆಶಾವಾದಿ ಜೊಡ್ ಪಾಲವಾಖಾಲ್ ಕೊಂಕಣಿ ಸಾಹಿತ್ಯಿಕ್ ಕಾಮಾಸಾಳ್
2024: ಗೊಂಯ್: ಖೆಪೆಂ ಸರ್ಕಾರಿ ಕೊಲೆಜಿಂತ್ ಲಿಪ್ಯಂತರಣಾಚೆರ್ ಕಾಮಾಸಾಳ್
2025: ಗಂಟಾಲ್ಕಟ್ಟೆಂತ್ ಕೊಂಕಣಿ ಸಾಹಿತ್ಯಿಕ್ ಶಿಭಿರ್
2025: ಗೊಂಯ್: ಸೈಂಟ್ ಝೆವಿಯರ್ಸ್ ಕೊಲೆಜಿಂತ್ ಲಿಪ್ಯಂತರಣಾಚೆರ್ 10 ದಿಸಾಂಚೆಂ ಕಾಮಾಸಾಳ್
2026: ಗೊಂಯ್: ಕಾರ್ಮೆಲ್ ಕೊಲೆಜ್ ನುವೆಂ - ಕೊಂಕಣಿ ಆಧ್ಯಾತ್ಮಿಕ್ ಕವಿತೆಂಚೆರ್ ಪರಿಸಂವಾದ್
2026: ಗೊಂಯ್: ಫಾ.ಆಗ್ನೆಲ್ ಕೊಲೆಜ್ ಪಿಲಾರ್ - ಕೊಂಕಣಿ ಕಥೆಂಚೆರ್ ಕಾಮಾಸಾಳ್
ಪಯ್ಣಾರಿ
SINCE 2015ಕೊಂಕಣಿ ನಿರಂತರಿ ಪಯ್ಣಾರಿ ಧ್ಯೇಯಾಖಾಲ್ 2015 ಇಸ್ವೆಚ್ಯಾ ದಸೆಂಬರ್ 13 ತಾರಿಕೆರ್ ಮುಂಬಂಯ್ತ್ ಕೊಂಕಣಿಂತ್ಲೆಂ ಪಯ್ಲೆಂ ತ್ರಿ-ಲಿಪಿಚೆಂ ವೆಬ್‌ಸಾಯ್ಟಾಚೆಂ ಲೊಕಾರ್ಪಣ್ ಕೆಲ್ಲೆಂ ಕಾಣಿಕ್ ನೆಮಾಳ್ಯಾಚೊ ಸ್ಥಾಪಕ್ ಸಂಪಾದಕ್ ಆಂಡ್ರ್ಯೂ ಮೆಂಡೊನ್ಸಾನ್. ಕನ್ನಡ, ನಾಗರಿ ತಶೆಂಚ್ ರೋಮಿ ಲಿಪಿಂತ್ ಕೊಂಕಣಿ ಸಾಹಿತ್ಯಾಕ್ ಡಿಜಿಟಲ್ ಮಾಧ್ಯಮಾಚೆರ್ ಪ್ರಸಾರ್ ಕರ್ಚೆಂ ಹೆಂ ಮಿಸಾಂವ್ ದಾಯ್ಜ್.ಕೊಮ್ ಚ್ಯಾ ಮಿಸಾಂವಾಕ್ ಮುಕಾರುನ್ ವರ್ಚೆ ತಸಲೆಂ.
ಕುಮ್ಕೆ ಆಧಾರ್ ದಿಂವ್ಚೆಂ ಮಿಸಾಂವ್: ರೊನಾಲ್ಡ್ ಪಿರೇರಾ ಆಂಜೆಲೊರ್ ಕುಮ್ಕೆ-ನಿಧಿ ಸ್ಥಾಪಿತ್ ಕರುನ್ ಭೋವ್ ಸಂಕಷ್ಟಾಂತ್ ಆಸ್ಲೆಲ್ಯಾ ಎಕಾ ಜಾಣ್ತ್ಯಾ ಸಾಹಿತಿಕ್ ಆರ್ಥಿಕ್ ತೆಂಕೊ ಲಾಭಾಶೆಂ ಕರ್ಚೆಂ ಮಿಸಾಂವ್ ಪಯ್ಣಾರಿನ್ ಸಾಂಬಾಳುನ್ ವೆಲಾಂ.
ಮಯ್ನ್ಯಾಚಿ ಕವಿತಾ ಸರ್ತ್, ವರ್ಸಾಚಿ ಕವಿತಾ ಸರ್ತ್, ಕವಿ ಆನಿ ಹಕ್ಕ್-ಮಾನ್ ಅಶೆಂ ಮಯ್ನ್ಯಾಳಿ ಕವಿತಾ ಸರ್ತ್ ಚಲಯ್ಲ್ಯಾ.
2017: ಪಯ್ಣಾರಿ ಸಾಹಿತ್ಯಿಕ್ ಸರ್ತ್ ಪಯ್ಲಿ ತ್ರಿ-ಲಿಪಿ ಕೊಂಕಣಿಂತ್ಲಿ ಸಾಹಿತಿಕ್ ಸರ್ತ್.
2019: ಥಾವ್ನ್ 2021 ಮೆರೆನ್ ವಿಲ್ಫಿ ರೆಬಿಂಬಸ್ ಸ್ಮಾರಕ್ ಪಯ್ಣಾರಿ-ವೀಜ್ ಸಾಹಿತಿಕ್ ಸರ್ತ್ ಚಲಯ್ಲ್ಯಾತ್. ಹ್ಯೊ ಸರ್ವ್ ಸರ್ತ್ ಕನ್ನಡ, ನಾಗರಿ ಆನಿ ರೋಮಿ ಲಿಪಿಂನಿ ಸಾಹಿತ್ಯ್ ಬರಯ್ತೆಲ್ಯಾಂಕ್ ಉತ್ತೇಜನ್ ದಿಂವ್ಕ್ ಸಕ್ಚೆ ತಸಲ್ಯೊ.
ಪುಸ್ತಕಾಂ (ಪ್ರಿಂಟ್ ತಶೆಂಚ್ ಇ-ಪುಸ್ತಕಾಂ) ಪ್ರಕಾಶಿತ್ ಕೆಲ್ಯಾಂತ್, ಕೊವಿಡ್ ಕಾಳಾರ್ ಡಿಜಿಟಲ್ ಮಾಧ್ಯಮಾಚೆರ್ ಸಭಾರ್ ವೆಬಿನಾರಾಂನಿ ಕವಿಗೊಶ್ಟಿ, ವಿಚಾರ್‌ಸಾತಿಂ ತಶೆಂಚ್ ಕಾಮಾಸಾಳಾಂ ಚಲಯ್ಲ್ಯಾಂತ್.
ಪಯ್ಣಾರಿ ಡಿಜಿಟಲ್ ಸಾಹಿತ್ಯಿಕ್ ಜರ್ನಲ್ - ಕೊಂಕಣಿಂತ್ಲೆಂ ಪಯ್ಲೆಂ ಇ-ಜರ್ನಲ್ (ಕನ್ನಡ, ನಾಗರಿ ತಶೆಂಚ್ ರೊಮಿ ಲಿಪಿಂತ್ ಆಸಾ) ಡಿಜಿಟಲ್ ಜರ್ನಲಾಚೊ ಪ್ರಧಾನ್ ಸಂಪಾದಕ್ ಜಾವ್ನ್ ವಲ್ಲಿ ಕ್ವಾಡ್ರಸ್, ನಾಗರಿ ಲಿಪಿಚೊ ಸಹಾಯಕ್ ಸಂಪಾದಕ್ ಜಾವ್ನ್ ಶೈಲೆಂದ್ರ ಮೆಹ್ತಾ, ರೊಮಿ ಲಿಪಿಚೊ ಸಹಾಯಕ್ ಸಂಪಾದಕ್ ಜಾವ್ನ್ ಬಾಪ್ ಜೇಸನ್ ಪಿಂಟೊನ್ ಪಾಟಿಂಬೊ ದಿಲಾ. ಯೆದೊಳ್ 8 ಪುಸ್ತಕಾಂ (6 ಜರ್ನಲಾಂ) ಆಮಿ ಪ್ರಸಾರ್ ಕೆಲ್ಯಾಂತ್.
ಡಿಜಿಟಲ್ ಆಡಿಯೊ ಪುಸ್ತಕಾಂ: 2018 ಇಸ್ವೆಂತ್ ಕೊಂಕಣಿಂತ್ಲೆಂ ಪಯ್ಲೆಂ ಆಡಿಯೊ ಪುಸ್ತಕ್ ಯೂಟ್ಯೂಬಾಚೆರ್ ’ಆಶಾವಾದಿ ಪ್ರಕಾಶನ್’ ಚ್ಯಾನಲಾಚೆರ್ ಪ್ರಸಾರ್ ಜಾಲ್ಲೆಂ ’ಕಥಾದಾಯ್ಜ್’. ತ್ಯೇ ಉಪ್ರಾಂತ್ ಆಜ್ ಮೆರೆನ್ 15 ಆಡಿಯೊ ಪುಸ್ತಕಾಂನಿ ಸಮಗ್ರ್ ಕೊಂಕಣಿಚ್ಯೊ 350 ವಯ್ರ್ ಕೊಂಕಣಿ ಕಥಾ ಪ್ರಸಾರ್ ಜಾಲ್ಯಾತ್.
ಲೋಕ್‌ಡಾವ್ನ್: 2021 ಇಸ್ವೆಂತ್ ಪಯ್ಲೆಂ ಕವಿತೆಚೆಂ ಆಡಿಯೊ ಪುಸ್ತಕ್ ಸಯ್ತ್ ಆಶಾವಾದಿ ಪ್ರಕಾಶನಾಚ್ಯಾ ಚ್ಯಾನಲಾಚೆರ್ ಪ್ರಸಾರ್ ಕೆಲಾಂ.
(ಪಯ್ಣಾರಿ.ಕೊಮ್‌ಚೊ ಪ್ರಧಾನ್ ಸಂಪಾದಕ್ ಜಾವ್ನ್ ವಲ್ಲಿ ಕ್ವಾಡ್ರಸ್, ಸಹಾಯಕ್ ಸಂಪಾದಕ್ ಜಾವ್ನ್ ನೆರಿ ನಜ್ರೆತ್ ತಾಕೊಡೆ (2015-2017), ಹಿಲರಿ ಡಿಸಿಲ್ವಾ (2018-2019), ಶೈಲೆಂದ್ರ ಮೆಹ್ತಾ (2020-2024) ಆನಿ ಲಾರೆನ್ಸ್ ವಿ. ಬಾರ್ಬೊಜ್ (2025 ಥಾವ್ನ್).
ಸಾಹಿತ್ಯಿಕ್ ಸರ್ತ್
SINCE 2004ದಾಯ್ಜ್.ಕೊಮ್
ತಿಂತೆರಾಂತ್ ಪಿಂತುರಾಂ
(2005 ಇಸ್ವೆಂತ್ ದಾಯ್ಜ್.ಕೊಮ್‌ಚೆರ್ ಚಲಯಿಲ್ಲಿ ಮ್ಹಯ್ನ್ಯಾಳಿ ಕವಿತಾ ಬರಂವ್ಚಿ ಸರ್ತ್)
ದಾಯ್ಜ್ ವರ್ಸಾಚೊ ಕವಿ 2005: ಎಚ್ಚೆಮ್ ಪೆರ್ನಾಲ್
ಉತ್ರಾಂತ್ ಸೂತ್ರಾಂ
(2006 ಇಸ್ವೆಂತ್ ದಾಯ್ಜ್.ಕೊಮ್‌ಚೆರ್ ಚಲಯಿಲ್ಲಿ ಮ್ಹಯ್ನ್ಯಾಳಿ ಕವಿತಾ ಬರಂವ್ಚಿ ಸರ್ತ್)
ದಾಯ್ಜ್ ವರ್ಸಾಚೊ ಕವಿ 2006: ಆಂಟನಿ ಬಾರ್ಕೂರ್
ದಾಯ್ಜ್ ಸಾಹಿತ್ಯಿಕ್ ಸರ್ತ್ 2004
ದಾಯ್ಜ್ ಸಾಹಿತ್ಯಿಕ್ ಸರ್ತ್ 2005
ದಾಯ್ಜ್ ಸಾಹಿತ್ಯಿಕ್ ಸರ್ತ್ 2006
ದಾಯ್ಜ್ 2007 ವರ್ಸಾಚೊ ಕಥಾಕಾರ್: ಸ್ಟೇನ್ ಅಗೇರಾ, ಮುಲ್ಕಿ
ದಾಯ್ಜ್ ಸಾಹಿತ್ಯಿಕ್ ಸರ್ತ್ 2007
ದಾಯ್ಜ್ 2008 ವರ್ಸಾಚೊ ಕಥಾಕಾರ್: ಕ್ಲೆರೆನ್ಸ್ ಕೈಕಂಬ
ಪಯ್ಣಾರಿ.ಕೊಮ್
2017: ಪಯ್ಣಾರಿ ತ್ರಿ-ಲಿಪಿ ಕೊಂಕಣಿ ಸಾಹಿತ್ಯಿಕ್ ಸರ್ತ್ (ಕೊಂಕಣಿಂತ್ಲಿ ಪಯ್ಲಿ ತ್ರಿ-ಲಿಪಿಚಿ ಸಾಹಿತ್ಯಿಕ್ ಸರ್ತ್)
2019: ಪಯ್ಣಾರಿ-ವೀಜ್ ಸಾಹಿತ್ಯಿಕ್ ಸರ್ತ್ (ವಿಲ್ಫಿ ರೆಬಿಂಬಸ್ ಸ್ಮಾರಕ್)
2020: ಪಯ್ಣಾರಿ-ವೀಜ್ ಸಾಹಿತ್ಯಿಕ್ ಸರ್ತ್ (ವಿಲ್ಫಿ ರೆಬಿಂಬಸ್ ಸ್ಮಾರಕ್)
2020: ಆಶಾವಾದಿ ಅಂತರ್‌ರಾಷ್ಟ್ರೀಯ್ ಕೊಂಕಣಿ ಐಕೊನ್ ಪುರಸ್ಕಾರ್: ಡೊ.ಆಸ್ಟಿನ್ ಡಿಸೊಜ್ ಪ್ರಭು, ಚಿಕಾಗೊ.
2021: ಪಯ್ಣಾರಿ-ವೀಜ್ ಸಾಹಿತ್ಯಿಕ್ ಸರ್ತ್ (ವಿಲ್ಫಿ ರೆಬಿಂಬಸ್ ಸ್ಮಾರಕ್)
2021: ಆಶಾವಾದಿ ಅಂತರ್‌ರಾಷ್ಟ್ರೀಯ್ ಕೊಂಕಣಿ ಐಕೊನ್ ಪುರಸ್ಕಾರ್: ಎಸ್.ಕೆ.ಎಸ್. ಕೊಂಕಣಿ ಸಂಘಟನ್, ಲಂಡನ್
ಕವಿ ಆನಿ ಕವಿತಾ (2020-21 ಇಸ್ವೆಂತ್ ಚಲಯಿಲ್ಲಿ ಮ್ಹಯ್ನ್ಯಾಳಿ ಕವಿತಾ ಬರಂವ್ಚಿ ಸರ್ತ್)
ಪಯ್ಣಾರಿ 2021 ವರ್ಸಾಚೊ ಕವಿ: ನೀಲ್ಬಾ ಖಾಂಡೆಕರ್
ಕವಿ ಆನಿ ಹಕ್ಕ್-ಮಾನ್ (2021-22 ಇಸ್ವೆಂತ್ ಚಲಯಿಲ್ಲಿ ಮ್ಹಯ್ನ್ಯಾಳಿ ಕವಿತಾ ಬರಂವ್ಚಿ ಸರ್ತ್)
ಪಯ್ಣಾರಿ 2023 ವರ್ಸಾಚೊ ಕವಿ: ಪ್ರಕಾಶ್ ದಾ. ನಾಯ್ಕ್
ಪಯ್ಣಾರಿ 2024 ವರ್ಸಾಚೊ ಕಥಾಕಾರ್: ಡೊ. ಎಡ್ವರ್ಡ್ ಎಲ್. ನಜ್ರೆತ್
ಪಯ್ಣಾರಿ 2025 ವರ್ಸಾಚೊ ಕಥಾಕಾರ್: ಬಾಪ್ ಚೇತನ್ ಲೋಬೊ
Firsts in Konkani language
ಇ-ಪುಸ್ತಕ್
ಇ-ಪುಸ್ತಕ್: ಎಲೆಕ್ಟ್ರೊನಿಕ್ ಮಾಧ್ಯಮಾಚೆರ್ ರಚ್ಲಲೆಂ ಸಾಹಿತ್ಯ್, ಡಿಜಿಟಲ್ ಮಾಧ್ಯಮಾಚೆರ್ ಪ್ರಸಾರಣ್ ಜಾಲ್ಲೆಂ, ತಶೆಂಚ್ ಡಿಜಿಟಲ್ ಮಾಧ್ಯಮಾಚೆರ್ ಇ-ಪುಸ್ತಕಾರುಪಾಚೆರ್ ಆಯಿಲ್ಲೆಂ ಇ-ಪುಸ್ತಕ್ ಜಾತಾ. ದಾಯ್ಜ್.ಕೊಮ್ ವೆಬ್‌ಸಾಯ್ಟಿಚೆರ್ ’ಕವಿತಾದಾಯ್ಜ್’ ಅಂಕಣಾಚೆರ್ ಪ್ರಸಾರ್ ಜಾಲ್ಲ್ಯಾ 100 ಕವಿತೆಂಕ್ ಆಶಾವಾದಿ ಪ್ರಕಾಶನಾನ್ 2005 ಇಸ್ವೆಂತ್ ’ಸಾಗೊರಾಚ್ಯಾ ವಾಟೆಚ್ಯೊ ಝರಿ’ ಇ-ಪುಸ್ತಕಾರುಪಾರ್, 2006 ಇಸ್ವೆಂತ್ ಹೆಂಚ್ ಪುಸ್ತಕ್ ಪ್ರಿಂಟ್ ರುಪಾರ್ ಪರ್ಗಟ್ಲಾಂ. (ಕಂಪ್ಯೂಟರಾಚೆರ್ ಟೈಪ್ ಕರುನ್ ಪಿಡಿಎಫ್ ಫೊರ್ಮ್ಯಾಟಾಚೆರ್ ಕೆಲ್ಲೆಂ ಪುಸ್ತಕ್ ಡಿಜಿಟಲ್ ಪುಸ್ತಕ್ ಜಾತಾ ಶಿವಾಯ್ ಇ-ಪುಸ್ತಕ್ ನ್ಹಯ್).
ಇ-ಪುಸ್ತಕಾಂ
2005
ಸಾಗೊರಾಚ್ಯಾ ವಾಟೆಚ್ಯೊ ಝರಿ (ಕಾನಡಿ)
2021
ವಿಲ್ಫಿ ರೆಬಿಂಬಸಾಚ್ಯೊ ಕಥಾ (ಕಾನಡಿ)
ವಿಲ್ಫಿ ರೆಬಿಂಬಸಾಚ್ಯೊ ಕಥಾ (ನಾಗರಿ)
ವಿಲ್ಫಿ ರೆಬಿಂಬಸಾಚ್ಯೊ ಕಥಾ (ರೋಮಿ)
ನವಿ ದಿಶಾ (ನಾಗರಿ)
ಛಾಬೂಕ್ ಆನಿ ಹೆರ್ ಕಥಾ
ಫಾಂತ್ಯಾಪಾರಾಚೆಂ ಸಪಣ್
ಸಿಸಿಫಸ್ ತೆಂಗ್‌ಶೆರ್ (ಕಾನಡಿ)
ಇಂದ್ರಧೊಣು ಉದೆಂವ್ (ಕಾನಡಿ)
ಆತ್ಮನಾದ್ (ಕಾನಡಿ)
ಆತ್ಮನಾದ್ (ನಾಗರಿ)
2022
ಚಲ್ ದೋನ್ ಚಂದ್ರಾಂಕ್ (ಕಾನಡಿ)
ಚಲ್ ದೋನ್ ಚಂದ್ರಾಂಕ್ (ನಾಗರಿ)
ಕಥಾವಿಹಾನ್ (ಕಾನಡಿ)
ಕಥಾವಿಹಾನ್ (ನಾಗರಿ)
ಕಥಾವಿಹಾನ್ (ರೋಮಿ)
ಮನಸ್ಫೋಟ್ (ನಾಗರಿ)
ಮನಾಚೆಂ ನಾತೆಂ (ನಾಗರಿ)
ಪಡ್‌ಸಾದ್ (ನಾಗರಿ)
ತಾಂಬ್ ಸುರ್ಯಾ ಹಾಂವ್ (ನಾಗರಿ)
ಸತ್ಯಕಾಮ (ನಾಗರಿ)
ಮಾಯ್ (ನಾಗರಿ)
2022
ಲೋಕ್‌ಡಾವ್ನ್ (ಕಾನಡಿ, ನಾಗರಿ, ರೋಮಿ)
ಪಯ್ಣಾರಿ ಜರ್ನಲ್ (ಕಾನಡಿ)
ಪಯ್ಣಾರಿ ಜರ್ನಲ್ (ನಾಗರಿ)
ಪಯ್ಣಾರಿ ಜರ್ನಲ್ (ರೋಮಿ)
ಸುರ್ಯೊ ಉದೆಲಾ (ಕಾನಡಿ)
ಕ್ಯಾಥರೀನ್ ರೊಡ್ರಿಗಸಾಚ್ಯೊ ಕಥಾ (ಕಾನಡಿ)
ಸಾಂಕವ್ (ಕಾನಡಿ)
ಸಾಂಕವ್ (ರೋಮಿ)
ಆಪ್ಲೊ ಪರ್ಕಿ (ಕಾನಡಿ)
ಆಪ್ಲೊ ಪರ್ಕಿ (ನಾಗರಿ)
2023
ಕವಿ ಆನಿ ಕವಿತಾ (ನಾಗರಿ)
ಮೌನ್ ಶಬ್ಧ್ (ನಾಗರಿ)
ಆತ್ಮ್‌ನಾದ್ (ವೈಷ್ಣವಿ. ಪಿ. ರಾಯ್ಕರ್)
ಸಾಳಕಾಚ್ಯಾ ಸಿರಿವಂತಾಚ್ಯೊ ಕಥಾ (ಕಾನಡಿ)
ಸಾಳಕಾಚ್ಯಾ ಸಿರಿವಂತಾಚ್ಯೊ ಕಥಾ (ನಾಗರಿ)
ಸಾಳಕಾಚ್ಯಾ ಸಿರಿವಂತಾಚ್ಯೊ ಕಥಾ (ರೋಮಿ)
ಪಯ್ಣಾರಿ ಜರ್ನಲ್ (ಕಾನಡಿ)
ಪಯ್ಣಾರಿ ಜರ್ನಲ್ (ನಾಗರಿ)
2024
ಮೃಗಜಳ್ (ಕಾನಡಿ, ಡೊ.ಎಡ್ವರ್ಡ್ ಎಲ್. ನಜ್ರೆತ್)
ಮೃಗಜಳ್ (ನಾಗರಿ, ಡೊ.ಎಡ್ವರ್ಡ್ ಎಲ್. ನಜ್ರೆತ್)
ತಿಚಿ ಕಾಣಿ (ಕಾನಡಿ, ಡೊ.ಜಯಂತಿ ನಾಯ್ಕ್)
ಪಯ್ಲಿ ಭೆಟ್ (ನಾಗರಿ, ಮಾ. ರೋಯ್ಸನ್ ಫೆರ್ನಾಂಡಿಸ್)
ಆಮ್ಗೆಲ್ಯೊ ಕೊಂಕಣಿ ಕಾಣಿಯೊ (ಕಾನಡಿ, ಮಾ.ಜೇಸನ್ ಪಿಂಟೊ)
ಆಮ್ಗೆಲ್ಯೊ ಕೊಂಕಣಿ ಕಾಣಿಯೊ (ನಾಗರಿ, ಮಾ.ಜೇಸನ್ ಪಿಂಟೊ)
ಸಪ್ಣಾಂತ್ಲ್ಯಾ ಗಾಂವ್ಚಾಚಿ ವಾಟ್ (ಕಾನಡಿ, ಉದಯ್ ಮ್ಹಾಂಬ್ರೊ)
ಮ್ಹಾತಾರೊ ಆನಿ ದರ್ಯಾ (ತರ್ಜಣ್, ಜೆ. ವಿ. ಕಾರ್ಲೊ)
2025
ಕಾತ್ರಿನ್ (ಕಾನಡಿ, ಕಾದಂಬರಿ, ವಿಲ್ಲಿ ಗೋಯೆಸ್)
ದರ್ಯೊ ಗಾಜೊತಾ (ಕಾನಡಿ, ಲಿಪ್ಯಂತರಣ್, ಸೈಂಟ್ ಝೇವಿಯರ್ಸ್ ಕೊಲೆಜಿಚ್ಯಾ ಇಂಟರ್ನ್‌ಶಿಪ್ ವಿಧ್ಯಾರ್ಥಿಂನಿ)
2026
ಕಥನ್ (ನಾಗರಿ, ಅಧ್ಯಯನ್, ವಲ್ಲಿ ಕ್ವಾಡ್ರಸ್)
ಆ-ಪುಸ್ತಕ್
ಆ-ಪುಸ್ತಕ್ (ಆಡಿಯೊ ಪುಸ್ತಕ್): ಯೂಟ್ಯೂಬಾಂತ್ಲ್ಯಾ ’ಆಶಾವಾದಿ ಪ್ರಕಾಶನ್’ ಚ್ಯಾನಲಾಚೆರ್ ಪ್ರಸಾರಣ್
2018 ಇಸ್ವೆಂತ್ ಕೊಂಕಣಿಂತ್ಲೆಂ ಪಯ್ಲೆಂ ಆ-ಪುಸ್ತಕ್ - ’ಕಥಾದಾಯ್ಜ್’, (ವಲ್ಲಿ ಕ್ವಾಡ್ರಸಾಚ್ಯಾ 30 ಮೊಟ್ವ್ಯಾ ಕಾಣಿಯಾಂಚೆಂ ಹೆಂ ಪುಸ್ತಕ್. )
2018: ಸುರ್ಯೊ ಉದೆತಾ (ರಾಷ್ಟ್ರೀಯ್ ಮಟ್ಟಾಚ್ಯೊ 27 ಕೊಂಕಣಿ ಮೊಟ್ವ್ಯೊ ಕಥಾ)
2020: ಮಾಯಾನಗರಿ (ವಲ್ಲಿ ಕ್ವಾಡ್ರಸಾಚ್ಯೊ ಮುಂಬಯ್‌ಚ್ಯೊ ಮೊಟ್ವ್ಯೊ ಕಥಾ)
2020: ಲೊಕ್‌ಡಾವ್ನ್ (ಕೊಂಕಣಿಂತ್ಲೆಂ ಪಯ್ಲೆಂ ಕವಿತೆಂಚೆಂ ಆಡಿಯೊ ಪುಸ್ತಕ್)
2020: ಸುರ್ಯೊ ಉದೆಲಾ (ರಾಷ್ಟ್ರೀಯ್ ಮಟ್ಟಾಚ್ಯೊ 27 ಕೊಂಕಣಿ ಮೊಟ್ವ್ಯೊ ಕಥಾ)
2021: ವಿಲ್ಫಿ ರೆಬಿಂಬಸಾಚ್ಯೊ ಕಥಾ (ಕಥೆಂಚೆಂ ಆಡಿಯೊ ಪುಸ್ತಕ್)
2022: ಕಥಾಮೃತ್ (ಕ್ಲೆರೆನ್ಸ್ ಕೈಕಂಬಾಚ್ಯೊ 20 ಮೊಟ್ವ್ಯೊ ಕಥಾ)
2023: ಕಥಾಝರ್ (ಕಥಾ ಸಂಕಲನ್ 60 ಮೊಟ್ವ್ಯೊ ಕಥಾ)
2024: ಮೃಗಝಳ್ (ಡೊ. ಎಡ್ವರ್ಡ್ ಎಲ್. ನಜ್ರೆತಾಚ್ಯೊ 20 ಮೊಟ್ವ್ಯೊ ಕಥಾ)
2024: ಕಥಾಹಾರ್ (ಪರ್ನ್ಯೊ ಕಥಾ ಆಟಾಪ್ಚೆಂ ಸಂಕಲನ್ 35 ಮೊಟ್ವ್ಯೊ ಕಥಾ)
2024: ಕಥನ್ (ಕಾಥೊಲಿಕ್ ಪಾದ್ರಿ ಕಥಾಕಾರಾಂಚ್ಯೊ ಕಥಾ)
2025: ಸ್ಟೇನ್ ಅಗೇರಾಚ್ಯೊ ಕಥಾ (ಸ್ಟೇನ್ ಅಗೆರಾಚ್ಯೊ 30 ಮೊಟ್ವ್ಯೊ ಕಥಾ)
2025: ಗೋಲಿಮಾರ್‌ಚ್ಯೊ ಕಥಾ (ಡೊ. ಎಡ್ವರ್ಡ್ ಎಲ್. ನಜ್ರೆತಾಚ್ಯೊ 20 ಮೊಟ್ವ್ಯೊ ಕಥಾ)
2026: ಕೆ.ಬಿ.ಎಸ್. (ಕಥಾ ಸಂಕಲನ್ )
2026: ಎಡ್ವಿನ್ ಜೆ. ಎಫ್. ಡಿಸೊಜಾಚ್ಯೊ ಕಥಾ
2026: ಕ್ಯಾಥರಿನ್ ರೊಡ್ರಿಗಸಾಚ್ಯೊ ಮೊಟ್ವ್ಯೊ ಕಥಾ (50 ಕಥಾ)
ವಿ-ಪುಸ್ತಕ್
ವಿ-ಪುಸ್ತಕ್ (ವಿಡಿಯೊ ಪುಸ್ತಕ್)
2026: ಕಾವ್ಯಾಂಜಲಿ (ಆಂಡ್ರ್ಯೂ ಎಲ್. ಡಿಕುನ್ಹಾಚ್ಯೊ ಕವಿತಾ) - ಕೊಂಕಣಿಂತ್ಲೆಂ ಪಯ್ಲೆಂ ವಿ-ಪುಸ್ತಕ್
ಲಿಪಿಭಾಯ್ಲಿ ಕೊಂಕಣಿ
’ಕೊಂಕಣಿ ಬಿಯೊಂಡ್ ಸ್ಕ್ರಿಪ್ಟ್ (ಲಿಪಿಭಾಯ್ಲಿ ಕೊಂಕಣಿ)’.
ದಿಶ್ಟಾವೊ:
ಕೊಂಕಣಿ ಸಾಹಿತ್ಯಾ ಖಾತೀರ್ ಎಕ್ ಎಕಾತ್ರಿತ್ ಆನೀ ಸಗಳ್ಯಾಂಕ್ ಸಹಜ್ ಉಪಲಬ್ಧ್ ಜಾಂವ್ಚೆಂ ಡಿಜಿಟಲ್ ಪರಿಸಂಸ್ಥಾ ಉಭಾರ್ಚೆಂ, ಭಾಶೆಚ್ಯಾ ಆನಿ ಲಿಪಿಚ್ಯಾ ಅಡ್ಕಾಳ್ಯಾಂಕ್ ನಿವ್ರಾಂವ್ಚೆ ಸಾಂಕವ್ ಭಾಂದ್ಚೆಂ, ತಶೆಂಚ್ ಫುಡ್ಲ್ಯಾ ಜನಾಂಗಾಕ್ ಉಪ್ಕಾರಾಕ್ ಪಡ್ಚೆಂ ಸಾಹಿತ್ಯ್ ಜೊಗಾಸಾಣೆನ್ ಸಾಂಬಾಳುನ್ ದವರ್ಚೆಂ.
ಮಿಸಾಂವ್:
ರೊಮಿ, ಕನ್ನಡ ಆನಿ ನಾಗರಿ ಹ್ಯಾ ಲಿಪಿಂಚೊ ಸಮಾವೆಶ್ ಕರೂನ್, ವೆಗ್‌ವೆಗಳ್ಯಾ ಲಿಪಿಂತಲೆಂ ಕೊಂಕಣಿ ಸಾಹಿತ್ಯ್ ಡಿಜಿಟಲೀಕರಣ್ ಕರುನ್ ತಾಚಿ ಜತನ್ ಕರ್ಚೆಂ.
ಲಿಪಿಂಚ್ಯೊ ಗಡಿ ಉತ್ರೊಂಕ್ ಸಲೀಸ್ ಕರುನ್ ಸಲೀಸಾಯೆರ್ ಹೆರ್ ಲಿಪಿಂತ್ಲ್ಯಾ ಕೊಂಕಣಿ ಸಾಹಿತ್ಯಾಚಿ ಉಪಲಬ್ಧ್ ಕರ್ಚಿಂ ವ್ಯಾಸ್‍ಪೀಠಾಂ ತಯಾರ್ ಕರ್ಚೆಂ.
ಸಾಹಿತ್ಯಾ ಮುಖಾಂತ್ರ್ ವೆವೆಗ್ಳ್ಯಾ ಕೊಂಕಣಿ ಬೊಲಿ-ಸಮುದಾಯಾಂಕ್ ಮೆತೆರ್ ಕರ್ಚಿಂ ಸಮಾವೆಶಾಂ ಆಸಾ ಕರ್ಚೆಂ.
ಬಹುಲಿಪಿ ಕೊಂಕಣಿ ಅಭ್ಯಾಸಾಂತ್ ಸಂಶೊಧನ್, ಲಿಪ್ಯಂತರಣ್ ಆನಿ ಶೈಕ್ಷಣಿಕ್ ಸಹಭಾಗಾಕ್ ಪ್ರೊತ್ಸಾಹನ್ ದಿಂವ್ಚೆಂ.
ಡಿಜಿಟಲ್ ಸಾಧನಾಂ ವರ್ವಿಂ ನವ್ಯಾ ಪಿಳ್ಗೆಕ್ ಕೊಂಕಣಿ ಭಾಶೆಚೊ ಆನಿ ಸಂಸ್ಕೃತೀಚೊ ಅಭ್ಯಾಸ್, ಸಂವರ್ಧನ್ ಆನಿ ಸಾತತ್ಯ್ ರಾಕಂವ್ಚಾಕ್ ಸಕ್ಷಮ್ ಕರ್ಚೆಂ.
ಕೆ.ಬಿ.ಎಸ್. (ಕೊಂಕಣಿ ಬಿಯೊಂಡ್ ಸ್ಕ್ರಿಪ್ಟ್) ವಿಶಿಂ ಸವಿಸ್ತಾರ್ ವಿವರ್
ಸಂಪರ್ಕ್
ತುಮ್ಚೆ ವಿಚಾರ್, ಸಲ್ಹಾ, ಪ್ರತಿಕ್ರಿಯಾ ಆಮ್ಕಾಂ ಧಾಡುಂಕ್ ಆಮ್ಚೊ ಸಂಪರ್ಕ್:
ವಾಟ್ಸಾಪ್ ಚ್ಯಾನಲ್
ಹಾಂಗಾಸರ್ ಮೊಟ್ವ್ಯಾನ್ ಕಳಂವ್ಕ್
ಯೂಟ್ಯೂಬ್ ಚ್ಯಾನಲ್
ತಿದ್ವಣ್:
ದಾಯ್ಜ್.ಕೊಮ್ ಆನಿ ಪಯ್ಣಾರಿ.ಕೊಮ್ ವೆಬ್‌ಸಾಯ್ಟಿಂತ್ಲೆಂ ವಿಂಚ್ಣಾರ್ ಕೊಂಕಣಿ ಸಾಹಿತ್ಯ್ ಲಿಪ್ಯಂತರಣಾಚೆಂ ಕಾಮ್ ಚಾಲು ಆಸಾ ಜಾಲ್ಲ್ಯಾನ್ ಥೊಡಿಂ ಆಧ್ಲಿಂ ಪಾನಾಂ ಸಾರ್ಕಿಂ ಆಸ್ಚಿಂ ನಾಂತ್. ದಯಾ ಕರ್ನ್ ಸುಧಾರ್ಸುಂಕ್ ವಿನತಿ.
© 2026 ಆಶಾವಾದಿ ಪ್ರಕಾಶನ್ ಸರ್ವ್ ಹಕ್ಕಾಂ ರಾಕೊನ್ ದವರ್ಲ್ಯಾಂತ್.