ಕವಿತಾकविताPoem

ರಾಯಾಚಿ ಫಿರ್ಯಾದ್

[ಕವಿತಾ]

ರಾಯಾಚಿ ಫಿರ್ಯಾದ್

rayachifiryad

ಸಾಹಿತಿಕ್ ಶಿಪಾಯ್‌ಗಾ, ಕವಿಂಚೊ ಹಾಂವ್ ರಾಯ್‌ಗಾ, ಮುಕುಟ್ ಮಾತ್ ನಾ ಮಾತ್ಯಾಕ್ಸಾಂಗೊಂಕ್ ಗೆಲ್ಯಾರ್ ಲಜ್‌ಗಾ, ಪೊಟಾಕ್ ನಾ ಪೇಜ್‌ಗಾ, ಸಾಂಗ್ಚೆಂ ತರ್‌ಯೀ ಕೊಣಾಕ್?

ನೆಮಾಳ್ಯಾಚೊ ಸಂಪಾದಕ್‌ಗಾ, ಪುಸ್ತಕಾಂಚೊ ಪ್ರಕಾಶಕ್‌ಗಾ, ಬೊಬಾಟ್ ಮಾರುಂ ಕಿತ್ಯಾಕ್?ಪೆಂಕ್ಟಾರ್ ನಾ ನಾಡೊ, ಸಂಸ್ರಾಕ್ ಲಜ್ಮಾಂಡಿ ಪಾಡೊ, ಆಸಾ ಕೊಣೀ ಪಾವೊಂಕ್

ದಾಂಡಿಯೆರ್ ರಾಸ್ ಶೊಲಾಂ, ಗುದಾಂವ್ ಭರ್ಲ್ಯಾಂತ್ ಫುಲಾಂ, ಮನ್ ಆಸಾ ಪಳೆಂವ್ಕ್?ಬೊಲ್ಸಾಂತ್ ಆತಾಂ ದೆಡ್ಕಿ ನಾ, ಕಾಳ್ಜಾಂತ್ ದೆಕುನ್ ಉಡ್ಕಿ ನಾ, ಮತಿಕ್ ಕಶೆಂ ಸಮ್ಜಾಂವ್

ನಾಟಕಾಂಚೊ ಸರ್ಧಾರ್‌ಗಾ, ಕಾಣ್ಯಾಂಚೊ ಉಸ್ತಾದ್‌ಗಾ, ಹಾಂವ್ ಲಾಖಾಂನಿ ಏಕ್ಕೊಂಕ್ಣಿ ಮ್ಹಜಿ ಆವಯ್, ಬುಕಾಂಕ್ ಮ್ಹಜ್ಯಾ ವ್ಹಾಳಯ್, ರುದಾನ್ ಕರುಂ ದೆವಾಕ್?

ಗುಮಟ್ ಆಸಾ ಧೊಲ್ ನಾ, ಮಾಂದ್ರಿ ಆಸಾ ವೋಲ್ ನಾ, ಕೊಂಕ್ಣಿ ಜಾಲ್ಯಾ ಫಿಂರ್ಗಿರಾನಾಂತ್ ಮೋರ್ ನಾ, ಗಾಂವಾಂತ್ ಕೀರ್ ನಾ, ಸಾಂಗಾತ್ ಜಾಲಾ ಪರ್ಕಿ

ಸರಸ್ವತಿ ನಂಯ್‍ಚೊ ಘುರ್ತ್‌ಗಾ, ಪಾಂಚ್ ಲಿಪಿಂಚೆಂ ಶರ್ತ್‌ಗಾ, ಆಮ್ಚ್ಯಾ ಮಾಯ್‌ಭಾಸೆಕ್ಲಿಪಿ-ಬೊಲಿಚೆಂ ಝಗ್ಡೆಂ‌ಗಾ, ಕೊಂಕ್ಣೆಂತ್ ಸದಾಂಚ್ ಲಫ್ಡೆಗಾ, ಕಶೆಂ ಧರುಂ ಜುದಾಸಾಂಕ್

ಸತ್ ಸಾಂಗೊಂಕ್ ಜಾಯ್ನಾಂಗಾ, ದೆಕುನ್ ಮಾಂಕೊಡ್ ಜಾಲಾ ವಾಗ್‌ಗಾ, ಶೆರಾಂತಲ್ಯಾ ದರ್ಭಾರಾಂಕ್ರಾಯ್ ಜಾವ್ನ್‌ಚ್ ಉರ್ತಾಂ, ರಿತ್ಯಾ ಪೊಟಾರ್‌ಚ್ ಮೊರ್ತಾಂ, ಫಿಕಿರ್ ಕೊಣಾಕ್ ಕಿತ್ಯಾಕ್?

(2006 ಇಸ್ವೆಚ್ಯಾ ರಾಕ್ಣೊ ರಾಹಿತ್ಯಿಕ್ ಸರ್ತೆಂತ್ ಪಯ್ಲೆಂ ಇನಾಮ್ ಜೊಡ್ಲಲಿ ಕವಿತಾ. )

Watch on YouTube


(2006 ಇಸ್ವೆಂತ್ ’ಕರ್ನಾಟಕ್ ಕೊಂಕಣಿ ಸಾಹಿತ್ಯ್ ಅಕಾಡೆಮಿಚೆಂ ಉತ್ತೀಮ್ ಪುಸ್ತಕ್ ಪುರಸ್ಕಾರ್ ಜೊಡ್ಕಲ್ಯಾ ’ದರ್ಭಾರಾಂತ್ಲಿ ಪಿಂರ್ಗೊಣ್’ ಪುಸ್ತಕಾಂತ್ಲಿ ಘೆತ್ಲ್ಯಾ’.)

Comments 2

  1. Aurelius Pereira, Kandivali

    Rayachi Firyad - meaningful and beautiful poem. 👍
  2. Gerald W Carlo, Hassan

    ವಲ್ಲಿ, ತುಜಿ 'ರಾಯಾಚಿ ಫಿರ್ಯಾದ್' ವಾಚುನ್ ಸಿಸಿಪಸ್ ಹಾಚೊ ಉಗ್ಡಾಸ್ ಆಯ್ಲೊ. ಕಿತೆಂ ಕಷ್ಟ್ ಆಯ್ಲ್ಯಾರೀ ಪರ್ವತಾಚೆರ್ ಖಡಾಪ್ ಲೊಟುನ್ ವರ್ಚಾಂತ್‌ಚ್ ಆಸಾ ಮಜಾ!
Leave a comment

Write in Kannada, Nagari or Romi, whichever you like. He reads every comment before it appears here, so yours will not show straight away. Your name is printed above it.

0 of 2,000 characters

Only your name and your comment are kept - no email address. They stay on the site until he removes them; to have yours taken down, write to him through the contact form and say which one. Privacy.

Author

ವಲ್ಲಿ ಕ್ವಾಡ್ರಸ್

1984 ಇಸ್ವೆ ಥಾವ್ನ್ ಸಾಹಿತ್ಯಿಕ್ ವಾವ್ರ್ ಕರುನ್ ಆಸಾ. ಕಥಾಕಾರ್, ಕವಿ, ಕಾದಂಬರಿಕಾರ್, ವಿಮರ್ಶಕ್, ಸಂಪಾದಕ್, ಪ್ರಕಾಶಕ್ ತಶೆಂಚ್ ತರ್ಜಣ್/ಲಿಪ್ಯಂತರಣಾಚೊ ವಾವ್ರ್ ಕರುನ್ ಆಸಾ. ಕಾಣಿಕ್ (1988-1991), ದಾಯ್ಜ್.ಕೊಮ್ (2003-2013), ಪಯ್ಣಾರಿ.ಕೊಮ್ (2015 ಥಾವ್ನ್), ಕೊಂಕಣ್‌ಗಾರ್ ಪ್ರಕಾಶನ್ (2020-2024), ಆಶಾವಾದಿ ಪ್ರಕಾಶನ್ (2000 ಥಾವ್ನ್) ಸಂಪಾದಕ್ ಜಾವ್ನಾಸಾ. ಕನ್ನಡ, ನಾಗರಿ ತಶೆಂಚ್ ರೊಮಿ ಲಿಪಿಂನಿ ಬರಯ್ತಾ. 

ಪುಸ್ತಕಾ ರುಪಾಚ್ಯೊ ಕಾದಂಬರಿ; ಸಂಘರ್ಷ್ (1991), ತುಂ ಮ್ಹಜೆಂ (1988), ಪಾಟಿಂ ಗಾಂವಾಕ್ (2002). 

ಮೊಟ್ವ್ಯಾ ಕಾಣಿಯಾಂಚಿಂ ಪುಸ್ತಕಾಂ; ಆಶಾವಾದಿ (2001), ಖಿಳೊ (2003), ಕಂಗಾಲ್ ಆನಿ ತಾಚಿ ಕುಕ್ಕೆಹಳ್ಳಿ (2005), ಸತಾಂ ಆನಿ ಖತಾಂ (2005), ಬಂಧ್ (2017), ಸಾಂಕವ್ (2020, ನಾಗರಿಂತ್) ಮಾಯಾನಗರಿ (2022), WFH ಆನಿ ಹೆರ್ ಕಥಾ (2024), ಕವಿತೆಚಿಂ ಪುಸ್ತಕಾಂ ಚ್ಯಾರ್ ಮುಖಾಂ (2002), ಕಟ್‌ಪುತ್ಳಿ (2003), ದರ್ಭಾರಾಂತ್ಲಿ ಪಿಂರ್ಗೊಣ್ (2005), ಬಜಾರ್ (2017), ಭಿತರ್ಲೊ ಕವಿ (2021), 

ಕವಿತಾ ಅಧ್ಯಯನಾಚಿಂ ಪುಸ್ತಕಾಂ; ಕವಿತಾಪಾಠ್ (2005), ದರ್ಯಾಕ್ ಉದಕ್ (2006), ಕಾಳೊಕ್ ನಾತ್ಲೊ ಗಾಂವ್ (2007), ಮುಗ್ದನಾತ್ಲಿಂ ಗಿತಾಂ (2017), ಸುಕ್ತಿ ಭರ್ತಿ (2019). ಕವಿತಾಪಾಠ್ ಮ್ಹಳ್ಳಿಂ ಕವಿತೆಂಚೆರ್ ಅಧ್ಯಯನಾಚಿಂ 50 ವಯ್ರ್ ಕಾಮಾಸಾಳಾಂ ಚಲಯ್ಲ್ಯಾಂತ್.

ಸಂಪಾದಕೀಯಾಂಚಿಂ ಪುಸ್ತಕಾಂ; ಮೊಳ್ಬಾವಯ್ಲಿಂ ಸಪ್ಣಾಂ (2005), ಮುಖಾಮುಖಿ (2017), ಪಡ್ಸಾದ್ (201)

ಕವಿತಾ ಸಂಕಲನಾಚಿಂ ಪುಸ್ತಕಾಂ; ಮೊತಿಯಾಂ ಆನಿ ತಾರಾಂ (2005), ತಿಂತೆರಾಂತ್ ಪಿಂತುರಾಂ (2006), ಉತ್ರಾಂತ್ ಸೂತ್ರಾಂ (2006), ಮಯ್ಲಾ ಫಾತೊರ್ (2020).

ಕಥಾ ಸಂಕಲನಾಂಚಿಂ ಪುಸ್ತಕಾಂ; ವಿಸಾವ್ಯಾ ಶೆಕ್ಡ್ಯಾಚ್ಯೊ ಕಾಣಿಯೊ (2006), ಸುರ್ಯೊ ಉದೆತಾ (2019), ಸುರ್ಯೊ ಉದೆಲಾ (2024), ಕಥಾ ಅಧ್ಯಯನಾಚಿಂ ಪುಸ್ತಕಾಂ; ಕಥಾವಿಹಾನ್ (2025), ಕಥಾಪಾಠ್ (2025), ಚಲ್ ದೋನ್ ಚಂದ್ರಾಂಕ್ (2025), ಸಾಳಕಾಚ್ಯಾ ಸಿರಿವಂತಾಚ್ಯೊ ಕಥಾ (2025), ಕಥನ್ (2026). ಕಥಾಪಾಠ್ ಮೊಟ್ವ್ಯಾ ಕಾಣಿಯಾಂಚೆರ್ 50 ವಯ್ರ್ ಕಾಮಾಸಾಳಾಂ ತಶೆಂಚ್ ವೆಬಿನಾರಾಂ ಚಲಯ್ಲ್ಯಾಂತ್. 

ಭಾರತೀಯ್ ಸರ್ಕಾರಾಚ್ಯಾ ಸಂಸ್ಕೃತಿ ವಿಭಾಗ್ (CCRT) ಥಾವ್ನ್ (The Cultural Aspects of Sidhdhis in Karnataka) ಸಂಶೊಧನಾಂಕ್ ಸೀನಿಯರ್ ಫೆಲೊಶಿಪ್ (2019-2021) ಲಾಭ್ಲಾಂ. ದಿವೊ ಸಾಹಿತ್ಯಿಕ್ ಪುರಸ್ಕಾರ್ (2003), ಕರ್ನಾಟಕ್ ಕೊಂಕಣಿ ಸಾಹಿತ್ಯ್ ಅಕಾಡೆಮಿಚಿಂ ಉತ್ತೀಮ್ ಪುಸ್ತಕಾಂ (2005, 2006, 2018), ಮಥಾಯಸ್ ಕುಟ್ಮಾಚೊ ಕವಿತಾ ಟ್ರಸ್ಟ್ ಪುರಸ್ಕಾರ್ (2019), ವಿಶ್ವ ಕೊಂಕಣಿ ಕೇಂದ್ರಚ್ಯಾ ವಿಮಲಾ ವಿ. ಪೈ. ಫೌಂಡೆಶನಾಚೊ ಪುರಸ್ಕಾರ್, ಸಂಧೇಶ ಪುರಸ್ಕಾರ್ (ಕೊಂಕಣಿ ಸಾಹಿತ್ಯ್, 2023), ದಾಯ್ಜಿ ದುಭಾಯ್ ಸಾಹಿತ್ಯಿಕ್ ಪುರಸ್ಕಾರ್ (2023), ಕೊಂಕಣಿ ಅಕಾಡೆಮಿ ಗೊಂಯ್ ಥಾವ್ನ್ ಮಾಧವ್ ಮಂಜುನಾಥ್ ಕೊಂಕಣಿ ಸೇವಾ ಪುರಸ್ಕಾರ್ (2023) ಲಾಭ್ಲ್ಯಾತ್. 

All 124 pages by this writer

ಸಂಪಾದಕೀಯ್संपादकीयEditorial 14 Nov 2026 Ashawadi Sompadoki-yam | ಆಶಾವಾದಿ ಸಂಪಾದಕೀಯಾಂ | आशावादी संपादकीयां

ಸಂಪಾದಕೀಯ್ - 2. ಕನ್ನಡ ಲಿಪಿಂತ್ ಕೊಂಕಣಿ ಚಳ್ವಳ್?

By ವಲ್ಲಿ ಕ್ವಾಡ್ರಸ್ Ashawadi Sompadoki-yam | ಆಶಾವಾದಿ ಸಂಪಾದಕೀಯಾಂ | आशावादी संपादकीयां

More in Ashawadi

Everything in Ashawadi