ಅಂತರ್‌ಜಾಳಿಂಚೆರ್

ಕೊಂಕ್ಣೆಚಾ ವಿಂಚ್ಣಾರ್ ಸಾಹಿತ್ಯಾಚೊ ಕೊನ್ಸೊ -’ದಾಯ್ಜ್ ’-ಫಕತ್ತ್ ಕೊಂಕಣಿ ಥಾವ್ನ್, ಕೊಂಕಣಿ ಪರ್‍ಯಾಂತ್, ಕೊಂಕಣಿ ಖಾತಿರ್.

ದಾಯ್ಜ್ ಕೊಂಕ್ಣಿ ಸಾಹಿತಿಕ್ ಸ್ಪರ್ಧೊ - 2007 [ಭಾಗ್ ಘೆಯಾ ಆನಿ 40,000 ರುಪ್ಯಾಂಚಿಂ ಇನಾಮಾಂ ಜೊಡಾ]

ಕೊಂಕ್ಣಿ ಸಾಹಿತ್ಯಾಂತ್ಲೆಂ ಅಮೊಲಿಕ್ ಸಾಹಿತ್ಯ್ ಆನಿ ಸಾಹಿತ್‌ಕಾರಾಂಕ್ ಪ್ರೋತ್ಸಾಹ್ ದಿಂವ್ಚಾ ಇರಾದ್ಯಾನ್, ದಾಯ್ಜ್.ಕೊಮ್ ಪಂಗ್ಡಾನ್ ಪಾಟ್ಲ್ಯಾ ತೀನ್ ವರ್ಸಾಂ (2004, 2005, 2006) ಥಾವ್ನ್ ಮಾಂಡುನ್ ಹಾಡ್‌ಲ್ಲೆಪರಿಂ ಹ್ಯಾ ವರ್ಸಾಚೊ ಸ್ಪರ್ಧೊ ’ದಾಯ್ಜ್ ಸಾಹಿತಿಕ್ ಸ್ಪರ್ಧೊ 2007’ ಆಸಾ ಕರುಂಕ್ ಯೆವ್ಜಣ್ ಘಾಲ್ಯಾ. ಕಾನಡಿ ಲಿಪಿಯೆಂತ್ಲ್ಯಾ ಹ್ಯಾ ’ದಾಯ್ಜ್ ಸಾಹಿತಿಕ್ ಸ್ಪರ್ಧೊ’ ಹಾಂತುಂ ಎದೊಳ್‌ಚ್ ಕೊಂಕ್ಣೆಚಾ ಪ್ರತಿಭಾವಂತ್ ತಶೆಂಚ್ ಉದೆವ್ನ್ ಯೆಂವ್ಚಾ ಸಾಹಿತಿಂನಿ ಭಾಗ್ ಘೆವ್ನ್ ’ಏಕ್ ಲಾಖ್’ ರುಪ್ಯಾಂಚಿಂ ಇನಾಮಾಂ ಆಪ್ಣಾಯ್ಲ್ಯಾಂತ್. ಹ್ಯಾ ವರ್ಸಾಚೊ ಸ್ಪರ್ಧೊ ’ದಾಯ್ಜ್ ಸಾಹಿತಿಕ್ ಸ್ಪರ್ಧೊ 2007’ ಕೊಂಕ್ಣೆಂತ್ಲ್ಯಾ ವಿಂಚ್ಣಾರ್ ಸಾಹಿತಿಂಕ್ ಪ್ರೋತ್ಸಾಹ್ ಕರ್ಚಾ ಇರಾದ್ಯಾನ್ ಆಮಿ ಹ್ಯಾ ಸಕಯ್ಲ್ಯಾ ವಿಭಾಗಾಂನಿ ಆಸಾ ಕೆಲಾ;

1. ವಿಮರ್ಸೊ ಬರಂವ್ಚೊ ಸ್ಪರ್ಧೊ [ವಿಶಯ್: ಅಂತರ್‌ಜಾಳಿಂಚೆರ್ ಕೊಂಕ್ಣಿ ಸಾಹಿತ್ಯ್ ಆನಿ ವಾವ್ರ್] (10 ಪಾನಾಂಕ್ ಮಿಕ್ವನಾಯೆ)

2. ಮಟ್ವಿ ಕಾಣಿ ಬರಂವ್ಚೊ ಸ್ಪರ್ಧೊ (ಫುಲ್ ಸ್ಕೇಪಾಚಾ 4-6 ಪಾನಾಂಕ್ ಮಿಕ್ವನಾಯೆ)

3. ಕವಿತಾ ಬರಂವ್ಚೊ ಸ್ಪರ್ಧೊ (ಫುಲ್ ಸ್ಕೇಪಾಚಾ 1-2 ಪಾನಾಂಕ್ ಮಿಕ್ವನಾಯೆ)

ಹರ್‍ಯೆಕಾ ವಿಭಾಗಾಂನಿ ಹಿ ಇನಾಮಾಂ ಆಸ್ತೆಲಿಂ;

ಪಯ್ಲೆಂ ಇನಾಮ್ ರು.5000 (ಭಾರತೀಯ್ ರುಪಯ್ ಪಾಂಚ್ ಹಜಾರ್ ಮಾತ್ರ್)

ದುಸ್ರೆಂ ಇನಾಮ್ ರು.3000 (ಭಾರತೀಯ್ ರುಪಯ್ ತೀನ್ ಹಜಾರ್ ಮಾತ್ರ್)

ತಿಸ್ರೆಂ ಇನಾಮ್ ರು.2000 (ಭಾರತೀಯ್ ರುಪಯ್ ದೋನ್ ಹಜಾರ್ ಮಾತ್ರ್)

ವಿಶೇಸ್ ಇನಾಮಾಂ - 3 [ಭಾರತೀಯ್ ರುಪಯ್ 1000 ಮೊಲಾಚೆ ಕೊಂಕ್ಣಿ ಬೂಕ್ ಆನಿ ಪ್ರಶಸ್ಥಿ ಪತ್ರ್]

ರೆಗ್ರೊ:

1. ಹ್ಯಾ ಸ್ಪರ್ಧ್ಯಾಂತ್ ಕೊಣೆಂಯ್ ಭಾಗ್ ಘೆವ್ಯೆತ್. ಪುಣ್ ಎಕ್ಲ್ಯಾನ್ ಎಕಾ ವಿಭಾಗಾಂತ್ ಎಕ್‌ಚ್ಚ್ ಬರಾಪ್ ಧಾಡ್ಯೆತಾ.

2. ಬರಾಪ್ ಬರವ್ಪ್ಯಾಚೆಂ ಸ್ವಂತ್ ಆಸೊನ್ ಎದೊಳ್ ಖಂಯ್ಸರ್‌ಯೀ ಪರ್ಗೊಟೊಂಕ್ ನಾತ್‌ಲ್ಲೆಂ ವಾ ಪರ್ಗಟ್ಣೆಕ್ ದೀನಾತ್‌ಲ್ಲೆಂ ಜಾವ್ನ್ ಆಸೊಂಕ್ ಜಾಯ್.

3. ಬರ್ಪಾಂ ಧಾಡುಂಕ್ ಅಖ್ರೇಚಿ ತಾರಿಕ್ ದಸೆಂಬ್ರ್ 31, 2007 ಇಸ್ವಿ.

4. ಬರವ್ಪ್ಯಾನ್ ಆಪ್ಲೆಂ ನಾಂವ್, ವಿಳಾಸ್ ಆನಿ ಏಕ್ ತಸ್ವೀರ್ ವೆಗ್ಳ್ಯಾಚ್ಚ್ ಪೆಪರಾಂತ್ ಬರವ್ನ್ ಧಾಡ್ಚೆಂ. (ಹ್ಯಾ ಅಧ್ಲ್ಯಾ ದಾಯ್ಜ್ ಸಾಹಿತಿಕ್ ಸ್ಪರ್ಧ್ಯಾಕ್ ತಸ್ವೀರ್ ಧಾಡ್ಲೆಲ್ಯಾಂನಿ ಪರತ್ ತಸ್ವೀರ್ ಧಾಡಿಜಾಯ್ ಮ್ಹಣ್ ನಾ, ಪುಣ್ ತಸ್ವೀರ್ ಧಾಡಿನಾತ್‌ಲ್ಲಿಂ ಬರ್ಪಾಂ ಆಮಿಂ ಲೆಖಾಕ್ ಧರಿನಾಂವ್).

5. ರೆಗ್ರೊ ಪಾಳಿನಾತ್‌ಲ್ಲಿಂ ವಾ ಬರ್ಪಾಸವೆಂ ಬರವ್ಪ್ಯಾಚೆಂ ನಾಂವ್ ಆಸ್‌ಲ್ಲಿಂ ಬರ್ಪಾಂ ಆಮಿಂ ಸ್ಪರ್ಧ್ಯಾಕ್ ಘೆಂವ್ಚಿಂನಾಂವ್.

6. ಸ್ಪರ್ಧ್ಯಾ ಬಾಬ್ತಿಂ ಕಸಲ್ಯಾಚ್ ಪತ್ರ್‌ವೆವ್ಹಾರಾಕ್ ಆವ್ಕಾಸ್ ಆಸ್ಚೊನಾ.

7. ಬರ್ಪಾಂಕ್ ವ್ಹೊರಾವ್ಣಿ ಕರ್ಚಿ ಜವಾಬ್ಧಾರಿ ’ದಾಯ್ಜ್ ವ್ಹೊರಾಯ್ಣಾರಾಂಚಿ’ ಆನಿ ಇನಾಮಾಂ ಜಿಕ್ಪ್ಯಾಂಚಿಂ ನಾಂವಾಂ ಸಾಯ್ಟಾಂನಿ ತಶೆಂಚ್ ಕೊಂಕ್ಣಿ ಪತ್ರಾಂನಿ ಪರ್ಗಟ್ ಜಾತೆಲಿಂ.

8. ಇನಾಮಾಂ ಜಿಕ್‌ಲ್ಲಿಂ ಬರ್ಪಾಂ ಆಮಿಂ ದಾಯ್ಜ್ ಸಾಯ್ಟಿಚೆರ್, ಮಿತ್ರ್ ಹಾಫ್ತ್ಯಾಳ್ಯಾಚೆರ್ ತಶೆಂಚ್ ದಾಯ್ಜ್ ವಿಶೇಷ್ ಅಂಕೊ 2008 ಹಾಂತುಂ ಪರ್ಗಟ್ ಕರ್ತೆಲ್ಯಾಂವ್.

9. ಬರ್ಪಾಂ ಧಾಡುಂಕ್ ವಿಳಾಸ್: DAAIZ LITERARY COMPETITION 2007. C/O Mithr Konkanni Weekly, 23 Saangaathi Media, 3rd Floor, Emporium Complex, Kankanady, Mangalore 575 002. ಯಾ ಇಮೇಯ್ಲಾ ಮುಖಾಂತ್ರ್ ಬರ್ಪಾಂ ಧಾಡುಂಕ್ ವಿಳಾಸ್ info@daaiz.com.

10. ಇನಾಮಾಂ ಜಿಕ್ಪ್ಯಾಂಚಿಂ ನಾಂವಾಂ ಆಮಿಂ 2008 ಇಸ್ವೆಚಾ ಎಪ್ರಿಲಾಂತ್ ಪರ್ಗಟ್ ಕರ್ತೆಲ್ಯಾಂವ್ ತಶೆಂಚ್ ತಾಂಕಾಂ ಇನಾಮಾಂ ಮಾಯ್/ಜೂನ್ ಮಯ್ನ್ಯಾಂತ್ ದಿತೆಲ್ಯಾಂವ್.

11. ಸ್ಪರ್ಧ್ಯಾಕ್ ಜೊಕ್ತಿಂ ಬರ್ಪಾಂ ನಾತ್ಲ್ಯಾರ್ ಸ್ಪರ್ಧೊ ವಾ ಖಂಚೋಯ್ ವಿಭಾಗ್ ರದ್ದ್ ಕರ್ಚೆಂ ಹಕ್ಕ್ ದಾಯ್ಜಾಚೆಂ ಜಾವ್ನಾಸಾ.

ಸಾಹಿತಿಕ್ ಸ್ಪರ್ಧೊ 2004

ಸಾಹಿತಿಕ್ ಸ್ಪರ್ಧೊ 2005

ಸಾಹಿತಿಕ್ ಸ್ಪರ್ಧೊ 2006

ದಾಯ್ಜ್ ಪಾನಾಕ್

ಅಂತರ್‌ಜಾಳಿಂಚೆರ್

ಸಜ್ಜಿಗೆ

ವಿಚಾರ್-ಉಚಾರ್

ಫ್ಲಾಯ್ಟ್!?