ಕೊಂಕ್ಣೆಚಾ ವಿಂಚ್ಣಾರ್ ಸಾಹಿತ್ಯಾಚೊ ಕೊನ್ಸೊ - ’ದಾಯ್ಜ್’ - ಫಕತ್ತ್ ಕೊಂಕಣಿ ಥಾವ್ನ್, ಕೊಂಕಣಿ ಪರ್ಯಾಂತ್, ಕೊಂಕಣಿ ಖಾತಿರ್.
ಆಮ್ಚಿ ಕೊಂಕ್ಣಿ ಆನಿ ಆಮಿಂ
ವಿನ್ಸಿ ಮೆಲ್ಕಾರ್
ದಾಯ್ಜ್.ಕೊಮಾ೦ತ್ ಮಾ೦ಯ್ ಮಹಿನ್ಯಾ೦ತ್ಲೆಂ
ಸ೦ಪಾದಕೀಯ್ ಆಸ್ಲ್ಲೆಂ ಪಳೆವ್ನ್ ಭೋವ್ ಖುಶ್ ಜಾಲೊ೦ ತರೀ, ತೆಂ ವಾಚುನ್ ತಿತ್ಲೆ೦ಚ್ ದೂಕ್ಯೀ ಭಗ್ಲೆ೦. ಸ೦ಪಾದಕ್ ವಾಲ್ಲಿಯಾಬಾಚಿ೦ ಕಾಳ್ಜಾ೦ಥಾವ್ನ್ ಉಚಾರ್ಲೆಲಿ೦ ಉತ್ರಾ೦ ಆಜ್ ಕೊ೦ಕ್ಣಿಗಾರಾ೦ಚೆ೦ ಕಾಳಿಜ್ ಪಾರ್ಕು೦ಕ್ ಲಾಗ್ಲಿಂ.
ಮನಿಸ್ ಜಾವ್ನ್ ಜಲ್ಮಲ್ಲ್ಯಾಕ್, ಆಪ್ಲ್ಯಾ ಪೊಟಾಚ್ಯಾ ಭುಕೆ ಉಪ್ರಾಂತ್ಯೀ ಭುಕ್ ಆಸ್ತಾ. ತಿ ಫಕತ್ತ್ ದುಡು ಕಮಾಂವ್ಚಿ ವಾ ಆಸ್ತ್ ಘೆಂವ್ಚಿ ನ್ಹಯ್. ಬಗಾರ್ ಆಪ್ಲ್ಯಾ ಆವಯ್ಭಾಶೆಖಾತಿರ್ ಹರ್ಯೆಕ್ಲ್ಯಾನ್ ಕಿತೆಂ ತರ್ಯೀ ಕರಿಜಾಯ್ ಮ್ಹಳ್ಳಿ ಭುಕ್. ತಶೆಂ ಮ್ಹಣೊನ್ ಹಾಂವ್ ಕಾಂಯ್ ಕೊಂಕ್ಣಿ ಪಂಡಿತ್ ವಾ ವಿಧ್ವಾನ್ ನ್ಹಯ್. ಆಜ್ ಕೊ೦ಕ್ಣಿ ಕಿತ್ಲಿ ವ್ಹಾಡ್ಲ್ಯಾ ಮ್ಹಣ್ ಹಾ೦ವ್ ನೆಣಾ ಪುಣ್ ಕೊ೦ಕ್ಣೆ ಖಾತಿರ್ ವಾವುರ್ತೆಲೆ ಸಭಾರ್ ಜಣ್ ಆಸಾತ್ ಮ್ಹಣ್ ಹಾ೦ವ್ ಖ೦ಡಿತ್ ಜಾಣಾ೦.
’ಒಳಗಿನ ಗುಟ್ಟು ಶಿವನೇ ಬಲ್ಲ’ ಮ್ಹಳ್ಳ್ಯಾ ಎಕಾ ಕನ್ನಡ ಗಾದಿಪ್ರಕಾರ್ ಭಿತರ್ಲೊ ಘುಟ್ ಕೊಣಾಕ್ ಕಳಾತ್? ಕೊ೦ಕ್ಣೆ ಖಾತಿರ್ ವಾವುರ್ನ್, ಕೊ೦ಕ್ಣೆ ಖಾತಿರ್ ಆಪ್ಲೊ ಜೀವ್ ಝರಯ್ತೆಲ್ಯಾ೦ಕ್ ಮೆಳ್ಚೆ೦ ಫಕತ್ತ್ ಶಿಣ್ ಮಾತ್ರ್. ಆಪ್ಲ್ಯಾ ಘರಾಚಿ ಕಿತೆ೦ಚ್ ಪರ್ವಾ ಕರಿನಾಸ್ತಾ೦, ಗಾ೦ವಾನ್ ಗಾ೦ವ್ ಭ೦ವೊನ್, ಥ೦ಯ್-ಹಾ೦ಗಾ ವಚೊನ್ ಸ೦ಘ್ - ಸ೦ಸ್ಥೆ ಘಡೊನ್ ಹರ್ಯೆಕ್ಲಾಂಚಿ೦ ಮ್ಹನಾ೦ ಜಿಕೊನ್, ಆಜ್ ಹಿ ಕೊ೦ಕ್ಣಿ ಹ್ಯಾ ಉ೦ಚ್ಲ್ಯಾ ಮಟ್ಟಾಕ್ ಪಾವಯಿಲ್ಲ್ಯಾ ಮಾನೆಸ್ತಾನಿ೦. ತರೀ ತಾ೦ಕಾ೦ ಸಾ೦ಗಾತ್ ದೀ೦ವ್ಕ್ ಆಮ್ಚ್ಯಾನ್ ಜಾಯ್ನಾ, ಪುಣ್ ಆಮಿ೦ ದೆಖ್ಚೆ೦ ತೆ೦ ಫಕತ್ ಭಾಯ್ಲೆ೦ ರೂಪ್ ಶಿವಾಯ್ ತಾ೦ಚೆ೦ ಭಿತರ್ಲೆ೦ ಕಾಳೀಜ್ ನ್ಹಯ್. ಹಾವೆ೦ ಚಿ೦ತ್ಚೆ೦ ತೆ೦ ಕಸಲೆ೦ ಚಿ೦ತಾಪ್? ಆನಿ ಉಲೊ೦ವ್ಚೆ೦ ತೆ೦ ಕಸ್ಲೆ೦ ಉತಾರ್? ತೆ೦ ತಾ೦ಚ್ಯಾ೦ ಮತಿ೦ತ್ ಕಶೆ೦ ಪರಿವರ್ತನ್ ಜಾತಾ ಮ್ಹಳ್ಳೆ೦ ಆಮ್ಕಾ೦ ಪಡೊನ್ ವಚೊನ್ ನಾ, ದುಸ್ರೆ ಸುವಾತೆರ್ ಆಮ್ಕಾ೦ ಆಮ್ಚ್ಯಾ ಕೊ೦ಕ್ಣಿಭಾಶೆ ಥ೦ಯ್ ಕಿತ್ಲೊ ಹುಸ್ಕೊ ಆಸಾ? ಲೇಕ್ ಕರು೦ಕ್ ಗೆಲ್ಯಾರ್ ಕಿತೆ೦ಚ್ ಫಾಯ್ದೊನಾ, ಆಮ್ಕಾ೦ ಆಮ್ಚ್ಯಾ ಭಾಶೆಚೆರ್ ಆಭಿಮಾನ್ ಗೌರಾವ್ ಆಸಾನಾ ಮ್ಹಣ್ ಸಾ೦ಗಾನಾ ಪುಣ್ ಕಿತ್ಲೆಶೆ ಜಣ್ ವಾವುರ್ಲ್ಯಾತ್? ಫಕತ್ ಕಾನ್, ದೊಳೆ ದಾ೦ಪನ್ ಚೊಯ್ತಾತ್ ಶಿವಾಯ್ ಕಿತೆ೦ಚ್ ಕರಿನಾ೦ತ್. ಆಮಿ ಕ್ರೀಸ್ತಾ೦ವ್ ಲೋಕ್ ಶಾ೦ತಿ ಸಾಮಾಧಾನೆಚೆ ಪುಣ್ ಅಮಿ ಗುಪ್ತಿಂ ಕೆಲ್ಲೆ೦ ಮಾತ್ರ್ ಕೊಣಾಯ್ಕಿ ಕಳಾನಾ ಜಾಯ್ತ್. ಬರೆ೦ ಕರು೦ಕ್ ಗೆಲ್ಯ್ಲಾಕ್ ಕಿತ್ಯಾಕ್ ಮುಟಿ ದಿ೦ವ್ಚ್ಯೊ.
ಆಮ್ಚೆ ಸ೦ಘ್-ಸ೦ಸ್ಥೆ ಆಮ್ಚೆ೦ ಖಾತಿರ್ ಆಮ್ಚ್ಯಾ ಕೊ೦ಕ್ಣಿ ಭಾಶೆ ಖಾತಿರ್ ವಾವುರ್ತಾತ್ ತೆ೦ ನೀಜ್, ಕೊ೦ಕ್ಣಿ ಲೋಕ್ ಆಮ್ಚೊಚ್ ಲೋಕ್, ತಾ೦ಕಾ೦ ಸರ್ವಾ೦ಕ್ ಏಕ್ ಕರ್ಚೆ ಧ್ಯೇಯ್ ದವರ್ನ್ ಆಸಾತ್. ಎಕಾಮೆಕಾ ಆಧಾರ್ ಜಾತಾತ್, ದುಬ್ಳ್ಯಾ೦ಕ್ ಕುಮೊಕ್ ಕರ್ತಾತ್ ಹೆ೦ ಆಮಿ ಆಮ್ಚ್ಯಾ ದೊಳ್ಯಾ೦ನಿ ಪಳೆಲ್ಯಾರೀ ಆಮಿ ಮಾತ್ರ್ ದೊಳೆ ಧಾ೦ಪುನ್ ಆಸಾ೦ವ್ ಕಿತ್ಯಾಕ್? ಥೊಡೆ ಪಾವ್ಟಿ೦ ಕಾರ್ಯಿ೦ ಚಲಯ್ತಾತ್, ಸಭಾರ್ ಪಿಕ್ನ್ಕಿಕಾ೦ ದವರ್ತಾತ್ ಆಪ್ಲ್ಯಾ ಸ್ವ೦ತ್ ಖರ್ಚಾನ್ ತರೀ ಆನಿ ಥೊಡೆ ಪಾವ್ಟಿ೦ ಇಲ್ಲೊ ಖರ್ಚ್ ಸಕ್ಡಾ೦ ಕಾಡ್ಚೆ ಎಕ್ಟಾ೦ಯ್ ಕರ್ತಾತ್ ಪುಣ್ ಕಿತ್ಲೆಚೆ೦ ಜಣಾನಿ೦ ಹಾ೦ಕಾ೦ ಹಾತಾಕ್ ಹಾತ್ ದಿಲಾ? ಉಲ೦ವ್ಕ್ ಅಮಿ ಭರ್ಪೂರ್ ಥರಾನ್ ಉಲಯ್ತಾ೦ವ್ ಹೆ೦ ಕಸಲೆ೦ ಉಲವ್ಣೆಂ, ಹೆ ಸ೦ಘ್ ಸಭಾರ್ ದುಡು ಕರ್ತಾತ್ ಸಾಯ್ಭಾ, ಪಾವಾನಾತ್ಲ್ಯಾಕ್ ಆಮ್ಚೆಕಡೆ ಮಾಗ್ತಾತ್,
ತಾ೦ಚ್ಯಾ ಫಾಯ್ದ್ಯಾಕ್ ತೆ ಕರ್ತಾತ್ ಆಮಿ ಕಿತ್ಯಾಕ್ ದೀ೦ವ್ಕ್ ಜಾಯ್?
ಅಮ್ಕಾ೦ ಮೆ೦ಬರ್ಶಿಫ್ ನಾಕಾ, ಆಮ್ಕಾ೦ ಸ೦ಘ್ಯೀ ನಾಕಾ ಮ್ಹಣ್ತಾತ್ ಹೆ೦ ಆಮ್ಚೆ೦ ಸದಾ೦ಚೆ ಉತಾರ್ ಜಾಲಾ೦,ಹೆ೦ ಹಾವೆ೦ ಕಾರ್ಯೆ೦ವೆಳಿ೦ ಮ್ಹಜ್ಯಾ ಸ್ವ೦ತ್ ಕಾನಾನಿ೦ ಆಯ್ಕಾಲಾ೦. ಹಿ ಚೂಕ್ ಮ್ಹಳ್ಳೆ೦ ಕೊಣಾಯ್ಚ್ಯಾ ಮ್ಹತಿ೦ತ್ ತರೀ ವೆತಾ? ಥೊಡೆ ಪಾವ್ಟಿ೦ ಕೊಕ್ಣಿ೦ ಕಾರ್ಯಾ೦ವೆಳಿ೦ ಚೂಕ್ ಜಾತಾ ಜಾಯ್ನಾ ಮ್ಹಣ್ ನಾ, ಸಭಾರ್ ಕಾರ್ಯಾನಿ೦ ಆಮಿ೦ ಕೊ೦ಕ್ಣಿ ಭಾಸ್ ವಿಸ್ರೊನ್ ವೆತಾ೦ವ್, ಕೊ೦ಕ್ಣಿಭಾಸೆಚೆ೦ ಕಾರ್ಯೆ೦ ಮ್ಹಳ್ಯಾ ಉಪ್ರಾ೦ತ್ ತಿ ಕೊ೦ಕ್ಣಿಚ್ಚ್ ಅಸೊ೦ಕ್ ಜಾಯ್. ವಿವಿಧ್ ಜಾಗ್ಯಾನಿ೦ ಕಾರ್ಯಾ೦ವೆಳಿ೦ ಆಯ್ಕಾಲಾ೦ ಹಾವೆ೦ ಕೊ೦ಕ್ಣಿ೦ ಮಿಕ್ಸ್ ರಿಮಿಕ್ಸ್ ಜಾತೆಚ್ಚ್ ಆಸ್ತಾ, ಸಭಾರ್ ಪತ್ರಾ೦ ಜಾ೦ವ್ದಿ, ತಾ೦ಚಿ೦ ಜಾಯ್ರಾತಾಂ ಜಾ೦ವ್ದಿ೦, ಲೇಕ್ ಪಾತ್ರಾ೦ ಹಿ೦ ಸವ್ರ್ ಇ೦ಗ್ಲಿ೦ಶಾ೦ತ್ ಛಾಪುನ್ ಆಸಾ಼ತ್ ಆನಿ ಸುರು ಥಾವ್ನ್ ಆಖೇರ್ ಪರ್ಯ್ಯಾ೦ತ್ ವಾಚ್ಚೆ೦ಯೀ ಆಸಾ, ಹೆ೦ ಸರ್ವ್ ಸಜ್ಜಿಗೆ -ಬಜಿಲ್ ಜಾವ್ನ್ ಕಾನಾ೦ಕ್ ಆಯ್ಕಾತಾ. ಥೊಡೆ ಪಾವ್ಟಿ೦ ಕಾನ್ ಬ೦ದ್ ದವರ್ಯಾಂ ಮ್ಹಣ್ ಭಗ್ಲ್ಲೆಂಯಿ ಆಸಾ. ಹ್ಯಾ ವರ್ವಿಂ ಆಮಿ೦ ಕೊ೦ಕ್ಣಿ೦ ವಿಸರ್ಲ್ಯಾ೦ವ್ಗೀ ಮ್ಹಣ್ ಸಮ್ಜಾನಾ. ಹೆ೦ ಸರ್ವ್ ಗಾ೦ವಾನಿ೦ ಚಲ್ತಾ ಮ್ಹಣ್ ಸಾ೦ಗಾನಾ ಪುಣ್ ಶ್ಹೆರಾಂನಿ ಸಭಾರ್ ಜಾಗ್ಯಾಂನಿ ಚಲ್ತಾ ಜಾಲ್ಲ್ಯಾನ್ ಸಾ೦ಗಾಜಾಯ್ ಪಡ್ತಾ ಹ್ಯಾ ವರ್ವಿ೦ ಖೊ೦ಕುನ್ ಉಲಯ್ತೆಲ್ಯಾಂಕ್ ಉಲಂವ್ಕ್ ಆವ್ಕಾಸ್ ಮೆಳ್ತಾ.
ಹೆ ಸ೦ಘ್ - ಸ೦ಸ್ಥೆ , ಹಿ೦ ವೆಬ್ಸಾಯ್ಟಾ೦, ಹಿ೦ ಪತ್ರಾ೦ ಕಿತ್ಯಾಕ್? ಹಾಚೊ ಮೂಳ್ ಉದ್ದೇಶ್ ಕಸಲೊ ಮ್ಹಳ್ಳೆ೦ ಸಮ್ಜೊ೦ಚೆ ಥೊಡ್ಯಾಚ್ಚ್ ಲೊಕಾನಿ೦, ತ್ಯಾ ದೆಕುನ್ ಕೊ೦ಕ್ಣಿ೦ ಭಾಸ್ ಆಜೂನಿ ಭಿಕ್ಕೂನ್ -ಭಿಕ್ಕೂನ್ ಹಳೂ ವಯ್ರ್ರ್ ಯೇವ್ನ್ ಆಸಾ, ಜರ್ ತರ್ ಆಮ್ಚಿ ಮೊಗಾಚಿ ಕೊ೦ಕ್ಣಿ ಆಮ್ಚ್ಯಾ ಬಳ್ವ೦ತ್ ಜಾಯ್ಜೆ ತರ್ ಪಯ್ಲ್ಲೆ ಸುವಾತೆರ್ ಆಮ್ಚ್ಯಾ ಕುಟ್ಮಾ೦ನಿ ಪಾಳಾ೦ ರೊ೦ಬ೦ವ್ನ್ ತಾಚೊ ಪೋಸ್ ಕರು೦ಕ್ ಜಾಯ್ ಹೆ೦ ಆಮ್ಚೆ೦ ಪಯ್ಲೆ೦ ಮೆಟ್ ಜಾವ್ನಾಚ್ಚೆ೦, ಆನಿ ದುಸ್ರೆ೦ ಸಭಾರ್ ನಾ೦ವಾನಿ ಛಾಪ್ಲಲೆ ಕೊ೦ಕ್ಣಿ೦ ಹಾಫ್ತ್ಯಾಳಿ೦, ಮ್ಹಯ್ನ್ಯಾಳಿ೦ ಪತ್ರಾ೦, ವಿವಿಧ್ ಬೂಕ್ ಯೇವ್ನ್ಂಚ್ ಆಸಾತ್ ಸಭಾರ್ ಜಣಾ೦ಚ್ಯಾ ಘರಾ೦ನಿ ನಾ೦ತ್ ತರೀ ಆಮಿ೦ ಕಾಣ್ಗೆ೦ವ್ಕ್ ಪ್ರಯತನ್ ಕರ್ಯಾಂ. ಆನಿ ಸಭಾರ್ ವೆಬ್ಸಾಯ್ಟಾ೦ ಕೊಂಕ್ಣೆಂತ್ ಆಸಾತ್. ತಿಂ ಆಮಿ ವಾಚುನ್ ಪಳೆವ್ಯಾಂ. ಆಮ್ಕಾ೦ ಕಳಿತ್ ನಾ೦ ತರೀ ದುಸ್ರ್ಯಾ೦ಕಡೆ ವಿಚಾರ್ ಕರುನ್ ತಾ೦ಚೆ೦ಕಡೆ ವಿಚಾರ್ಲ್ಯಾರ್ ಆಮಿ೦ ಕಾ೦ಯ್ ಲ್ಹಾನ್ ಜಾಯ್ನಾ೦ವ್, ಆನಿ ಕೊ೦ಕ್ಣೆ೦ ಖಾತಿರ್ ವಾವ್ಯರ್ತೆಲ್ಯಾ೦ಕ್ ಆಮಿ೦ ಸವ್ರಾ೦ನಿ೦ ಖಾ೦ಬೊ ಜಾವುನ್ ಕೊ೦ಕ್ಣೆಕ್ ಬಳ್ವ್೦ತ್ ಕರು೦ಕ್ ಮ್ಹನ್ ಕರುಯಾ೦, ನಾ೦ ತರ್ ತಿ ಭಾಸ್ ಆಳ್ವೊ೦ಕ್ಯೀ ಪುರೊ. ಹರ್ಯೇಕಾ ಕೊ೦ಕ್ಣಿ ಕಾರ್ಯ್ಯಾ೦ತ್ ಭಾಗ್ ಘೆವ್ನ್, ಹಾ೦ವ್ ತು೦ ಮ್ಹಳ್ಳೆ೦ ಸೊಡುನ್ ಆಮಿ೦ ಸರ್ವ್ ಏಕ್ ಮ್ಹಳ್ಳೆ೦ ದಾಖ೦ವ್ಕ್ ಜಾಯ್, ಆಮಿ೦ ಕೊಣಾಯ್ಕಿ ಲ್ಹಾನ್ ಕರ್ಚೆಂ ನ್ಹ೦ಯ್, ಜೀಬ್ ಆಸಾ ಮ್ಹಣೊನ್ ವಿಕಾಳ್ ಉತ್ರಾನಿ೦ ವಾ ಕನ್ರ್ಯಾನಿ೦ ಆನ್ಯೆಕ್ಲ್ಯಾಕ್ ಉಲೊ೦ವ್ಚೆ೦ ನ್ಹಯ್, ಸದಾ೦ಚ್ ಕೊ೦ಕ್ಣೆ೦ ಖಾತಿರ್ ವಾವ್ಯುರ್ತೆಲ್ಯಾ೦ಕ್ ಸಾ೦ಗಾತ್ ದೀವ್ನ್, ಕೊ೦ಕ್ಣೆಚೊ ಬಾವ್ಟೊ ಆಮಿ೦
ಉಭವ್ಯಾಂ.
About us | Feedback | Contact us
Copyright ©
2005 DAAIZ.COM All rights reserved.
Page concept, designed and maintained by Ashawadi Publications