ಬೊರಿವ್ಲಿ

ಬೊರಿವ್ಲಿ ಐ.ಸಿ.ಕೋಲೊನಿಂತ್ ಮೊಂತಿ ಸಾಯ್ಭಿಣೆಚೆಂ ಫೆಸ್ತ್

ಕೆನರಾ ಕೊಂಕಣಿ ವೆಲ್ಫೇರ್ ಎಸೋಸಿಯೇಶನ್ ಬೊರಿವ್ಲಿ (ರಿ) ಹಾಣಿ ಹ್ಯಾಚ್ ಸಪ್ತೆಂಬರ್ ಇಕ್ರಾ ತಾರಿಕೆರ್ ಬೊರಿವ್ಲಿಚ್ಯಾ ಐಸಿ ಕೊಲೊನಿಂತ್ಲ್ಯಾ ಇಗರ್ಜೆಂತ್ ಮೊಂತಿ ಫೆಸ್ತಾಚೆಂ ಆಚರಣ್ ಭೋವ್ ಗದ್ದಾಳಾಯೆನ್ ಕೆಲೆಂ. ಇಗರ್ಜೆಚ್ಯಾ ಗೇಟಿಲಾಗಿಂ ಫುಲಾಂ ಉಡಂವ್ನ್, ನವೆಂ ಬೆಂಜಾರ್ ಕರುನ್, ಕಣ್ಶಿ ಬೆಂಜಾರ್ ಕರುನ್ ಕಾರ್ಯಾಚಿ ಸುರ್ವಾತ್ ಕೆಲಿ. ಉಪ್ರಾಂತ್ ಪುರ್ಶಾಂವಾರ್ ಲೋಕ್ ಇಗರ್ಜೆಕ್ ಚಮ್ಕಾಲೊ.

ಫಿರ್ಗಜ್ ವಿಗಾರ್ ಬಾಪ್ ಬಾರ್ತಲೊ ಬಾರೆಟ್ಟೊ ಸವೆಂ ಬಾಪ್ ವಿನ್ಸೆಂಟ್ ಬಾರ್ಬೊಜಾ, ಬಾಪ್ ಮೆಲ್‌ರೋಯ್ ಮೆಂಡೋನ್ಸಾ, ಬಾಪ್ ಆಶ್ಲಿನ್ ಚಾಂದ್ ಆನಿ ಬಾಪ್ ಆಸ್ಕರ್ ಮೆಂಡೋನ್ಸಾ ಹಾಣಿ ಮಿಸಾಚಿ ಸಹಭೆಟವ್ಣಿ ಕೆಲಿ.

ಸಾಂಸ್ಕೃತಿಕ್ ಕಾರ್ಯವಳ್ ಇಗರ್ಜೆಚ್ಯಾ ಹೊಲಾಂತ್ ಮಾಂಡುನ್ ಹಾಡ್‌ಲ್ಲೆಂ. ಚಾರ್ಲ್ಸ್ ಡಿ’ಕುನ್ಹಾಚ್ಯಾ "ಮೋಂತಿ ಫೆಸ್ತ್" ಪದಾಸವೆಂ ಕಾರ್ಯಾಚಿ ಸುರ್ವಾತ್ ಜಾಲಿ. ಜೂಲಿಯಸ್, ಚಾರ್ಲ್ಸ್, ವೆರೊನಿಕಾ, ಕ್ಲಿಂಟನ್ ಆನಿ ಫ್ರಾಂಕಿ ಡಿ’ಸೋಜಾ ಹಾಣಿ ಹಾಸ್ಯ್ ನಾಟ್ಕುಳೆ ಪ್ರದರ್ಶಿತ್ ಕೆಲೆ.

ಕ್ಲೆಯೊನಾ, ಅನಿಸ್ಸಾ, ರೊನಿಟಾ ಆನಿ ಲೊನಿಟಾ ಹಾಣಿ ನಾಚ್ ಪ್ರದರ್ಶಿತ್ ಕೆಲೊ. ಲಿನೆಟ್ ನೊರೊನ್ಹಾ, ಫ್ರೇಂಕಿ ಡಿ’ಸೋಜಾ, ಸುನಿತಾ ಡಿ’ಸೋಜಾ, ಜ್ಯೂಲಿಯಸ್ ಪಿಂಟೊ, ಆಶ್ಲೀ ಕುಟಿನ್ಹೊ ಆನಿ ಕ್ಲಿಂಟನ್ ಹಾಣಿ ಪದಾಂ ಗಾಯ್ಲಿಂ.

ದಾಕ್ಟುಲಿಂ ಮಾಣ್ಕುಲಿಂ ಮಾರಿಯೊಲಾ ಡಿ’ಸೋಜಾ ಆನಿ ರಮೊನಾ ಲೋಬೊ ಹಾಂಚೆಂ ಗೀತ್ ಪ್ರೇಕ್ಶಕಾಂ ಚಡ್ ಆವಡ್ಲೆಂ. ರೋಬರ್ಟ್, ಜಾನೆಟ್ ಆನಿ ಮೋನಿಸ್ ಹಾಣಿ ಜೋಸೆಫ್ ಡಿ’ಸೋಜಾ ವಿರಚಿತ್ "ಮೋತ್ ಮ್ಹಜಿ ಉಜ್ವಾಡಾಯ್" ನಾಂವಾಚೊ ನಾಟ್ಕುಳೊ ಖೆಳವ್ನ್ ದಾಖಯ್ಲೊ.