ಕೊಂಕ್ಣೆಚಾ ವಿಂಚ್ಣಾರ್ ಸಾಹಿತ್ಯಾಚೊ ಕೊನ್ಸೊ - ’ದಾಯ್ಜ್’ - ಫಕತ್ತ್ ಕೊಂಕಣಿ ಥಾವ್ನ್, ಕೊಂಕಣಿ ಪರ್ಯಾಂತ್, ಕೊಂಕಣಿ ಖಾತಿರ್.
ಸಾಳಕ್ ಪ್ರಕಾಶನ್
ಸಿರಿವಂತ್
ಮ್ಹಜಿಂ ದೋನ್ ಉತ್ರಾಂ:
ಸಾಹಿತಿ ಮಿತ್ರ್ ಜೆಮ್ಮಾ ಪಡೀಲಾಲಾಗಿಂ ಉಲಯ್ತಾನಾ ಕೆದ್ನಾಂಯ್ ತಾಣೆಂ ಮ್ಹಾಕಾ ದಿಂವ್ಚಾ ಸಲ್ಹಾಂತ್ ಪಯ್ಲಿ ಜಾವ್ನಾಸಾ ’ಭಲಾಯ್ಕಿ ಸಾಂಭಾಳ್’ ತರ್ ದುಸ್ರಿ ಜಾವ್ನಾಸಾ ’ಇಲ್ಲೊ ವಿಶೆವ್ ಘೆ’. ಹಾಂವ್ ಗಾಂವಾಕ್ ರಜೆರ್ ಗೆಲ್ಲೆವೆಳಾರ್ ಗಲ್ಫಾಂತ್ ಆಸ್ಚಾಕೀ ಚಡಿತ್ ಮಾಪಾನ್ ಮೆತೆರ್ ಜಾವ್ನಾಸ್ತಾಂ, ಮ್ಹಜಾ ಮೊಗಾಚಾ, ಅಭಿಮಾನಾಚಾ ಸಾಹಿತಿಂಕ್ ಮೆಳೊಂಕ್, ತಾಂಚೆಲಾಗಿಂ ಥೊಡೊ ವೇಳ್ ಖರ್ಚುಂಕ್, ತಾಂಕಾಂ ಆಯ್ಕೊಂಕ್.
ಆಯ್ಲೆವಾರ್ ಜೆಮ್ಮಾ’ಬಾಕ್ ಹಾವೆಂ ಏಕ್ ಸವಾಲ್ ಅಶೆಂ ಕೆಲೆಂ; "ಜೆಮ್ಮಾಬ್, ಮ್ಹಾಕಾ ಆತಾಂ ಜರ್ ಎಟ್ಯೆಲಾಕ್, ವಿಜೆಪಿಕ್ ಮೆಳೊಂಕ್ ಆಶಾ ಆಸಾ ತರ್ ಮ್ಹಜಾನ್ ತಿ ಜ್ಯಾರಿ ಕರುಂಕ್ ಜಾಯ್ನಾಂ, ಕಿತ್ಯಾಕ್ ಮ್ಹಳ್ಯಾರ್ ತೆ ಆಜ್ ಹ್ಯಾ ಸಂಸಾರಾಂತ್ ನಾಂತ್. ದೆಖುನ್ ಆಜ್ ಆಸ್ಚಾ ಥೊಡ್ಯಾ ಮಹಾನ್ ಸಾಹಿತಿಂಕ್ ಆತಾಂಚ್ ಹಾಂವ್ ಮೆಳ್ಳೊಂ ತರ್ ಬರೆಂ ನ್ಹಂಯ್ವೆ?"
ಹಾವೆಂ ಮೆಳೊಂಕ್ ಅತ್ರೆಗಾನ್ ರಾಕೊನ್ ಆಸ್ಲ್ಲ್ಯಾ ಕೊಂಕ್ಣೆಚಾ ಥೊಡ್ಯಾ ಮಹಾನ್ ಸಾಹಿತಿಂ ಪಯ್ಕಿ ಸಿರಿವಂತ್ ಎಕ್ಲೊ. ತಾಚೊ ಸಂಪರ್ಕ್ ಮ್ಹಾಕಾ ಮಿತ್ರ್ ಸಾಹಿತಿ ವಲ್ಲ ವಗ್ಗನ್ ಧಾಡ್ನ್ ದಿಲ್ಲೊ ದೆಖುನ್ ಹ್ಯಾ ಪಾವ್ಟಿಂ ಖಂಡಿತ್ ಮೆಳಾಜಯ್ಚ್ ಮ್ಹಳ್ಳೆಂ ಚಿಂತಾಪ್ ಮತಿಂತ್ ದವ್ರುನ್ ಆಸ್ತಾನಾಂಚ್ ಉಟಾಉಟಿಂ ಮ್ಹಾಕಾ ಗಾಂವಾಕ್ ವಚೊಂಕ್ ಪಡ್ಲೆಂ, ಆನಿ ತೇಂಯ್ ಮ್ಹಜಾ ದಾಕ್ಟ್ಯಾ ಭಯ್ಣಿಚಾ ಅವ್ಚಿತ್ ಮೊರ್ನಾಕ್. ತೆಚ್ ಸಂದರ್ಭಾರ್ ಮೊರ್ನಾಕ್ ಹಾಜರ್ ಆಸ್ಲ್ಲಿ ಬಾಯ್ ಗ್ಲೇಡಿಸ್ ರೇಗೊನ್ ಖಬಾರ್ ದಿಲಿಕೀ ಸಿರಿವಂತ್ ಅಸ್ವಸ್ತ್ ಆಸಾ ಆನಿ ಮಂಗ್ಳುರ್ ಆಯ್ಲಾ ಮ್ಹಣ್. ದುಸ್ರೆಚ್ ದಿಸಾ ವಿತೊರಿ ಆನಿ ಹಾಂವ್ ತಾಕಾ ಮೆಳ್ಳ್ಯಾಂವ್ ಆನಿ ಥೊಡೊಚ್ಚ್ ವೇಳ್ ತಾಚೆಸವೆಂ ಖರ್ಚಿಲೊ, ಹಿ ವಯ್ಲಿ ತಸ್ವೀರ್ ಕಾಡ್ಲಿ. ತಾಣೆಂ ದೋನ್ ಬೂಕ್ ಮ್ಹಾಕಾ ದಿಲೆ, ತೆ ಘೆತಾನಾ ಮ್ಹಾಕಾಚ್ಚ್ ಎಕಾಥರಾಚೆಂ ಅಪ್ರಾದಿ ಚಿಂತಾಪ್ ಕಾಳ್ಜಾಂತ್ ಕಾಂತಯ್ಲಾಗ್ಲೆಂ - ಕಿತ್ಯಾಕ್ ತಾಚೆಥಾವ್ನ್ ಫುಕಟ್ಯಾಕ್ ಬೂಕ್ ಹಾವೆಂಯೀ ಘೆತ್ಲೆಂ ನ್ಹಯ್ಗೀ ಮ್ಹಳ್ಳೆಂ.
ತೆ ಬೂಕ್ ಜೊಗಾಸಾಣೆನ್ ಹಾವೆಂ ಮ್ಹಜೆಸವೆಂ ಹಾಡ್ನ್ ಯೆತಾನಾ ಮ್ಹಾಕಾ ಕಿತ್ಯಾಕ್ಗೀ ತ್ಯಾ ಬುಕಾಂನಿ ವಾಚ್ಪಾಚಾಕೀ ಚಡ್ ಜಾವ್ನ್ ಸಿರಿವಂತಾಚಾ ಮಿನತೆಚೊ, ಕಶ್ಟಾಂಚೊ ರಗ್ತಾಳೊ ಘಾಮ್ ದಿಸೊನ್ ಯೆತಾಲೊ. ಕೊಂಕ್ಣೆಕ್ ಹಾಣೆಂ ದಿಲ್ಲೊ ವಾವ್ರ್ ಪರ್ಗಾಂವ್ಚಾ ’ದಾಯ್ಜಿದುಭಾಯ್’ ಸಾಂಗೊಡ್ಯಾಂನಿ ತಾಕಾ ಜೊಕ್ತೊ ಮಾನ್ ದಿಲಾ. ಪುಣ್ ತಾಣೆಂ ಕೊಂಕ್ಣೆಕ್ ಜ್ಯೆ ಕಿತೆಂ ದಿಲಾಂ, ತೆಂ ತಾಕಾ ಆಮಿಂ ಜೊಕ್ತೊ ಮಾನ್ ದೀಂವ್ಕ್ ಸಕಾನಾಸ್ತಾಂ ಫಾಲ್ಯಾಂ ಸಿಸ್ರಿಚಿಂ ದುಖಾಂಚ್ ಗಳಂವ್ಕ್ ಬೊಸ್ಲ್ಯಾಂವ್ ತರ್ ಆಮ್ಚಾಕೀ ಚಡ್ ಹಡ್ಬಿಂ ಸಂಸಾರಾಂತ್ ಕೊಣ್ಂಚ್ ಆಸ್ಚಿಂನಾಂತ್ ಮ್ಹಳ್ಳೆಂ ಮ್ಹಜೆಂ ಚಿಂತಾಪ್.
ಕೊಂಕ್ಣಿ ಸಾಹಿತ್ ಪುಸ್ತಕಾ ರುಪಾರ್ ಚಡ್ ಆನಿ ಚಡ್ ಆಸಾ ಕರ್ಚೆ ಉಮೆದಿನ್ 1966-ಂತ್ ಸುರು ಕೆಲ್ಲ್ಯಾ ಸಾಳಕ್ ಪ್ರಕಾಶನಾನ್ ಎದೊಳ್ 1,48,000 ಕೊಂಕ್ಣಿ ಪುಸ್ತಕಾಂಚೊ ಪ್ರಚಾರ್ ಕೆಲಾ. ’ಉಣೆ ದರಿರ್ ಬರಿಂ ಪುಸ್ತಕಾಂ’ ಧ್ಯೇಯಾಖಾಲ್, ’ಮಮಃಶಕ್ತಿ ಕಮಲಾನಾಥ್’ (ದೇವ್ ಮ್ಹಜಿ ಸಕ್ತ್) ಮ್ಹಳ್ಳೆಂ ಆದರ್ಶ್ ವಾಕ್ಯ್ ಘೆವ್ನ್ ಮುಖಾರ್ ವೆತಾನಾ ಸಾಳಕಾಚಾ ಸಭಾರ್ ಸಂಕಶ್ಟಾಂನಿ ದೇವ್ ಸಕ್ತೆವಂತ್ ಜಾವ್ನ್ ಪಾವ್ಲಾ. ಸಬಾರ್ ಪ್ರತಿಭಾವಂತ್ ನವ್ಯಾ ಆನಿ ಪರ್ನ್ಯಾ ಲೇಖಕಾಂನಿ ಆಪ್ಲಿಂ ಬರ್ಪಾಂ ಪ್ರಕಟುಂಕ್ ದೀವ್ನ್ ಸಾಳಕಾಧ್ವಾರಿಂ ಪ್ರಕಟ್ಚೆಂ ಕೊಂಕ್ಣಿ ಸಾಹಿತ್ ಗ್ರೇಸ್ತ್ ಕೆಲಾಂ.
ಖಡಾಪ್ ನಾಂವಾಚಾ ಎಕಾ ಮಹಾನ್ ವ್ಯಕ್ತಿನ್ ಆಪ್ಲಿಂ ಸರ್ವತೋಮುಖ್ ಪ್ರತಿಭೆಚಿಂ ಬರ್ಪಾಂ ಸಾಳಕಾಕ್ ದಿಲ್ಯಾಂತ್ ಆನಿ ಕನ್ನಡಾಂತ್ಯಿ ತರ್ಜುನ್ ದಿಲ್ಯಾಂತ್, ಆನಿ ತಿಂ - ’ಸುಖಮಯ ದಾಂಪತ್ಯಜೀವನ’ ಆನಿ ಹೆರ್ ಲೊಕಾ ಮೊಗಾಳ್ ಜಾಲ್ಯಾಂತ್. ಮಂಗ್ಳುರ್ ದಿಯೆಸಿಜೆಚಿ ೪೦೦ ವರ್ಸಾಂಚೆ ಚರಿತ್ರೆಂತ್ ಕರುಂಕ್ ಸಾಧ್ಯ್ ಜಾವ್ನಾತ್ಲ್ಲೊ ಪ್ರಥಮ್ ಕೊಂಕ್ಣಿ ಬೈಬಲ್ ಆಮ್ಕಾಂ ದಿಲ್ಲ್ಯಾ ಭಾಷಾ ಪ್ರವೀಣ್ ದೊ|ವಿಲ್ಯಮ್ ದ’ಸಿಲ್ವಾನ್ಯಿ ಸಾಳಕಾಕ್ ಅಪ್ಲಿ ಸೆವಾ ದಿಲ್ಯಾ. ಹೆಂ ಸರ್ವ್ ಕಾಮ್ ಹಾಂಗಾಸರ್ ಉಚಾರ್ಚೆಂ ಕಿತ್ಯಾ ಮ್ಹಳ್ಯಾರ್, ಸಂಸ್ಕೃತಾ ಭಾಸೆ ಸಮಾಸಮ್ ಚಲೊನ್ ಆಯಿಲ್ಲಿ ಹಿ ಆಮ್ಚಿ ಕೊಂಕ್ಣಿ ಭಾಸ್ ಪುರಾತನ್ ಮಾತ್ರ್ ನ್ಹಯ್, ಹರ್ಯೆಕ್ ಅಡ್ಕಳಿ ಆನಿ ದಮ್ಕಣಿ ಉತ್ರೊನ್ ಅಜೂನ್ ಜಿವಾಳ್ ಆಸ್ಚಿ ಆಮ್ಚಿ ಮೊಗಾಳ್ ಮಾಯ್ಭಾಸ್. ಹೆಚ್ಚ್ ಭಾಸೆ ಸಮಾಸಮ್ ಚಲೊನ್ ಆಯಿಲ್ಲ್ಯೊ ಸಭಾರ್ ಬಳ್ವಂತ್ ಭಾಸೊ ಸಂಸಾರಾಂತ್ ಆಜ್ ನಾಂತ್. ರೋಮ್ ಚಕ್ರಾಧಿಪತ್ಯಾಚಾ ವೈಭವಾಂತ್ ಪರ್ಜಳ್ಲ್ಲಿ ’ಲಾತಿನ್’ ಆಜ್ ನಾ. ಹಿ ಭಾಸ್ ಇತ್ಲಿ ಗ್ರೇಸ್ತ್ ಜಾವ್ನಾಸ್ಲ್ಲಿ ಅಜೂನ್ ಇತರ್ ಭಾಸಾಂಚೆ ಅಪ್ಲೆ ಭಾಸೆಂತ್ ಮೆಳನಾತ್ಲೆ ಸಬ್ಧ್ ಸೊಧುನ್ ತಿಚೆಲಾಗಿಂ ವೆತಾತ್. ಹರ್ಯೆಕಾ ವಕ್ತಾಂಚಾ ಝಡಾಂಚಿ ವಳಕ್ ಅಜೂನ್ ಲಾತಿನ್ ಭಾಸೆಚಾ ಉತ್ರಾಂನಿಂಚ್ ಸಮ್ಜಾಯ್ಜಾಯ್ ಪಡ್ತಾ ತರೀ ಆಜ್ ಕೊಣೀ ತಿ ಉಲಯ್ನಾ.
ಪುಣ್ ಆಮ್ಚಿ ಕೊಂಕ್ಣಿ ಲಗ್ಭಗ್
4000 ಭಾಸೋ ಆನಿ ಉಪಭಾಸೋ ಆಸ್ಚಾ ಆಸ್ಚಾ ಭಾರತಾಂತ್ ಫಕತ್
18 ಭಾಸಾಂ ಪಯ್ಕಿ ಏಕ್ ಜಾವ್ನ್ ಸಂವಿದಾನಾಚೆ ಆಟ್ವೆ ವೊಳೆರಿಂತ್ ಪರ್ಜಳ್ಚೆಂ ಆಮ್ಚೆಂ ಭಾಗ್ ಆನಿ ಆಮಿ ಹಾತಾಂತ್ ಧರ್ಚಾ ಕರೆನ್ಸಿಚಾ ಪಾಟ್ಲ್ಯಾನ್ ನೊಟಾಚೆಂ ಐವಜ್ ಸೂಚಿತ್ ಕರ್ಚೆಖಾತಿರ್ ತಿ ಛಾಪುನ್ ಆಸಾ. ಅನ್ಯೇಕ್ ಪ್ರಮುಖ್ ಭಾಸ್ ಜುದೆವಾಂಚಿ ಹೀಬ್ರೂ ಮೊರೊನ್ ಗೆಲ್ಲಿ ಆಧುನಿಕ್ ಇಜ್ರಾಯೆಲ್ ರಾಷ್ಟ್ರ್ ನಿರ್ಮಾಣಾಂತ್ ಜೀವಂತ್ ಕೆಲಿ. ಅಸೆಂ ಆಮ್ಚಿ ಕೊಂಕ್ಣಿ ಮೊರೊನ್ ಜೀವ್ ಜಾಂವ್ಚಿ ನಾಕಾ - ತಿ ಜೀವಾಳ್ಚ್ ಉರೊಂದಿ!
ಅನ್ಯೇಕ್ ವಿಷಯ್: ಆಮ್ಚೆ ಮಧೆಂ ಪ್ರತಿಭಾವಂತ್ ಬರವ್ಪಿ ಸಬಾರ್ ಆಸಾತ್ ಪುಣ್ ತಾಂಚಿಂ ಬರ್ಪಾಂ ಪ್ರಕಟುಂಚಾ ಪ್ರಕಾಶನಾಂಚೊ ಆಭಾವ್ ಆಸಾ: ಕೊಂಕ್ಣಿ ಪ್ರಕಾಶಕ್ ಅಪ್ಲೊ ವಾವ್ರ್ ಫುಂಕ್ಯಾಕ್ ಕರುಂಕ್ ತಯಾರ್ ಆಸಾ. ಪುಣ್ ಘಾಲ್ಲೆ ಪಯ್ಶೆ ಮೆಳಾನಾತ್ಲ್ಲ್ಯಾ ವೆಳಾರ್ ವಾವ್ರ್ ಸಂಕಶ್ಟಾಚೊ ಜಾತಾ. ಮಂಗ್ಳುರ್ ದಿಯೆಸಿಜ್ ಕೊಂಕ್ಣೆಚೆಂ ಪ್ರಥಮ್ ಆನಿ ಪ್ರಮುಖ್, ಕ್ರಿಯಾಳ್ ಆನಿ ಜಿವಾಳ್ ಶೆತ್. ಹಾಂಗಾಚಾ ಕೊಂಕ್ಣಿ ಲೊಕಾನ್ ಕೆಲ್ಲಿ ಭಾಸೆಚಿ ಸೆವಾ ಆನಿ ರಚ್ಲ್ಲೆಂ ಸಾಹಿತ್ ಹೆರ್ ಖಂಚಾಯ್ ಪ್ರದೇಶಾಥಾವ್ನ್ ಯೇಂವ್ಕ್ನಾ.
ಹಿ ಗ್ರೇಸ್ತ್ಕಾಯ್ ಉರಂವ್ಕ್ ಆಮ್ಚಾ ಯುವಜಣಾಂನಿ ಸಕ್ರಿಯ್ ಜಾವ್ನ್ ಹೆ ದಿಶೆನ್ ಲೊಕಾಮಧೆಂ ಜಾಗೃತಿ ಆಸಾ ಕರಿಜಾಯ್. ದಿಯೆಸೆಜಿಚಾ ಹರ್ಯೆಕೆ
ಫಿರ್ಗಜೆಂತ್ ಆನಿ ಫಿರ್ಗಜ್ ಶಾಳಾಂತ್ ಕೊಂಕ್ಣೆಂತ್ ಪ್ರಕಟ್ಚಾ ಪ್ರತಿ ಎಕಾ ಪುಸ್ತಕಾಚ್ಯೊ ಫಕತ್
10 ಪ್ರತಿಯೊ ತರ್ಯೀ ವಿಖ್ಚೆಂ ಪ್ರಯತ್ನ್ ಕೆಲ್ಯಾರ್, ಕೊಂಕ್ಣೆಚಾ ಉಜ್ವಲ್ ಭವಿಷ್ಯಾಖಾತಿರ್ ಏಕ್ ಭಾಂಗ್ರಾಳೆಂ ಯುಗ್ಚ್ ಆರಂಭ್ ಜಾಲೆಂ ಮ್ಹಣ್ಯೆತ್. ಸಾಳಕ್ ಪ್ರಕಾಶನಾಚೊ ವಾವ್ರ್ ತೀವ್ರ್ ಜಾವ್ನಾಸ್ತಾನಾ ಸಭಾರ್ ಯಾಜಕಾಂನಿ ಆನಿ ಧರ್ಮ್ ಭಯ್ಣಿಂನಿ ಸಾಳಕಾಚಾ ಪುಸ್ತಕಾಂಚೊ ಪ್ರಚಾರ್ ಕೆಲಾ. ತಾಂಚೊ ಹಾಂವ್ ಕಾಳ್ಜಾಥಾವ್ನ್ ಉಪ್ಕಾರ್ ಬಾವುಡ್ತಾಂ.
ಎದೊಳ್ಚಿಂ ಸಾಳಕಾಚಿಂ ಪುಸ್ತಕಾಂ:
ಝೆಲಿನ್ ಆನಿ ಡೀನಾ
ಭುಂಯ್ ಕಮಳಾಂ
ಫುಲಾಂ ಆನಿ ಪಾಕ್ಳ್ಯೊ
ಆಶಾ ಭಾಗಯ್ಲಿ
ಲ್ಹಾನ್ ಚಲಿಯೆಚಿ ಕಾಣಿ
ಫಾತಿಮಾಚೆಂ ಫುಲ್ ಜಾಸಿಂತಾ
ತಾಂಬ್ಡಿ ಪಿತುಳ್
ಬಚಾವೆಚಿ ಚಾವಿ
ಸತ್ ಆನಿ ಜಿವಿತ್
ಪಾಳ್ಲ್ಲಿ ಭಾಸ್
ಗುಲೊಬ್ ಆನಿ ಸಾಳ್ಕಾಂ
ಪೇಟ್ ಆನಿ ಪಾಳ್ಣೆಂ
ರುಜ್ವಾತ್
ಜೊವ್ಳಿ ವಜ್ರಾಂ
ಮೋಗ್ ಆನಿ ಜಿವಿತ್
ಬಲಿದಾನ್
ಏಕ್ ಮನಿಸ್ ದೋನ್ ಸಾವ್ಳ್ಯೊ
ಹಾಂವ್ ಚುಕೊನ್ ಪಡೊಂಕ್ನಾಂ
ದೆವಾನ್ ವಿಂಚ್ಲ್ಲೆಂ ಫುಲ್
ಚಾರ್ ದೀಸ್ ಪಾಂಚ್ ರಾತಿ
ತೊ ತಾಕಾ ಆಶೆಲೊ
ಕಥಾ ಆನಿ ಸತಾಂ
ರಾಜ್ದ್ರೋಹಿ
ತೊರಿಚಿ ದಾಳ್
ಲಾರಾಂ ಆನಿ ತಾರಾಂ
ಮಾರ್ಸೆಲಿನೊ
ಲಿಮಾಚೊ ಭುರ್ಗೊ
ಜುದಾಸಾಂಕ್ ಕುರೊವ್
ಫುಲಾಂಚಿ ದಾಲಿ
ತುಂವೆಂ ಮ್ಹಾಕಾ ರಚ್ಲೊಯ್
ನಿಮಾಣಿ ಆಶಾ
ಮೊಗಾ ಮ್ಹಾಕಾ ಶಿಕಯ್
ತುಂ ಸುಖಿ ಜಾ
ಫ್ರಾನ್ಸಿಸ್ ಸಾವೆರ್
ಸರ್ದಾರಾಂಚೆಂ ಸನ್ನಿದಾನ್
ಬೆಲ್ತಂಗಡಿಚೊ ಬಾಲ್ತಾಜಾರ್
ಮಧುಚಂದ್ರ್
ವಿಲ್ಫಿಚಿಂ ಪದಾಂ
ಮಾರ್ಗರಿತ್ ಮರಿ
ಜಿವಿತಾಚಿಂ ಪಾನಾಂ
ದೋನ್ ಥೆಂಬೆ ದುಃಖಾಂ
ಮೊಗಾಚ್ಯೊ ಕಥಾ
ಆಂಧ್ಕಾರಾ ಉಪ್ರಾಂತ್
ಸೊಭಿತ್ ಸುಂದರ್ ಫುಲ್
ಸ್ವಪಾಣ್ ಖರೆಂ ಜಾಲೆಂ
ಲ್ಹಾನ್ ಗಾಯಕಿ
ಚಲ್ಚೆಂ ಮೊಡೆಂ
ಕಿನ್ನರಿ ಕಥಾ
ಕಿಟಾಳ್
ಯುವಜಣಾಂಚಿ ಖುರ್ಸಾವಾಟ್
ಲಗ್ನಾಚೊ ಮೋಗ್
ಜಿವಿತಾಚಿ ಸತಾಂ
ಸಲ್ವಾಲ್ಲೆಂ ಸತ್
ಏಕ್ ಅಧುರೆಂ ಪಿಂತುರ್
ಪರಿವರ್ತನ್ ಆನಿ ಇತರ್ ಕಥಾ
ಅಕ್ರಮಿ ಜಾಳ್
ತುವೆಂ ನೆಗಾರ್ ಕೆಲೆಂಯ್
ಸುಖಿ ಕಾಜಾರಿ ಜಿವಿತ್
ಶರೀರ್ ರಚನ್ ಆನಿ ಸುಖಿಕುಟಾಮ್
ಹಾಂವ್ ಸಂಸಾರಾಕ್ ವಿಸರ್ಲೊಂ
ಪ್ರಖ್ಯಾತ್ ಪದಾಂ
ಮೊಗಾ ಮ್ಹಾಕಾ ಝಳಯ್ನಾಕಾ
ಕೀರ್ ತುಂ ಮ್ಹಜೊ
ದಾರ್ ಉಗ್ತೆಂ ಜಾಲೆಂ
ಸಿಸ್ಟರ್ ಶೋಭಾ
ಕಾಜಾರಿ ಮೊಗಾಚಿ ಕಲಾ
ಮ್ಹಜಾ ಸ್ವಪ್ಣಾಂಚಿ ರಾಣಿ
ಬಾಂಧುನ್ ದಿಲ್ಲಿ ವ್ಹೊಕಾಲ್
ಬಂದಡೆಚೆಂ ದಾಯ್ಜ್
ಸೊವೊ ಸುಂರ್ಗಾರುನ್
ಆಶಾ ಆನಿ ನಿರಾಶಾ
ವೇಳ್ ಘಡಿ
ಸುಖಿ ಕಾಜಾರಿ ಜಿವಿತ್ (ಸುಧ್ರಾಯಿಲ್ಲೊ ಛಾಪೊ: ಛಾಪ್ಯಾಚಾ ಖರ್ಚಾರ್ಚ್ ತುಮ್ಕಾಂ ಮೆಳ್ತಾ)
ಆತಾಂ ಛಾಪ್ಯಾಂತ್ ಆಸಾ ’ಜೆಜುಚಿ ಕಥಾ’ (ಸಾಳಕಾಚೆಂ
75 ವೆ ಸ್ಮಾರಕ್ ಪುಸ್ತಕ್) - ಅಪೇಕ್ಶಿಂತ್ ಹೆಂ ಧರ್ಮಾರ್ಥ್ ಮೆಳ್ತಾ.
About us | Feedback | Contact us
Copyright ©
2005 DAAIZ.COM All rights reserved.
Page concept, designed and maintained by Ashawadi Publications