ಕೊಂಕ್ಣೆಚಾ ವಿಂಚ್ಣಾರ್ ಸಾಹಿತ್ಯಾಚೊ ಕೊನ್ಸೊ - ’ದಾಯ್ಜ್’ - ಫಕತ್ತ್ ಕೊಂಕಣಿ ಥಾವ್ನ್ ಕೊಂಕಣಿ ಪರ್ಯಾಂತ್, ಕೊಂಕಣಿ ಖಾತಿರ್.
ಜಿವಿತಾ ಸೊಭಾಣ್
ಜೊರ್ಜಿ ಪೀಂತ್ ಆಯ್ಕೊಳ್: ಕೊಂಕ್ಣಿ ಸಾಹಿತ್ಯಾಂತ್ ಮ್ಹಾಕಾ ಹಾಚಿ ಸಳಾವಳ್ ಜಾಲ್ಲಿ ತಾಚಾ ಅಖ್ರೇಚಾ ಥೊಡ್ಯಾ ವರ್ಸಾಧಿಂ ತರ್ಯ್ ಹಾಂವೆಂ ಕಾಳ್ಜಾ ಮನಾನ್ ಏಕ್ ಪ್ರಾಮಾಣಿಕ್ ಸಾಹಿತಿ, ಚಿಂತ್ಪಿ ಮ್ಹಣ್ ಮಾಂಧುನ್ ಘೆತ್ಲ್ಲ್ಯಾ ಭೋವ್ ಥೊಡ್ಯಾಂ ಪಯ್ಕಿ ಹೊ ಎಕ್ಲೊ. ಆಮಿಂ ಜಾಯ್ತೆಪಾವ್ಟಿಂ ಎಕಾಮೆಕಾ ರಾಗ್ ಕೆಲಾ ತರ್ಯ್ ಎಕಾಮೆಕಾ ಥಂಯ್ ಗೌರವ್ ಆನಿ ಅಭಿಮಾನ್ ದವರ್ಲಾ. ಅಪ್ಲೆ ಜಿಣ್ಯೆ ಆವ್ದೆಂತ್ ಕಾಂಯ್ ನಾಂವಾಚೊ ಆಂಗಾಲಾಪ್ ಕರಿನಾಸ್ತಾಂ, ಆಪ್ಲ್ಯಾ ತತ್ವಾಂಖಾತಿರ್ ಕೆದಿಂಚ್, ಕೊಣಾಲಾಗಿಂಚ್ ಸಂಧಾನ್ ಕರಿನಾಸ್ತಾಂ, ಕಶ್ಟಾಂತ್ ಜಾಂವ್ ಸುಖಾಂತ್ ಜಾಂವ್ - ತಕ್ಲಿ ಉಭಾರ್ನ್ ಜಿಯೆಲ್ಲ್ಯಾ ಹಾಚ್ಯಾ ವೆಕ್ತಿತ್ವಾಚಿ ಝಳಕ್ ತಾಕಾ ಲಾಗ್ಸಿಲ್ಯಾನ್ ವಳ್ಕಲ್ಲೆ ಜರೂರ್ ಜಾಣಾಂತ್. ಕೊಂಕ್ಣೆಂತ್ ತರ್ಜಣ್ ಜಾಲ್ಲೆಂ ತತ್ವ್ಶಾಸ್ತಿರ್ ಬುಕಾರುಪಾರ್ ಪರ್ಗಟ್ಲ್ಲೆಂ ಪಯ್ಲೆಪಾವ್ಟಿಂ ಆನಿ ಹ್ಯಾ ಬುಕಾಕ್ ಎಕೆಕಾ ಆಂಕ್ಡ್ಯಾಚೆಂ ರೂಪ್ ದೀವ್ನ್ ವಾಚ್ಪ್ಯಾಂಕ್ ಪಾವಂವ್ಚೆಂ ಆಮ್ಚೆಂ ಮಿಸಾಂವ್.
ಲಾವೋ ತ್ಸೂ
ತೂಂ, ಹಾಂವ್ ಆನಿ ದಾವೋ, 1, 2, 3, 4, 5, 6, 7, 8, 9
ದೆ|ಜೊರ್ಜಿ ಪೀಂತ್
10. ವಾಪಾರ್
ಜಾಯ್ತ್ ತುಜ್ಯಾನ್ ಆಡಾಂವ್ಕ್ ಮನಾಕ್ ತಾಚ್ಯಾ ಭಂವ್ಡೆಥಾವ್ನ್
ಆನಿ ರಾವಂವ್ಕ್ ಮುಳಾವ್ಯಾ ಏಕ್ಪಣಾಂತ್?
ಜಾಯ್ತ್ ತುಜ್ಯಾನ್ ಸೊಡುಂಕ್ ಕೂಡ್ ಆಪ್ಲಿ
ಜಾಂವ್ಕ್ ಸುಡಾಳ್ ನವ್ಯಾ ಬಾಳ್ಶ್ಯಾ ಕುಡಿಬರಿ?
ಜಾಯ್ತ್ ತುಜ್ಯಾನ್ ನಿತ್ಳಾಂವ್ಕ್ ಆಪ್ಲೆಂ ಆಂತರಿಕ್ ಮನ್
ಫಕತ್ತ್ ಉಜ್ವಾಡ್ ಮಾತ್ರ್ ದೆಖ್ತಾ ಪರ್ಯಾಂತ್?
ಜಾಯ್ತ್ ತುಜ್ಯಾನ್ ಲೊಕಾಚೊ ಮೋಗ್ ಕರುಂಕ್
ಆನಿಂ ಆಪ್ಲ್ಯಾ ಖುಶೆಚೊ ದಬಾವ್ ಘಾಲಿನಾಸ್ತಾಂ ವಾಟ್ ದಾಖಂವ್ಕ್?
ಜಾಯ್ತ್ ತುಜ್ಯಾ ಸೊಡುಂಕ್, ಸಂಗ್ತಿಂಕ್ ಆಪ್ಲೆಚ್ ವಾಟೆನ್ ಚಮ್ಕೊಂಕ್
ಆನಿಂ ತ್ಯಾ ತೀವ್ರ್ ಸಂಗ್ತಿಂ ಸಂಗಿಂ ವೆವ್ಹಾರ್ ಕರುಂಕ್?
ಜಾಯ್ತ್ ತುಜ್ಯಾನ್ ತುಜ್ಯಾಚ್ ಮನಾಥಾವ್ನ್ ಪಾಟಿಂ ಸರೊಂಕ್
ಆನಿಂ ಅಶೆಂ ಸರ್ವಯ್ ಸಂಗ್ತಿ ಸಮ್ಜೊಂಕ್?
ಜಲ್ಮಂವ್ಚೆಂ ಆನಿ ಪುಷ್ಟಿ ದಿಂವ್ಚಿ
ತಾಬೆಂತ್ ನಾಸ್ತಾಂ ಆಪ್ಣಾಲಾಗಿಂ ಆಸ್ಚೆಂ
ಆಸ್ ನಾಸ್ತಾಂ ಕಾರ್ಯಾಳ್ ಜಾಂವ್ಚೆಂ
ನಿಯಂತ್ರಾಣ್ ಸಾಧನ್ ನಾಸ್ತಾಂ ವಾಟ್ ದಾಖಂವ್ಚಿ
ಹೊ ಜಾವ್ನಾಸಾ ಅತೀ ಉನ್ನತ್ ಗೂಣ್.
[ಹೊ ಆಶಾವಾದಿ ಪ್ರಕಾಶನಾನ್ 2002 ಇಸ್ವೆಂತ್ ಪರ್ಗಟ್ಲ್ಲೊ ದುಸ್ರೊ ಬೂಕ್]
About us | Feedback | Contact us
Copyright ©
2005 DAAIZ.COM All rights reserved.
Page concept, designed and maintained by Ashawadi Publications
