[खबर] पयली अंतर‌राश्ट्रीय कोंकणी कविगोश्टी

ओक्तोबर ४: डिजिटल माध्यमाचेर पयली अंतर‌राश्ट्रीय कोंकणी कविगोश्टी; आयतारा (ओक्तोबर ४ तारिकेर) सांजेर ४:३० वोरांचेर गूगल मीट मुखांत्र आशावादी प्रकाशनान चलवन वेली.

बाब शैलेंद्र मेहतान स्वागत उलवपांत कशें वासतवीक जावन असाध्य जाल्लें काम डिजिटल माध्यमांत करुंक साध्य आसा; जशें केरळाच्या कोच्चिंतल्या एका कविचें पुसतक गोंयच्या प्रकाशकान प्रकाशीत केल्लें आतां मुंबय थावन मुखेल‌पणाखाल मोकळीक जांवचें जागतीक स्थरार सयत वीक्षकांनी पळेंवची संदी लाभली. डिजिटल माध्यमाक सकत करून आमी सर्वांनी मेळून कोंकणीक मुकार वरुंक जाय म्हणालो. ताणें बाय दो|जयंती नायक हिची ओळोक करून दितच, कोच्चीन केरळच्या कोंकणी कवी आर.एस.भासकर हांचो सात्वो कविताजमो ’चैत्र कविता’ बुकाचें मोकळीक करून प्रसतावीक उलवप उलयिल्ल्या बाय दो|जयंती नायक (संपादक - अनन्य) हिणें डिजिटल माध्यमाक सकत करून कोंकणी साहित्याक नवो जीव, नवें त्राण लाभाशें कर्चे दिशेन सर्वांनी वावर कर्ची गर्ज म्हणाली.

म्यांचेसटर थावन बाब लारेन्स विनोद बारबोज, डबलीन थावन बाय मोनिका मथायस, कुवेयट थावन बाब क्लैव सोज, मुंबय थावन बाय पद्मजा कुंदाजी, कोच्चीन थावन बाब आर. एस. भासकर, मयसूर थावन बाय शीला भंडार्कर, बेंगळूर थावन बाय विल्मा बंटवाळ, गोंय थावन बाब नीलबा खांदेकर, बाय नयना अडार्कर, बाब गौरीश वेर्णेकर, बाय उर्जिता भोबे, मंगळूर थावन मा|जो.सी.सिद्दकट्टे, ग्लेनीश मार्टीस अलंगार हाणीं वांटो घेतलेली कविगोश्टी वल्ली क्वाड्रसान चलवन वेली.

बाब प्रेम मोरसान ओळोक कर्न दितच बाय कन्सेपटा फेर्नांडीस आळव हिणें संपणेचीं उत्रां उलवन आज डिजिटल सकत गळसून आमी फकत आमची लिपी/बोली म्हणून बोसच्या बदलाक हेर लिपिंतलें साहित्य वाचुंक प्रेतन करुंक जाय म्हळ्ळो उलो दिलो.