ಬ್ರೊತೊ (ಪಯ್ಲಿ ಕವಿತಾಾ)
ಕವಿತಾಾ (ಹಫ್ತ್ಯಾಚಿ ಕವಿತಾಾ)
[ಖಬರ್:] ಮಲಾಡಾಂತ್ ಕೊಂಕಣಿ ಕವಿತಾಸಾದರ್ ಸರ್ತ್
ಮುಂಬಯ್ (ನವೆಂಬರ್ 18) ’ಕವಿತಾ ಟ್ರಸ್ಟ್’ ಹಾಣಿ ಅಖಿಲ್ ಭಾರತೀಯ್ ಹಂತಾರ್ ವರ್ಸಾನ್ ವರಸ್ ಮಾಂಡುನ್ ಹಾಡ್ಚ್ಯಾ ಕೊಂಕಣಿ ಕವಿತಾಸಾದರ್ ಸರ್ತಿ ಮುಂಬಯಾಂತ್ ಆಶಾವಾದಿ ಪ್ರಕಾಶನ್ ತಶೆಂಚ್ ಫಿರ್ಗಜೆಚ್ಯಾ ಸಂಘಟನಾಂನಿ ಚಲವ್ನ್ ವೆಲಿ. 2018 ವರ್ಸಾಚಿ ಅಖೆರಿಚಿ ಪ್ರಾಥಮಿಕ್ ಸರ್ತಿ ಓರ್ಲೆಮ್ ಮಲಾಡ್ ಫಿರ್ಗಜೆಚ್ಯಾ ಸಾಂ| ಆನ್ಸ್ ಇಸ್ಕೊಲಾಂತ್ ನವೆಂಬರ್ 18 ತಾರಿಕೆರ್ ಸಾಂಜೆರ್ 3 ಥಾವ್ನ್ 5 ಪಾಸೊನ್ ಕಥೊಲಿಕ್ ಕೊಂಕಣಿ ಸಂಘಟನಾಸವೆಂ ಚಲವ್ನ್ ವೆಲಿ. ನಾಮ್ಣೆಚೊ ಕೊಂಕಣಿ ವಾವ್ರಾಡಿ ಮಾನೆಸ್ತ್ ಸಿಪ್ರಿ ಸಂಪಿಗೆ ತಶೆಂಚ್ ಲೊಕಾಮೊಗಾಳ್ ಶಿಕ್ಷಕ್ ಮಾನೆಸ್ತ್ ಜೆರಿ ಡಿ’ಸೋಜ್ ಸಯ್ರೆ ಜಾವ್ನ್ ಹಾಜರ್ ಆಸ್ಲೆ.
ಸುರ್ವಾತೆರ್ ಸಂಘಟನಾಚಿ ಅಧ್ಯಕ್ಶಿಣ್ ಮಾನೆಸ್ತಿಣ್ ಜ್ಯೂಲಿ ಡಿ’ಕೋಸ್ತಾನ್ ಮಾಗ್ಣ್ಯಾನ್ ಹೊ ಸ್ಪರ್ಧೊ ಸುರ್ವಾತ್ ಕರ್ತಚ್ ಚಲ್ಲ್ಲ್ಯಾ ಕೊಂಕಣಿ ಕವಿತಾಸಾದರ್ ಸರ್ತೆಂತ್ ಹಿಂ ಜಿಕೊನ್ ಆಯ್ಲಿಂ;
ಭುರ್ಗ್ಯಾಂಚೊ ವಿಭಾಗ್ (15 ವರ್ಸಾಂ ಸಕಯ್ಲಿಂ):
ಪಯ್ಲೆಂ ಸ್ಥಾನ್: ನಿಯೋಮಿ ಮಾರ್ಟಿಸ್ (ಕವಿತಾ: ಸುಟ್ಕಾ, ಕವಿ: ಬಾಬ್ ಜೋನ್ ಸುಂಟಿಕೊಪ್ಪ)
ದುಸ್ರೆಂ ಸ್ಥಾನ್: ರಿಯೋನಾ ಒಲಿವೆರಾ (ಕವಿತಾ: ಮೋರ್ನ್ ಆನಿ ಕವಿ, ಕವಿ: ಬಾಬ್ ವಲ್ಲಿ ಕ್ವಾಡ್ರಸ್)
ತಿಸ್ರೆಂ ಸ್ಥಾನ್: ರಿಯೋ ಫೆರ್ನಾಂಡಿಸ್ (ಕವಿತಾ: ವೀಕ್ ಆನಿ ಪೀಕ್, ಕವಿ: ಬಾಬ್ ನಜ್ರೆತ್ ನೆರಿ ತಾಕೊಡೆ)
ಹಿಲರಿ ಡಿ’ಸಿಲ್ವಾ ಆನಿ ವಲ್ಲಿ ಕ್ವಾಡ್ರಸ್ ವೊರಯ್ಣಾರ್ ಜಾವ್ನಾಸ್ಲೆ. ಒಕ್ಟೋಬರ್ 14 ಥಾವ್ನ್ ನವೆಂಬರ್ 18 ಪರ್ಯಾಂತ್ ಮುಂಬಯ್ಚ್ಯಾ ವೆವೆಗ್ಳ್ಯಾ ಫಿರ್ಗಜೆಂನಿ ಚಲ್ಲ್ಲ್ಯಾ ಹ್ಯಾ ಪ್ರಾಥಮಿಕ್ ಹಂತಾಂನಿ ಜಿಕೊನ್ ಅಯಿಲ್ಲಿಂ ನವೆಂಬರ್ 25 ತಾರಿಕೆರ್ ಸಕಾಳಿಂ 10 ಥಾವ್ನ್ 12 ಪರ್ಯಾಂತ್ ’ಆತ್ಮದರ್ಶನ’ಂತ್ ಚಲೊಂಕ್ ಆಸ್ಚ್ಯಾ ದುಸ್ರ್ಯಾ ಹಂತಾಚ್ಯಾ ಸ್ಪರ್ಧ್ಯಾಂತ್ ಭಾಗ್ ಘೆತೆಲಿಂ.
ಮಾನೆಸ್ತಿಣ್ ರೀಟಾ ಆಲ್ಬುಕರ್ಕ್ ಹಿಣೆಂ ಉಪ್ಕಾರ್ ಆಟವ್ಣಿ ಕೆಲಿ.
