[ಖಬರ್:] ವಾಶಿಂತ್ ಕವಿತಾಸಾದರ್ ಸರ್ತ್
ಕವಿತಾ ಟ್ರಸ್ಟ್ ಆನಿ ಆಶಾವಾದಿ ಪ್ರಕಾಶನಾಚ್ಯಾ ಜೋಡ್ ಆಶ್ರಯಾಖಾಲ್, ಕೊಂಕಾಣ ನವಿಮುಂಬಯ್ ಸಂಘಟನಾಚ್ಯಾ ಸಹಯೋಗಾನ್ ಒಕ್ಟೊಬರ್ 28 ತಾರಿಕೆರ್ ಸಕಾಳಿಂ 11:00 ವರಾರ್ ಮಾತ್ರುಮಿಲನ ಸೇವಾ ಕೇಂದ್ರ ಇಗರ್ಜೆಚ್ಯಾ ಹೊಲಾಂತ್, ಮುಂಬಯ್ ಪ್ರಾಥಮಿಕ್ ಹಂತಾಚಿ ಕೊಂಕಣಿ ಕವಿತಾಸಾದರ್ ಸರ್ತಿ ಮಾಂಡುನ್ ಹಾಡ್ಲಿ.
ಮಾನಾಧಿಕ್ ಬಾಪ್ ಮೋಸೆಸ್ ದಾಂತಸ್ ಮುಖೆಲ್ ಸಯ್ರೆ ಜಾವ್ನಾಸ್ಲೆ, ಹಾಣಿ ಕಾರ್ಯಾಚಿ ಸುರ್ವಾತ್ ಮಾಗ್ಣ್ಯಾನ್ ಕರ್ತಚ್. ಸಂಘಾಚೊ ಅಧ್ಯಕ್ಶ್ ಮಾನೆಸ್ತ್ ರಿಚಾರ್ಡ್ ಡಿ’ಸೋಜಾನ್ ಸ್ವಾಗತ್ ಕೆಲೊ. ಮಾನೆಸ್ತ್ ವಲ್ಲಿ ಕ್ವಾಡ್ರಸಾನ್ ಕವಿತಾಸಾದರ್ ಸರ್ತೆಚ್ಯೊ ರೆಗ್ರೊ ಆನಿ ನೇಮಾಂವಿಶಿಂ ಸಮ್ಜೊಣಿ ದಿಲಿ.
ಸುಮಾರ್ ಭಾರಾ ಭುರ್ಗ್ಯಾನಿಂ ಹ್ಯಾ ಸರ್ತೆಂತ್ ಪಾತ್ರ್ ಘೆತ್ಲ್ಲೊ. ಸರ್ವ್ ಸ್ಪರ್ಧಿಕಾನಿಂ ಬೋವ್ ಆಪುರ್ಬಾಯೆನ್ ಆಪಾಪ್ಲ್ಯೊ ಕವಿತಾ ಸಾದರ್ ಕೆಲ್ಯೊ. ಹಾಂಚೆಪಯ್ಕಿಂತ್ಲಿಂ ಚೊವ್ಗಾಂಕ್ ಮುಂಬಯ್ ಹಂತಾಚ್ಯಾ ಅಂತಿಮ್ ಸರ್ತೆಕ್ ಜಿಕುನ್ ಆಯ್ಲಿಂ.
ಲ್ಹಾನಾಂಚೊ ವಿಭಾಗ್:
ಪಯ್ಲೆಂ ಸ್ಥಾನ್: ಲೆರಿಕ್ ಡಿ’ಸೋಜ್ (ಕವಿತಾ: ಸುಣ್ಯಾಕ್ ಏಕ್ ಸೋನೆಟ್, ಕವಿ: ಬಾಬ್ ಆಂಟನಿ ಬಾರ್ಕುರ್)
ದುಸ್ರೆಂ ಸ್ಥಾನ್: ಕ್ಲೀವ್ ಡೆ’ಸಾ (ಕವಿತಾ: ಮ್ಹಜಿ ಮಾಂತ್, ಕವಿ: ಬಾಬ್ ವಲ್ಲಿ ಕ್ವಾಡ್ರಸ್)
ತಿಸ್ರೆಂ ಸ್ಥಾನ್: ಒಲಿವರ್ ಪಾಯ್ಸ್ (ಕವಿತಾ: ಕೊಂಕ್ಣಿ ಮ್ಹಜಿ ಭಾಸ್, ಕವಿ: ಬಾಬ್ ವಲ್ಲಿ ಕ್ವಾಡ್ರಸ್)
ವ್ಹಡಾಂಚೊ ವಿಭಾಗ್:
ಪಯ್ಲೆಂ ಸ್ಥಾನ್: ಅನಿಶ್ ಡಿ’ಸಿಲ್ವಾ (ಕವಿತಾ: ಬಾಳ್ಪಣ್, ಕವಿ: ಮಾ|ಜೊ.ಸಿ.ಸಿದ್ದಕಟ್ಟೆ)
ಭಾಗ್ ಘೆತ್ಲ್ಲ್ಯಾ ಸಮೇಸ್ತಾಂಕ್ ಕೊಂಕಾಣ ತರ್ಫೆನ್ ಇನಾಮಾಂ ವಾಂಟ್ಲಿಂ.
ಸಗ್ಳೆಂ ಕಾರ್ಯೆಂ ಬೋವ್ ಆಪುರ್ಬಾಯೆನ್ ಮಾನೆಸ್ತ್ ರಿಚಾರ್ಡ್ ಡಿ’ಸೋಜ್ ಹಾಣೆ ಚಲವ್ನ್ ವೆಲೆಂ.
