Ghuspol'lem Mon (- Myron Jeson Barreto)

[kovita] Ghuspol'lem Mon (- Myron Jeson Barreto)

Monis ek vichitr jivo hea somsarantlo. Vichitr kiteak mhollear, monis fottink veginch patyeta punn sotak hozar sovalam vicharta. Sorvank sot zai punn sotachi vollok sorovank asa? hem proxn khorench odhurem proxn. Dekun kanak aikol'leak sot mhonnun lekun aichea somajent ami jieun asamv. Ani osolea fottink vanttun somajek doddun, moddun pidd'ddear korun rajvottki choloitole bhudvontkayen jieun asat.

[kovita] Ghuspol'lem Mon (- Myron Jeson Barreto)

Ghuspol’lem Mon

Doria polleunk dista ghamela

Xinvrail’lem udok asun porian

Doria axeun udkak tanela

Bhangar-xringar nhesun pasun

Monis soglloch thorthorla

Nillea mollbar chokchoktat

Kirnna bittbittea suriachim

Ontrall loklok bhogun legit

Bhukela girasonk kirnna uzvaddachim

Utthient hatyeram ektthaun soit

Monant chitnam bhirantichim

Zhaddam-peddam loktat

Zollzollit bollixtt vareacher

Ang halonam mhonn futfut’tat

Suknnim bosun khanddeancher

Chulicher pezecho nis vot’ta

Punn jevnnacho dubav monacher

Mirg lagtanam kupam apttotat

Soddun ghosghoxit vhall udkache

Bebo xinn korun boddboddtta

Azun yenant mhonn dis pausache

Sontosachea paulam konn-konnim

Mon niyalltta koxtt jivitache

Durdovya monis soglloch sanddla

Monak revoddon vaittacheo sankllio

Deva asnneacho divo paloila

Kanant rigoun khobro-kannio

Mon’xachem mon ghuspola

Polleun ghoddttolio ghoddnnio

- Myron Jeson Barreto. [Jul, 2020]