ಕವಿತಾकविताPoem

Jinn konnak naka vhoi? (- H Manoj J)

[kovita] Jinn konnak naka vhoi? (- H Manoj J)

Jinn mhollear fokot opunn, opnnachem ani oponnakhatir mholl'llea surati chintopan jieteleank ek ghoddi chintunk korchi kovita hi. Ami xikun ayil'lim lisamvam fokot bukamni koid matr aschim va tim kedna tor‌yi pallunk aschim? hech sovalancher ubhi kel'li kovita hi.

[kovita] Jinn konnak naka vhoi? (- H Manoj J)

Jinn konnak naka vhoi?

jinn konnak naka vhoi?

somvsar ticho uktoddar

bhurgim ughddi nagddi tin char

pottachi khollgi bhorunk

na konnacho adar

konnum-i vattsuro uddoita

pach da rupoi hatar

tori ti manta devache upkar

jinn tika naka vhoi?

babddo zanntto ghorcho anthrunnar

duyemsani taka laila fams

dita dotor vokhdam khas

bhurgim ballam natram ponntturam

magta magnne, deva suttka kor

punn zanntto magta natichem

logn pollounk saiba dour

jinn konnak naka vhoi?

oksmat tuttlo ticho mhurtomonni

tache vinne jinn ollnni ollnnixi

sanulem mogachem protik tiche vhottyent

ghovacheo yadi laita bhulounni

atam jinn fokot tachea ugddasani

korunk boro fuddar tea dhaklea jivacho

dita adar ticho atmovixvas

jinn tika naka vhoi?

zolmak yet saun

monisozat hanga jieta

rochotlean hi sond

sogleank favo keleat

soimantoli zonn ek vost

bhogpak ami aturota

tichi zotnai gheunk

kiteak ami fattim sorta?

jinn konnak naka vhoi?

jinn fokot monxank vhoi?

ti tor sogleank sarkich

dhortorevelea zonn ek jivank

zogunk zai hoch nem'

monxan pallpak zai

tankai zogpak adar div zai

soim' rakhpacho hoch upai

jinn konnak naka vhoi?

apli jinn sobounk

zonn eklo zhott'ta

ekamekak adar dit zalear

ghoddtta boro fuddar

gorib tosoch poixekar

korit boro vaur

zatli jinn sakar

jinn konnak naka vhoi?

- H. Manoj J. [May, 2020]