ಅನುಮತೀ (- ಉರ್ಜಿತಾ ಭೊಬೆ)

[ಕವಿತಾ] ಅನುಮತೀ (- ಉರ್ಜಿತಾ ಭೊಬೆ)

ಹಿ ಸಮಾಜ್ ಆನಿ ಸಮಾಜೆಚ್ಯೊ ರೆಗ್ರೊ ಕಶೆಂ ಮನ್ಶಾಕ್ ಭಿತರ್ಲೆ ಭಿತರ್ ಕಯ್ದಿ ಕರ್ತಾ ಆನಿ ಅಪ್ಲ್ಯಾ ಮನಾಂತ್ಲೆಂ ಸಪಣ್ ಜಿಯೆಂವ್ಕ್ ವೆವೆಗ್ಳ್ಯೊ ಮೆರೆಂನಿ ಉರಯ್ತಾ?

"ಸ್ವಾತಂತ್ರ್ ಮ್ಹಳ್ಯಾರ್ ಆಮ್ಚೆಭಿತರ್ ಆಸ್ಚೊ ಅತ್ಮೊ ಸೊಧುನ್ ಕಾಡ್ಚೆಂ ಧಯ್ರ್, ಆನಿ ಪರತ್ ಸಪ್ಣಾಂ ಪಳೆಂವ್ಚೆಂ ತಶೆಂಚ್ ಆಮ್ಕಾಂ ಪಾಟಿಂ ಉರಂವ್ಚ್ಯಾ ಭಾಂದಾಂಕ್ ಸುಟಂವ್ಚೆಂ ಮನ್" ಹಾಂಗಾಸರ್‌ಯೀ ಅಸಲೆಂಚ್ ಧಯ್ರ್ ಹ್ಯಾ ಕವಿತೆಂತ್ ದಿಸೊನ್ ಯೆತಾ.

ಬಾಯ್ ಉರ್ಜಿತಾ ಭೊಬೆ ಎಕ್ ಸಂವೇದನ್‌ಶೀಳ್ ಕವಿ. ಹಿಚೆಂ ಆಯ್ಲೆವಾರ್ ಲೊಕಾರ್ಪಣ್ ಜಾಲ್ಲೆಂ ಪುಸ್ತಕ್ ’ಅಂತರ್ ಮನ್’ ಕವಿತೆಂನಿ ಸಯ್ತ್ ಹ್ಯಾ ಮನಾಂತ್ಲ್ಯಾ ಎಕೆಕಾ ಸಪ್ಣಾಂಚ್ಯಾ ಎಕೆಕಾ ರುಪಾಕ್ ಭೋವ್ ನಜೂಕ್ ರಿತಿನ್ ಉತ್ರಾಯಿಲ್ಲೆಂ ದಿಸೊನ್ ಯೆತಾ. ಹಿ ಖವಿತ ಸಯ್ತ್ ಸುಟ್ಕಾ ಆಶೆತೆಲ್ಯಾ ಮತಿಕ್ ಉಭೊಂಕ್ ಪಾಕಟೆ ದಿಂವ್ಚಾಂತ್ ಕಾಂಯ್ ಪಾಟಿಂ ಉರನಾ.

[ಕವಿತಾ] ಅನುಮತೀ (- ಉರ್ಜಿತಾ ಭೊಬೆ)

ಅನುಮತೀ

ಹಾಲೀಂಸರಾಕ್ ಕಾಳೀಜ್ ಮ್ಹಜೆಂ

ಆಡ್ಡೂನ್ ಆಡ್ಡೂನ್ ಸಾಂಗತಾ ಮ್ಹಾಕಾ

ಜಿವೀತ್ ಜಗೂನ್ ಪಳಯ್ ತರೀ

ಸಪನಾ ಪಳೊಂವಕ್ ಭಿಯೆವ್ ನಾಕಾ

ರಂಗ್ ಭರ್ ಗೊ ಜಿವೀತಾಂತ್ ಹ್ಯಾ

ಪಡಲಾಂ ಕಶೆಂ ರಂಗಾ ವಿಣೆ

ಎಕಟೆಪಣಾಕ್ ಉಪಾಯ್ ತೂಂ ಸೊದ್

ಮೊಗಾನ್ ಫುಲಯ್ ತುಜೆಂ ಜೀಣೆ

ತುಜೀ ತುಕಾಚ್ ಸೂಟ್ ದೀ ಗೊ

ಮೆಕಳೆಂ ಜಿವೀತ್ ಜಿಯೆವಪಾಚೀ

ತುಜೀಂ ತುಕಾಚ್ ಲಾಯ್ ಗೊ ಪಾಖಾಂ

ಗರಜ್ ಕಿದೆಂ ಭಿಯೆವಪಾಚೀ

ಲಾಗೀಂ ಒಡ್ ಗೊ ಮೊಗಾನ್ ತುಕಾಚ್

ಮೆಳಟಾ ಜೆನ್ನಾ ತುಕಾ ಸವಡ್

ಘೊಟಾನ್ ಘೊಟ್ ಸುಖ್ ಗೊ ಪಿಯೆ

ತೂಂ ತುಜ್ಯಾಚ್ ಮೊಗಾನ್ ಗೊ ಪಡ್

ತುಜೆ ತುಕಾಚ್ ಘೆ ಗೊಪಾಂತ್

ವಿಸರ್ ರೂಢೀ ಸೊಡ್ ರಿತೀ

’ತೂಂ’ ಫಕತ್ ’ತೂಂ’ಚ್ ಜಾ ಗೊ

ಘೆ ತುಜೀಚ್ ಅನುಮತೀ

- ಉರ್ಜಿತಾ ಭೊಬೆ. [ಎಪ್ರಿಲ್, 2026]