ಕವಿತಾकविताPoem

ತೆನ್ನಾ ತುಕಾ ಕಳ್ತಲೆಂ (- ಐಶ್ವರ್ಯ ಮಲಿಕ್)

[ಕವಿತಾ] ತೆನ್ನಾ ತುಕಾ ಕಳ್ತಲೆಂ (- ಐಶ್ವರ್ಯ ಮಲಿಕ್)

ಸಭಾರ್ ಪಾವ್ಟಿಂ ಸಾಂಗಾತ್ ಸಮ್ಜಾಂವ್ಕ್ ಸಕಾನಾಸ್ಲೆಂ ತೊ ಸಾಂಗಾತ್ ಸಂಪ್ತಚ್ ಯಾದಿ ಜಾವ್ನ್ ಧೊಸುಂಕ್ ಲಾಗ್ತಾನಾ ಸಮ್ಜತಾ. ಹೆಂ ಚಡ್ತಾವ್ ಮನಶಾಚೆಂ ಕರ್ತುಬ್. ಆಸ್ಚ್ಯಾಚೆಂ ಮೋಲ್ ಸಮ್ಜನಾಸ್ತಾನಾ ಹೊಗ್ಡಾವ್ನ್ ಘೆವ್ನ್ ಉಪರಾಂತ್ ಚುರ್ಚುರ್ಚೆಂ. ಹೆಚ್ ಚಿಂತ್ಪಾಚೆರ್ ಉಭಿ ಕೆಲ್ಲಿ ಕವಿತಾ ಹಿ.

[ಕವಿತಾ] ತೆನ್ನಾ ತುಕಾ ಕಳ್ತಲೆಂ (- ಐಶ್ವರ್ಯ ಮಲಿಕ್)

ತೆನ್ನಾ ತುಕಾ ಕಳ್ತಲೆಂ

ಜೊಗುಲ್ ಜಾವ್ನ್ ಯೆತ್ಲೆ ರೆ ಹಾವ್

ನೀತಳ್ ತುಜ್ಯಾ ಕಾಳ್ಜಾನ್

ಉಜೊ ಲಾಯ್ತ್ ಸುಟ್ತಲೊ ಮೊಗ್

ಮವ್ಹಾಳ್ ತುಜ್ಯಾ ಮನಾನಂ

ಖಯ್ ಘಾಲ್ತಲೊ ಮೆಂರ್

ಆನಿ ಖಯ್ ಘಾಲ್ತಲೊ ಆಡೊ

ಉತ್ರಾ ಮ್ಹಜಿ ಯಾದೀಂಚಿ

ನಾ ಖಾಲಿ ಜಾತ್ಲೊ ಘಡೊ

ಉಣ್ಯಾ ಉಮಾಳಯಾಚೊ ಬಾಂಧ್

ಘಸ್ಘಸೂನ್ ಫುಟ್ತಲೊ

ಜೀವೀತಾಚೊ ರಂಗ್ಪಟ್

ತೆನ್ನಾಚ್ ತುಕಾ ಕಳ್ತಲೊ

ಭಾಸಾಂಚೆ ಕಾಂಬ್ಳೀವಯ್ಲ್ಯಾನ್

ಥೆಂಬೆ ಪಾವ್ಳ್ಯಾಂನಿ ಗಳ್ತಲೆ

ಹಾವ್ ತುಜ್ಯಾಖಾತೀರ್ ಕೀದೆ ಅಸ್ಲೆ

ತೆ ತೆನ್ನಾಚ್ ತುಕಾ ಕಳ್ತಲೆಂ

ತೆ ತೆನ್ನಾಚ್ ತುಕಾ ಕಳ್ತಲೆಂ

- ಐಶ್ವರ್ಯ ಮಲಿಕ್. [ಜುಲಾಯ್, 2020]