Original: A Worker’s Speech to a Doctor: Bertold Brecht (Germany)
Original: A Worker’s Speech to a Doctor: Bertold Brecht (Germany)
Ami zannat amchea duyemsachem karonn
ami jen'na duyent zatat
utor sangta
amkam bore korpi tumich
dha vorsanchem, ami aikotat
tumi ghetlam xikxonn kudd nirogi korpachem
xirbont kolejimni
jim bandleant zontechea duddvamni
ani tumi tem ginean mellounk
khorch kelea doulot
hacho orth tumi amkam
nirogi korunk xoktat.
Punn khorench tumi amkam nirogi korunk xoktat?
ami tumchekodden yetat ten'na
amchi mustaiki asta botram zal'li
ani kan laun aikotat tumi
amche nagdde kuddincho avaz soglleuttentlean.
Punn sodunk karonn amchea duyemsachem
amchea botram zal'lea kopddeancher nodor marlear puro
ekach karnnak lagun zhorun votat
amcheo kuddi ani amche kopdde.
Amchea bhuzant dukh yeta
tumi mhonttat ti olsannik lagun
ani tench karonn
amchea ghorache vonttir ayil'lea thigllachem.
Magir sangat amkam:
hi olsann aili khoimsaun?
sumarabhaile koxtt ani sap unnem jeunn
amkam korta dublle ani haddaulli.
Tumchem rosoit sangta:
vozon vaddoi.
Ani tumcheani tor sangum yeta
nusteak legit zhaddar choddunk
tumchekodden asach kitlo vell amchekhatir?
ami dekhtat: tumchea ghorantlea galicheachem mol
mhollear tumi vaxil kel'li fi
panch hozar duyentinkoddlean
tumi sert khubllottole
dakhoit tumchi niragosotai
amchea ghorantole vonttiuyolem thigoll legit
tich kanni sangta
***
Original: A Worker’s Speech to a Doctor: Bertold Brecht (Germany)
Shailendra Mehta gel'lea challis vorsamporos chodd kallasaun konknni , moratthi ani inglix bhaxentlean sahity nirmonni toxench her borpaull korta. Moratthintlean prokaxit zaupi 'songram''hea mhoinalleacho to karyokari sompadok, inttiriyor ani ddizhain hea vixeank ompil'lea 'inddeks fornichor zornol' hea ontororaxttri-i nemalleacho to sol'lagar sompadok. Tannem inglix, spenix, purtugez bhaxentlea sahity ani her borpaullicho konknni ani moratthi bhaxent onnkar kela.
