ದಾಯ್ಜ್ ತೆಸಾಂವ್: "ಕೊಂಕ್ಣಿ ಉಲಯ್, ಕೊಂಕ್ಣಿ ಉರಯ್, ಕೊಂಕ್ಣಿ ಆಮ್ಚಿ ಆವಯ್"
ವಿಲ್ಸನ್ ಕಟೀಲ್
ವಿಲ್ಸನ್ ಕಟೀಲ್ ಲಿಖ್ಣೆ ನಾಂವಾರ್ ದಿಸಾನ್ ದೀಸ್ ಲೊಕಾಮೊಗಾಳ್ ಜಾವ್ನ್ ಯೆಂವ್ಚೊ ವಿಲ್ಸನ್ ಸಿಕ್ವೇರಾ ಕೊಂಕ್ಣೆಚೊ ಫುಡಾರಾಚೊ ಏಕ್ ಪ್ರಭುದ್ದ್ ಸಾಹಿತಿ, ಚಿಂತ್ಪಿ, ಕವಿ, ವಿಮರ್ಶಕ್, ಕಾಣ್ಯೆಗಾರ್ ಜಾಂವ್ಚಿಂ ಲಕ್ಶಣಾಂ ಮ್ಹಾಕಾ ದಿಸೊನ್ ಯೆತಾತ್. ಕೊಂಕ್ಣಿ ಸಾಹಿತ್ಯಾಚೆಂ ಮಟ್ಟ್ ಜರ್ ಚಡಾಜಯ್, ತರ್ ಅಸಲೆಂ ಸಾಹಿತ್ಯ್ ಭೋವ್ ಗರ್ಜೆಚೆಂ ಮ್ಹಳ್ಳಿ ಆಮ್ಚಿ ಅಭಿಪ್ರಾಯ್. ಹ್ಯಾ ಅಂಕಣಾಚೆರ್ ತುಮ್ಚೆ ಉಗ್ತ್ಯಾಮನಾಚೆ ವಿಚಾರ್ ಆಮಿ ಅಶೆತಾಂವ್.
ಸಮೀಕ್ಶಾ/ವಿಮರ್ಶೆವಿಶಿಂ....
"ಏಕ್ ಕೃತಿ ವಾಚ್ತಾನಾ ಆಮ್ಚಿ ಸಮ್ಜೊಣಿ ಆನಿ ಆನ್ಭೊಗ್ ಉಗ್ತೊ ದವರುನ್ ಆಮಿ ವಾಚಿನಾಂವ್. ವಾಚ್ಲ್ಯಾ ಉಪ್ರಾಂತ್ ತಿ ಕೃತಿ ಕಿತ್ಯಾಕ್ ಆಂವಡ್ಲಿ ವಾ ಆಂವ್ಡೊಂಕ್ ನಾ ಮ್ಹಣ್ ಸವಾಲ್ ಕರ್ತಾನಾ ಜಾಪ್ ದೀಂವ್ಕ್ ಘುಸ್ಪಡ್ತಾಂವ್. ತೆನ್ನಾ ಎಕಾಚ್ಚ್ ಧಮ್ಮಾನ್ ವಾಚ್ಲ್ಲೆಂ ಆಮಿ ಭೊಗ್ಲ್ಲೆಂ ಆಮ್ಕಾಂಚ್ ಸ್ಪಶ್ಟ್ ಕರ್ಚೆ ಖಾತಿರ್ ತರೀ ಶಿಂದುನ್ ಶಿಂದುನ್ ಪ್ರತ್ಯೇಕ್ ಕರಿಜೆ ಪಡ್ತಾ. ಹಾಚಿ ಒತ್ತಾಯ್ ಆಮ್ಚೆರ್ ಚಡ್ ಪಡ್ಚಿ ವಾಚ್ಲ್ಲ್ಯಾ ಕೃತಿಯೆವಿಶಿಂ ಸಂಗಿಂ ಮೆಳೊನ್ ಚರ್ಚಾ ಕರ್ತಾನಾ ವಾ ಶಾಳೆಂತ್ ಶಿಕಯ್ತಾನಾ. ಲೀವಿಸ್ ನಾಂವಾಚೊ ಆಂಗ್ಲ್ ವಿಮರ್ಶಕ್ ಹೆಂ ಅಶೆಂ ಸಾಂಗ್ತಾ- ಏಕ್ ಕೃತಿ ವಾಚ್ಲ್ಯಾ ಉಪ್ರಾಂತ್ "ಹಿ ಕೃತಿ ಆಮ್ಚ್ಯೆ ದಿಶ್ಟೆಂತ್ ಅಶಿ ಆಸಾ ನ್ಹಂಯ್ವೆ" ಮ್ಹಣ್ ಉಟ್ಚ್ಯಾ ಪ್ರಶ್ನಾರ್ತಕ್ ಸಂವಾದಾಂತ್ "ವ್ಹಯ್. ಪುಣ್....." ಮ್ಹಳ್ಳಿ ಜಾಪ್ ಯೆತಾನಾ ಸಂಶೋದನ್, ವಿಮರ್ಸೊ ಸುರ್ವಾತ್ ಜಾತಾ. ಹಾಂಗಾಸರ್ "ವ್ಹಯ್" ಮ್ಹಳ್ಳಿ ಅಭಿಪ್ರಾಯ್ ಆನಿ "ಪುಣ್...." ಮ್ಹಳ್ಳಿ ಭಿನ್ನಾಭಿಪ್ರಾಯ್ ದೊನೀ ಪ್ರಮುಖ್ ಜಾತಾತ್." - ಯು. ಆರ್. ಅನಂತಮೂರ್ತಿ (’ವಿಮರ್ಶೆಚಿ ಪರಿಭಾಸ್’ ಬುಕಾಕ್ ಲಿಕ್ಲ್ಲ್ಯಾ ಪ್ರಸ್ತಾವನಾಂತ್)
ವಿಮರ್ಸೊ ಭೋವ್ ಗರ್ಜೆಚೊ. ವಿಮರ್ಶಾವಿಣೆಂ ಸಾಹಿತ್ಯಾಕ್ ಬೇಜವಾಬ್ದಾರ್ಪಣ್ ಯೆಂವ್ಚಿ ಸಾಧ್ಯಾತಾಯ್ ಆಸಾ. ಆನಿ ಆಮ್ಚ್ಯಾ ಕೊಂಕ್ಣೆಚ್ಯಾ ಸಾಹಿತಿಕ್ ಫುಡಾರಾಕ್ ಹೊ ಭೋವ್ ಗರ್ಜೆಚೊ ಮ್ಹಣ್ ದಿಸ್ಲ್ಲ್ಯಾನ್ ಥೊಡೆಂ ಧ್ಯಾನ್ ಹ್ಯಾ ಸಾಹಿತ್ ಪ್ರಕಾರಾಚೆರ್ ದಿವ್ಯಾಂ ಮ್ಹಣ್ ಭೊಗ್ಲೆಂ. ಹೆಂ ಅಂಕಣ್ ಸುರ್ವಾತ್ ಕರ್ಚೆ ಆದಿಂ ಏಕ್ ವಿನತಿ ಆಸಾ:
ತುಮ್ಚ್ಯಾ ಸರ್ವ್ ಪ್ರತಿಕ್ರಿಯೆಂಕ್ ಆನಿ ವಿಚಾರಾಂಕ್ ಉಗ್ತೊ ಆವ್ಕಾಸ್ ಆಸಾ. ತುಮ್ಚೆ ವಿಚಾರ್ ಕೃತಿಯೆವಿಶಿಂ ಅಸೊಂದಿತ್. ಪುಣ್ ಬಾಲಿಶ್ ಥರಾನ್ ಲಿಕುನ್ ಉಪ್ರಾಂತ್ ಸವಾಲ್ ಕೆಲ್ಯಾರ್ ’ಹಾಂವ್ ಸಾಹಿತಿ ನ್ಹಂಯ್, ಕವಿ ನ್ಹಂಯ್, ವಾಚ್ಪಿ ನ್ಹಂಯ್, ಸಾಹಿತ್ಯಾವಿಶಿಂ ಮ್ಹಾಕಾ ಕಾಂಯ್ ಕಳಿತ್ ನಾ’ ಮ್ಹಣ್ ಹಾತ್ ಧುಂವ್ಚಾಂನಿ ದಯಾ ಕರುನ್ ಹಾಚೆಥಾವ್ನ್ ಪಯ್ಸ್ ರಾಂವ್ಚೆಂ ಬರೆಂ.
-ವಿಲ್ಸನ್ ಕಟೀಲ್
2. ಎಲ್ಯೆರಾಚೊ ’ಸ್ವಾದಿಕ್ ಸಾಕ್ರಾಮೆಂತ್’.
3. ಆರ್ಥರ್ ರೋಶನ್ ಪಿರೇರಾಚೊ ಕವಿತಾಜಮೊ ’ತಿಂ ದುಕಾಂ ಉಲಯ್ತಾನಾ’.
ಸಮೀಕ್ಶಾ: ಹೆಂ ಅಂಕಣ್ ಕೊಣಾಯ್ಚೆರ್ ವಯಕ್ತಿಕ್ ಧ್ವೇಶಾನ್ ಜಾಂವ್ ರಾಗಾನ್ ಸುರು ಕೆಲ್ಲೊ ನ್ಹಂಯ್. ಕೊಂಕ್ಣಿ ಸಾಹಿತ್ಯಾಚ್ಯಾ ವ್ಹಾಡಾವಳೆಚ್ಯಾ ನದ್ರೆನ್ ಸುರು ಕೆಲಾ. ಹಾಚೆರ್ ವಾ ಕೊಂಕ್ಣಿ ಕವಿತಾ/ವಿಮರ್ಶ್ಯಾಂಚೆರ್ ಕೊಣೆಂಯ್ ಅಪ್ಲಿ ಅಭಿಪ್ರಾಯ್ ಉಚಾರ್ಯೆತಾ, ಪುಣ್ ದಯಕರುನ್ ಖಂಚ್ಯಾಯ್ ರಿತಿನ್ ವೆಕ್ತಿಚೆರ್ ಕೇದ್ ಉಡಂವ್ಚಿಂ, ವಾ ಹಲ್ಕ್ ಕರ್ಚ್ಯಾ ಇರಾದ್ಯಾಚಿಂ ವಾ ಅಪುಣ್ ಬುಧ್ವಂತ್ ಮ್ಹಣ್ ಶೆಂಕಾರೆಂ ಫುಲಂವ್ಚ್ಯಾ ಇರಾದ್ಯಾಚಿಂ ಬರ್ಪಾಂ ಆಮಿಂ ಪರ್ಗಟ್ ಕರ್ಚಿಂ ನಾಂವ್. ಅನ್ಯೇಕ್ ಪ್ರಮುಖ್ - ಮಹಾನ್ ಸಾಹಿತಿ ವಾ ನವೆ, ಸರ್ವಾಂಕ್ ಎಕಾಚ್ಚ್ ರಿತಿಚೊ ಮಾನ್ ಮೆಳ್ತಲೊ. ಬರವ್ಪ್ಯಾನ್ ಅಪ್ಲೆಂ ಖರೆಂ ನಾಂವ್ ಲಿಪವ್ಯೆತಾ ಪುಣ್ ಸಂಪಾದಕಾಕ್ ಅಪ್ಲಿ ಖರಿ ವಳೊಕ್ ದಿಂವ್ಚಿ ಗರ್ಜೆಚಿ. ಕಸಲೇಯ್ ವಿಚಾರ್ ಪರ್ಗಟ್ ಕರ್ಚೆಂ ವಾ ನಾ ಕರ್ಚೆಂ ಹಕ್ಕ್ ಸಂಪಾದಕಾಚೆಂ - ಸಂ.
About us | Feedback | Contact us
Copyright ©
2005 DAAIZ.COM All rights reserved.
Page concept, designed and maintained by Ashawadi Publications