ಕೊಂಕ್ಣೆಚಾ ವಿಂಚ್ಣಾರ್ ಸಾಹಿತ್ಯಾಚೊ ಕೊನ್ಸೊ - ’ದಾಯ್ಜ್’ - ಫಕತ್ತ್ ಕೊಂಕಣಿ ಥಾವ್ನ್, ಕೊಂಕಣಿ ಪರ್ಯಾಂತ್, ಕೊಂಕಣಿ ಖಾತಿರ್.
ರಾಂದ್ಪಾವೋಳ್
ದಾಯ್ಜ್ ಕುಜ್ನ್:ದಾಯ್ಜ್ಚೊ
ಪ್ರಮುಖ್ ಇರಾದೊ ಕೊಂಕ್ಣಿ ಸಾಹಿತ್ಯಾಚೊ ತರ್ಯ್ ವಾಚ್ಪ್ಯಾಂಚಾ ಪಸಂದೆಖಾತಿರ್ ಆಸಾ ಕೆಲ್ಲ್ಯಾ ದಾಯ್ಜ್ ಕುಜ್ನಾಂತ್ ಆಮ್ಚಾ ಮಾಂಯ್ಗಾಂವ್ಚಾ ಎಕೆಕಾಚ್ ಖಾಣಾ-ರಾಂದ್ಪಾಚೊ, ತಾಚಾ ತಯಾರಾಯೆಕ್ ಗರ್ಜೆಚ್ಯೊ ವಸ್ತು ತಶೆಂಚ್ ತೆಂ ಕಶೆಂ ರಾಂದ್ಚೆಂ ಮ್ಹಳ್ಳೆಂ ವಿವರ್ಚಾ ಇರಾದ್ಯಾನ್ ಹಿ ವೋಳ್ ಆಸಾ ಕೆಲ್ಯಾ,
ರಾಂದ್ಪಿಣ್: ಹರ್ಯೆಕಾ ಮಯ್ನ್ಯಾಂತ್, ತಿಚೆಂ ತಶೆಂಚ್ ಸಂಪಾದನ್ ಕೆಲ್ಲೆಂ ಹೆರಾಂಚೆಂ ಎಕೆಕ್ ನವೆಂ ರಾಂದಾಪ್ ತುಮ್ಚೆಮುಖಾರ್ ಹಾಡ್ನ್ ಯೆತೆಲೆಂ ಫೆರಾರ್ ಫಿರ್ಗಜೆಚೆಂ ಬಾಯ್ ಪ್ರಿಯಾ ಸಿಕ್ವೇರಾ. ತುಮ್ಕಾಂಯ್ ಹಾಂತುಂ ತುಮ್ಚಿಂ ರಾಂದ್ಪಾಂ ಧಾಡುಂಕ್ ಆಸಾತ್ ತರ್ ತಿಂ ತುಮಿಂ priya@daaiz.com ವಿಳಾಸಾಕ್ ಧಾಡ್ಯೆತಾ. ವಿಂಚ್ಣಾರ್ ಬರ್ಪಾಂಕ್ ಎಕ್ಟಾಂವ್ನ್ ಎಕಾ ಬುಕಾರುಪಾರ್ ಪರ್ಗಟ್ ಕರ್ಚೆಂ ಯೋಜನ್ಯ್ ಆಸ್ತೆಲೆಂ.
ಪ್ರಿಯಾ ಸಿಕ್ವೇರಾ
ರಾಂದ್ಪಾವೋಳ್ - 15. ಪೋರ್ಕ್ ಸರ್ಪಾತೆಲ್ [- ಫ್ರೀಡಾ ರೊಡ್ರಿಗಸ್]
ಗೊಂಯಾಚಿಂ ಬಾಯ್ ಫ್ರೀಡಾ ರೊಡ್ರಿಗಸ್ ಪಾಟ್ಲ್ಯಾ ಲಗ್ಬಗ್ ಇಕ್ರಾ ವರ್ಸಾಂ ಥಾವ್ನ್ ಕುವೇಯ್ಟಾಂತ್ ಕಾಮ್ ಕರುನ್ ಆಸಾ. ವಾಚಾಪ್, ಫುಲಾಂ ಝಡಾಂ ಲಾಂವ್ಚಿಂ, ಸಂಗೀತ್ ಆಯ್ಕೊಂವ್ಚೆಂ ತಶೆಂಚ್ ರಾಂದಾಪ್ ಕರ್ಚೆಂ ಹಿಚೆಂ ಹವ್ಯಾಸ್. ವಿವಿಧ್ ರಿತಿಚಿಂ ರಾಂದ್ಪಾಂ ರಾಂದ್ಚಾಂತ್ ವಿಶೇಷ್ ರಿತಿನ್ ಶಿಕ್ಲ್ಲ್ಯಾ ಹಿಚೆಂ ಪೋರ್ಕ್ ಸರ್ಪಾತೆಲ್ ನಿಜಾಯ್ಕ್ಯೀ ಭೋವ್ ರುಚಿಕ್ ರಾಂದಾಪ್.
- ಪ್ರಿಯಾ ಸಿಕ್ವೇರಾ, ಫೆರಾರ್
ಫ್ರೀಡಾ ರೊಡ್ರಿಗಸ್
ಗರ್ಜೆಚ್ಯೊ ವಸ್ತು:
1. ಕೆ.ಜಿ. ದುಕ್ರಾ ಮಾಸ್.
1/2 ಕೆ. ಜಿ. ಕಿಡ್ನಿ, ಲಿವರ್, ಕಾಳಿಜ್, ಬರೆಂ ದುವ್ನ್ ಉಕಡ್.
ನಿವ್ಲ್ಯಾ ಉಪ್ರಾಂತ್ ಬಾರಿಕ್ ಕುಡ್ಕೆ ಕರ್. ಉಕಡ್ಲೆಲೆಂ ಉದಾಕ್ ಉಡಯ್ನಾಕಾ. ಕುಡ್ಕೆ ಕೆಲ್ಲೆ ಮಾಸ್ ಬರೆ ಕರ್ನ್ ಬಾಜ್.
ಆಳೆನಾಕ್:
20 ತಾಂಬ್ಡ್ಯೊ ಕಾಶ್ಮೀರಿ ಮಿರ್ಸಾಂಗ್ಯೊ
1/4 - 1 ಚಾಯೆ ಕುಲೆರ್ ಮಿರಿಯಾಂ (ಧಾ)
1/4 - 1 ಚಾಯೆ ಕುಲೆರ್ ಜಿರೆಂ
2 ಚಾಯೆ ಕುಲೆರ್ ಕನ್ಪಿರ್ (ಬಾಜ್ಲ್ಲಿ)
1/4 - 1 ಚಾಯೆ ಕುಲೆರ್ ಹಳ್ದಿ ಪಿಟೊ ನ್ಹಂಯ್ ತರ್ 1 ಇಂಚ್ ಹಳ್ದಿಚೊ ಕುಡ್ಕೊ
6 ಲವಂಗ
1 ಇಂಚ್ ತಿಕೆ ಸಾಲ್
6 ಲೊಸೊಣ್ಯೊಚೊ ಬಿಯೊ
1 - 2 ಇಂಚ್ ಆಲೆಂ
1 ವ್ಹಡ್ಲೊ ಪಿಯಾವ್
ಆವಾಳ್ಯಾ ತೆದಿ ಆಮ್ಟಾಣ್ ಉದ್ಕಾಂತ್ ಘಾಲ್ನ್ ದವರ್ಲ್ಲಿ.
ರುಚಿಕ್ ತೆಕಿದ್ ಶಿರ್ಕೊ
ವಯ್ಲೊ ವಸ್ತೊ ಆಮ್ಟಾಣ್ ಆನಿಂ ಶಿರ್ಕ್ಯಾ ಸಾಂಗಾಂತಾ ಗಂದ್ ವಾಟುನ್ ಕಾಡ್.
ರಾಂದ್ಪಾಚಿ ರೀತ್:
6 - 7 ಪಿಯಾವ್ - ಶಿಂದ್ಲ್ಲೆ
3 - 4 ತರ್ನಿ ಮಿರ್ಸಾಂಗ್ - ಬಾರಿಕ್ ಶಿಂದ್ಲ್ಲಿ ವಾ ಉಬಿ ಶಿಂದ್ಲ್ಲಿ
1 ಲೊಸೊಣೆಚೊ ಕಾಂದೊ - ಬಾರಿಕ್ ಶಿಂದ್ಲ್ಲಿ
2 - 3 ಇಂಚ್ ಆಲೆಂ - ಬಾರಿಕ್ ಶಿಂದ್ಲ್ಲೆಂ
ಬಾಜುಂಕ್ ತೇಲ್
ರುಚಿಕ್ ತೆಕಿದ್ ಮೀಟ್
ತೊಪ್ಲ್ಯಾಂತ್ ತೇಲ್ ತಾಪಯ್, ಮಿಯಾವ್, ಆಲೆಂ ಆನಿಂ ಲೊಸೊಣ್ಯೊ ಘಾಲ್ನ್ ಪಿಯಾವ್ ತಾಂಬ್ಡೊ ಜಾತಾ ಮ್ಹಣಾಸರ್ ಬಾಜ್ ಆನಿಂ ಮೀಟ್ ಘಾಲ್. ಆಳ್ಯಾನ್ ಘಾಲ್ನ್ ಇಲ್ಲೊ ವೇಳ್ ಬಾಜ್. ಬಾಜ್ಲ್ಲೆಂ ಮಾಸ್ ಘಾಲ್ನ್ ಬರೆಂ ಕರ್ನ್ ಧಾ ಮಿನುಟಾಂ ಚಾಳ್. ಮಾಸ್ ಉಕಡ್ಲೆಲೆ ಉದಾಕ್ ಭರ್ಶಿ ಆನಿಂ ಚಾಳ್. ಪಾತಳ್ ಜಾಯ್ ತರ್ ಇಲ್ಲೆಂ ಉದಾಕ್ ಘಾಲ್ ಆನಿಂ ಜಾಯ್ ತಶೆಂ ಹಳ್ತ್ ಕರ್. ಮೀಟ್ ಜಾಯ್ ತರ್ ರುಚಿಕ್ ತೆಕಿದ್ ಘಾಲ್ ಆನಿಂ ಬಾರಿಕ್ ಉಜ್ಯಾರ್ ಮಾಸ್ ಮೋವ್ ಪಡ್ತಾ ಮ್ಹಣಾಸರ್ ಉಕ್ಡುಂಕ್ ಸೊಡ್. ಆಕೇರಿಕ್ ತರ್ನಿ ಮಿರ್ಸಾಂಗ್ ಆನಿಂ ರುಚಿಕ್ ಖಾತಿರ್ ಇಲ್ಲಿಶಿ ಚಾಕರ್ ಘಾಲ್. ಧಾ ಮಿನುಟಾಂ ಸೊಡ್ ಆನಿಂ ಭುಂಯ್ ದವರ್.
About us | Feedback | Contact us
Copyright ©
2005 DAAIZ.COM All rights reserved.
Page concept, designed and maintained by Ashawadi Publications
