ಕೊಂಕ್ಣೆಚಾ ವಿಂಚ್ಣಾರ್ ಸಾಹಿತ್ಯಾಚೊ ಕೊನ್ಸೊ -’ದಾಯ್ಜ್’ -ಫಕತ್ತ್ ಕೊಂಕಣಿ ಥಾವ್ನ್, ಕೊಂಕಣಿ ಪರ್ಯಾಂತ್, ಕೊಂಕಣಿ ಖಾತಿರ್.
ಮಯ್ನೊ: ಅಗೋಸ್ತ್ 2006 ವರಸ್: 3
ಸರ್ವ್ ದಾಯ್ಜ್ ವಾಚ್ಪ್ಯಾಂಕ್ ಸ್ವಾತಂತ್ರ್ ದಿವಸಾಚೆ ಉಲ್ಲಾಸ್
ಮಟ್ವಿ ಕಾಣಿ: ಕೊಂಕ್ಣೆಂತ್ ಜೆಮ್ಮಾ ಪಡೀಲ್ ಏಕ್ ಸಿಂತಿಮೆಂತಾಳ್ ಬರವ್ಪಿ ತೆಂ ಸಗ್ಳೆ ಜಾಣಾಂತ್ ತರ್ಯ್ ತೊ ಏಕ್ ಭಳಿಶ್ಟ್ ಕಾಣ್ಯೆಗಾರ್ ಮ್ಹಳ್ಳೆಂ ಥೊಡ್ಯಾಂಕ್ ಮಾತ್ರ್ ಕಳಿತ್ ಅಸೊಂಕ್ ಪುರೊ. ತಾಚಿ ಹಿ ’ಪರ್ನೆಂ ಕದೆಲ್’ ಮಟ್ವಿ ಕಾಣಿ ಖರೆಂಚ್ ಜಾವ್ನ್ ದೋನ್ ವರ್ಗಾಚಾ ಮನ್ಶಾಂಚಾ ಮನೋಗತೆಚೆರ್ ಅರ್ಸೊ ಧರ್ತಾನಾ ವಾಚ್ಪ್ಯಾಚೆಂ ಕಾಳಿಜ್ ಕಶೆಂ ರಡ್ತಾ ಪಳೆಯಾ.
ಚುಟುಕಾಂ: ಕೊಂಕ್ಣೆಂತ್ ವಲ್ಲಿ ವಗ್ಗ ಏಕ್ ಕಾಣ್ಯೆಗಾರ್ ಜಾವ್ನ್ ಫಾಮಾದ್ ತರ್ಯ್ ತಾಚಿಂ ಮಟ್ವಿ ಕವಿತಾ ವ ಚುಟುಕಾಂ ಫಾಮಾದ್. ಹಾಂಗಾಸರ್ಯ್ ತಾಂತ್ಲಿಂ ಥೊಡಿಂ ವಿಂಚುನ್ ದಾಯ್ಜ್ ವಾಚ್ಪ್ಯಾಂಕ್ ದಿಲ್ಯಾಂತ್, ಖರೆಂಚ್ ಜಾವ್ನ್ ಮತಿಕ್ ಉಲ್ಲಾಸ್ ಫಾಂಕಂವ್ಚಾಂತ್ ಹಿಂ ಜಿಕ್ತೆಲಿಂ ಮ್ಹಳ್ಳೊ ಖೂಬ್ ಭರ್ವಸೊ ಮ್ಹಜೊ.
ಚುಟುಕಾಂ: ಕೊಂಕ್ಣೆಂತ್ ’ಎಡ್ವಿನ್ ಜೆ. ಎಫ್. ಡಿ’ಸೋಜ್’ ವ ’ವಾಸು ವಾಲೆನ್ಸಿಯಾ’ ಮ್ಹಣ್ತಚ್ ಫಟ್ಟ್ ಕರ್ನ್ ಉಡಾಸಾಕ್ ಯೆತಾ ಕಾದಂಬರಿ, ಕಾಣ್ಯೊ ತರ್ಯ್ ಹಾಕಾ ಕೊಂಕ್ಣಿ ಸಾಹಿತ್ಯಾಚೊ ಚಕ್ರವರ್ತಿ ಮ್ಹಣ್ ಆಪಯ್ತಾತ್. ಪುಣ್ ಹಾಣೆಂ ಬರಯಿಲ್ಲ್ಯಾ ಥೊಡ್ಯಾ ಕವಿತಾಂನಿ ಆಸ್ಚಿ ಸಕತ್ ಕಿತ್ಲೆಶ್ಯಾಂನಿ ಪಾರ್ಕಿಲ್ಯಾ? ಭೋವ್ಶಾ ಹಿಂ ಕವಿತಾ ವಾಚ್ತಾನಾ ತುಮ್ಕಾಂಚ್ ತೆಂ ಗೊಮ್ತೆಲೆಂ. ಹಾಚಿಂ ತೀನ್ ವಿಂಚ್ಣಾರ್ ಚುಟುಕಾಂ ದಾಯ್ಜ್ ವಾಚ್ಪ್ಯಾಂಕ್ ಧಾದೊಸ್ ಕರುಂಕ್ ಪಾವ್ತೆಲಿಂ ಮ್ಹಣ್ ಹಾಂವ್ ಪಾತ್ಯೆತಾಂ.
ಮಟ್ವಿ ಕಾಣಿ: ಕೊಂಕ್ಣೆಂತ್ ’ಎಡಿ ನೆಟ್ಟೊ’ ರಾಜಕೀಯ್ ಲೇಖನಾಂಕ್ ಭೋವ್ ಫಾಮಾದ್ ತರ್ಯ್ ಹಾಚ್ಯೊ ಮಟ್ವ್ಯೊ ಕಾಣ್ಯೊ ಅಪುರ್ಭಾಯೆಚ್ಯೊ ತಶೆಂಚ್ ಸಭಾರ್ ಕಾಳ್ ಮತಿಂತ್ ಖಂಚೊನ್ ಉರ್ಚ್ಯೆ ತಸಲ್ಯೊ. ’ಗಡ್ ಆನಿ ತಡ್’ ತಾಚಿ ಆಯ್ಲೆವಾರ್ಚಿ ಮಟ್ವಿ ಕಾಣಿ, ದೇಶ್ ರಾಕ್ಚಾ ಎಕಾ ಸೊಜೆರಾಚಿ. ಖುದ್ದ್ ಏಕ್ ಸೊಜೆರ್ ಜಾವ್ನ್ ಆಸ್ಲ್ಲೆನಿಮ್ತಿಂ ಹ್ಯಾ ಕಾಣ್ಯೆಂತ್ ಆಸ್ಚೊ ಜೀವ್ ಖಂಡಿತ್ ತುಮ್ಕಾಂ ದಿಶ್ಟಿಕ್ ಪಡ್ತಲೊ.
ಮಟ್ವಿ ಕಾಣಿ: ಕೊಂಕ್ಣೆಂತ್ ಏಕ್ ಭಳಿಶ್ಟ್ ಕಾಣ್ಯೆಗಾರ್, ವಾಚ್ಪ್ಯಾಂಚೆಂ ಕಾಳಿಜ್ ಮುಡ್ಡುಂಚಿ, ತಾಚಾ ಆಂಗಾಚಿ ಲೋಂವ್ ಸಯ್ತ್ ಉಭಿ ಕರ್ಚಿ ಶ್ಯಾಥಿ ಅಪ್ಲ್ಯಾ ಕಾಣ್ಯಾಂನಿ ಆಸ್ಚೊ ಕ್ಲೆರೆನ್ಸ್ ಕೈಕಂಬ ಹಾಚಿ ಮಟ್ವಿಕಾಣಿ ’ಯಜ್ನ್’ ಆಯ್ಲೆವಾರ್ ಪರ್ಗಟ್ ಜಾಲ್ಲ್ಯಾ ತಾಚ್ಯಾ ’ಸುಟ್ಕಾ’ ಬುಕಾಂತ್ ಪರ್ಗಟ್ ಜಾಲ್ಯಾ. ಹ್ಯಾ ಕಾಣ್ಯೆಕ್ ವಾಚುನ್ ದಾಧೊಸ್ ಜಾಂವ್ಕ್ ತುಕಾ ಆತಾಂ ಉಲೊ ದಿತಾಂ.
ಕವಿತಾ: ಆಯ್ಲೆವಾರ್ ಪರ್ಗಟ್ ಜಾಲ್ಲ್ಯಾ ’ದರ್ಭಾರಾಂತ್ಲಿ ಪಿಂರ್ಗೊಣ್’ ಕವಿತಾಜಮ್ಯಾಂತ್ ಪರ್ಗಟ್ ಜಾಲ್ಲೆಂ ಹೆಂ ಕವಿತಾ ಎದೊಳ್ಚ್ ಕಾನಡಿ ಭಾಸೆಂತ್ ಆಣ್ಕಾರ್ ಜಾವ್ನ್ ಪರ್ಗಟ್ ಜಾಲಾಂ. ಹಾಂಗಾಸರ್ ’ಪೆಟೊ’ ಏಕ್ ಸಾಂಕೇತ್ ಮಾತ್ರ್. ಹ್ಯಾ ’ಅನ್ಯೇಕ್ ಪೆಟೊ ಮೆಲಾ’ ಕವಿತೆಚಿ ಸೊಭಾಯ್ ತುಮಿಂಚ್ ಪಳೆಯಾ - ವಲ್ಲಿ ಕ್ವಾಡ್ರಸ್.
ತಿಸ್ರೊ ದೊಳೊ: ಎಚ್ಚೆಮ್ ಹಾಣೆಂ ಬರಂವ್ಚೆಂಚ್ ಅಪ್ರೂಪ್, ಆನಿ ಬರಯ್ಲ್ಯಾರ್ ಗಾಂವಾರ್ ಗಾಂವ್ ಲಾಸ್ಚಿ ಶ್ಯಾಥಿ ಹಾಚ್ಯಾ ಬರ್ಪಾಕ್. ತೆಂಯ್ ಕವಿತಾವಿಶ್ಯಾಂತ್ ಹೊ ಬರಂವ್ಕ್ ಧರಿತ್ ತರ್ ಥಂಯ್ಚರ್ ಕಸಲಿಚ್ ಲಜ್ ದಾಕ್ಶೆಣ್ ವ ಮುಲಾಜ್ ನಾಸ್ತಾಂ ಸುಶೆಗಾತ್ ವಿಮರ್ಸೊ ಕರ್ಚಿ ಹಾಚಿ ವಿಶೇಷತಾ. ’ಅನ್ಯೇಕ್ ಪೆಟೊ ಮೆಲಾ’ ಕವಿತೆಕ್ ಶಿಂದುನ್ ಶಿಂದುನ್ ಹೊ ಕಸೊ ತ್ಯಾ ಮೆಲ್ಲ್ಯಾ ಪೆಟ್ಯಾಕ್ ಜೀವ್ ದಿತಾ ಪಳೆಯಾ.
ಮಟ್ವಿ ಕಾಣಿ: ಕೊಂಕ್ಣೆಂತ್ ಮಟ್ವ್ಯಾ ಕಾಣ್ಯಾಂಕ್ ಬರಯ್ತೆಲ್ಯಾಂ ಪಯ್ಕಿ ಆಯ್ಲೆವಾರ್ ಅಪ್ಲಿಚ್ ಶೈಲಿ ಘೆವ್ನ್ ಉದೆಲ್ಲೊ ಮೆಲ್ವಿನ್ ಪಿಂಟೊ ನೀರುಡೆ ಚಡ್ತಾವ್ ಜಾವ್ನ್ ಸಾಮಾಜಿಕ್ ಕಾಣ್ಯೊ ಲಿಖ್ತಾ ತರ್ಯ್ ಕೊಂಕ್ಣಿ ಮಟ್ವ್ಯಾ ಕಾಣ್ಯಾಂಕ್ ನವೆಂಸಾಂವ್ ಹಾಡ್ಚಾಂತ್ ಮಹತ್ವಾಚೊ ಪಾತ್ರ್ ಘೆಂವ್ಕ್ ಪಾವತ್ ಮ್ಹಳ್ಳೊ ಭರ್ವಸೊ ಹಾಚ್ಯೊ ಕಾಣ್ಯೊ ವಾಚ್ತಾನಾ ಉದೆತಾ. ಹೊ ಫಕತ್ತ್ ಕಾಣ್ಯೆಗಾರ್ ಮಾತ್ರ್ ನ್ಹಂಯ್ ಆಸ್ತಾಂ ಏಕ್ ಕವಿ, ವಿಮರ್ಶಕ್ಯ್ ಜಾವ್ನಾಸಾ. ತಾಚಿ ’ದುಖಾಂ’ ಮಟ್ವಿ ಕಾಣಿ ವಾಚ್ತಾನಾ ತುಕಾಚ್ ತೆಂ ಗೊಮ್ತೆಲೆಂ.
ಕವಿತಾ: ಮೆಲ್ವಿನ್ ಜೆ. ವಾಸ್ ಜೆದ್ನಾಂ ಅಪ್ಲ್ಯಾ ಕವಿತೆಕ್ ’ಸ್ವತಂತ್ರ್’ ಮ್ಹಳ್ಳೊ ವಿಶಯ್ ವಿಂಚ್ತಾ, ತೆದ್ನಾಂ ಥಂಯ್ಸರ್ ಉದೆತಾ ಜಾಲ್ಲೆಂ ಅಪುರ್ಭಾಯೆಚೆಂ ಕವಿತಾ ಕಶೆಂ ಆಸೊಂಕ್ ಸಾಧ್ಯ್? ಹಾಚೊ ಅಂದಾಜ್ ಖಂಡಿತ್ ಜಾವ್ನ್ ಕವಿತಾರಸಿಕಾಂನಿ ಎದೊಳ್ಚ್ ಕೆಲಾ ಮ್ಹಣ್ ಪಾತ್ಯೆತಾಂ, ಕರಿನಾತ್ಲ್ಲ್ಯಾಂನಿ ಖರೆಂಚ್ ಜಾವ್ನ್ ಹೆಂ ಕವಿತಾ ವಾಚ್ತಾನಾ ಅಪ್ಶೆಂಚ್ ಕಳ್ತೆಲೆಂ.
ಕವಿತಾ: ಆರ್ಥರ್ ರೋಶನ್ ಪಿರೇರ್ ಅಪ್ಲ್ಯಾ ’ಕಿತ್ಯಾಕ್ ತುಂ ಆಯ್ಲೆಂಯ್?’ ಮ್ಹಣ್ ಆಪ್ಲ್ಯಾ ಪ್ರೇಮಿಕಾಲಾಗಿಂ ಸವಾಲ್ ಕರ್ಚಾಕ್ ಕಸಲಿಂ ಕಾರಾಣಾಂ ಆಸೊಂಕ್ ಸಾಧ್ಯ್? ಹೆಂ ಏಕ್ ಮೊಗಾಚೆಂ ಕವಿತಾ ತರ್ಯ್ ಹಾಂತುಂ ಫಕತ್ತ್ ಮೋಗ್ ಮಾತ್ರ್ ನ್ಹಂಯ್, ಕಾವ್ಯಾಳ್ ಕೊಂಬ್ರೆ ಆಸ್ಚೆ ತುಕಾ ಖರೆಂಚ್ ಜಾವ್ನ್ ವಿಜ್ಮಿತ್ ಕರ್ತೆಲೆ.
ಮಟ್ವಿ ಕಾಣಿ: ದಾಯ್ಜ್ ಸಾಹಿತಿಕ್ ಸ್ಪರ್ಧೊ 2004 ಹಾಂತುಂ ಅಪ್ಲ್ಯಾ ’ಚರುವೊ’ ಮಟ್ವ್ಯಾ ಕಾಣ್ಯೆಕ್ ಪಯ್ಲೆಂ (5000 ರುಪಯ್) ಇನಾಮ್ ಜೊಡ್ಲೆಲಿ ಕ್ಯಾಥರಿನ್ ರೊಡ್ರಿಗಸ್ ಫಕತ್ತ್ ಕಾಣ್ಯೊ ಮಾತ್ರ್ ನ್ಹಂಯ್, ಕವಿತಾ ತಶೆಂಚ್ ನಾಟಕಾಂ ಬರವ್ನ್ ಫಾಮಾದ್ - ಜಶೆಂ ಕೊಂಕ್ಣೆಂತ್ ತಶೆಂಚ್ ತುಳುವೆಂತ್ ಸಯ್ತ್. ಹಿ ತಿಚಿ ’ಕೇಲ್ ಅಮ್ಮಾ’ ಮಟ್ವಿ ಕಾಣಿ ದಾಯ್ಜ್ ಸಾಹಿತಿಕ್ ಸ್ಪರ್ಧೊ 2005 ಹಾಂತುಂ ವೊರಾಯ್ಣಾರಾಂಚೆಂ ಶಿಫಾರಾಸ್ ಜೊಡ್ಲೆಲಿ ಜಾವ್ನಾಸಾ.
ಕವಿತಾ: ಕವಿ ವಿನ್ಸಿ ಮೆಲ್ಕಾರ್ ಕವಿ ಜಾವ್ನ್ ಉದೆಲ್ಲೊ ಆಯ್ಲೆವಾರ್ ಮ್ಹಣ್ ಕೊಣ್ ಸಾಂಗ್ತಿತ್? ತಾಚೆಂ ’ಸ್ವತಂತ್ರ್ ದೆಶಾಚೆ ಸ್ವತಂತ್ರ್ ಭಿಕಾರಿ’ ಕವಿತಾ ಫಕತ್ತ್ ಏಕ್ ಕವಿತಾ ಮಾತ್ರ್ ನ್ಹಂಯ್, ಹ್ಯಾ ದೇಶಾಂತ್ ಜಿಯೆತೆಲ್ಯಾಂಚಿ ಅಸ್ಕತ್ ಬೋಬ್ ಜಾವ್ನಾಸಾ ಮ್ಹಣ್ಚಾಕ್ ಹೆಂ ಕವಿತಾ ಜರೂರ್ ವಾಚ್ ಆನಿ ಹ್ಯಾ ಕವಿತೆಚೊ ಸಾರ್ ತುಂಚ್ ಪಾರ್ಕುನ್/ತುಕುನ್ ಪಳೆ.
ಕವಿತಾ: ಆಯ್ಲೆವಾರ್ ’ತಿಂತೆರಾಂತ್ ಪಿಂತುರಾಂ’ ಚೆರ್ ಪರ್ಗಟ್ ಜಾಲ್ಲೆಂ ಆರ್ಯನ್ ತಾಕೊಡೆಚೆಂ ಕವಿತಾ ಜಾಯ್ತ್ಯಾ ಕವಿತಾರಸಿಕಾಂಚಿಂ ಮನಾಂ ಜಿಕೊಂಕ್ ಸಕ್ಲ್ಲಿ ಗಜಾಲ್ ಆತಾಂ ಪರ್ನಿ. ಸಭಾರ್ ಕವಿತಾರಸಿಕಾಂಚಾ ದೊಳ್ಯಾಂಚ್ಯೊ ಆಸ್ಡ್ಯೊ ವಯ್ರ್ ಕರುಂಕ್ ಸಕ್ಲ್ಲೊ ಹೊ ತರ್ನೊ ಕವಿ ಆತಾಂ ಅಪ್ಲ್ಯಾ ವಿಡಂಬನಾತ್ಮಕ್ ಕವಿತೆಂತ್ ’ಧರ್ಮ್ ಆನಿ ಕರ್ಮ್’ ಭರ್ಸುನ್ ವಾಚ್ಪ್ಯಾಕ್ ಕಶ್ಯೊ ಕುಚುಲ್ಯೊ ಕರ್ತಾ ಪಳೆಯಾ.
ಕವಿತಾ: ಅಗೋಸ್ತಾಚಿ ಪಂದ್ರಾ ತಾರಿಕ್ ದೋನ್ ಸಂಗ್ತ್ಯಾಂನಿ ಮಹತ್ವಾಚಿ, ಪಯ್ಲೆಂ ಮರ್ಯೆಚಾ ಸ್ವರ್ಗಾರೋಹಣಾಕ್ ತರ್ ದುಸ್ರೆಂ ಭಾರತ್ ದೇಶಾಚಾ ಸ್ವತಂತ್ರಾಚಾ ಸಂಭ್ರಮಾಚೆಂ ಧ್ವಜಾರೋಹಣಾಕ್. ಹೆಂಚ್ ಚಿಂತಾಪ್ ಅಪ್ಲ್ಯಾ ಕವಿತೆಂಚ್ ಅಪುರ್ಭಾಯೆನ್ ವ್ಹಾಳಯ್ತಾ ವಾಯ್ಲೆಟ್ ಜೆ. ಪಿರೇರಾ.
ಕವಿತಾ: ಕೊಣ್ ತೊ ಮನಿಸ್ ಸ್ವಪ್ಣಾಂ ಪಳೆನಾ? ಮನಿಸ್ ಆಯ್ಚೆ ಕಶ್ಟ್ ಸೊಸುನ್ ಮೊರೊನ್ ತರ್ಯ್ ಜಿಯೆತಾ ಫಕತ್ತ್ ಅಪ್ಲೆಂ ಸ್ವಪಾಣ್ ಕಾಂಯ್ ಫಾಲ್ಯಾಂ ಪೊರ್ವಾಂ ಜ್ಯಾರಿ ಜಾಯ್ತ್ ಮ್ಹಳ್ಳ್ಯಾ ಆಶೆನ್. ತಶೆಂಚ್ ಕವಿನ್ ಹಾಂಗಾಸರ್ ಸ್ವಪ್ಣಾಂ ಪಳೆಲ್ಯಾಂತ್, ಮೊಳ್ಬಾಕ್ ದೆಳಿಂ ತೆಂಕ್ಚಿಂ ಸ್ವಪ್ಣಾಂ. ತೆಂಯ್ ಗೊಂಯ್ಕಾರ್ ಕೊಂಕ್ಣಿ ಕವಿ ಲೂಕಸ್ ಮಾರ್ಕ್ ದಿನಿಜ್.
About us | Feedback | Contact us
Copyright © 2005
DAAIZ.COM All rights reserved.
Page concept, designed, hosted and maintained by Ashawadi
Publications