ಕೊಂಕ್ಣೆಚಾ ವಿಂಚ್ಣಾರ್ ಸಾಹಿತ್ಯಾಚೊ ಕೊನ್ಸೊ -’ದಾಯ್ಜ್’ -ಫಕತ್ತ್ ಕೊಂಕಣಿ ಥಾವ್ನ್, ಕೊಂಕಣಿ ಪರ್ಯಾಂತ್, ಕೊಂಕಣಿ ಖಾತಿರ್.
ಸರ್ವ್ ದಾಯ್ಜ್ ವಾಚ್ಪ್ಯಾಂಕ್ ನವ್ಯಾ ವರ್ಸಾಚೆ ಉಲ್ಲಾಸ್
ಅಂಕೊ: 20 ಮಯ್ನೊ: ಜನೆರ್ 2006 ವರಸ್: 2
"ಹ್ಯಾ ನವ್ಯಾ ವರ್ಸಾಂತ್
ಆಮ್ಚೆ ದೀಸ್ ಸಂತೊಸಾಚೆ ಜಾಂವ್
ಥೊಡೊ ಸಂತೊಸ್ ಪೆಲ್ಯಾಚೆರ್ಯ್ ದೆಂವೊ
ಹೆಂ ನವೆಂ ವರಸ್
ಆಮ್ಚೆರ್ ಪ್ರಕಾಸ್ಭರಿತ್ ಜಾಂವ್
ಥೊಡಿಂ ಕಿರ್ಣಾಂ ಆಮ್ಚಾ ಪೆಲ್ಯಾಚೆರ್ಯ್ ಪಡೊಂ
ಹ್ಯಾ ನವ್ಯಾ ವರ್ಸಾಂತ್
ಆಮ್ಚಿ ಜಿಣಿ ಫಳಾಭರಿತ್ ಜಾಂವ್
ಥೊಡಿ ಫಳಾಂ ಪೆಲ್ಯಾಚೆರ್ಯ್ ಉದೆಂವ್
ನವ್ಯಾ ವರ್ಸಾ ನವೊ ಸ್ಪಿರಿತ್ ಆಮ್ಚೆರ್ ಯೇಂವ್
ಪೆಲ್ಯಾಚಿಂ ಕಾಳ್ಜಾಂ ಮೊಡಾನಾಂ ನಾಂವ್
ಪೆಲ್ಯಾಚಿಂ ಮನಾಂ ಪಡಾನಾಂ ಜಾಂವ್"
ನವ್ಯಾ ವರ್ಸಾಚಾ ಸಂದರ್ಭಾರ್ ದೆವಾಕ್ ಉಲೊ ದಿಲ್ಲೆಂ ಹೆಂ ಕವಿತಾ ಆಯ್ಚೆಂ-ಕಾಲ್ಚೆಂ ನ್ಹಯ್, 1913 ಇಸ್ವೆಂತ್ ’ಕೊಂಕಣ್ ದಿರ್ವೆಂ’ ಪತ್ರಾಂತ್ ಅಮರ್ ಕವಿ ಲುವಿಸ್ ಮಸ್ಕರೇಞಾನ್ ಬರಯಿಲ್ಲೆಂ ಜಾವ್ನಾಸಾ. ಪುಣ್ ಹೆಂ ಕವಿತಾ ಹರ್ಯೆಕಾ ನವ್ಯಾ ವರ್ಸಾಚಾ ಸಂದರ್ಭಾರ್ ಉಗ್ಡಾಸ್ ಕಾಡ್ಯೆತ್ ಜಾಲ್ಲೆಂ ಅಪೂರ್ವ್ ದಿರ್ವೆಂ, ಫಕತ್ತ್ ದಾಯ್ಜ್ ವಾಚ್ಪ್ಯಾಂಕ್. ವಾಚ್.
ಎಕಾ ಸೊಂರ್ಗ್ಯಾಚಿ ಕಥಾ ಮನಿಸ್ ಹ್ಯಾ ಸಂಸಾರಾಂತ್ ಜಿಯೆವ್ನ್ ಆಸ್ತಾನಾ, ಜೀಕ್ ಆಪ್ಣಾಂವ್ಕ್ ಕಿತೆಂಯ್ ಕರ್ತಾನಾ, ಸಭಾರ್ ಪಾವ್ಟಿಂ ಮನ್ಶಾಕ್ ಹ್ಯಾ ಸಂಸಾರಾಂತ್ ಲಾಭ್ಚಿ ಜೀಕ್ಚ್, ಹೆರಾಂಚಾ ಮೊಸ್ರಾನಿಮ್ತಿಂ ಕಶೆಂ ಅಪ್ಲ್ಯಾ ನಾಸಾಕ್ ಕಾರಾಣ್ ಜಾಂವ್ಕ್ ಪಾವ್ತಾ ಮ್ಹಳ್ಳೊ ಸಂದೇಶ್ ಪಾಚಾರ್ಚಿ ಅಪುರ್ಭಾಯೆಚಿ ಕಾಣಿ ಪಿಂತ್ರಾಯ್ತಾ ಹಿ ಕವಿತಾ. ವಾಚ್.
ಬ್ರದರ್ ರೊಕಿ: ಅಜೀಕ್ ಸೊಳಾ ವರ್ಸಾಂ ಆಧಿಂ ಆಂಡ್ರು ಎಲ್. ಡಿ’ಕುನ್ಹಾನ್ ಬರಯಿಲ್ಲಿ ಹಿ ಅಪುರ್ಭಾಯೆಚಿ ಮಟ್ವಿ ಕಾಣಿ ವಾಚುಂಕ್ ಚುಕಾನಾಕಾ. ಏಕ್ ಬ್ರದರ್ ಎಕಾ ಫಿರ್ಗಜೆಚಾ ಚೆಡ್ವಾಚಾ ಮೊಗಾರ್ ಪಡ್ತಾ ಆನಿ ಎಕಾ ನಮ್ಯಾರ್ಲೆಲ್ಯಾ ದಿಸಾ ತೆಂ ಚೆಡುಂ ಅಪ್ಲೆಂ ಕಾಳಿಜ್ ಉಘಡುಂಕ್ ದರ್ಯಾಚಾ ದೆಗೆಕ್ ಯೇಂವ್ಕ್ ಬ್ರದರ್ ರೊಕಿಕ್ ಆಪವ್ಣೆಂ ದಿತಾ ಆನಿ ತಿಂ ದೊಗಾಂಯ್ ಥಂಯ್ ಮೆಳ್ತಾತ್. ಉಪ್ರಾಂತ್ ಕಿತೆಂ ಜಾತಾ?. ವಾಚ್.
ಗೊರ್ಯಾಚೊ ಬೊಂಗ್ಲೊ: ಏಕ್ ಮುಖೆಲಿ, ಸಮಾಜ್ ಸೆವಕ್, ಪತ್ರಿಕೋಧ್ಯಮಿ ಜಾವ್ನ್ ಫಾಮಾದ್ ಜಾಲ್ಲೊ ಆಸ್ಟಿನ್ ಡಿ’ಸೋಜ್ ಪ್ರಭು ಏಕ್ ಬರೊ ಕಾಣ್ಯೆಗಾರ್ ಸಯ್ತ್. ಅಪ್ಲೊ ಮಾಂಯ್ಗಾಂವ್ ಮಂಗ್ಳುರ್ ಥಾವ್ನ್ ಹಜಾರೊಂ ಮೈಲಾಂ ಪಯ್ಸ್ ಆಸ್ಲ್ಯಾರ್ಯ್ ತಾಚಾ ಕಾಳ್ಜಾಂತ್ಲೊ ಕೊಂಕ್ಣಿ ಮೋಗ್ ಅಜೂನ್ ತೊಚ್ಚ್ ಮ್ಹಣ್ಚಾಕ್ ಹಿ ’ಗೊರ್ಯಾಚೊ ಬೊಂಗ್ಲೊ’ ಕಾಣಿ ಅಪುರ್ಭಾಯೆಚಿ ಗೊವಾಯ್ ದಿತಾ. ವಾಚ್.
Kavithadaaiz: Novea Vorsa daaiz Novem ankann suru kortana baab Lino Dourado apli novi kovitaa 'Novea Vorsachem Magnnem' Gevn Ayla. Baab Lino amcho Goenkar bhav, Kuwaitant Vavr karun asa. Romi lipiyent hachim sobar kovita goa-world cher porgot Zalyant. Romi lipiyent tumkam kovita borovunk ulo dita. Vaach.
ದಾಯ್ಜ್ ನತಾಲಾಂಚೆಂ ವಿಶೇಷ್ ಪಾನಾಕ್ ಭೆಟ್ ದಿಯಾ
About us | Feedback | Contact us
Copyright © 2005
DAAIZ.COM All rights reserved.
Page concept, designed, hosted and maintained by Ashawadi
Publications