ವಿಮರ್ಶ್ಯಾಚಿ

ಕೊಂಕ್ಣೆಚಾ ವಿಂಚ್ಣಾರ್ ಸಾಹಿತ್ಯಾಚೊ ಕೊನ್ಸೊ - ’ದಾಯ್ಜ್’ - ಫಕತ್ತ್ ಕೊಂಕಣಿ ಥಾವ್ನ್, ಕೊಂಕಣಿ ಪರ್‍ಯಾಂತ್, ಕೊಂಕಣಿ ಖಾತಿರ್.

ಸಾಹಿತಿಕ್ ವಿಮರ್ಶೆ

ಸಾಹಿತ್ಯಾಕ್ ವಿಮರ್ಶ್ಯಾಚಿ ಗರ್ಜ್: ಸಂಸಾರಾಂತ್ಲ್ಯಾ ಖಂಚ್ಯಾಯ್ ಭಾಸೆಂತ್ಲೆಂ ಸಾಹಿತ್ಯ್ ವ್ಹಾಡ್ಲಾಂ ವಾ ವ್ಹಾಡ್ತಾ ತರ್, ತಾಂತುಂ ವಿಮರ್ಶ್ಯಾಂಚೊ ಪಾತ್ರ್ ವ್ಹಡ್ಲೊ ಜಾವ್ನಾಸ್ತಾ. ಜಶೆಂ ಪಿಡಾ ಧಾಂವ್ಡಾಂವ್ಕ್ ವಕ್ತಾಂಚಿ ಗರ್ಜ್ ಆಸ್ತಾ ತಶೆಂಚ್, ಸಾಹಿತ್ಯಾಂತ್ಲಿ ಪಿಡಾ ಧಾಂವ್ಡಾಂವ್ಕ್ ಖರೆಂಚ್ ಜಾವ್ನ್ ಭಲಾಯ್ಕೆಚೆ ವಿಮರ್ಶೆ ಜರೂರ್ ಉಪ್ಕಾರ್ತಾತ್. ಅಶೆಂ ಮ್ಹಣೊನ್ ಪಿಡೇಸ್ತ್ ಚಿಂತ್ಪಾಚೆ ವಾ ತೊಂಡಾಕ್ ಆಯಿಲ್ಲೆಂ ಬರಂವ್ಚೆಂ ವಿಮರ್ಸೊ ಜಾಯ್ನಾ. ವಿಮರ್ಸೊ ಏಕ್ ಜವಾಬ್ಧಾರಿ ಶಿವಾಯ್ ಹೊರ್ಭೊಸ್ ನ್ಹಂಯ್. ವಿಮರ್ಸೊ ಸಾಹಿತ್ಯಾಚೆರ್ ದಿವ್ಟಿ ಪೆಟಂವ್ಕ್ ಸಕ್ತಾ ಶಿವಾಯ್ ಸಾಹಿತಿಂಕ್ ಹುಲ್ಪಾಂವ್ಕ್ ನ್ಹಂಯ್. ಹೆರ್ ಭಾಸೆಂತ್ಲ್ಯಾ ವಿಮರ್ಶಕಾಂಪರಿಂ ಕೊಂಕ್ಣೆಂತ್ ವಿಮರ್ಶಕ್ ಆಸ್ಚೆ ಭೋವ್ ಥೊಡೆ. ಅಶೆಂ ಮ್ಹಣೊನ್ ಗಾಂವಾರ್ ನಾಕ್‌ಭರ್ ಪಿಯೆವ್ನ್ ಗಡಂಗಾ ದೆಗೆರ್ ತೊಂಡಾಂಕ್ ಆಯಿಲ್ಲೆಂ ಬೊಬಾಟ್ತೆಲ್ಯಾ ವರ್ಗಾಂತ್ಲ್ಯಾಂಕ್ ಧರ್ನ್ ಹಾಡ್ನ್ ಪಾಟೊಸಾರ್ ಬಸವ್ನ್ ವಿಮರ್ಶಕ್ ಮ್ಹಳ್ಳೊ ಬಿಲ್ಲೊ ದಿಲ್ಲೆ ಜಾಯ್ತೆ ಸಂದರ್ಭ್ ಆಮ್ಚೆ ಮುಖಾರ್ ಆಸಾತ್. ಅಪಾಪ್ಲೊ ಅಶೀರ್ ಚಿಂತ್ಪಾಚೊ ಪ್ರಭಾವ್ ತೊ. ಫಕತ್ತ್ ಅಪ್ಣಾಕ್ ಧುಂಪಂವ್ಕ್, ಆನಿ ಅಪ್ಣಾಕ್ ಜಾಯ್ನಾತ್‌ಲ್ಲ್ಯಾಂಕ್ ಕಶೆಂ ಜಾಯ್ ತಶೆಂ ಘೊಂಕುಂಕ್, ಜಾಳ್ ವೊಂಕೊಂಕ್ ಅಸಲ್ಯಾಂಕ್ ಪಾಟೊಸಾರ್ ಬಸಂವ್ಚೆಂ, ಆನಿ ಕೊಲ್ಯಾಕ್ ರಾಜ್ವಟ್ಕಿ ದಿಂವ್ಚಿ ದೊನ್‌ಯೀ ಎಕ್‌ಚ್ಚ್.

ವಿಮರ್ಶೆ ಚಡಾವತ್ ಜಾವ್ನ್ ಕೊಣಾಕ್‌ಯೀ ಖಾಯ್ಸ್ ಜಾಯ್ನಾಂತ್. ಅಪ್ಲ್ಯಾ ಸಾಹಿತ್ಯಾಚೆರ್ ಕೊಣೆಂಯೀ ವಿಮರ್ಸೊ ಕೆಲೊ ತರ್ - ಜರ್ ತೊ ವಿಮರ್ಸೊ ಅಪ್ಣಾಕ್ ಪಸಂದ್ ಜಾಲೊ - ತರ್ ತೊ ವಿಮರ್ಸೊ ಬರೊ. ನಾವೇ ತೊ ವಿಮರ್ಸೊ ಮೊಸ್ರಾಚೊ, ವಾ ವಿಮರ್ಶಕಾಕ್ ಅಪ್ಲೆಂ ಸಾಹಿತ್ಯ್ ಸಮ್ಜೊಂಕ್ ನಾ. ಒಟ್ರಾಶೆ ವಿಮರ್ಶಕಾಂಕ್ ಚಡ್ತಾವ್ ಖಾಯ್ಸ್ ಕರಿನಾಂತ್. ವಿಮರ್ಶಕ್ ಖೊಡ್ಯಾರೊ ನ್ಹಂಯ್. ಅನ್ಯೇಕ್ ಭೋವ್ ಗರ್ಜೆಚೊ ಹಿಶಾರೊ: ಕೊಣೆಂಯ್ ಎಕ್ಲ್ಯಾನ್ ಕೊಣಾಯ್ಚಾ ಸಾಹಿತ್ಯಾಚೊ ವಾ ವೆಕ್ತಿತ್ವಾಚೊ ವಿಮರ್ಸೊ ಕರ್ತಚ್ ಅಪುಣ್ ವ್ಹಡ್ಲೊ ಮ್ಹಣ್ ಚಿಂತ್ಚೆಂಯ್ ಆಸಾ - ಹೆಂ ತ್ಯಾ ವೆಕ್ತಿಚೆಂ ಅಶೀರ್ ಚಿಂತಾಪ್.

ತರ್‌ಯೀ ಕೊಂಕ್ಣೆಂತ್ ವಿಮರ್ಶಕ್ ಆಸಾತ್, ಜರೂರ್ ಆಸಾತ್, ಪ್ರಭುದ್ದ್ ವಿಮರ್ಶಕ್ ತೆ ನ್ಹಂಯ್ ಜಾವ್ಯೆತ್ ಪುಣ್ ತ್ಯಾ ವಾಟೆರ್ ಚಲೊನ್ ಆಸಾತ್. ಅಸಲ್ಯಾಂಕ್, ಉತ್ತೇಜನ್ ದಿಂವ್ಚಾ ಇರಾದ್ಯಾನ್, ಹ್ಯಾ ಅಂಕಣಾಂತ್ ಕೊಂಕ್ಣೆಂತ್ಲೆ ವಿಂಚ್ಣಾರ್ ವಿಮರ್ಶೆ ಆಮಿ ಹಾಂಗಾಸರ್ ಪರ್ಗಟ್ ಕರ್ತೆಲ್ಯಾಂವ್. [ಕೊಣಾಚಿಚ್ಚ್ ಸ್ತುತಿಭಕ್ತ್ ಜಾಂವ್ ಖೆಬ್ಡಾಯೊ ಜಾಂವ್ ಹ್ಯಾ ಅಂಕಣಾರ್ ಆಸ್ಚ್ಯೊನಾಂತ್, ಫಕತ್ತ್ ಸಾಹಿತ್ಯಾಚೆರ್ ವಿಮರ್ಸೊ ಶಿವಾಯ್ ಸಾಹಿತಿಚೊ ನ್ಹಂಯ್]

ಕವಿಕ್ ಖಂಯ್ ಪುರ್ಲಾ?: ವಿಲ್ಸನ್ ಕಟೀಲಾಚೊ ವಿಮರ್ಸೊ.

ಮೊತಿಯಾಂ ಆನಿ ತಾರಾಂ: ಬುಕಾಚೆರ್ ಮೆಲ್ವಿನ್ ಪಿಂಟೊ ನೀರುಡೆಚೊ ವಿಮರ್ಸೊ.

ಕವಿತಾಪಾಠ್ ಭಾಗ್ - 1: ಬುಕಾಚೆರ್ ಮೆಲ್ವಿನ್ ಪಿಂಟೊ ನೀರುಡೆಚೊ ವಿಮರ್ಸೊ.

ಬಾಮುಣಾಂಚೆಂ ಚೆಡುಂ: ಬುಕಾಚೆರ್ ಮೆಲ್ವಿನ್ ಪಿಂಟೊ ನೀರುಡೆಚೊ ವಿಮರ್ಸೊ.

ದರ್ಭಾರಾಂತ್ಲಿ ಪಿಂರ್‍ಗೊಣ್: ಬುಕಾಚೆರ್ ಮೆಲ್ವಿನ್ ಪಿಂಟೊ ನೀರುಡೆಚೊ ವಿಮರ್ಸೊ.

ಎಚ್ಚೆಮಾಚಿಂ ಕವಿತಾ: ಎಚ್ಚೆಮಾಚ್ಯಾ ತೀನ್ ಕವಿತಾಜಮ್ಯಾಂಚೆರ್ ಮೆಲ್ವಿನ್ ಪಿಂಟೊ ನೀರುಡೆಚೊ ವಿಮರ್ಸೊ.

ಕೊಂಕ್ಣಿ ಕವಿತಾ ಶೆತಾಚೆರ್ ಏಕ್ ನದರ್: ಮೆಲ್ವಿನ್, ಎಚ್ಚೆಮ್, ಆಂಡ್ರು, ವಲ್ಲಿ ಹಾಂಚ್ಯಾ ಬುಕಾಚೆರ್ ಮೆಲ್ವಿನ್ ಪಿಂಟೊಚೊ ವಿಮರ್ಸೊ

’ವ್ಹಾಲ್’ - ಮಟ್ವಿ ಕಾಣಿ: ಸುನಿಲ್ ಫೆರ್ನಾಂಡಿಸಾಚ್ಯಾ ಕಾಣ್ಯೆಚೆರ್ ’ಪ್ರೀತಮ್ ಕಿರೆಂ’ಚೊ ವಿಮರ್ಸೊ.

ವಲ್ಲಿ ಕ್ವಾಡ್ರಸಾಚ್ಯೊ ಮಟ್ವ್ಯೊ ಕಾಣ್ಯೊ: ಮೆಲ್ವಿನ್ ಜೆ. ವಾಸಾಚೊ ವಿಮರ್ಸೊ.

ಕೊಂಕ್ಣೆಂತ್ ವಿಮರ್ಸೊ ಆನಿ ವಿಮರ್ಶಕ್: ರೆಗಾಮ್ ತಾಕೊಡೆಚೊ ವಿಮರ್ಸೊ.

ದಾಯ್ಜ್ ಸಾಹಿತಿಕ್ ಸ್ಪರ್ಧ್ಯಾಚ್ಯೊ ಮಟ್ವ್ಯೊ ಕಾಣ್ಯೊ: ಎಡ್ವಿನ್ ಜೆ.ಎಫ್.ಡಿ’ಸೋಜಾಚೊ ವಿಮರ್ಸೊ.

ದಾಯ್ಜ್ ಲೇಖನಾಂ

ದಾಯ್ಜ್ ಅಂಕಣಾಂ

ಪಾಟಿಂ ದಾಯ್ಜ್ ಪಾನಾಕ್

ವಿಮರ್ಶ್ಯಾಚಿ

ಕಾಣ್ಯೆಗಾರ್:

ಚರ್ಬೆಲ್ಲಿ

ಕೃತಿ