ಕೊಂಕ್ಣೆಚಾ ವಿಂಚ್ಣಾರ್ ಸಾಹಿತ್ಯಾಚೊ ಕೊನ್ಸೊ - ’ದಾಯ್ಜ್’ - ಫಕತ್ತ್ ಕೊಂಕಣಿ ಥಾವ್ನ್, ಕೊಂಕಣಿ ಪರ್ಯಾಂತ್, ಕೊಂಕಣಿ ಖಾತಿರ್.
ರಾಂದ್ಪಾವೋಳ್
ದಾಯ್ಜ್ ಕುಜ್ನ್:ದಾಯ್ಜ್ಚೊ
ಪ್ರಮುಖ್ ಇರಾದೊ ಕೊಂಕ್ಣಿ ಸಾಹಿತ್ಯಾಚೊ ತರ್ಯ್ ವಾಚ್ಪ್ಯಾಂಚಾ ಪಸಂದೆಖಾತಿರ್ ಆಸಾ ಕೆಲ್ಲ್ಯಾ ದಾಯ್ಜ್ ಕುಜ್ನಾಂತ್ ಆಮ್ಚಾ ಮಾಂಯ್ಗಾಂವ್ಚಾ ಎಕೆಕಾಚ್ ಖಾಣಾ-ರಾಂದ್ಪಾಚೊ, ತಾಚಾ ತಯಾರಾಯೆಕ್ ಗರ್ಜೆಚ್ಯೊ ವಸ್ತು ತಶೆಂಚ್ ತೆಂ ಕಶೆಂ ರಾಂದ್ಚೆಂ ಮ್ಹಳ್ಳೆಂ ವಿವರ್ಚಾ ಇರಾದ್ಯಾನ್ ಹಿ ವೋಳ್ ಆಸಾ ಕೆಲ್ಯಾ,
ರಾಂದ್ಪಿಣ್: ಹರ್ಯೆಕಾ ಮಯ್ನ್ಯಾಂತ್, ತಿಚೆಂ ತಶೆಂಚ್ ಸಂಪಾದನ್ ಕೆಲ್ಲೆಂ ಹೆರಾಂಚೆಂ ಎಕೆಕ್ ನವೆಂ ರಾಂದಾಪ್ ತುಮ್ಚೆಮುಖಾರ್ ಹಾಡ್ನ್ ಯೆತೆಲೆಂ ಫೆರಾರ್ ಫಿರ್ಗಜೆಚೆಂ ಬಾಯ್ ಪ್ರಿಯಾ ಸಿಕ್ವೇರಾ. ತುಮ್ಕಾಂಯ್ ಹಾಂತುಂ ತುಮ್ಚಿಂ ರಾಂದ್ಪಾಂ ಧಾಡುಂಕ್ ಆಸಾತ್ ತರ್ ತಿಂ ತುಮಿಂ priya@daaiz.com ವಿಳಾಸಾಕ್ ಧಾಡ್ಯೆತಾ. ವಿಂಚ್ಣಾರ್ ಬರ್ಪಾಂಕ್ ಎಕ್ಟಾಂವ್ನ್ ಎಕಾ ಬುಕಾರುಪಾರ್ ಪರ್ಗಟ್ ಕರ್ಚೆಂ ಯೋಜನ್ಯ್ ಆಸ್ತೆಲೆಂ.
ಪ್ರಿಯಾ ಸಿಕ್ವೇರಾ
ರಾಂದ್ಪಾವೋಳ್ - 16. ದುಕ್ರಾಮಾಸಾಚೆಂ ವಿಂದಾಲು [- ರೊಜಿಟಾ ನಜ್ರೆತ್, ಮಿರಾರೋಡ್]
ಮೂಳ್ ಬೆಳ್ಗಾಂವ್ಚಿ ಬಾಯ್ ರೊಜಿಟಾ ನಜ್ರೆತ್ ಯುಕೆಂತ್ ಶಿಕ್ಲ್ಲಿ, ವೃತ್ತೆನ್ ಕಾನೂನ್ ಸಲ್ಹಾದಾರ್ನ್ ತರ್ಯೀ, ಕೊಂಕ್ಣಿ ವಾಚ್ಪಾಚಿ/ಸಂಗೀತಾಚಿ ಅಭಿರುಚ್ ಆಸ್ಚಾ ಹಿಕಾ ವಾಚಾಪ್, ಸಂಗೀತ್ ತಶೆಂಚ್ ಚೆಸ್ ಖೆಳ್ಚೆಂ ಹವ್ಯಾಸ್ ಆಸೊನ್, ಪ್ರಸ್ತುತ್ ಆಪ್ಲ್ಯಾ ಕುಟ್ಮಾಸವೆಂ ಮುಂಬಯಾಂತ್ ವಸ್ತಿ ಕರ್ಚಿ ಹಿ ಏಕ್ ಬರಿ ರಾಂದ್ಪಿಣ್ ತಶೆಂಚ್ ಉಲವ್ಪಿಣ್ಯೀ ಜಾವ್ನಾಸಾ.
- ಪ್ರಿಯಾ ಸಿಕ್ವೇರಾ, ಫೆರಾರ್
ರೊಜಿಟಾ ನಜ್ರೆತ್
ಗರ್ಜೆಚ್ಯೊ ವಸ್ತು:
1 ಕಿಲೊ ದುಕ್ರಾಚೆಂ ಮಾಸ್,
2 ಕುಲೆರಾಂ ತೇಲ್,
1/2 ಕೊಪ್ ಮಾಡಾಸೊ ಸೊರೊ,
2 ಪಿಂಯಾವ್,
2 ಕೊಪಾಂ ಉದಾಕ್,
10 ಸುಕ್ಯೊ ಮಿರ್ಸಾಂಗೊ,
10 ಮಿರಿಯಾಂ, ಲೊಸುಣೆಚ್ಯೊ 10 ಬೊಂಯೊಂ,
1 ಇಂಚ್ ಆಲ್ಯಾಚೊ ಕುಡ್ಕೊ,
8 ಲವಂಗಾಂ,
1 ಇಂಚ್ ತಿಕೆಚೊ ಕುಡ್ಕೊ,
1 ಕುಲೆರ್ ಜಿರೆಂ,
1/2 ಕುಲೆರ್ ಸಾಸಂವ್,
1/2 ಕುಲೆರ್ ಸಾಕರ್,
1/2 ಕೊಪ್ ಶಿರ್ಕೊ ಅನಿ ಗರ್ಜೆ ಪುರ್ತೆಂ ಮೀಟ್.
ರಾಂದ್ಪಾಚಿ ರೀತ್:
ಮಾಸ್ ಧುಂವ್ಚೆಂ, ಖಾತರ್ಚೆಂ ಆನಿ ಮೀಟ್ ಲಾವ್ನ್ ದವರ್ಚೆಂ. ಶಿರ್ಕೊ ವಾಂಟ್ಲಲೊ ಮಸಾಲೊ ಹ್ಯಾ ಮಾಸಾಕ್ ಲಾಂವ್ಚೊ ಆನಿ 4 ವೊರಾಂ ದವರ್ಚೊ.
ಕಾಯ್ಲಿಂತ್ ತೇಲ್ ತಾಪಂವ್ಚೆಂ, ಮಾಸ್ ತಾಂತುಂ ಘಾಲ್ಚೆಂ ಆನಿ ಪಾಂಚ್ ಮಿನುಟಾಂ ಉಜ್ಯಾರ್ ದವರ್ಚೆಂ. ಉಪ್ರಾಂತ್, ಭಾರೀಕ್ ಖಾತರ್ಲಲೊ ಪಿಂಯಾಂವ್, ಮಾಡಾಚೊ ಸೊರೊ, ಉರ್ಲಲೊ ಶಿರ್ಕೊ ಆನಿ ಉದಾಕ್ ಘಾಲುನ್, ಸುಮಾರ್ 1/2 ವೋರ್ ಹಳ್ತ್ ಉಜ್ಯಾಚೆರ್ ದವರ್ಚೆಂ.
About us | Feedback | Contact us
Copyright ©
2005 DAAIZ.COM All rights reserved.
Page concept, designed and maintained by Ashawadi Publications
