ವ್ಯಾ

ಕೊಂಕ್ಣೆಚಾ ವಿಂಚ್ಣಾರ್ ಸಾಹಿತ್ಯಾಚೊ ಕೊನ್ಸೊ -’ದಾಯ್ಜ್ ’-ಫಕತ್ತ್ ಕೊಂಕಣಿ ಥಾವ್ನ್, ಕೊಂಕಣಿ ಪರ್‍ಯಾಂತ್, ಕೊಂಕಣಿ ಖಾತಿರ್.

18 ವ್ಯಾ ಅಖಿಲ್ ಭಾರತೀಯ್ ಕೊಂಕ್ಣಿ ಸಮ್ಮೇಳನಾಚೊ ಅಧ್ಯಕ್ಶ್ ಜಾವ್ನ್ ಜೆ.ಬಿ.ಸಿಕ್ವೇರಾ

2007 ಇಸ್ವೆಚ್ಯಾ 4, 5 ಆನಿ 6 ತರಿಕೆರ್ ಗೊಯಾಂತ್ಲ್ಯಾ ಕುರ್ಕುರೆಮಾಂತ್ಲ್ಯಾ ಕೊಂಕ್ಣಿ ಕಲಾ ಸಾಹಿತ್ಯ ಕೇಂದ್ರಚ್ಯಾ ಸಭಾಸಾಲಾಂತ್ ಚಲೊಂಕ್ ಆಸ್ಚ್ಯಾ ಅಟ್ರಾವ್ಯಾ ಅಖಿಲ ಭಾರತೀಯ್ ಕೊಂಕಣಿ ಸಮ್ಮೇಳನಾಚೊ ಅಧ್ಯಕ್ಷ್ ಜಾವ್ನ್ ಫಾಮಾದ್ ಕೊಂಕ್ಣಿ ಕವಿ ಜೆ.ಬಿ.ಸಿಕ್ವೇರಾ ಮುಂಬಯ್ ವಿಂಚೊನ್ ಆಯ್ಲಾ.

Placeholder: the original page gave this picture no description, and none has been written yet. It came from daaiz\daaiz\special\news\jbs.asp.

ಜೆ.ಬಿ.ಸಿಕ್ವೇರಾ ನಾಂವಾರ್ ಫಾಮಾದ್ ಜಾಲ್ಲೊ ಜೋನ್ ಬ್ಯಾಪ್ಟಿಸ್ಟ್ ಸಿಕ್ವೇರಾ ಬೊಂಬೊಯಾಂತ್ ಜಲ್ಮೊನ್, ಪಾಂಗ್ಳಾಂತ್ಲ್ಯಾ ಸೈಂಟ್ ಜೋನ್ಸ್ ಪ್ರಾಯ್ಮರಿ ಇಸ್ಕೊಲಾಂತ್ ತಶೆಂಚ್ ಕಟ್ಪಾಡಿಂತ್ಲ್ಯಾ ಎಸ್.ವಿ.ಎಸ್ ಹೈಸ್ಕೂಲಾಂತ್ ಶಿಕೊನ್ ಬೊಂಬೊಯಾಂತ್ ಅಪ್ಲೆಂಚ್ ಉಧ್ಯಮ್ ಸುರು ಕೆಲ್ಲೆಂ.

’ಸಲ್ವಣೆಂತ್ ಜೀಕ್’ ಕಾದಂಬರಿ, ’ದೋತ್ ಕಿತ್ಲಿ?’ ಪ್ರಭಂಧ್, ’ಬೊಂಬೊಯ್ ಕೆನರಾ ಕಥೊಲಿಕ್ ಡೈರೆಕ್ಟರಿ’ ಸಂಗ್ರಹ್, ’ಕಾಳ್ಜಾಚೆ ಉಮಾಳೆ’, ’ಏಕ್ ಸಪಣ್ ಅಧುರೆಂ’, ’ಅಶಿಂ ಆಯ್ಲಿಂ ಲ್ಹಾರಾಂ’ ಮ್ಹಳ್ಳೆ ತೀನ್ ಕವಿತಾಜಮೆ, ’ಮುಖಂವರಾಂ/ಮೊವ್ಳಾಂ’ ಪಯ್ಲೊ, ದುಸ್ರೊ ಆನಿ ತಿಸ್ರೊ ಭಾಗ್ (ಮಾಲ್ಘಡ್ಯಾಂಚ್ಯೊ ಸಾಂಗ್ಣ್ಯೊ ಆನಿ ಗಾದಿ), ’ಚಿಕೊಳಿಂ’, ’ಸತಾಂ-ಖತಾಂ’ ಚುಟುಕಾಂ, ’Heart Outpourings’ ಇಂಗ್ಲಿಷ್ (ಕವಿತಾಜಮೊ), ’ಆವಾಳೆ ದುವಾಳೆ’ ಕವಿತಾಜಮೊ, ’ಬಂಜಿ ಸಂಕಡ-ಬೆಂದ್ ಸಂಕಡ’, ’ಸತ್ಯೊ-ಮಿತ್ಯೊ’, ತುಳು ಕವಿತಾಜಮೆ, ’ಆಮಿ ಕೊಂಕ್ಗಿಷ್ ಉಲಯ್ತಾಂವ್’ ಪಯ್ಲೊ ಭಾಗ್ ಅಶೆಂ ಸಭಾರ್ ಕೃತಿಯೊ ಹಾಣೆಂ ಪರ್ಗಟ್ ಕೆಲ್ಯಾತ್.

’ಕವಿರಾಜ್’ ಮ್ಹಳ್ಳಿ ಬಿರುದ್ ಲಾಭ್‌ಲ್ಲ್ಯಾ ಹಾಚ್ಯಾ ’ಭಿತರ್ಲೆಂ ತೂಫಾನ್’ ಕೃತಿಯೆಕ್ 1998 ಇಸ್ವೆಚಿ ಕೇಂದ್ರ್ ಕೊಂಕ್ಣಿ ಸಾಹಿತ್ಯ್ ಅಕಾಡೆಮಿಚಿ ಪ್ರಶಸ್ಥಿ ಲಾಭ್ಲ್ಯಾ. ತಶೆಂಚ್ ಟಿ.ಎಮ್.ಎ.ಪೈ ಪುರಸ್ಕಾಯ್‌ಯೀ ಹಾಚ್ಯಾ ’ಅಶಿಂ ಆಯ್ಲಿಂ ಲ್ಹಾರಾಂ’ ಕೃತಿಯೆಕ್ ಲಾಭ್ಲಾ. 2003 ಇಸ್ವೆಚೊ ’ಸಂದೇಶ ಕೊಂಕಣಿ ಸಾಹಿತ್ಯ ಪುರಸ್ಕಾರ್’, ರಾಕ್ಣೊ, ಕೊಂಕಣಿ ಸಾಹಿತ್ಯ ಅಕಾಡೆಮಿ ಥಾವ್ನ್ ಮಾನ್-ಸಮ್ಮಾನ್ ಲಾಭ್ಲಾ. 1995 ಇಸ್ವೆಂತ್ ಹೊ ಗೊಯಾಂತ್ ಚಲ್‌ಲ್ಲ್ಯಾ ಕವಿ ಸಮ್ಮೇಳನಾಚೊ ಅಧ್ಯಕ್ಷ್ ಜಾವ್ನ್ ವಿಂಚೊನ್ ಆಯಿಲ್ಲೊ.

ಸಾಹಿತ್ಯಾಶಿವಾಯ್ ಮಾಂಡ್ ಸೊಭಾಣ್, ಕೊಂಕ್ಣಿ ಭಾಶಾ ಮಂಡಳ್ ಮುಂಬಯ್ ಹಾಂಚೊ ಉಪಾಧ್ಯಕ್ಶ್ ಜಾವ್ನ್ ಸೆವಾ ದಿಂವ್ಚೊ ಹೊ ಸಮಾಜ್ ಸೆವಕ್ ಸಯ್ತ್, ಮಾಂಯ್ಗಾಂವ್ಚಾ ದುಬ್ಳ್ಯಾ ಭುರ್ಗ್ಯಾಂಚಾ ಶಿಕ್ಪಾಕ್ ಹಾಣೆಂ ಕರ್ನ್ ಆಸ್ಚಿ ಕುಮೊಕ್ ವಿಶೇಸ್.

ಭಾತ್ಮಿ: ರೋನ್ಸ್, ಬಂಟ್ವಾಳ್

ಸಾಹಿತಿಲಾಗಿಂ ಸಂವಾದ್

ದಾಯ್ಜ್ ಪಾನಾಕ್

ಸಮನ್ವಯಾಂಚೆಂ

ವಸಯಾಂತ್

ಟೊಮಸ್