ಗಬ್ಬು ಉರ್‍ವಾ

ಗಬ್ಬು ಉರ್‍ವಾ: 1932 ಇಸ್ವೆಚ್ಯಾ ನವೆಂಬರ್ 6 ತಾರಿಕೆರ್ ಉರ್ವಾಂತ್ ಜಲ್ಮಲ್ಲೊ ಗಾಬ್ರಿಯೆಲ್ ಡಿಸೋಜ್, ಗಬ್ಬು ಉರ್ವಾ ಲಿಖ್ಣೆ ನಾಂವಾರ್ ಲೊಕಾಮೊಗಾಳ್. ’ಮೊಗಾಚೊ ರಾಯ್’ ಮ್ಹಳ್ಳೆಂ ನಾಂವ್ ತಾಚ್ಯಾ  ವಾಚ್ಪಿ ಅಭಿಮಾಣಿಂನಿ ದಿಲ್ಲೆಂ ಜಾವ್ನಾಸಾ ತಾಚ್ಯಾ ಕಥಾ-ಕಾದಂಬರಿಂಕ್ ಲಾಗೊನ್. ಕೊಂಕಣಿಚೆ ಪಾಂಚ್ ಪಾಂಡವ್ ಮ್ಹಣ್ ಲೊಕಾಂನಿ ವೊಯಾಇಲ್ಲ್ಯಾ ಪಯ್ಕಿಂತ್ಲೊ ಎಕ್ಲೊ ಹೊ. ವಯ್ಚಾರಿಕ್, ಕ್ರಾಂತಿಕಾರಿ ಬರ್ಪಾಂನಿ ನಾಂವ್ ವೆಲ್ಲೊ. ’ಮಾಂಯ್‌ಗಾಂವ್’ ನೆಮಾಳೆಂ ಚಲಯ್ತಾಲೊ. ಲಗ್ಬಗ್ 20 ಸಾಂಕಳ್ ಕಥಾ, 75 ವಯ್ರ್ ಮೊಟ್ವ್ಯೊ ಕಥಾ ಬರಯ್ಲ್ಯಾತ್. ವೊನ್ಯೆಚೊ ದೇರ್, ದೆಂವ್ಚಾರ್ ನಾಡ್ತಾ, ದೇವ್ ದಿತಾ, ಮಾಗ್ಲ್ಯಾರ್ ಮೆಳ್ತಾ, ಸೈತಾನ್ ಸಾಂತ್, ಮಾಯಾಗ್ ಜಾಲ್ಲೆಂ ಮಾಣಿಕ್, ಖಂಯ್ ಗೆಲೊ ಮೋಗ್, ಕಾಜಾರಾಚೆಂ ಪಿಶೆಂ ಸುಟಂವ್ಚೆಂ ಕಶೆಂ - ಅಶೆಂ ಆಟ್ ನಾಟಕ್ ಬರವ್ನ್ ಖೆಳವ್ನ್ ದಾಕಯ್ಲ್ಯಾತ್.