ನಾನು ಮರೋಲ್

ನಾನು ಮರೊಲ್, ತೊಟ್ಟಾಮ್:
ಕ್ಲೆರೆನ್ಸ್ ಫೆರ್ನಾಂಡಿಸ್ ಚಡುಣೆಂ ತೀಸ್ ವರ್ಸಾಂ ಥಾವ್ನ್ ಸಕ್ರಿಯ್ ರಿತಿನ್ ಬರ್ಪಾಂನಿ ಒಳ್ಕೆಚೊ. ತಾಚಿಂ ಚಡ್ತಾವ್ ಬರ್ಪಾಂ ಸವಾಲಾಂ ಕರ್ಚಿಂ ವಾ ಹೆರಾಂಚ್ ಚಿಂತುಂಕ್ ಲಾಂವ್ಚಿಂ. ಜಾಂವ್ ಸಾಹಿತ್ಯ್, ಸಂಗೀತ್, ನಾಟಕ್, ಫಿಲ್ಮ್ ವಾ ಹೆರ್ ಕೊಂಕಣಿ ಸಮಾಜೆಚೆರ್ ಪ್ರತಿಫಲಿತ್ ಜಾಂವ್ಚ್ಯಾ ವಿಶ್ಯಾಚೆರ್ ತೊ ಉಗ್ತ್ಯಾನ್ ಬರಯ್ತಾ. ಕೊಂಕಣಿ ವಿಮರ್ಶಾ ಶೆತಾಂತ್ ಮುಳಾವೊ ವಾವ್ರ್ ಕೆಲ್ಲ್ಯಾಂತ್ ನಾನುಚೆಂ ನಾಮ್ವ್ ವಯ್ರ್ ಆಸಾ. ಜಾಂವ್ ಪುಸ್ತಕಾಂಚೆರ್ ವಾ ಕವಿತೆಂಚೆರ್ ತಾಣೆಂ 2005 ಥಾವ್ನ್ ಸರಾಗ್ ರಿತಿನ್ ವಾವ್ರ್ ಕೆಲಾ. ತಾಚ್ಯಾ ವಿಶ್ಲೇಷಣ್, ವಿಮರ್ಶಾತ್ಮಕ್ ಬರ್ಪಾಂಚೆಂ ’ನಾನುಚ್ಯಾ ಸಾಣ್ಯಾಥಾವ್ನ್’ ಪುಸ್ತಕ್, 2025ಇಸ್ವೆಂತ್ ಆಶಾವಾದಿ ಪ್ರಕಾಶನಾನ್ ಪರ್ಗಟ್ಲಾಂ.