पयणारी
The literary portal, publishing in the Kannada, Nagari and Romi scripts.
924 pages
About Ashawadi Prakashan
AshawadiPrakashan
ಆಶಾವಾದಿ ಪ್ರಕಾಶನ್ आशावादी प्रकाशन
यदाहं जीवमि, अहमाशंसे
Publishing Konkani literature digitally since 2003
आमचे विशीं
२००० इस्वेंत कुवेयटांतल्या एका बहुराषट्र कंपेनिचो ऐ.टी.प्रोजेकट म्यानेजर जावन वावर कर्न आसललो वल्ली क्वाड्रस, आशावादी प्रकाशनाचो स्थापक आनी प्रधान संपादक जावनासा.
ताच्या मुकेल्पणाखाल, कोंकणी भास आनी साहित्याच्या उदर्गत आनी वाडावळेक लग्ती जाल्लीं सभार कामां जाल्यांत. उदेवन येंवचा साहित्यीक प्रतिभेचीं सोधनां, चडीत वाचप्यांक कोंकणी साहित्यातेवशीन हाडचें, साहित्यीक कामासाळां, संशोध तशेंच बहू लिपी कोंकणिच्या साहित्याचें लिप्यंतरण आनी डिजिटलीकरण.
वल्ली क्वाड्रसाच्या आशावादी प्रकाशनान कोंकणी साहित्यिक विमर्सो, समीक्षा, प्रतिभा सोध, वाचप्यांक कोंकणी साहित्यालागीं हाडचें, संशोधन, अध्ययन तशेंच कोंकणी डिजिटल माध्यमाचेर, ई-पुसतकां, आ-पुसतकां, वी-पुसतकां, वेग-वेगळीं वेबिनारां... सविसतार रितीर नवेंसांवां केल्यांत.
वल्ली क्वाड्रस
स्थापक, प्रधान संपादक
दिश्टावो आनी मिसांव
दिश्टावो
कोंकणी भाशेचें आनी साहित्याचें जतन, समृधदी आनी प्रसार कर्चें, सर्जनशीलताय, विद्वत्ताय (स्कोलरशीप), उदेवन येंवची साहित्यीक प्रतिभा आनी नवनिर्मिती हांचें वाडवप कर्चें, आनी कोंकणी साहित्यीक परंपरा संसारभर पिळग्यांक सतत प्रेरणा दिवून रावचें सुनिश्चीत कर्चें.
मिसांव
आशावादी प्रकाशन विवीध कोंकणी साहित्याच्या प्रकाशन आनी प्रसाराक समर्पीत जावनासा. कोंकणी साहित्याची जतन करून ताचो डिजिटल माध्यमांतल्यान व्यापक प्रसार कर्चें, साहित्याच्या अभ्यासाक आनी संशोधनाक प्रोत्साहन दिंवचें, सृजनशील उपक्रम आनी स्पर्धांच्या माध्यमांतल्यान नव्या साहित्यीक प्रतिभेचो सोद कर्चें आनी तांकां प्रोत्साहन दिंवचें, तशेंच गर्जेवंत लेखकांक तेंको दिंवचें, ह्या सगळ्या उपक्रमांचो उद्देश जावनासा.
ह्या प्रयत्नांच्या माध्यमांतल्यान आशावादी प्रकाशन कोंकणी भास आनी साहित्याची सातत्यता, चैतन्य आनी व्यापक प्रसार बळिषट कर्चो प्रयत्न कर्ता.
Literary initiatives since 2003
दायज.कोम
2003 - 2013दायज.कोम (२००३ थावन २०१३ मेरेन) कोंकणी भास, साहित्य डिजिटल माध्यमाचेर प्रसारण कर्चें वेबसायट. साहित्यीक सर्त्यो, साहित्यीक अध्ययनां/कामासाळां, साहित्यीक समीक्षा अशें डिजिटल माध्यमाचेर कोंकणी साहित्याच्या बुन्यादी वावराची सुर्वात केल्लें वेबसायट. राषट्रीय मट्टार साहित्यीक सर्त, मयन्याळी कविता सर्त चलवन आयिल्लें वेबसायट आज मेरेन फकत दायज.कोम मात्र. कवितापाठ कामासाळाचेर सादर जाल्लीं बर्पां संपादन करून ’कवितापाठ’, ’दरयाक उदक’, ’काळोक नातलो गांव’ पुसतकांनी पर्गट केल्यांत. (वल्ली क्वाड्रस संपादक जावन, मेलवीन जे. वास आनी प्रिया सिकवेरा सहायक संपादक जावन वावर केला)
कोंकणी अभियान
2003 - 2018कोंकणी अभियान: कोंकणी नेमाळ्यांक चडीत वाचपी लाभाशें कर्च्या इराद्यान कुवेयटांत घरान घर वचोन कोंकणी नेमाळ्यांक वर्गणी जमंवचें तशेंच कोंकणी पुसतकां लोकाक पावंवचें मिसांव. २००३ इस्वेंत ’कोंकणी अभियान समिती’ सुर्वात करून, २००४ इस्वेंत, २००५ इस्वेंत तशेंच २००६ इस्वेंत हें मिसांव सक्रीय रितीन आसोन जायत्या कोंकणी पुसतकांक तशेंच नेमाळ्यांक मायगांवांत सभार वर्सांची वर्गणी लाभाशें केलां. २०१८ इस्वेंत मुंबंयत कोंकणी अभियान चलवन दिवो-उज्वाड आनी हेर थोड्या नेमाळ्यांक पाटिंबो लाभाशें वावर केला.
अध्ययन
SINCE 2005कवितापाठ: २००४ इस्वेंत कुवेयटांत सुर्वात जाल्लें मयन्याळें कविता अध्ययनाचें कामासाळ (४५ कवितापाठ कामासाळां चलयल्यांत)
पुसतक समीक्षा: २००४ इस्वेंत कुवेयटांत सुर्वात पुसतक समीक्षेचें कामासाळ (२७ पुसतक समीक्षा चलयल्यात)
कथापाठ: २००४ इस्वेंत कुवेयटांत सुर्वात जाल्लें कथा अध्ययनाचें कामासाळ (११ कथापाठ कामासाळां चलयल्यांत)
कथापाठ (डिजिटल वेबिनार शिंकळ)
कथापाठ शिंकळ I: कोंकणी कथा - तांत्रिकता आनी कोंकणिंतल्यो कथा प्रकाराचेर अध्ययन (२०२०: ५ वेबिनारां)
कथापाठ शिंकळ II: विलफी रेबिंबसाच्यो मोटव्यो कथा - अध्ययन (२०२१: ५ वेबिनारां)
कथापाठ शिंकळ III: कोंकणिच्या समकाळीन कथाकारांच्या कथेंचेर तुलनात्मक अध्ययन (२०२२: ११ वेबिनारां)
कथापाठ शिंकळ IV: साळकाच्या सिरिवंताच्यो कथा - अध्ययन (२०२३: ५ वेबिनारां)
कथापाठ शिंकळ V: पयणारी वर्साचो कथाकार डो.एडवर्ड एल. नज्रेताच्यो कथा - अध्ययन (२०२४: ७ वेबिनारां)
कथापाठ शिंकळ VI: पयणारी वर्साचो कथाकार बा.चेतन लोबोच्यो कथा - अध्ययन (२०२५: ५ वेबिनारां)
कथापाठ शिंकळ VII: एडवीन जे. एफ. डिसोजाच्यो कथा - अध्ययन (२०२६: ५ वेबिनारां)
साहित्यीक शिभिरां:
२००५: कार्कळ वाराड्यांत कोंकणी साहित्यीक शिभीर
२००६: मूडभिद्री वाराड्यांत कोंकणी साहित्यीक शिभीर
२०२२: उज्वाड-आशावादी जोड पालवाखाल कोंकणी साहित्यीक कामासाळ
२०२४: गोंय: खेपें सर्कारी कोलेजिंत लिप्यंतरणाचेर कामासाळ
२०२५: गंटाल्कट्टेंत कोंकणी साहित्यीक शिभीर
२०२५: गोंय: सैंट झेवियर्स कोलेजिंत लिप्यंतरणाचेर १० दिसांचें कामासाळ
२०२६: गोंय: कार्मेल कोलेज नुवें - कोंकणी आध्यात्मीक कवितेंचेर परिसंवाद
२०२६: गोंय: फा.आग्नेल कोलेज पिलार - कोंकणी कथेंचेर कामासाळ
पयणारी
SINCE 2015कोंकणी निरंतरी पयणारी ध्येयाखाल २०१५ इस्वेच्या दसेंबर १३ तारिकेर मुंबंयत कोंकणिंतलें पयलें त्री-लिपिचें वेबसायटाचें लोकार्पण केल्लें काणीक नेमाळ्याचो स्थापक संपादक आंडऱ्यू मेंडोन्सान. कन्नड, नागरी तशेंच रोमी लिपिंत कोंकणी साहित्याक डिजिटल माध्यमाचेर प्रसार कर्चें हें मिसांव दायज.कोम च्या मिसांवाक मुकारून वर्चे तसलें.
कुमके आधार दिंवचें मिसांव: रोनालड पिरेरा आंजेलोर कुमके-निधी स्थापीत करून भोव संकषटांत आसलेल्या एका जाणत्या साहितीक आर्थीक तेंको लाभाशें कर्चें मिसांव पयणारीन सांबाळून वेलां.
मयन्याची कविता सर्त, वर्साची कविता सर्त, कवी आनी हक्क-मान अशें मयन्याळी कविता सर्त चलयल्या.
२०१७: पयणारी साहित्यीक सर्त पयली त्री-लिपी कोंकणिंतली साहितीक सर्त.
२०१९: थावन २०२१ मेरेन विलफी रेबिंबस स्मारक पयणारी-वीज साहितीक सर्त चलयल्यात. ह्यो सर्व सर्त कन्नड, नागरी आनी रोमी लिपिंनी साहित्य बरयतेल्यांक उत्तेजन दिवंक सकचे तसल्यो.
पुसतकां (प्रिंट तशेंच ई-पुसतकां) प्रकाशीत केल्यांत, कोवीड काळार डिजिटल माध्यमाचेर सभार वेबिनारांनी कविगोश्टी, विचारसातीं तशेंच कामासाळां चलयल्यांत.
पयणारी डिजिटल साहित्यीक जर्नल - कोंकणिंतलें पयलें ई-जर्नल (कन्नड, नागरी तशेंच रोमी लिपिंत आसा) डिजिटल जर्नलाचो प्रधान संपादक जावन वल्ली क्वाड्रस, नागरी लिपिचो सहायक संपादक जावन शैलेंद्र मेहता, रोमी लिपिचो सहायक संपादक जावन बाप जेसन पिंटोन पाटिंबो दिला. येदोळ ८ पुसतकां (६ जर्नलां) आमी प्रसार केल्यांत.
डिजिटल आडियो पुसतकां: २०१८ इस्वेंत कोंकणिंतलें पयलें आडियो पुसतक यूट्यूबाचेर ’आशावादी प्रकाशन’ च्यानलाचेर प्रसार जाल्लें ’कथादायज’. त्ये उपरांत आज मेरेन १५ आडियो पुसतकांनी समग्र कोंकणिच्यो ३५० वयर कोंकणी कथा प्रसार जाल्यात.
लोकडावन: २०२१ इस्वेंत पयलें कवितेचें आडियो पुसतक सयत आशावादी प्रकाशनाच्या च्यानलाचेर प्रसार केलां.
(पयणारी.कोमचो प्रधान संपादक जावन वल्ली क्वाड्रस, सहायक संपादक जावन नेरी नज्रेत ताकोडे (२०१५-२०१७), हिलरी डिसिलवा (२०१८-२०१९), शैलेंद्र मेहता (२०२०-२०२४) आनी लारेन्स वी. बारबोज (२०२५ थावन).
साहित्यीक सर्त
SINCE 2004दायज.कोम
तिंतेरांत पिंतुरां
(२००५ इस्वेंत दायज.कोमचेर चलयिल्ली म्हयन्याळी कविता बरंवची सर्त)
दायज वर्साचो कवी २००५: एच्चेम पेर्नाल
उत्रांत सूत्रां
(२००६ इस्वेंत दायज.कोमचेर चलयिल्ली म्हयन्याळी कविता बरंवची सर्त)
दायज वर्साचो कवी २००६: आंटनी बार्कूर
दायज साहित्यीक सर्त २००४
दायज साहित्यीक सर्त २००५
दायज साहित्यीक सर्त २००६
दायज २००७ वर्साचो कथाकार: स्टेन अगेरा, मुल्की
दायज साहित्यीक सर्त २००७
दायज २००८ वर्साचो कथाकार: क्लेरेन्स कैकंब
पयणारी.कोम
२०१७: पयणारी त्री-लिपी कोंकणी साहित्यीक सर्त (कोंकणिंतली पयली त्री-लिपिची साहित्यीक सर्त)
२०१९: पयणारी-वीज साहित्यीक सर्त (विलफी रेबिंबस स्मारक)
२०२०: पयणारी-वीज साहित्यीक सर्त (विलफी रेबिंबस स्मारक)
२०२०: आशावादी अंतरराषट्रीय कोंकणी ऐकोन पुरसकार: डो.आसटीन डिसोज प्रभू, चिकागो.
२०२१: पयणारी-वीज साहित्यीक सर्त (विलफी रेबिंबस स्मारक)
२०२१: आशावादी अंतरराषट्रीय कोंकणी ऐकोन पुरसकार: एस.के.एस. कोंकणी संघटन, लंडन
कवी आनी कविता (२०२०-२१ इस्वेंत पयणारी.कोमकोमचेर चलयिल्ली म्हयन्याळी कविता बरंवची सर्त)
पयणारी २०२१ वर्साचो कवी: नीलबा खांडेकर
कवी आनी हक्क-मान (२०२१-२२ इस्वेंत पयणारी.कोमकोमचेर चलयिल्ली म्हयन्याळी कविता बरंवची सर्त)
पयणारी २०२३ वर्साचो कवी: प्रकाश दा. नायक
पयणारी २०२४ वर्साचो कथाकार: डो. एडवर्ड एल. नज्रेत
पयणारी २०२५ वर्साचो कथाकार: बाप चेतन लोबो
Firsts in Konkani language
इ-पुस्तक
इ-पुस्तक: एलेकट्रोनीक माध्यमाचेर रचललें साहित्य, डिजिटल माध्यमाचेर प्रसारण जाल्लें, तशेंच डिजिटल माध्यमाचेर ई-पुसतकारुपाचेर आयिल्लें ई-पुसतक जाता. दायज.कोम वेबसायटिचेर ’कवितादायज’ अंकणाचेर प्रसार जाल्ल्या १०० कवितेंक आशावादी प्रकाशनान २००५ इस्वेंत ’सागोराच्या वाटेच्यो झरी’ ई-पुसतकारुपार, २००६ इस्वेंत हेंच पुसतक प्रिंट रुपार पर्गटलां. (कंप्यूटराचेर टैप करून पिडिएफ फोर्म्याटाचेर केल्लें पुसतक डिजिटल पुसतक जाता शिवाय ई-पुसतक न्हय).
इ-पुस्तकां
२००५
सागोराच्या वाटेच्यो झरी (कानडी)
२०२१
विलफी रेबिंबसाच्यो कथा (कानडी)
विलफी रेबिंबसाच्यो कथा (नागरी)
विलफी रेबिंबसाच्यो कथा (रोमी)
नवी दिशा (नागरी)
छाबूक आनी हेर कथा
फांत्यापाराचें सपण
सिसिफस तेंगशेर (कानडी)
इंद्रधोणू उदेंव (कानडी)
आत्मनाद (कानडी)
आत्मनाद (नागरी)
२०२२
चल दोन चंद्रांक (कानडी)
चल दोन चंद्रांक (नागरी)
कथाविहान (कानडी)
कथाविहान (नागरी)
कथाविहान (रोमी)
मनस्फोट (नागरी)
मनाचें नातें (नागरी)
पडसाद (नागरी)
तांब सूऱ्या हांव (नागरी)
सत्यकाम (नागरी)
माय (नागरी)
२०२२
लोकडावन (कानडी, नागरी, रोमी)
पयणारी जर्नल (कानडी)
पयणारी जर्नल (नागरी)
पयणारी जर्नल (रोमी)
सूऱ्यो उदेला (कानडी)
क्याथरीन रोड्रिगसाच्यो कथा (कानडी)
सांकव (कानडी)
सांकव (रोमी)
आपलो पर्की (कानडी)
आपलो पर्की (नागरी)
२०२३
कवी आनी कविता (नागरी)
मौन शब्ध (नागरी)
आत्मनाद (वैषणवी. पी. रायकर)
साळकाच्या सिरिवंताच्यो कथा (कानडी)
साळकाच्या सिरिवंताच्यो कथा (नागरी)
साळकाच्या सिरिवंताच्यो कथा (रोमी)
पयणारी जर्नल (कानडी)
पयणारी जर्नल (नागरी)
२०२४
मृगजळ (कानडी, डो.एडवर्ड एल. नज्रेत)
मृगजळ (नागरी, डो.एडवर्ड एल. नज्रेत)
तिची काणी (कानडी, डो.जयंती नायक)
पयली भेट (नागरी, मा. रोयसन फेर्नांडीस)
आमगेल्यो कोंकणी काणियो (कानडी, मा.जेसन पिंटो)
आमगेल्यो कोंकणी काणियो (नागरी, मा.जेसन पिंटो)
सपणांतल्या गांवचाची वाट (कानडी, उदय म्हांबरो)
म्हातारो आनी दरया (तर्जण, जे. वि. कारलो)
२०२५
कात्रीन (कानडी, कादंबरी, विल्ली गोयेस)
दऱ्यो गाजोता (कानडी, लिप्यंतरण, सैंट झेवियर्स कोलेजिच्या इंटर्नशीप विध्यार्थिंनी)
२०२६
कथन (नागरी, अध्ययन, वल्ली क्वाड्रस)
आ-पुस्तक
आ-पुसतक (आडियो पुसतक): यूट्यूबांतल्या ’आशावादी प्रकाशन’ च्यानलाचेर प्रसारण
२०१८ इस्वेंत कोंकणिंतलें पयलें आ-पुसतक - ’कथादायज’, (वल्ली क्वाड्रसाच्या ३० मोटव्या काणियांचें हें पुसतक. )
२०१८: सुरयो उदेता (राषट्रीय मट्टाच्यो २७ कोंकणी मोटव्यो कथा)
२०२०: मायानगरी (वल्ली क्वाड्रसाच्यो मुंबयच्यो मोटव्यो कथा)
२०२०: लोकडावन (कोंकणिंतलें पयलें कवितेंचें आडियो पुसतक)
२०२०: सुरयो उदेला (राषट्रीय मट्टाच्यो २७ कोंकणी मोटव्यो कथा)
२०२१: विलफी रेबिंबसाच्यो कथा (कथेंचें आडियो पुसतक)
२०२२: कथामृत (क्लेरेन्स कैकंबाच्यो २० मोटव्यो कथा)
२०२३: कथाझर (कथा संकलन ६० मोटव्यो कथा)
२०२४: मृगझळ (डो. एडवर्ड एल. नज्रेताच्यो २० मोटव्यो कथा)
२०२४: कथाहार (पर्न्यो कथा आटापचें संकलन ३५ मोटव्यो कथा)
२०२४: कथन (काथोलीक पाद्री कथाकारांच्यो कथा)
२०२५: स्टेन अगेराच्यो कथा (स्टेन अगेराच्यो ३० मोटव्यो कथा)
२०२५: गोलिमारच्यो कथा (डो. एडवर्ड एल. नज्रेताच्यो २० मोटव्यो कथा)
२०२६: के.बि.एस. (कथा संकलन )
२०२६: एडवीन जे. एफ. डिसोजाच्यो कथा
२०२६: क्याथरीन रोड्रिगसाच्यो मोटव्यो कथा (५० कथा)
वि-पुस्तक
वी-पुसतक (विडियो पुसतक)
२०२६: काव्यांजली (आंडऱ्यू एल. डिकुन्हाच्यो कविता) - कोंकणिंतलें पयलें वी-पुसतक
लिपिभायली कोंकणी
’कोंकणी बियोंड स्क्रिपट (लिपिभायली कोंकणी)’.
दिश्टावो:
कोंकणी साहित्या खातीर एक एकात्रीत आनी सगळ्यांक सहज उपलब्ध जांवचें डिजिटल परिसंस्था उभार्चें, भाशेच्या आनी लिपिच्या अडकाळ्यांक निवरांवचे सांकव भांदचें, तशेंच फुडल्या जनांगाक उपकाराक पडचें साहित्य जोगासाणेन सांबाळून दवर्चें.
मिसांव:
रोमी, कन्नड आनी नागरी ह्या लिपिंचो समावेश करून, वेगवेगळ्या लिपिंतलें कोंकणी साहित्य डिजिटलीकरण करून ताची जतन कर्चें.
लिपिंच्यो गडी उत्रोंक सलीस करून सलीसायेर हेर लिपिंतल्या कोंकणी साहित्याची उपलब्ध कर्चीं व्यासपीठां तयार कर्चें.
साहित्या मुखांत्र वेवेगळ्या कोंकणी बोली-समुदायांक मेतेर कर्चीं समावेशां आसा कर्चें.
बहुलिपी कोंकणी अभ्यासांत संशोधन, लिप्यंतरण आनी शैक्षणीक सहभागाक प्रोत्साहन दिंवचें.
डिजिटल साधनां वर्वीं नव्या पिळगेक कोंकणी भाशेचो आनी संसकृतीचो अभ्यास, संवर्धन आनी सातत्य राकंवचाक सक्षम कर्चें.
संपर्क
तुमचे विचार, सल्हा, प्रतिक्रिया आमकां धाडुंक आमचो संपर्क:
वाटसाप च्यानल
हांगासर मोटव्यान कळवंक
यूट्यूब च्यानल
तिद्वण:
दायज.कोम आनी पयणारी.कोम वेबसायटिंतलें विंचणार कोंकणी साहित्य लिप्यंतरणाचें काम चालू आसा जाल्ल्यान थोडीं आधलीं पानां सार्कीं आसचीं नांत. कृपा करन सुधारसूंक विनती.
© 2026 आशावादी प्रकाशन सर्व हक्कां राखून दवरल्यांत.