Daaiz ದಾಯ್ಜ್

दायज सब्धाचो अर्थ खजान. आशावादी प्रकाशनाच्या संदरबांत, दायज म्हणजे कोंकणी भास, साहित्य, संसकृती आनी कोंकणी लोकाचें एक समृद्ध खजान.

२००० इस्वेंत सुरू जाल्ल्या आशावादी प्रकाशनाचें एक मिसांव जावनासलें डिजिटल माध्यमाचेर कोंकणी साहित्य प्रसारण. देकून २००३ इस्वेंत, वल्ली क्वाड्रसाच्या संपादक‌पणाखाल दायज साहित्यीक कोन्सो जावन बेळ्ळेविशन संकेत‌थळाचेर संपादकीय, कथादायज, कवितादायज अशें तीन मयन्याळीं अंकणां रुपार सुर्वातलें, तशेंच २००४ इस्वेंत दायज.कोम डोमेयना मुखांत्र पुर्तें साहित्यीक वेब‌सैट रुपार, नाम्नेचो कोंकणी कवी, विमर्शक आंडऱ्यू एल. डिकुन्हाच्या हातीं उग्तावण जालें.

डिजिटल माध्यमांत एक महत्वाचें रूपांतर जांवचाक दायज.कोम‌न बुन्यादी वावर केलो. साहित्यीक सर्त, साहित्यीक अध्ययन कामासाळां, कोंकणी अभियान समिती, पुसतक पर्गटणी तशेंच साहितिंक आर्थीक मजत अशें दायज.कोम मुखांत्र प्रसार जांवचें कोंकणी साहित्य चडुणें ६५ देशांनी वसती करून आसच्या कोंकणी वाचप्यांक आवडचो साहित्यीक कोन्सो जावंक पावलें.

दायज.कोम डिजिटल माध्यमाचेर कोंकणी साहित्य प्रसार करून आसलेपरिंच प्रिंट माध्यमाच्या नेमाळ्यांक सयत तेंको दिंवचें काम करून आयलें; झेलो विशेस अंको, दिवो विशेस अंको, मित्र विशेस अंको. तशेंच माय‌गांवांत साहित्यीक शिभिरां/कामासाळां चलयलीं. २००३ थावन २०१३ मेरेन दायज.कोम सक्रीय आसलें.