एके रातीं [कोसतांतिनोस कवाफीस]

[अण‌कार]  एके रातीं [कोसतांतिनोस कवाफीस]

साल आशिल्लें सवाय आनी हळशिकावणें

दुबावीत दिसपी तावेर्नाच्या वयर.

जनेलांतल्यान दिसताली पायण,

घाणयारी आनी अशीर. सकयल्ल्यान

येताले आवाज कामगारांचे

ईस्पिकांनी खेळटना, मजा मारतना.

आनी थंयचे भौशीक, सादेशे खाटीर

म्हजेलागीं आशिल्ली मोगीकेची कूड, आशिल्ले धुंद करपी ओंठ,

तामडेगुंज आनी विशयासक्त,

नशेचे अशे तामडे ओंठ

आनी आतां हांव जेन्ना बरयतां, कितल्याच वर्सांउपरांत,

म्हज्या एकसुऱ्या घरांत, हांव मोगाचे नशेंत धुंद परत एक फावट.

***

July 2020