आशावादी प्रकाशनाचीं पांच कोंकणी पुसतकांचें उग्तावण आनी कोंकणी कविगोश्टी

आशावादी प्रकाशनाचीं पांच कोंकणी पुसतकांचें उग्तावण आनी कोंकणी कविगोश्टी

आशावादी प्रकाशनाचीं पांच कोंकणी पुसतकांचें उग्तावण आनी कोंकणी कविगोश्टी

गंटल्कट्टे (१९ जनेर २०२५): रुप्योत्सवाचें वरस संभ्रमुंच्या आशावादी प्रकाशन आनी स्त्री संघटन गंटल्कट्टे, भारतीय कथोलीक युवसंचालन हांच्या मुकेल्पणाखाल पांच कोंकणी पुसतकांचें उग्तावण काऱ्यें गंटल्कट्टेंतल्या नित्यादार सायभिणिच्या फिर्गजेंत विगार बाप मा|रोनालड प्रकाश डिसोजाच्या अध्यक्ष‌पणाखाल चल्लें.

फेल्सी लोबो देरेबैल हिच्या सूत्र संचालनांत चल्लेल्ल्या ह्या काऱ्यांत बाय फ्लाविया आलबुकर्क पुत्तूर हिणें आशावादी प्रकाशनाच्या पंचवीस वर्सांची मोटवी ओळोक करून दिली. उपरांत आशावादी प्रकाशनान पर्गट केल्लीं पुसतकां; गंटल्कट्टेचो कवी एडवीन पिंटोचें ’म्हजो गांव रडता’, प्रकाश द. नायकाचें ’मोडकूळ’, वल्ली क्वाड्रसाचें लिप्यंतरणाच्या तांत्रिकतेचें पुसतक ’कोंकणी’, डो.जयंती नायकाचें ’तिची काणी’, उदय म्हांबरोचें ’सपणांतल्या गांवची वाट’ पुसतकांचें उग्तावण मा.बा.रोनालड डिसोजान, लिडिया डिकुन्हा, रेक्सन मिरांदा, प्रमीळा पिरेरा आनी नानू मारोळ तोट्टाम हाणीं उग्तावण केलीं.

पुसतक उग्तावण काऱ्या उपरांत ’आटवो सूर’ पुसतकाक कर्नाटक कोंकणी साहित्य अकाडेमिचो पुरसकार जिकलेल्या बाय सलोमी मियापदव मोगर्नाड हिच्या अध्यक्ष‌पणाखाल कोंकणी कविगोश्टी चल्ली. हांतूं डो.जयंती नायक, प्रकाश द. नायक, उदय म्हांबरो, फेल्सी लोबो देरेबैल, फ्लाविया आलबुकर्क, नियोना डिसोज बेळवाय, जेवेल डिसिलवा, ऐडा मिनेजस, ऐवन डिसोज, लिशेल कोरेया, सोनिया डिकोसता, लोना पिंटो हाणीं वांटो घेतलो. कविगोश्टिंत वांटो घेतलेल्यांक एल्येर ताकोडे आनी नानू मरोळ हाणीं उडासाची काणीक भेटयली.

वल्ली क्वाड्रसान धिन्वास पाठयले