ಪಯ್ಣಾರಿ 2024 ವರ್ಸಾಚೊ ಕವಿ - ಪ್ರಕಾಶ್ ದ. ನಾಯ್ಕ್

ಕವಿ ಆನಿ ಹಕ್ಕ್-ಮಾನ್.

ಪಯ್ಣಾರಿ 2024 ವರ್ಸಾಚೊ ಕವಿ - ಪ್ರಕಾಶ್ ದ. ನಾಯ್ಕ್

ಪಯ್ಣಾರಿ 2024 ವರ್ಸಾಚೊ ಕವಿ - ಪ್ರಕಾಶ್ ದ. ನಾಯ್ಕ್

ಆಶಾವಾದಿ ಪ್ರಕಾಶನ್ ಪಯ್ಣಾರಿ.ಕೊಮ್ ಚೆರ್ 2023 ಥಾವ್ನ್ 2024 ಪರ್ಯಾಂತ್ ’ಕವಿ ಆನಿ ಹಕ್ಕ್-ಮಾನ್’ ಅಂಕಣಾಂತ್ ಮಾಂಡುನ್ ಹಾಡ್‌ಲ್ಲ್ಯಾ ಮಯ್ನ್ಯಾಳ್ಯಾ ಕವಿತಾ ಸರ್ತೆಂನಿ ಭಾರಾ ಮಯ್ನ್ಯಾಂನಿ ಭಾರಾ ಮಯ್ನ್ಯಾಚೆ ಕವಿಂನಿ ಇನಾಮಾಂ ಜೊಡ್ಲ್ಯಾಂತ್. ಹಾಂತುಂ ಎಕಾ ಕವಿಕ್ ವರ್ಸಾಚೊ ಕವಿ ಜಾವ್ನ್ ವಿಂಚ್ಲಾ. ಆನಿ ತೊ ಜಾವ್ನಾಸಾ ಗೊಂಯ್ಚೊ ನಾಮ್ನೆಚೊ ಕವಿ, ಶಿಕ್ಷಕ್, ಕೊಂಕಣಿ ಚಳ್ವಳೆಕಾರ್ ಪ್ರಕಾಶ್ ದ. ನಾಯ್ಕ್.

ನಾಮ್ನೆಚೊ ಕವಿ, ಅಂಕಣ್‌ಕಾರ್ ಬಾಬ್ ಶೈಲೇಂದ್ರ ಮೆಹ್ತಾನ್ ಸಂಪಾದನ್ ಕೆಲ್ಲ್ಯಾ ’ಕವಿ ಆನಿ ಹಕ್ಕ್-ಮಾನ್’ ಅಂಕಣಾಂತ್ ಹರೇಕಾ ಮಯ್ನ್ಯಾಂತ್ ಎಕೆಕಾ ಕೊಂಕಣಿ ಕವಿಚ್ಯಾ ಯಾದಿಂತ್, ತ್ಯಾ ಕವಿಕ್ ಹಕ್ಕಾಚೊ ಮಾನ್ ದಿವ್ಪಾಚ್ಯಾ ಇರಾದ್ಯಾನ್ ಪ್ರಕಾಶ್ ಪಡ್ಗಾಂವ್ಕಾರ್, ನಾಗೇಶ್ ಕಾರ್ಮಲಿ, ವಸಂತ್ ವೆಳುಸ್ಕಾರ್, ಲುವಿಸ್ ಮಸ್ಕರೇನ್ಹಸ್, ರ.ವಿ. ಪಂಡಿತ್, ಚಾ.ಫ್ರಾ.ದೆಕೊಸ್ತಾ, ಜೆ.ಬಿ.ಮೊರಾಯಸ್, ಸಂಜೀವ್ ವೆರೆಂಕಾರ್, ಮನೊಹರ್ ರಾಯ್ ಸಾರ್ದೇಸಾಯ್, ಬಾಕಿಬಾಬ್ ಭೊರ್ಕರ್, ಪಿ. ಜಿ. ಕಾಮತ್ ಆನಿ ಯುಸುಫ್ ಶೇಖ್ ಹ್ಯಾ ಭಾರಾ ಕವಿಂಚ್ಯಾ ಯಾದಿಂತ್ ಭಾರಾ ಮಯ್ನ್ಯಾಚೆ ಕವಿ ಇನಾಮಾಂ ಜಿಕುಂಕ್ ಪಾವ್ಲೆ; ಫೆಲ್ಸಿ ಲೋಬೊ, ಡೊ.ಪೂರ್ಣಾನಂದ ಚಾರಿ, ಪ್ರಕಾಶ್ ನಾಯ್ಕ್, ಎನ್. ಬಾಲಕೃಷ್ಣ ಮಲ್ಯಾ, ಮೊನಿಕಾ ಡೆ’ಸಾ ಮಥಾಯಸ್, ಮಾ|ಐವನ್ ಮಿಯಾರ್, ಸಂಜಯ್ ಭೊರ್ಕರ್, ಸಲೋಮಿ ಮಿಯಾಪದವ್, ಆನ್ನಿ ದ ಕೊಲ್ವಾಲೆ, ಆರ್. ರಾಮ್‌ನಾಥ್, ಸಂಧೇಶ್ ಭಾಂದೇಕರ್ ಆನಿ ಅಮೇಯ್ ನಾಯ್ಕ್ ಹೆ ಭಾರಾ ಮಯ್ನ್ಯಾಚೆ ಕವಿ.

ಆಶಾವಾದಿ ಪ್ರಕಾಶನ್ ಪಾಟ್ಲ್ಯಾ ವೀಸ್ ವರ್ಸಾಂಥಾವ್ನ್ ವೆಗ್-ವೆಗಳೆ ಸಾಹಿತಿಕ್ ಸರ್ತ್ ಮಾಂಡುನ್ ಹಾಡುನ್ ಆಯ್ಲಾಂ. ಹ್ಯಾ ಆಧಿಂ ವರ್ಸಾಚೆ ಕವಿ ಇನಾಮ್ ಜೊಡ್ಲೆಲೆ ಕವಿ ಹ್ಯೇ ಪರಿಂ ಆಸಾತ್;

ದಾಯ್ಜ್ ವರ್ಸಾಚೊ ಕವಿ 2005-6: ಎಚ್ಚೆಮ್ ಪೆರ್ನಾಲ್ (ಅಂಕಣ್: ತಿಂತೆರಾಂತ್ ಪಿಂತುರಾಂ)

ದಾಯ್ಜ್ ವರ್ಸಾಚೊ ಕವಿ 2006-7: ಆಂಟನಿ ಬಾರ್ಕುರ್ (ಅಂಕಣ್: ಉತ್ರಾಂತ್ ಸೂತ್ರಾಂ)

ಪಯ್ಣಾರಿ ವರ್ಸಾಚೊ ಕವಿ 2020-21: ನೀಲ್ಬಾ ಖಾಂಡೇಕರ್ (ಅಂಕಣ್: ಮಯ್ನ್ಯಾಚಿ ಕವಿತಾ)

ಪಯ್ಣಾರಿ ವರ್ಸಾಚೊ ಕವಿ 2023-24: ಪ್ರಕಾಶ್ ದ. ನಾಯ್ಕ್ (ಅಂಕಣ್: ಕವಿ ಆನಿ ಹಕ್ಕ್-ಮಾನ್)

ವೊರಯ್ಣಾರ್:

ಆಂಡ್ರ್ಯೂ ಎಲ್. ಡಿಕುನ್ಹಾ, ಉದಯ್ ಮ್ಹಾಂಬ್ರೊ, ನಾನು ಮರೋಳ್, ಶೈಲೇಂದ್ರ ಮೆಹ್ತಾ

ಸಮೇಸ್ತ್ ಕವಿಂಕ್, ತಶೆಂಚ್ ವೊರಯ್ಣಾರಾಂಕ್ ಧಿನ್ವಾಸ್

ಆಶಾವಾದಿ ಪ್ರಕಾಶನಾನ್ 2005 ಇಸ್ವೆಂತ್ ’ತಿಂತೆರಾಂತ್ ಪಿಂತುರಾಂ’ ಮ್ಹಳ್ಳಿ ಮಯ್ನ್ಯಾಳಿ ಕವಿತಾ ಬರಂವ್ಚಿ ಸರ್ತ್ ದಾಯ್ಜ್.ಕೊಮ್ ಮುಖಾಂತ್ರ್ ಚಲಯಿಲ್ಲಿ. ಹರ್ ಮಯ್ನ್ಯಾಂತ್ ಏಕ್ ಪಿಂತುರ್ ದಿವುನ್ ತ್ಯಾ ಪಿಂತುರಾಚೆರ್ ಕವಿತಾ ಬರಂವ್ಚ್ಯಾಕ್ ಕವಿಂಕ್ ದಿಲ್ಲ್ಯಾ ಆಪೊವ್ಣ್ಯಾಕ್ ಪಾಳೊ ದಿವುನ್ ಬಾರಾ ಮಯ್ನ್ಯಾಂನಿ ಬಾರಾ ಮಯ್ನ್ಯಾಚೆ ಕವಿ ಇನಾಮ್ ಜಿಕುಂಕ್ ಪಾವ್ಲೆ. ತಶೆಂಚ್ ಬಾರಾ ಮಯ್ನ್ಯಾಂತ್ ಆಯಿಲ್ಲ್ಯಾ 159 ಕವಿತೆಂ ಪಯ್ಕಿಂಕ್ ಎಕಾ ಕವಿತೆಕ್ ವರ್ಸಾಚಿ ಕವಿತಾ ಇನಾಮ್ ದಿಲ್ಲೊ. ಇನಾಮಾಂ ಜಿಕ್ಲಲ್ಯಾ ಕವಿತೆಂಕ್ ’ತಿಂತೆರಾಂತ್ ಪಿಂತುರಾಂ’ ಪುಸ್ತಕಾಂತ್ ಪರ್ಗಟ್ಲಿಂ.

2006 ಇಸ್ವೆಂತ್ ’ಉತ್ರಾಂತ್ ಸೂತ್ರಾಂ’ ಮ್ಹಳ್ಳಿ ಮಯ್ನ್ಯಾಳಿ ಕವಿತಾ ಬರಂವ್ಚಿ ಸರ್ತ್ ದಾಯ್ಜ್.ಕೊಮ್ ಮುಖಾಂತ್ರ್ ಚಲಯಿಲ್ಲಿ. ಹರ್ ಮಯ್ನ್ಯಾಂತ್ ಏಕ್ ಪಿಂತುರ್ ದಿವುನ್ ತ್ಯಾ ಪಿಂತುರಾಚೆರ್ ಕವಿತಾ ಬರಂವ್ಚ್ಯಾಕ್ ಕವಿಂಕ್ ದಿಲ್ಲ್ಯಾ ಆಪೊವ್ಣ್ಯಾಕ್ ಪಾಳೊ ದಿವುನ್ ಬಾರಾ ಮಯ್ನ್ಯಾಂನಿ ಬಾರಾ ಮಯ್ನ್ಯಾಚೆ ಕವಿ ಇನಾಮ್ ಜಿಕುಂಕ್ ಪಾವ್ಲೆ. ತಶೆಂಚ್ ಬಾರಾ ಮಯ್ನ್ಯಾಂತ್ ಆಯಿಲ್ಲ್ಯಾ 138 ಕವಿತೆಂ ಪಯ್ಕಿಂಕ್ ಎಕಾ ಕವಿತೆಕ್ ವರ್ಸಾಚಿ ಕವಿತಾ ಇನಾಮ್ ದಿಲ್ಲೊ. ಇನಾಮಾಂ ಜಿಕ್ಲಲ್ಯಾ ಕವಿತೆಂಕ್ ’ಶಿಂಪಡ್ಲೆಲಿಂ ಮೊತಿಯಾಂ’ ಪುಸ್ತಕಾಂತ್ ಪರ್ಗಟ್ಲಿಂ.

2019-20 ಇಸ್ವೆಂತ್ ಪಯ್ಣಾರಿ.ಕೊಮ್ ಮುಖಾಂತ್ರ್ ಹಿ ಸರ್ತ್ ತೀನ್ ಲಿಪಿಂತ್ ಚಲವ್ನ್ ವೆಲಿ. ಬಾರಾ ಮಯ್ನ್ಯಾಂತ್ ಬಾರಾ ಮಯ್ನ್ಯಾಚೆ ಕವಿ ಇನಾಮ್ ಜಿಕ್ಲೆ ತಶೆಂಚ್ ಎಕಾ ಕವಿತೆಕ್ ವರ್ಸಾಚಿ ಕವಿತಾ ಇನಾಮ್ ಲಾಭ್ಲೆಂ. ಇನಾಮಾಂ ಜಿಕ್ಲಲಿಂ ಕವಿತಾ ’ಲೋಕ್ ಡಾವ್ನ್’ ನಾಂವಾಚ್ಯಾ ತೀನ್ ಲಿಪಿಚ್ಯಾ ಇ-ಪುಸ್ತಕಾಂತ್ ತಶೆಂಚ್ ಲೋಕ್‌ಡಾವ್ನ್ ಮ್ಹಳ್ಳ್ಯಾ ಆ(ಆಡಿಯೊ) ಪುಸ್ತಕಾಂತ್ ಪ್ರಸಾರ್ ಜಾಲ್ಯೊ. ಆತಾಂ ’ಕವಿ ಆನಿ ಹಕ್ಕ್-ಮಾನ್’ - ಹಾಂಗಾಸರ್ ಹಕ್ಕಾಚೊ ಮಾನ್ ಫಾವೊ ಜಾತಾ ಕೊಂಕಣಿ ಕವಿಕ್, ಜೊ ಆಜ್ ಆಮ್ಚೆಮಧೆಂ ನಾ ಪುಣ್ ತಾಚ್ಯಾ ಕವಿತೆಂ ಮುಖಾಂತ್ರ್ ತೊ ಅಜೂನ್ ಆಮ್ಚೆಮಧೆಂ ಆಸಾ. ದೆಕುನ್ ಹ್ಯಾ ಸಕಯ್ಲ್ಯಾಂಕ್ ಆಮಿ ಮಾನಾಕ್ ವಿಂಚ್ಲಾ:

ಪಯ್ಲೊ ಮಯ್ನೊ (ಮಾಯ್ 2023): ಪ್ರಕಾಶ್ ಬಾಬ್ ಪಡ್‌ಗಾಂವ್ಕಾರ್ (poetry@poinnari.comಕ್ ಕವಿತಾ ಧಾಡುಂಕ್ ಅಖ್ರೇಚಿ ತಾರಿಕ್: 25 ಮಾಯ್ 2023)

ದುಸ್ರೊ ಮಯ್ನೊ (ಜ್ಯೂನ್ 2023): ನಾಗೇಶ್ ಕಾರ್ಮೆಲಿ (poetry@poinnari.comಕ್ ಕವಿತಾ ಧಾಡುಂಕ್ ಅಖ್ರೇಚಿ ತಾರಿಕ್: 25 ಜ್ಯೂನ್ 2023)

ತಿಸ್ರೊ ಮಯ್ನೊ (ಜುಲಾಯ್ 2023): ರಮೇಶ್ ವೆಳುಸ್ಕಾರ್ (poetry@poinnari.comಕ್ ಕವಿತಾ ಧಾಡುಂಕ್ ಅಖ್ರೇಚಿ ತಾರಿಕ್: 25 ಜುಲಾಯ್ 2023)

ಚೊವ್ತೊ ಮಯ್ನೊ (ಅಗೋಸ್ತ್ 2023): ಲುವಿಸ್ ಮಸ್ಕರೇನ್ಗಸ್ (poetry@poinnari.comಕ್ ಕವಿತಾ ಧಾಡುಂಕ್ ಅಖ್ರೇಚಿ ತಾರಿಕ್: 25 ಅಗೋಸ್ತ್ 2023)

ಪಾಂಚ್ವೊ ಮಯ್ನೊ (ಸಪ್ತೆಂಬರ್ 2023): ರ.ವಿ.ಪಂಡಿತ್ (poetry@poinnari.comಕ್ ಕವಿತಾ ಧಾಡುಂಕ್ ಅಖ್ರೇಚಿ ತಾರಿಕ್: 25 ಸಪ್ತೆಂಬರ್ 2023)

ಸವೊ ಮಯ್ನೊ (ಅಕ್ತೋಬರ್ 2023): ಚಾ.ಫ್ರಾ.ದೆ’ಕೊಸ್ತಾ (poetry@poinnari.comಕ್ ಕವಿತಾ ಧಾಡುಂಕ್ ಅಖ್ರೇಚಿ ತಾರಿಕ್: 25 ಅಕ್ತೋಬರ್ 2023)

ಸಾತ್ವೊ ಮಯ್ನೊ (ನವೆಂಬರ್ 2023): ಜೆ.ಬಿ.ಮೊರಾಯಸ್ (poetry@poinnari.comಕ್ ಕವಿತಾ ಧಾಡುಂಕ್ ಅಖ್ರೇಚಿ ತಾರಿಕ್: 25 ನವೆಂಬರ್ 2023)

ಆಟ್ವೊ ಮಯ್ನೊ (ದಸೆಂಬರ್ 2023): ಸಂಜೀವ್ ವೆರೆಂಕಾರ್ (poetry@poinnari.comಕ್ ಕವಿತಾ ಧಾಡುಂಕ್ ಅಖ್ರೇಚಿ ತಾರಿಕ್: 25 ದಸೆಂಬರ್ 2023)

ನವೊ ಮಯ್ನೊ (ಜನೆರ್ 2024): ಮನೋಹರ್ ಸರ್ದೇಸಾಯ್ (poetry@poinnari.com ಕ್ ಕವಿತಾ ಧಾಡುಂಕ್ ಅಖ್ರೇಚಿ ತಾರಿಕ್: 25 ಜನೆರ್ 2024

ಧಾವೊ ಮಯ್ನೊ (ಫೆಬ್ರೆರ್ 2024): ಬಾಕಿಬಾಬ್ ಬೋರ್ಕರ್ (poetry@poinnari.com ಕ್ ಕವಿತಾ ಧಾಡುಂಕ್ ಅಖ್ರೇಚಿ ತಾರಿಕ್: 25 ಫೆಬ್ರೆರ್ 2024

ಇಕ್ರಾವೊ ಮಯ್ನೊ (ಮಾರ್ಚ್ 2024): ಪಿ.ಜಿ. ಕಾಮತ್ (poetry@poinnari.com ಕ್ ಕವಿತಾ ಧಾಡುಂಕ್ ಅಖ್ರೇಚಿ ತಾರಿಕ್: 25 ಮಾರ್ಚ್ 2024

ಭಾರಾವೊ ಮಯ್ನೊ (ಎಪ್ರಿಲ್ 2024): ಯುಸೂಫ್ ಶೇಖ್  (poetry@poinnari.com ಕ್ ಕವಿತಾ ಧಾಡುಂಕ್ ಅಖ್ರೇಚಿ ತಾರಿಕ್: 25 ಎಪ್ರಿಲ್ 2024

ಮಯ್ನ್ಯಾಚಿ ಕವಿತಾ ಇನಾಮ್ ಜಿಕ್ಲೆಲ್ಯಾಂಕ್ ಡಿಜಿಟಲ್ ಪ್ರಮಾಣ್ ಪತ್ರ್ ತಶೆಂಚ್ ಏಕ್ ಕೊಂಕಣಿ ಪುಸ್ತಕ್ ಇನಾಮ್ ಜಾವ್ನ್ ದಿತೆಲ್ಯಾಂವ್.

ಕವಿತಾ ನವಿಚ್ ತಶೆಂಚ್ ಖಂಯ್ಚರ್‌ಯೀ ಪರ್ಗಟಿನಾತ್ಲಿ ಜಾಂವ್ಕ್ ಜಾಯ್

ಕವಿತಾ; ಕನ್ನಡ, ನಾಗರಿ ವ ರೋಮಿ ಲಿಪಿಯೆಂತ್ ಆಸುನ್. ಕವಿಚೊ ಪುರ್ತೊ ಪತ್ತೊ, ತಸ್ವೀರ್ ಆನಿ ಮೊಬಾಯ್ಲ್ ನಂಬರಾಸವೆಂ ಆಸುಂಕ್ ಜಾಯ್.

ಕವಿತಾ ಧಾಡುಂಕ್ ಹರೇಕಾ ಮಯ್ನ್ಯಾಚಿ 25 ತಾರಿಕ್ ಅಖ್ರೇಚಿ ತಾರಿಕ್. ಇಮೇಯ್ಲ್: poetry@poinnari.com