ಅಂತರ್‌ರಾಷ್ಟ್ರೀಯ್

ಕೊಂಕ್ಣೆಚಾ ವಿಂಚ್ಣಾರ್ ಸಾಹಿತ್ಯಾಚೊ ಕೊನ್ಸೊ - ’ದಾಯ್ಜ್’ - ಫಕತ್ತ್ ಕೊಂಕಣಿ ಥಾವ್ನ್, ಕೊಂಕಣಿ ಪರ್‍ಯಾಂತ್, ಕೊಂಕಣಿ ಖಾತಿರ್.

ಅಂತರ್‌ರಾಷ್ಟ್ರೀಯ್ ಕೊಂಕಣಿ ಸಂಗೀತ್ ಪುರಸ್ಕಾರ್

ಮಾಂಡ್ ಸೊಭಾಣ್ ’ಗಿನ್ನೆಸ್ ವರ್ಲ್ಡ್ ರೆಕೊರ್ಡ್ಸ್’ ಹಾಂತುಂ ಕೊಂಖಣಿಚೊ ಪಯ್ಲೊ ವಿಶ್ಯ್ ದಾಖ್ಲೊ ರಚ್‌ಲ್ಲ್ಯಾ ’ಕೊಂಕಣಿ ನಿರಂತರಿ’ ಹಾಚ್ಯಾ ವರ್‍ಸಾಚರಣಾ ಸಂದರ್ಭಿಂ, ದರ್ಬಾರಾನ್ ಘೋಷಿತ್ ಕರ್ತಾ ಪಯ್ಲೆ ಅಂತರ್-ರಾಷ್ಟ್ರೀಯ್ ಕೊಂಕಣಿ ಸಂಗೀತ್ ಪುರಸ್ಕಾರ್.

2008 ವ್ಯಾ ವರ್‍ಸಾ (ಜನೆರ್ ಥಾವ್ನ್ ದಶೆಂಬ್ರ್ ಪರ್ಯಾಂತ್), ಸಂಸಾರಾಚ್ಯಾ ಖಂಚ್ಯಾಯ್ ಗಾಂವಾಂತ್, ಕೊಂಕಣಿಚ್ಯೆ ಖಂಚ್ಯೆಯ್ ಬೊಲಿಂತ್, ಖಂಚ್ಯಾಯ್ ಜಾತಿ-ಧರ್ಮಾಚ್ಯಾ ಮನ್ಶಾಂನಿ ವಿಕ್ರ್ಯಾಕ್ ಮೊಕ್ಳಿಕ್ ಕೆಲ್ಲೆ ಕೊಂಕಣೀ ಪದಾಂ ತಶೆಂಚ್ ಭಕ್ತಿಕ್ ಕಂತಾರಾಂಚೆ ’ಆಲ್ಬಮ್’ - ಹ್ಯಾ ಪುರಸ್ಕಾರಾಂಕ್ ಯೋಗ್ಯತಾ ಜೊಡ್ತಾತ್.

5 ಪುರಸ್ಕಾರ್ ಹ್ಯಾ ವರ್‍ಸಾ ಆಸಾತ್ -

1. ಶ್ರೇಷ್ಟ್ ಕೊಂಕಣಿ ಗಾವ್ಪಿಣ್ 2008

2. ಶ್ರೇಷ್ಟ್ ಕೊಂಕಣಿ ಗಾವ್ಪಿ 2008

3. ಶ್ರೇಷ್ಟ್ ಕೊಂಕಣಿ ಪದ್ ಬರಯ್ಣಾರ್ 2008

4. ಶ್ರೇಷ್ಟ್ ಕೊಂಕಣಿ ಸಂಗೀತ್ ರಚ್ನಾರ್ 2008

5. ಶ್ರೇಷ್ಟ್ ಕೊಂಕಣಿ ಸಂಗೀತ್ ’ಆಲ್ಬಮ್’ 2008

ಹೆ ಪುರಸ್ಕಾರ್, ಹೆ ಬಿರುದ್ ಆಟಪ್ತಾತ್ -

ಅ. ಬಿರುದ್

ಆ. ನಗ್ದೆಚಿಂ ಇನಾಮಾಂ ರು. 25,000/- (ಹರ್ ಪುರಸ್ಕಾರಾಕ್)

ಇ. ಕೊಂಕಣಿ ಸಂಗೀತ್ ಪುರಸ್ಕಾರ್ ಪ್ರಧಾನ್ ಸಂಭ್ರಮಾವೆಳಿಂ ಪರ್ಗಟ್ ಮಾನ್-ಸನ್ಮಾನ್.

ಆಯಿಲ್ಲ್ಯಾ ಅರ್‍ಜೆ ವಾ ಸುಚವ್ಣೆ-ಪತ್ರಾಂ ಥಾವ್ನ್‌ಚ್ ಪುರಸ್ಕಾರಾಕ್ ವಿಜೇತ್ ವಿಂಚ್ತೆಲೆ. ಭಾರತಾಚ್ಯಾ ವಿವಿದ್ ಪ್ರಾಂತ್ಯಾಂ ಥಾವ್ನ್ ವಿಂಚುನ್ ಕಾಡ್‌ಲ್ಲ್ಯಾ ಫಾಮಾದ್ ಸಂಗೀತ್ ರಚ್ನಾರ್/ಪ್ರಖ್ಯಾತ್ ಪದಾಂ ಘಡ್ನಾರಾಂಚಿ ಏಕ್ ವಿಂಚವ್ಣೆ ಮಂಡಳಿ ಹರ್ ಅರ್ಜಿ ಗುಂಡಾಯೆನ್ ತಪಾಸುನ್ ವಿಜೇತಾಂತ್ ವಿಂಚ್ತೆಲಿ.

ನೇಮಾಂ ಆನಿ ಅರ್‍ಜೆ ಪತ್ರಾ ಖಾತಿರ್ ಸಂಪರ್ಕ್ ಕರಾ - ಕಲಾಂಗಣ್ - 0824-2230489/2232239 ವಾ, ಅಂತರ್‌ಜಾಐ www.kalaangann.com ಪಳೆಯಾ.

ಅರ್‍ಜೆ ಪತ್ರಾಂ ಪಾವಿತ್ ಕರುಂಕ್ ನಿಮಾಣಿ ತಾರಿಕ್ ಫೆಬ್ರೆರ್ ೨೮, ೨೦೦೯. ಪ್ರಶಸ್ಥಿ ಪ್ರಧಾನ್ ಸಂಭ್ರಮ್ - ಮಾಯ್ 10, 2009, ಕಲಾಂಗಣ್.

ಮಾನೆಸ್ತ್ ಮೇರಿಯನ್ ಲಾಜರಸ್ ಸೋಜ್, ಕುವೇಯ್ಟ್, ಹ್ಯಾ ಪುರಸ್ಕಾರಾಂಚೊ ಪ್ರೇರಕ್ ಆನಿ ನಗ್ದೆ ಇನಾಮಾಂಚೊ ಪೋಷಕ್.

- ಭಾತ್ಮಿ, ಮಾಂಡ್ ಸೊಭಾಣ್

ದಾಯ್ಜ್ ಲೇಖನಾಂ

ದಾಯ್ಜ್ ಪಾನಾಕ್

ಅಂತರ್‌ರಾಷ್ಟ್ರೀಯ್

ಸಮನ್ವಯಾಂಚೆಂ

ವಸಯಾಂತ್

ಟೊಮಸ್