“ಹಲ್ಲೊ

ಕೊಂಕ್ಣೆಚಾ ವಿಂಚ್ಣಾರ್ ಸಾಹಿತ್ಯಾಚೊ ಕೊನ್ಸೊ - ’ದಾಯ್ಜ್’ - ಫಕತ್ತ್ ಕೊಂಕಣಿ ಥಾವ್ನ್ ಕೊಂಕಣಿ ಪರ್‍ಯಾಂತ್, ಕೊಂಕಣಿ ಖಾತಿರ್.

ಎಡ್ವಿನ್ ಜೆ. ಎಫ್. ಡಿ’ಸೋಜ್ ಹಾಚಾ ’ಟೂರಿಸ್ಟ್ ಸೈಕಲ್’ ಅಂಕಣಾಕ್ ಭೆಟ್ ದಿಯಾ.

ಚಿಂತ್ನೆನ್ ಸಬ್ಧಾನ್ ಆನಿ ಬರ್ಪಾನ್

[ಕೊಂಕ್ಣೆಂತ್ ವಿಚಾರಾಂಚೆಂ ವ್ಹಾದಾಳ್ ಉಟಯಿಲ್ಲೆಂ ಅನ್ಯೇಕ್ ಫಾಮಾದ್ ಅಂಕಣ್ ’ಚಿಂತ್ನೆನ್, ಸಬ್ಧಾನ್ ಆನಿ ಬರ್ಪಾನ್’ ಕೊಂಕ್ಣೆಂತ್ಲ್ಯಾ ಸಾಹಿತ್ಯ್ ಚಕ್ರವರ್ತಿ ಎಡ್ವಿನ್ ಜೆ. ಎಫ್. ಡಿ’ಸೋಜ್ ಹಾಚಾ ಭಳ್ವಂತ್ ಲಿಖ್ಣೆಥಾವ್ನ್ ಪರತ್ ದಾಯ್ಜ್ ವಾಚ್ಪ್ಯಾಂ ಖಾತಿರ್. ದಾಯ್ಜ್.ಕೊಮ್‌ಚೆರ್ ಎದೊಳ್‌ಚ್ ಭೋವ್ ಫಾಮಾದ್ ಜಾಲ್ಲ್ಯಾ ’ಟೂರಿಸ್ಟ್ ಸೈಕಲ್’ ಅಂಕಣಾ ಉಪ್ರಾಂತ್ ಜಾಯ್ತ್ಯಾಂನಿ ಎಡ್ವಿನಾಚಾ ಅಂಕಣಾಕ್ ಶಾಭಾಸ್ಗಿ ಪಾಟಾಯಿಲ್ಲಿ ಆನಿ ಎಡ್ವಿನಾಚೆಂ ಅಂಕಣ್ ಚಾಲು ದವರುಂಕ್ ವಿನತಿ ಕೆಲ್ಲಿ. ಸರ್ವ್ ವಾಚ್ಪ್ಯಾಂಕ್ ದೇವ್ ಬರೆಂ ಕರುಂ]

Placeholder: the original page gave this picture no description, and none has been written yet. It came from daaiz\daaiz\column\csb\csb18.asp.

18. “ಹಲ್ಲೊ ಸಾಯ್ಬಾ, ಮಾರ್‍ಲೊ ಸಾಯ್ಬಾ!”

ಎಡ್ವಿನ್ ಜೆ.ಎಫ್.

ಸಬಾರ್ ವರ್‍ಸಾ೦ ಆದಿ೦ ಹಾ೦ವೆ “ಸ೦ಭಾಶನಿಶ್ಟ್” (conversationalist ಮ್ಹಳ್ಳ್ಯಾ ಸಬ್ದಾಚೆ೦ ಕೊ೦ಕಣೀಕರಣ್!) ಮ್ಹಳ್ಳೆ೦ ಎಕ್ ಲೇಕ್ ಹ್ಯಾಚ್ ನೆಮಾಳ್ಯಾರ್ ಲಿಕ್‌ಲ್ಲೆ೦. ಹೆ- ವಾಚುನ್ ಕೊಣಾ ಶಾಣ್ಯಾ ವಾಚ್‌ಪ್ಯಾಕ್ ಚೀಡ್ ಆಯ್ಲೊ ಆನಿ ತಾಣೆ/ತಿಣೆ “ಕೊಣಾ ಖಾತಿರ್ ಹಿ ಬರ್‍ಪಾ೦?” ಮಳ್ಳ್ಯಾ ಸವಾಲಾ ಮುಕಾ೦ತ್ರ್ ಆಪ್ಲೆ ತೀಕ್ ಅಬಿಪ್ರಾಯ್ ಉಚಾರ್‌ಲ್ಲೆ. ತೆ೦ ಲೇಕನ್ ಆಮಿ೦ ಚಲ೦ವ್ಚ್ಯಾ ಸಾಮಾನ್ಯ್ (ಪುಣ್ ಸಬಾರ್ ಪಾವ್ಟಿ೦ ಅರ್‍ತ್‌ನಾತ್‌ಲ್ಲ್ಯಾ) ಸ೦ಬಾಶಣಾ೦ಕ್ ತೀಬ್ ಕರುನ್ ಘೆವ್ನ್ ಲಿಕ್‌ಲ್ಲೆ೦ ಆಸ್ತಾ೦, ಸಾಹಿತಾ೦ತ್ ಸ೦ಬಾಶಣಾ೦ ಮ್ಹಳ್ಳ್ಯಾ ವಿಶಯಾಚೆರ್ ಹೆ೦ ಅ೦ಕಣ್ ಮು೦ದರಿತಾನಾ, ತ್ಯಾ ಲೇಕನಾಚೊ ಆನಿ ವಾಚ್‌ಪ್ಯಾ೦ನಿ ದಿಲ್ಲ್ಯಾ ಪ್ರತಿಕ್ರಿಯೆಚೊ ಉಡಾಸ್ ಮ್ಹಾಕಾ ಆಯ್ಲೊ.

ಮ್ಹಜೊ ಯೆಕ್ಲೊ ಮಿತ್ರ್ ಆಸಾ; ತೊ ಸ೦ಪಾದಕ್ ಜಾವ್ನ್ ಆಸ್‌ಲ್ಲ್ಯಾ ವೆಳಾರ್ ಕೋಣ್‌ಯಿ ತಾಚ್ಯಾ ದಫ್ತರಾ೦ತ್ ರಿಗ್ಲೆ ತರ್ ತಾಚೆ೦ ಫಟಾಫಟ್ ಸವಾಲ್ ಯೆತಾಲೆ೦: “ಹಲ್ಲೊ ಸಾಯ್ಬಾ, ಮಾರ್‍ಲೊ ಸಾಯ್ಬಾ.... ಹೆರ್ ಕಾ೦ಯ್ ವಿಶೇಸ್?”

ಹೆರ್ ಕಾ೦ಯ್ ವಿಶೇಸ್? ಹ್ಯಾ ತಾಚ್ಯಾ ಸವಾಲಾ೦ತ್ ‘ರಫಕ್ಕ್’ ಕರುನ್ ಕಳಿತ್ ಜಾತಾಕಿ ಸ೦ಪಾದಕ್ ಮಹಾಶಯಾಕ್ ಸದಿಳ್ ಉಲವ್ಣ್ಯಾಕ್ (small talk) ಕಾನ್ ದೀ೦ವ್ಕ್ ವೇಳ್ ನಾ. ಹಲ್ಲೊ ಸಾಯ್ಬಾ, ಮಾರ್‍ಲೊ ಸಾಯ್ಬಾ ಮ್ಹಣ್ ತಾಣೆ ತರ್ ಮ್ಹಳೆ೦, ತೆ೦ಚ್ಚ್ ವಿಶೇಸ್; ಹಾಚ್ಯಾ ವಯ್ರ್ ಕಾ೦ಯ್ ಆಸಾ ತರ್ ಸಾ೦ಗ್, ನಾ ತರ್ ಉಸಳ್, ಹೊ ತಾಚೊ ಸ೦ದೇಶ್.

ಸಾಹಿತಾ೦ತ್‌ಯಿ ಅಶೆ೦ಚ್ಚ್. ಗೆಲೆ ತೆ ದೀಸ್ ಲಾ೦ಬ್ ಲಾ೦ಬ್ ಸ೦ಬಾಶಣಾ೦ಚೆ. ಸಾತ್ ವಾಕ್‌ಯಾ೦ಚೆ೦ ಸವಾಲ್ ತರ್ ಸತ್ತರ್ ವಾಕ್‌ಯಾ೦ಚಿ ಜಾಪ್. ಎಕ್ ಹಾಸ್ಕುರೆ೦ ಉದಾಹರಣ್ ದಿಯಾ೦: “ತು೦ ಕಸೊ ಆಸಾಯ್ ಆ೦ತೊನಿ,” ಮ್ಹಣ್ ಕೊಣೆ೦ಯಿ ವಿಚಾರ್‍ಲೆ೦ ತರ್ ಆಮ್ಚೊ ಆ೦ತೊನ್, “ಹಾ೦ವ್, ಸಾ೦ತ್ ಆ೦ತೊನಿಚ್ಯಾ ದಯೆನ್ ಬರೊ೦ ಆಸಾ೦; ಪೊಟ್ಟಾಕ್ ಗೆಲ್ಲ್ಯಾನ್ ಹಾ೦ವೆ೦ ಸೊರೊ ಸೊಡ್‌ಲ್ಲ್ಯಾನ್ ಆತಾ೦ ಹಾ೦ವ್ ಆನಿಕಿ ಬರೊ೦ ಜಾಲಾ೦; ಆತಾ೦ ಸಿಗ್ರೆಟ್ ಸೊಡು೦ಕ್ ಹಾ೦ವೆ೦ ನೊವೆನ್ ಧರ್‍ಲಾ೦ ಆನಿ ತ್ಯಾ ವರ್‍ವಿ೦ ಹಾ೦ವ್ ಆನಿಕಿ ಬರೊ ಜಾತೊಲೊ೦ ಮ್ಹಳ್ಳೊ ಭರ್‍ವಸೊ ಆಸಾ.......” ತುಮಿ೦ ಹಾಸ್ತಾತ್ ನ್ಹಯ್? ಆಮ್ಚ್ಯಾ ಸಾಹಿತಾ೦ತ್ ಥೊಡಿ೦ ಅಸಲಿ೦ಚ್ ಥಳ್-ಅ೦ತ್ಯ್‌ನಾತ್‌ಲ್ಲಿ೦ ಸ೦ಬಾಶಣಾ ಆಸಾತ್ ಮ್ಹಳ್ಯಾರ್ ಅತಿಶಯ್ ನ್ಹಯ್.

ಮಧ್ಯ್‌ಪ್ರಾಚ್ಯಾ೦ತ್ ಕಾಮ್ ಕೆಲ್ಲ್ಯಾ೦ಕ್ ಹೆ೦ ಕಳಿತ್ ಆಸ್ತೆಲೆ೦. ಆರ್‍ಬಿ, ಯೆಕಮೆಕಾ ಮೆಳ್ತಾನಾ ಉಣ್ಯಾರ್‌ಉಣೆ ಚ್ಯಾರ್ ಪಾವ್ಟಿ೦ “ತು೦ ಕಸೊ ಆಸಾಯ್” ಮ್ಹಳ್ಳೆ೦ ಸವಾಲ್ ಕರ್‍ತಾತ್. ಅಶೆ೦ ಕಿತ್ಯಾಕ್ ಮ್ಹಣ್ ಹಾ೦ವೆ೦ ಯೆಕ್ಲ್ಯಾಲಾಗಿ೦ ವಿಚಾರ್‍ಲೆ೦. ತೊ ಮ್ಹಣಾಲೊ, “ಮಧ್ಯ್‌ಪ್ರಾಚ್ಯಾಚ್ಯಾ ಘಡ್ಣುಕೆಚ್ಯಾ ಕಾಳಾರ್ ವಳ್ಕಿಚ್ಯಾ೦ನಿ ಯೆಕಾಮೆಕಾ ಭೆಟ್ಚೆ೦ ಭಾರಿಚ್ ಅಪ್ರೂಬ್; ಆಮಿ೦ ಸರ್‍ವ್ ಭೊ೦ವ್‌ತಿ ಕುಳಿಯೆ೦ಚೆ (nomadic tribes) ಜಾಲ್ಲ್ಯಾನ್ ಎಕಾ ಭೆಟೆ ಉಪ್ರಾ೦ತ್ ಪರತ್ ಭೆಟ್ತಾ೦ವ್ ಯಾ ನಾ ಮ್ಹಳ್ಳೆ೦ ನಖ್ಖಿ ಕಳಿತ್ ಆಸಾನಾತ್‌ಲ್ಲೆ೦. ದೆಕುನ್, ಪರತ್ ಮೆಳ್ಳ್ಯಾ೦ವ್ ತರ್ ‘ತು೦ ಕಸೊ ಆಸಾಯ್’ ಮ್ಹಣ್ ಸಾತ್-ಆಟ್ ಪಾವ್ಟಿ೦ ವಿಚಾರ್‍ತಾನಾ, ಚಾರ್‌ಯಿ ದಿಶಾ೦ಚಿ೦ ಖಬರ್ ಕಸಲಿ, ತುಜ್ಯಾ ತೆಗಾ೦-ಚವ್ಗಾ೦ ಬಾಯ್ಲಾ೦ಚಿ ಖಬರ್ ಕಸಲಿ, ತುಜ್ಯಾ ಭುರ್‍ಗ್ಯಾ೦ಚಿ ಖಬರ್ ಕಸಲಿ ಮ್ಹಳ್ಳೊ ಅರ್‍ತ್ ಜಾತಾಲೊ!” ಅಶೆ೦ ತಾಣೆ ವಿವರಿಲೆ೦, ಹಾಸೊನ್‌ಶೆ೦.

ಪುಣ್ ಆತಾ೦ ವೇಳ್‌ಕಾಳ್ ಬದ್‌ಲ್ಲಾ. ಆತಾ೦ ಹೆ ಆರ್‍ಬಿಯಿ ಚಡ್ ಉಲಯ್‌ನಾ೦ತ್. ಆಮಿ೦ ಲಾ೦ಬಾಯೆನ್ ಉಲ೦ವ್ಚಿ೦ ಖುಣಾ೦ ದಾಕಯ್ಲ್ಯಾರ್ ತೆ ಮ್ಹಣ್ತಾತ್, “ತುಜ಼ಿ ಜ಼ಿಣಿಯೆ-ಕತಾ ಆಮ್ಕಾ೦ ಸಾ೦ಗನಾಕಾ.”

ಹೆ೦ ಆಮ್ಚ್ಯಾ ಸಾಹಿತಾಕ್‌ಯಿ ಲಾಗು ಜಾತಾ ಮ್ಹಣ್ ಹಾ೦ವ್ ಮ್ಹಣ್ತಾ೦. ಸ೦ಬಾಶಣಾ೦ ಸಾಹಿತಾ೦ತ್ ಗರ್‍ಜ್ ಪುಣ್ ಮರ್‍ಜೆನ್, ಸಬಾವಿಕ್ಪಣಿ. ಕೊಣಾಲಾಗಿ೦ ಜೆರಾಲ್ ಸ೦ಬಾಶಣ್ ಆಮಿ೦ ಚಲಯ್ತಾ೦ವ್ ತರ್ ಕಾ೦ಯ್ ಪುಲ್ಪುತ್ರಿರ್ ಚಡೊನ್ ಉಲಯ್ತಾ೦ವ್? ಮದೆ೦ ಮದೆ೦ ಮಹಾನ್ ಮನ್ಶಾ೦ಚ್ಯೊ ಸಾ೦ಗ್ಣ್ಯೊ ಹಾಡ್ತಾ೦ವ್? ನಾ ನ್ಹಯ್? ತರ್ ಸಾಹಿತಾಚ್ಯಾ ನಿಬಾನ್ ಕಿತ್ಯಾಕ್ ಲಾ೦ಬಾಯ್-ರು೦ದಾಯ್ ಕರ್ಚಿ?

ಚ೦ದ್ರಕಾ೦ತ್ ಕೇಣಿ ಹಾಚಿ “ಹಿಪ್ಪಿ ಚಲಿ” ಮಟ್‌ವಿ ಕತಾ ವಿಶ್ವವಿಕ್ಯಾತ್, ಸಬಾರ್ ಭಾಸಾ೦ನಿ ತಿ ಅಣ್ಕಾರ್ ಜಾಲ್ಯಾ. ಹಾ೦ತು೦ (ತುಮಿ೦ ತಿ ವಾಚು೦ಕ್ ನಾ ತರ್) ಕತಾನಾಯಕಾಕ್ ಭೆಟ್‌ಲ್ಲಿ ಆನಿ ಆಪ್ಲ್ಯಾ ಪಾಶಾ೦ನಿ ತಾಕಾ ರೆವ್ಡಾಯಿಲ್ಲಿ ಹಿಪ್ಪಿ ಚಲಿ ಗರ್‍ಬೇಸ್ತ್ ಜಾತಾನಾ ಉದೆಲ್ಲೆ೦ ಸನ್ನಿವೆಶ್ ಹೆ೦, ಕಿತ್ಲ್ಯಾ ಸ೦ಪ್ಯಾ ಸ೦ಬಾಶಣಾನ್ ಕೇಣಿ ಪಿ೦ತ್ರಯ್ತಾ ಪಳೊವ್ಯಾ೦:

“ತ್ಯಾ ಭುರ್‍ಗ್ಯಾಚೊ ಕಸ್ಲೊ ಗುನ್ಯಾ೦ವ್?” (ಕತಾನಾಯಕ್)

“ಬಾಪಾಯ್ಕ್ ಗಟ್ಸ್ ನಾ ಮ್ಹಣ್ತಚ್ ತಾಚ್ಯಾ ವಾ೦ಟ್ಯಾಕ್ ದುಸ್ರೆ೦ ಕಿತೆ೦ ಯೆತೆಲೆ೦?” (ಹಿಪ್ಪಿ ಚಲಿ)

“ಪುಣ್ ತುಜೆ೦ ಮುಕಾರ್ ಕಿತೆ೦?”

“ಹಾ೦ವ್ ಆವಯ್ ಜಾತೆಲಿ೦!”

“ಲಗ್ನ್ ಜಾಯ್ನಾಸ್ತಾನಾ?”

“ತಾ೦ತು೦ ಕಿತೆ೦? ಮ್ಹಾಕಾ ಅಬಿನ೦ದನ್ ಪುಣಿ ಕರ್‌ಮೂ?”

“ಅಬಿನ೦ದನ್! ಹಾ೦ವ್ ವಚು೦?”

“ವಚ್...ಪುಣ್ ಮ್ಹಾಕಾ ವಿಸರ್‍ನಾಕಾ. ಮದೆ೦ ಕೆದ್ನಾ೦ ತರಿ ಯೆ ...ಕಾ೦ಯ್ ಹಾ೦ವ್೦ಚ್ಚ್ ತುಮ್ಗೆರ್ ಯೆ೦ವ್?”

“ಪುಣ್ ತು೦ ಯೆನಾಕಾ, ಪ್ಲೀಜ್...”

“ಹಾ೦ವ್ ಬಾ೦ಳ್ಟೆರಾಕ್ ತುಮ್ಗೇರ್ ಯೇನಾ...”

“ಹಾ೦ವ್ ಜಾಣಾ೦. ಪುಣ್ ಮ್ಹಜ಼ಿ ಬಾಯ್ಲ್....”

“ಹಾ೦ವ್ ತುಜೆ೦ ನಾ೦ವ್ ಘೆ-ನಾ.....ಘೆ ಉತರ್...”