ಕೊಂಕ್ಣೆಚಾ ವಿಂಚ್ಣಾರ್ ಸಾಹಿತ್ಯಾಚೊ ಕೊನ್ಸೊ - ’ದಾಯ್ಜ್’ - ಫಕತ್ತ್ ಕೊಂಕಣಿ ಥಾವ್ನ್ ಕೊಂಕಣಿ ಪರ್ಯಾಂತ್, ಕೊಂಕಣಿ ಖಾತಿರ್.
ದೆವಾ ತುವೆಂ ಆದಾಂವ್ಕ್ ರಚ್ಲೆಲ್ಯಾ ವೆಳಾರ್ ತಾಚಿ ಜಾತ್ ಕಸಲಿ ಕಳಿತ್ ಕರ್ಶಿಗಿ? ನಾಂತರ್ ಹ್ಯಾ ತುಜ್ಯಾ ಸಂಸಾರಾಂತ್ ಹೊ ತುಜೊ ಲೊಕ್ ’ಜಾತ್’ ಮ್ಹಳ್ಳ್ಯಾ ಎಕಾ ವಿಶಯಾಚೆರ್ ಹ್ಯಾ ಥರಾನ್ ಪಿಶೆಂ ಪಾಂಗುರ್ತಾ ಕಿತ್ಯಾಕ್ ಮ್ಹಳ್ಳೆಂ ಮ್ಹಾಕಾ ಕಳಾನಾ. ದೆಕುನ್ ಸೊಮ್ಯಾಂ ಹ್ಯಾ ಮ್ಹಜ್ಯಾ ಬಡ್ಡ್ ತಕ್ಲೆರ್ ಯೆಂವ್ಚೆಂ ಎಕ್ಚ್ ಸವಾಲ್ - "ದೆವಾ ತುವೆಂ ಆದಾಂವ್ ಎವೆಕ್ ಖಂಯ್ಚ್ಯಾ ಜಾತಿಂ ಜಲ್ಮ್ ದಿಲೊಯ್?"
ಸತಾಂತ್ಲಿಂ ವಿಚಿತ್ರಾಂ - 4. ಜಾತ್
ಜೆಮ್ಮಾ ಪಡೀಲ್
ಸರ್ವೆಸ್ಪರಾ ದೆವಾ ತುವೆಂ ಹೊ ಸಂಸಾರ್ ರಚ್ಲೊಯ್. ತೊ ಸಂಸಾರ್ ಸೊಭಂವ್ಕ್ ಆದಾಂವ್ ಆನಿ ಎವೆಕ್ ರಚ್ಲೊಯ್. ತಾಣಿ ತುಜ್ಯಾ ಬೆಸಾಂವಾನ್ ಕಾಯ್ನ್ ಆನಿ ಆಬೆಲ್ ಮ್ಹಳ್ಳ್ಯಾ ಬುರ್ಗ್ಯಾಂಕ್ ಜನಮ್ ದಿಲೊ. ಆಜ್ ಹೊ ಸಂಸಾರ್ ಸಗ್ಳೊ ಲೊಕಾನ್ ಭರ್ಲಾ. ಖಂಯ್ ಗೆಲ್ಯಾರೀ ಲೋಕ್ ಘರಾಂನಿ ಮಾರ್ಗಾರ್ ರೇಲ್ವೆ ಸ್ಟೆಶನಾರ್, ಮೈದಾನಾರ್ ಆನಿ ಜೈಲಾಂನಿ ಸಯ್ತ್ ಲೋಕ್ ಭರೊನ್ ಗೆಲಾ. ಹೆಂ ಪಳೆವ್ನ್ ತುಕಾ ಸಂತೊಸ್ ಜಾಲೊ ಆಸ್ತಲೊ.
’ಎಕಾ ತೆಂಪಾರ್’ ಆದಾಂವ್ ಆನಿ ಎವ್ ಆಸ್ಲೆಲ್ಯಾ ಹ್ಯಾ ಬಂಜರ್ ಸಂಸಾರಾಂತ್ ಕಿತೆಂ ಲೋಕ್! ತುವೆಂ ಚಿಂತ್ಲ್ಲೆಂಯ್ ಹ್ಯಾ ಭರ್ಲ್ಲ್ಯಾ ಲೊಕಾಂ ಮಧೆಂ ಕಿತೆಣ್ಂ ಪುರಾ ಘಡ್ತಾ ಮ್ಹಣ್? ಲೋಕ್ ಹಜಾರ್ ಥರಾಂನಿ ಪಿಸೊ ಜಾಲಾ. ತಾಂಕಾಂ ನಾಂವ್ ನಾಕಾ; ತಾಂಕಾಂ ಕಾರಾಣಾಂ ನಾಕಾತ್. ಫಕತ್ತ್ ಏಖ್ ವಿಶಯ್ ಪುರೊ ಜಾತ್! ಧರ್ಮ್..
ದೆವಾ ತುವೆಂ ಆದಾಂವ್ಕ್ ರಚ್ಲೆಲ್ಯಾ ವೆಳಾರ್ ತಾಚಿ ಜಾತ್ ಕಸಲಿ ಕಳಿತ್ ಕರ್ಶಿಗಿ? ನಾಂತರ್ ಹ್ಯಾ ತುಜ್ಯಾ ಸಂಸಾರಾಂತ್ ಹೊ ತುಜೊ ಲೊಕ್
’ಜಾತ್’ ಮ್ಹಳ್ಳ್ಯಾ ಎಕಾ ವಿಶಯಾಚೆರ್ ಹ್ಯಾ ಥರಾನ್ ಪಿಶೆಂ ಪಾಂಗುರ್ತಾ ಕಿತ್ಯಾಕ್ ಮ್ಹಳ್ಳೆಂ ಮ್ಹಾಕಾ
ಕಳಾನಾ. ದೆಕುನ್ ಸೊಮ್ಯಾಂ ಹ್ಯಾ ಮ್ಹಜ್ಯಾ ಬಡ್ಡ್ ತಕ್ಲೆರ್ ಯೆಂವ್ಚೆಂ ಎಕ್ಚ್ ಸವಾಲ್ -
"ದೆವಾ ತುವೆಂ ಆದಾಂವ್ ಎವೆಕ್ ಖಂಯ್ಚ್ಯಾ ಜಾತಿಂ ಜಲ್ಮ್ ದಿಲೊಯ್?"
ತುವೆಂ ಹ್ಯಾ ಸವಾಲಾಕ್ ಮ್ಹಾಕಾ ಜವಾಬ್ ಕಳಿತ್ ಜಾಲ್ಯಾರ್ ಹ್ಯಾ ತುಜ್ಯಾ ಪಾಡ್ ಲೊಕಾಂಖ್ ಸಮ್ಜಾಯೆತ್. ಸುರ್ವಿಲ್ಲ್ಯಾ ರಚ್ನೆಕ್ ದೆವಾನ್ ’ಹೆಂ ಜಾತ್ ದಿಲ್ಲಿ ಮ್ಹಣ್! ಹ್ಯಾ ಜಾತಿಖಾತಿರ್ ಜಾಂವ್ಚೊ ಆವಾಜ್ ಗಲಾಟೊ ಆನಿ ಖೆಸ್ತಾಂವಾಂ
ತರೀ ರಾವ್ತಿತ್. ದೆಕುನ್ ದೆವಾ ತುಜೆಲಾಗಿಂ ಹಾಂವ್ ಆಡ್ದೊಸ್ ಮಾಗ್ತಾಂ
"ಸಾಂಗ್ ಮ್ಹಾಕಾ ಸುರ್ವಿಲ್ಲ್ಯಾ ರಚ್ನೆಚಿ ಜಾತ್ ಕಸಲಿ?"
ತುಂ ವಯ್ರ್ ಥಾವ್ನ್ ಹೆಂ ಸರ್ವ್ ಪಳೆತಾಯ್
ಜಾಂವ್ಕ್ ಪುರೊ ಕಿತೆಂ ಪುರಾ ಘಡಾನಾ ತೆಂ ಬರಯ್ಲ್ಯಾರ್ ಬರೆಂ ನ್ಹಯ್ಗಿ?
ತುವೆಂ ಮ್ಹಾಕಾ ಜಾವಾಬ್ ದೀನಾಂ ತರ್ ಹಾಂವ್ ಸಮ್ಜಾತಾಂ ತುವೆಂ ತಾಂಕಾಂ ಜನಮ್ ದಿಲೊಯ್ ಆನಿ ಎಕ್ ದಾದ್ಲೊ ಆನಿ ಸ್ತ್ರೀ ಮ್ಹಳ್ಳ್ಯಾ ಏಕ್ ಮಾತ್ರ್ ಪಂಗಡಾಂತ್ ಜಿಯೆಲ್ಲಿಂ ಮ್ಹಳ್ಯಾರಿ ತುಂ ಮ್ಹಾಕಾ ಚುಕಿದಾರ್ ಕರಿಸೊನಾಂಯ್ ಮೂ? ಜ್ಯೆ ಮ್ಹಜ್ಯಾ ಮತಿಕ್ ಆಯಿಲ್ಲೆಂ ತೆಂ ಹಾವೆಂ ಹಾಂಗಾಸರ್ ಬರಯ್ಲಾಂ. ತುಂ ಬರೊ, ಹಾಂವೆಂ ಚೂಕ್ ಕೆಲ್ಯಾರ್ ಭಗ್ಸುಂಚಿ ಬರಿ ಕರ್ನಿ ತುಂ ಕರ್ತಾಯ್. ಕರೀತ್ ಆಸಾಯ್ ಹೆಂ ಹಾಂವೆಂ ಬರಯಿಲ್ಲ್ಯಾಂತ್ ಕಾಂಯ್ ಚೂಕ್ ಆಸಾ?
ದೊಗಾಂ ಮನ್ಶಾಂ ಥಾವ್ನ್ ಎಕಾ ಘೊವ್-ಬಾಯ್ಲೆ ಥಾವ್ನ್ ಹೊ ಸಂಸಾರ್ ಭರೊನ್ ಗೆಲೊ. ಹ್ಯಾ ಭರ್ಲ್ಲ್ಯಾ ಲೊಕಾಮಧೆಂ ಥೊಡೆ ಪ್ರವಾದಿ ರುಪಾರ್ ಉದೆಲೆ ತಾಣಿಂ ದೆವಾಕ್ ಮ್ಹಣ್ಜೆ ತುಕಾ ವಳ್ಕೊನ್, ತುಜೆಥಂಯ್
’ಏಕ್ ದೀಸ್’ ವಿಲೀನ್ ಜಾಂವ್ಕ್ ವಾಟೊ ದಾಕವ್ನ್ ದಿಲ್ಯೊ. ತಾಚಾ ಪರಿಣಾಮಾನ್ ಆಜ್ ಹ್ಯಾ ಸಂಸಾರಾಂತ್ ಹಜಾರ್ ಜಾತಿ. ಬರಂವ್ಕ್ ಗೆಲ್ಯಾರ್ ಹಾತ್ ವಳ್ತಾತ್. ಎಕಾ ಜಾತಿಭಿತರ್ ಫಾಂಟೆ. ಕಿತೆಂ ಮ್ಹಣ್ ಬರಂವ್ ಧನ್ಯಾಂ? ತುಂ ಸರ್ವ್ ಜಾಣಾರ್. ತುಂ ಜಾಣಾಂಯ್ ಮ್ಹಜ್ಯಾ ಮತಿಂತ್ ಕಿತೆಂ ಆಸಾ? ಕಿತೆಂ ಹಾಂವ್ ಬರಂವ್ಕ್ ಆಪೆಕ್ಶಿತಾಂ ಇತ್ಯಾದಿ. ಅಶೆಂ ಆಸ್ತಾಂ ಹಾವೆಂ ತುಕಾ ಬರಂವ್ಚಿ ಗರ್ಜ್ ಆಸಾಗಿ ಸೊಮ್ಯಾಂ?
ಏಕ್ ಸಂಗತ್ ಹಾಂವ್ ಬರಂವ್ಕ್ ಖುಶಿ ವರ್ತಾಂ, ಹಾಂವ್ ಕ್ರಿಸ್ತಾಂವ್. ಹಾಂವ್ ಕ್ರಿಸ್ತಾಂವ್
ಮ್ಹಳ್ಯಾರ್ ಮ್ಹಜೊ ಬಾಪುಯ್ ಕ್ರಿಸ್ತಾಂವ್. ಮ್ಹಜೊ ಬಾಪುಯ್ ಕ್ರಿಸ್ತಾಂವ್
ಮ್ಹಳ್ಯಾರ್ ಮ್ಹಜೊ ಅಜೊ ಕ್ರಿಸ್ತಾಂವ್. ಹಿ ಜಾತ್ ಪಳೆ ಸೊಮ್ಯಾ ರಗ್ತಾಬರಿ. ಎಕಾ ಬಾಪಯ್ ಥಾವ್ನ್ ತಾಚ್ಯಾ ಭುರ್ಗ್ಯಾಂಕ್ ದೆಂವೊನ್ ಆಯಿಲ್ಲಿ. ಮ್ಹಜೊ ಬಾಪಯ್ ಜರ್ ಅಕ್ರಿಸ್ತಾಂವ್ ಜಾಲ್ಲೊ ತರ್ ಹಾಂವ್ ಆಜ್ ಕಿತೆಂ ಜಾವ್ನ್ ಆಸ್ತೊಂ? ಹೆಂ ಏಕ್ ಚಿಂತಾಪ್ ಹ್ಯಾ ಸಂಸಾರಾಚ್ಯಾ ಮನ್ಶಾಕುಳ್ಯೆರ್ ಚಿಂತ್ಲ್ಯಾರ್, ಹ್ಯಾ ಸಂಸಾರಾಂತ್ ಜಾತಿವಯ್ರ್ ಜಾಂವ್ಚಿಂ ಸರ್ವ್ ಅಕ್ರಮಾಂ ಉಣಿಂ ಜಾವ್ನ್ ರಾವ್ತಿತ್. ಸರ್ವ್ ಚಿಂತಾತ್ ತಾಂಚಿ ಜಾತ್ ಮಾತ್ರ್ ಖರಿ, ಮ್ಹಜೊ ದೇವ್ ಮಾತ್ರ್ ಖರೊ. ಹಾಂವ್ ಮಾತ್ರ್
ಸರ್ಗಾಕ್ ವೆತಾಂ ಹಾಂವ್ ಮಾತ್ರ್ ತುಜೆಥಂಯ್ ವಿಲೀನ್ ಜಾಂವ್ಚೆಂ ಹ್ಯಾ ಸವಾಲಾಂಕ್ ತುವೆಂ ಮಾತ್ರ್ ಖರಿ ಜವಾಬ್ ದಿವ್ಯೆತ್. "ಹಾಂವೆಂ ಆದಾಂವ್ ಎವೆಕ್ ಉಪ್ರಾಂತ್ ಕಾಯ್ನ್ ಅಬೆಲಾಕ್ ತಾಂಚ್ಯಾ ತಾಂಚ್ಯಾ ಲಿಂಗಾಫರ್ಮಾಣೆಂ ತಾಂಕಾಂ ವಿಂಗಡ್ ಕೆಲ್ಲೆಂ ಶಿವಾಯ್ ದೆವಾ ಥಂಯ್ ಪಾಂವ್ಚಿ ಕಸಲೀಯ್ ಜಾತ್ ತಾಂಕಾಂ ದೀಂವ್ಕ್ ನಾ!
ವಯ್ಲೆಂ ಉತಾರ್ ತುವೆಂ ಪರ್ಗಟ್ ಕೆಲ್ಯಾರೀ ಹಾಂವ್ ಪಾತ್ಯೆನಾ ಲೋಕ್ ಪಾತ್ಯೆತ್ ಮ್ಹಣ್. ಜಾತಿವರ್ವಿಂ ಲೋಕ್ ಭೆರೊ ಜಾಲಾ. ತೆ ಚಿಂತಾತ್ ತುಕಾ ಬೊಬೊ ಘಾಲ್ನ್ ಆಪಯ್ಲ್ಯಾರ್ ತುಕಾ ಆಯ್ಕಾತಾ ಮ್ಹಣ್. ತುಕಾ ಕಾಂತಾರಾಂ ಗಾವ್ನ್ ಹೊಗಳ್ಸಿಲ್ಯಾರ್ ತುಕಾ ಸಂತೊಸ್ ಜಾತಾ ಮ್ಹಣ್. ತೆ ಚಿಂತಾತ್ ದುಸ್ರ್ಯಾ ಜಾತಿಂಚ್ಯಾಕ್ ಕಶ್ಟಿಲ್ಯಾರ್, ದುಕಯ್ಲ್ಯಾರ್, ಅವ್ಮರ್ಯಾದ್ ಕೆಲ್ಯಾರ್ ತುಕಾ ಬರೆಂ ಜಾತಾ ಮ್ಹಣ್. ನಾಂ ತರ್ ಹ್ಯಾ ತುಜ್ಯಾ ವಿಂಚುನ್ ಕಾಡ್ಲ್ಲ್ಯಾ ಪರ್ಜೆನ್ ದುಸ್ರ್ಯಾ ಜಾತಿಚ್ಯಾಂಕ್ ಕಸ್ಟೊಂಚೆಂ ಸಮಾ? ಖಂಯ್ಚ್ಯಾ ಜಾತಿಚ್ಯಾ
’ದೆವಾನ್’ ಸಾಂಗ್ಲಾಂ ದುಸ್ರ್ಯಾಂಕ್ ದುಕಯ್ ಆನಿ ತುಜೊ ದೇವ್ ತುಜೆರ್ ಪ್ರಸನ್ನ್ ಜಾತಲೊ ಮ್ಹಣ್? ಪಳೆನಾತ್ಲ್ಲ್ಯಾ
ದೆವಾವಿಶ್ಯಾಂತ್ ಫಕತ್ತ್ ಪಾತ್ಯೆಂವ್ಚಾ ದೆವಾವಿಶ್ಯಾಂತ್ ಹ್ಯಾ ಥರಾನ್ ಅಕ್ರಮಾಂ ಕರ್ಚೆಂ ತುವೆಂ ತಾಂಕಾಂ ಮುಖಾಮುಖಿ ದರ್ಶನ್ ದೀವ್ನ್ ’ಹೆಂ ಕರ್ ತೆಂ ಕರ್’ ಮ್ಹಳ್ಳೆಂ ತರ್ ಕಿತೆಂ ಕರ್ತಿತ್?
ಧನಿಯಾಂ ಸೊಮಿಯಾಂ ಮ್ಹಾಕಾ ಕಿತೆಂಯ್ ಸಮ್ಜಾನಾ, ಚಿಂತುನ್ ಚಿಂತುನ್ ಮತಿಂತ್ ಆಟವ್ನ್ ಹಾವೆಂ ಹಿಂ ಸವಾಲಾಂ ತುಕಾ ಕೆಲ್ಯಾಂತ್. ತುವೆಂ ರಚ್ಲೆಲ್ಯಾ ಸಂಸಾರಾಂತ್ ಶಾಂತಿ ಸಮಧಾನ್ ಆನಿ ದಾಧೊಸ್ಕಾಯ್ ಆಸಾಜಯ್ ತರ್ ತುವೆಂ ಹಾವೆಂ ಕೆಲ್ಲ್ಯಾ ಸವಾಲಾಂಕ್ ಕಶೀಯ್ ಕರ್ನ್ ಜವಾಬ್ ದೀ. ನಾಂತರ್ ಮುಕಾರ್ ಹ್ಯಾ ಜಾತಿವಯ್ರ್ ಝುಜ್, ಮಹಾ ಝುಜ್ ಜಾವ್ನ್ ಹೊ ಸಂಸಾರ್ ಲಿಪ್ತಲೊ. ಹೆಂ ತುಂ ಅಪೆಕ್ಶಿತಾಯ್? ಖಂಡಿತ್ ನಾಂ ಮ್ಹಣ್ ಚಿಂತಾಂ. ದೆವಾ ದಯಕರ್ನ್ ಆಮ್ಚೆರ್ ದಯಾ ಕರ್.
ಆಧ್ಲೆ ಆಂಕ್ಡೆ: ಸಂವಾದ್, ಆಂಕ್ಡೊ 1, 2, 3
About us | Feedback | Contact us
Copyright ©
2005 DAAIZ.COM All rights reserved.
Page concept, designed and maintained by Ashawadi Publications
