ಕವಿತಾकविताPoem
-ಜೆಮ್ಮಾ
ಕವಿತಾವೋಳ್
ಆವಯ್
ಮಾಂಯ್ ತುಜ್ಯಾ ದಿಸಾಕ್ ವೊರಾಂ ಕಿತ್ಲಿಂ?
ನಾಂ ತುಜೆಲಾಗಿಂ ಘಡಿಯಾಳ್!
ಮಾಂಯ್ ತುಕಾಯ್ ಆಸ್ಚೆ ಹಾತ್ ದೋನ್
ಪುಣ್ ಕಾ ಆಸ್ಚಿಂ ಕಾಮಾಂ ಕಿತ್ಲಿಂ?
ತುಜ್ಯಾ ಕಾಮಾಕ್ ಬ್ರೇಕ್ ನಾ
ತುಕಾ ಓವರ್ಟಾಯ್ಮ್ ಮ್ಹಳ್ಳೊಚ್ ನಾ
ಸಕಾಳಿಂಚೊ ಸುರ್ಯೊ ಪಾಸೊನ್ ’ಹಾಸ್ತಾ’
ತುಜ್ಯಾ ತೊಂಡಾರ್ಯೀ ಸದಾಂ ’ಹಾಸೊ’
ತುಜ್ಯಾ ಕಾಮಾಂತ್ ಸಂತೊಸ್ ಆಸ್ತಾ
ತುಕಾ ಕೊಣ್ಂಯ್ ಸಾಂಬಾಳ್ ದಿತಾ?
ಮಾಂಯ್ ತುಜ್ಯಾ ದಿಸಾಕ್ ವೊರಾಂ ಕಿತ್ಲಿಂ?
ಕಾಮಾರ್ ಆಸ್ತಾಂ ತುಂ ಪಳೆನಾಂಯ್ ವೇಳ್!
ಫಾಂತ್ಯಾರ್ ಥಾವ್ನ್ ಮಧ್ಯಾನೆಸರ್ ತುಕಾ ದೀಸ್!
ನಾಂ ತುಜೆಲಾಗಿಂ ಘಡಿಯಾಳ್!
ಮಾಂಯ್ ಮ್ಹಜ್ಯಾ ಹಾತಿಂ ಘಡಿಯಾಳ್ ಆತಾಂ
ಸ್ವಿಜರ್ಲೇಂಡಾಚೆಂ ತೆಂ ಮ್ಹಜೊ ಹಾತ್ ಸೊಭಯ್ತಾ
ದಿಸಾಕ್ ಆಟ್ ವೊರಾಂಚೆಂ ಕಾಮ್ ಮ್ಹಳ್ಯಾರ್?
ಮ್ಹಾಕಾ ಜಿವಾರ್ ಯೆತಾ!
ಸಕಾಳಿಂ ಉಟೊನ್ ಕಾರಾರ್ ವೆತಾಂ,
ಘಾಮ್ ನಾತ್ಲೆಲೆಂ ಕಾಮ್ ತೆಂ!
’ಕಪಟಿ’ ಹಾಸೊ ದಿಲ್ಯಾರ್ ಜಾಲೆಂ
ಕಂಪ್ಯೂಟರಾಚೆರ್ ವೇಳ್ ಪಾಶಾರ್ ಕರ್ತಾಂ
ರಾತಿಂ ಸಾಡೆ ಧಾಂ ವೊರಾರ್ ನಿದ್ತಾಂ
ಆಯಿಲ್ಲ್ಯಾ ಗೆಲ್ಲ್ಯಾಂಕ್ ಮ್ಹಜ್ಯಾ ಕಾಮಾಚೆಂಚ್ ಸಾಂಗ್ತಾ
ವೆಳಾರ್ ಕಾಮಾಕ್ ವೆತಾಂ ವೆಳಾರ್ ಪಾಟಿಂ ಯೆತಾಂ
ತುಜೆಂ ಲಿಸಾಂವ್ ಚಿಂತಾಂ; ಕಾಳ್ಜಾಂತ್ ಕಾಂಪ್ ಚಡ್ತಾ
ಮಾಂಯ್ ತುಜ್ಯಾ ದಿಸಾಕ್ ವೊರಾಂ ಕಿತ್ಲಿಂ?
ನಾಂ ತುಜೆಲಾಗಿಂ ಘಡಿಯಾಳ್!
ಕವಿತಾವೋಳ್ ಅಂಕಣಾಚೆರ್ ತರ್ನ್ಯಾ ತಶೆಂಚ್ ಪರ್ನ್ಯಾ ಕವಿಂಚಾ ಕವಿತಾಂಕ್, ಅನುವಾದಿತ್ ಕವಿತಾಂಕ್ ಪರ್ಗಟ್ ಕರ್ತೆಲ್ಯಾಂವ್. ಹರ್ಯೆಕಾ ಹಫ್ತ್ಯಾಕ್ ಏಕ್ ಕವಿತಾ ಹ್ಯಾ ಅಂಕಣಾಚೆರ್ ಪರ್ಗಟ್ ಜಾತೆಲೆಂ. ತುಮ್ಚಿಂ ಕವಿತಾ ಧಾಡುಂಕ್ ವಿಳಾಸ್: info@daaiz.com
42. ಆವಯ್
-ಜೆಮ್ಮಾ ಪಡೀಲ್
ಕವಿ ವಿಶಿಂ: ಕೊಂಕ್ಣೆಂತ್ ಸಿಂತಿಮೆಂತಾಳ್ ಬರಯ್ಣಾರ್ ಮ್ಹಣ್ ಫಾಮಾದ್ ಜಾಲ್ಲೊ ’ಜೆಮ್ಮಾ ಪಡೀಲ್’ ಚಡ್ತಾವ್ ಲೇಖನಾಂ/ಕಾಣ್ಯೊ ಮಾತ್ರ್ ಬರಯ್ತಾ ಮ್ಹಣ್ ಲೆಖ್ತೆಲ್ಯಾಂಕ್ ಅಜ್ಯಾಪ್ ಕರ್ಚ್ಯಾಕ್ ಅಪ್ಲಿ ಪಯ್ಲಿ ಕವಿತಾ ಘೆವ್ನ್ ಹಾಂಗಾಸರ್ ಆಯ್ಲಾ. ಹ್ಯಾ ಕವಿತೆಂಚ್ ಪ್ರಾಸ್-ರಸ್, ಇಮಾಜಿ-ಅಲಂಕಾರ್ ನಾ ಜಾವ್ಯೆತಾ. ಪುಣ್ ಜಿವಿಂ ಜಿವಿಂ ಭಗ್ಣಾಂ ಮಾತ್ರ್ ಉಟೊನ್ ದಿಸ್ತಾತ್. ಆವಯ್ ಮ್ಹಳ್ಳೊ ಸಬ್ಧ್ ಆಯ್ಕತಾನಾಂಚ್ ಹರ್ಯೆಕಾ ಜಾತಿ-ಕಾತಿಚ್ಯಾಂಚೆಂ ಕಾಳಿಜ್ ಉಮಾಳೊನ್ ಯೆತಾ. ಆನಿ ಹಿ ಕವಿತಾ ವಾಚ್ತಾಂ ಜರೂರ್ ಹರ್ಯೆಕ್ಲ್ಯಾಚ್ಯಾ ಮತಿಂತ್ ಆಪ್ಲ್ಯಾ ಆವಯ್ಚೊ ನಿಯಾಳ್ ಜರೂರ್ ಯೆತಲೊ.
ಕವಿತೆಂಚಿಂ ಹೆರ್ ಅಂಕಣಾಂ
About us | Feedback | Contact us
Copyright ©
2005 DAAIZ.COM All rights reserved.
Page concept, designed and maintained by Ashawadi Publications
More in Daaiz
Send your comments to author on this writing
This is not a comment box. Nothing you write here appears on the site or is shown to any other reader: it is sent to him by email, privately, and he replies to you directly if a reply is called for.