ಕೊಂಕ್ಣೆಚಾ ವಿಂಚ್ಣಾರ್ ಸಾಹಿತ್ಯಾಚೊ ಕೊನ್ಸೊ - ’ದಾಯ್ಜ್’ - ಫಕತ್ತ್ ಕೊಂಕಣಿ ಥಾವ್ನ್ ಕೊಂಕಣಿ ಪರ್ಯಾಂತ್, ಕೊಂಕಣಿ ಖಾತಿರ್.
ಜಿವಿತಾ ಸೊಭಾಣ್
ಜೊರ್ಜಿ ಪೀಂತ್ ಆಯ್ಕೊಳ್: ಕೊಂಕ್ಣಿ ಸಾಹಿತ್ಯಾಂತ್ ಮ್ಹಾಕಾ ಹಾಚಿ ಸಳಾವಳ್ ಜಾಲ್ಲಿ ತಾಚಾ ಅಖ್ರೇಚಾ ಥೊಡ್ಯಾ ವರ್ಸಾಧಿಂ ತರ್ಯ್ ಹಾಂವೆಂ ಕಾಳ್ಜಾ ಮನಾನ್ ಏಕ್ ಪ್ರಾಮಾಣಿಕ್ ಸಾಹಿತಿ, ಚಿಂತ್ಪಿ ಮ್ಹಣ್ ಮಾಂಧುನ್ ಘೆತ್ಲ್ಲ್ಯಾ ಭೋವ್ ಥೊಡ್ಯಾಂ ಪಯ್ಕಿ ಹೊ ಎಕ್ಲೊ. ಆಮಿಂ ಜಾಯ್ತೆಪಾವ್ಟಿಂ ಎಕಾಮೆಕಾ ರಾಗ್ ಕೆಲಾ ತರ್ಯ್ ಎಕಾಮೆಕಾ ಥಂಯ್ ಗೌರವ್ ಆನಿ ಅಭಿಮಾನ್ ದವರ್ಲಾ. ಅಪ್ಲೆ ಜಿಣ್ಯೆ ಆವ್ದೆಂತ್ ಕಾಂಯ್ ನಾಂವಾಚೊ ಆಂಗಾಲಾಪ್ ಕರಿನಾಸ್ತಾಂ, ಆಪ್ಲ್ಯಾ ತತ್ವಾಂಖಾತಿರ್ ಕೆದಿಂಚ್, ಕೊಣಾಲಾಗಿಂಚ್ ಸಂಧಾನ್ ಕರಿನಾಸ್ತಾಂ, ಕಶ್ಟಾಂತ್ ಜಾಂವ್ ಸುಖಾಂತ್ ಜಾಂವ್ - ತಕ್ಲಿ ಉಭಾರ್ನ್ ಜಿಯೆಲ್ಲ್ಯಾ ಹಾಚ್ಯಾ ವೆಕ್ತಿತ್ವಾಚಿ ಝಳಕ್ ತಾಕಾ ಲಾಗ್ಸಿಲ್ಯಾನ್ ವಳ್ಕಲ್ಲೆ ಜರೂರ್ ಜಾಣಾಂತ್. ಕೊಂಕ್ಣೆಂತ್ ತರ್ಜಣ್ ಜಾಲ್ಲೆಂ ತತ್ವ್ಶಾಸ್ತಿರ್ ಬುಕಾರುಪಾರ್ ಪರ್ಗಟ್ಲ್ಲೆಂ ಪಯ್ಲೆಪಾವ್ಟಿಂ ಆನಿ ಹ್ಯಾ ಬುಕಾಕ್ ಎಕೆಕಾ ಆಂಕ್ಡ್ಯಾಚೆಂ ರೂಪ್ ದೀವ್ನ್ ವಾಚ್ಪ್ಯಾಂಕ್ ಪಾವಂವ್ಚೆಂ ಆಮ್ಚೆಂ ಮಿಸಾಂವ್.
ಲಾವೋ ತ್ಸೂ
ದೆ|ಜೊರ್ಜಿ ಪೀಂತ್
3. ಮಾನ್
ಮಾನ್ ಮನ್ಶ್ಯಾಂಕ್ ಚಡ್ ಮಾನ್ ದಿಶಿ
ಮನಿಸ್ ಅಸ್ಕತ್ ಜಾತಾತ್
ತಾಬೆಂತ್ಲ್ಯಾ ವಸ್ತುಂಕ್ ಚಡ್ ಮೋಲ್ ಬಾಂದ್ಶಿ
ಲೋಕ್ ಚೊರುಂಕ್ ಸುರ್ವಾತ್ ಕರ್ತಾತ್
ಮೆಸ್ತ್ರಿ ವಾಟ್ ದಾಖಯ್ತಾ
ಮನ್ಶ್ಯಾಂಚಿಂ ಮನಾಂ ಖಾಲಿ ಕರೂನ್
ಆನಿಂ ತಾಂಚೆಂ ಅಂತರಂಗ್ ಭರೂನ್
ತಾಂಚಿ ಅಭಿಲಾಷಾ ಅಸ್ಕತ್ ಕರೂನ್
ಆನಿ ನಿರ್ಧಾರಾಂನಿ ಘಟಾಯ್ ಭರೂನ್
ತೊ ಕುಮೊಕ್ ಕರ್ತಾ ಲೊಕಾನ್ ಹೊಗ್ಡಾಂವ್ಕ್
ತಾಣೆಂ ಜಾಣಾಸ್ಚೆಂ, ಸರ್ವ್ ತಾಣೆಂ ಆಶೆಂವ್ಚೆಂ
ಆನಿ ತೊ ಜಲ್ಮಯ್ತಾ ಘುಸ್ಪತ್
ಅಪುಣ್ ಜಾಣಾಂ ಮ್ಹಣೊನ್ ಚಿಂತೆಲ್ಯಾ ಥಂಯ್
ಕರ್ ಅಭ್ಯಾಸ್ ಗೈರ್ ಕರಾಪ್
ಆಪ್ಲ್ಯಾ ಸ್ಥಾನಾರ್ ಬಸ್ಲೆಲೆಂ ಸಗ್ಳೆಂಯ್
[ಹೊ ಆಶಾವಾದಿ ಪ್ರಕಾಶನಾನ್ 2002 ಇಸ್ವೆಂತ್ ಪರ್ಗಟ್ಲ್ಲೊ ದುಸ್ರೊ ಬೂಕ್]
About us | Feedback | Contact us
Copyright ©
2005 DAAIZ.COM All rights reserved.
Page concept, designed and maintained by Ashawadi Publications
