ಕೊಂಕ್ಣೆಚಾ ವಿಂಚ್ಣಾರ್ ಸಾಹಿತ್ಯಾಚೊ ಕೊನ್ಸೊ - ’ದಾಯ್ಜ್’ - ಫಕತ್ತ್ ಕೊಂಕಣಿ ಥಾವ್ನ್ ಕೊಂಕಣಿ ಪರ್ಯಾಂತ್, ಕೊಂಕಣಿ ಖಾತಿರ್.
[2006 ಇಸ್ವೆಚಾ ಸಪ್ತೆಂಬರ್ 23 ತಾರಿಕೆರ್ ಅಪ್ಲೊ 41ವೊ ಜಲ್ಮಾದಿವಸ್ ಆಚರಣ್ ಕರ್ಚಾ ಆಂಡ್ರು ತುಕಾ ಹೆಂ ಅಂಕಣ್ ಅರ್ಪಣ್]
ಸತಾಂ ಆನಿ ಖತಾಂ - 5. ಖರೆಂಪಣ್
ಹೆಂ ಅಂಕಣ್ ’ರಾಕ್ಣೊ’ ಚೆರ್ ತಶೆಂಚ್ ಆಶಾವಾದಿ ಪ್ರಕಾಶನಾಚಾ ಬುಕಾರುಪಾರ್ ಪರ್ಗಟ್ ಜಾಲಾಂ.
ಎಕಾ ರಾನಾಂತ್ ಏಕ್ ದೀಸ್ ಉಜೊ ಪೆಟ್ಲೊ. ಆನಿಂ ಜೀವ್ ವಾಂಚಂವ್ಚಾಕ್ ಸರ್ವ್ ಮನ್ಜಾತ್ಯೊ ಥಂಯ್ ಹಾಂಗಾ ಧಾಂವೊಂಕ್ ಲಾಗ್ಲ್ಯೊ. ಉಜ್ಯಾಚಿಂ ಕಿಠಾಳಾಂ, ದಾವ್/ಊಬ್ ವಿಸ್ತಾರೊನ್ ಗೆಲ್ಲೆಪರಿಂಚ್ಚ್ ಸುಕ್ಣಿಂ ಸಾವ್ಜಾಂಕ್ ಪೊಳ್ಲ್ಲೆ ಶಿವಾಯ್ ಹೆರ್ ಉಪಾವ್ ಝಳ್ಕಾಲೊ ನಾ.
ಹ್ಯಾ ರಾನಾಂ ಥಾವ್ನ್ ಅನ್ಯೇಕ್ ರಾನಾಕ್ ರಿಗೊಂಕ್ ಮಧೆಂ ಏಕ್ ಗಾಂವ್ ಪಾಶಾರ್ ಕರುಂಕ್ ಆಸ್ಲ್ಲೊ. ಏಕ್ ನಂಯ್ ಉತ್ರೊನ್ ಅನ್ಯೇಕ್ ರಾನ್ ಅಸ್ಲ್ಲೆಂ. ತ್ಯೇ ಮನ್ಜಾತಿಂ ಪಯ್ಕಿ ಎದೊಳ್ಚ್ಚ್ ವಾಗ್, ಬೊಲ್ಪೆ, ಹಸ್ತ್ಯೊ, ದುಕೊರ್, ಚಿತ್ಳಾಂ ಧಾಂವ್ಲ್ಲಿಂ ಆನಿಂ ಏಕ್ ಕೊಲೊಯ್ ಧಾಂವೊಂಕ್ ಲಾಗ್ಲೊ. ಧಾಂವ್ತಾಸ್ತಾನಾ ಗಾಂವ್ ಉತ್ರೊನ್ ನಂಯ್ ದೆಗೆರ್ ಯೆತಾನಾ, ಎಕಾ ಧೊಣ್ಕಾರಾನ್ ಪೊಂಡಾಂತ್ ಘಾಲ್ಲ್ಯಾ ನಿಳಾಂತ್ ಪಡ್ಲೊ ಅನಿ ವಯ್ರ್ ಯೆತಾನಾ ಸಗ್ಳೊ ನಿಳ್ಸೊ ಜಾಲೊ.
ದುಸ್ರ್ಯಾ ರಾನಾಂಚಾ ಮನ್ಜಾತಿಂಕ್ ಎದೊಳ್ಚ್ಚ್ ತ್ಯಾ ರಾನಾಂಕ್ ಹೆರ್ ರಾನಾಂಚೊ ಮನ್ಜಾತ್ಯೊ ಆಯ್ಲ್ಯಾತ್ ಮ್ಹಳ್ಳಿ ಖಭಾರ್ ಮೆಳ್ಲ್ಲಿ ಆನಿಂ ಹ್ಯಾ ನಿಳ್ಶಾ ಮನ್ಜಾತಿಕ್ ಪಳೆವ್ನ್ ಸಗ್ಳಿಂ ಶೆರ್ಮೆಲಿಂ, ಆನಿಂ ಎಕಾಮೆಕಾ ಭಿಂಯಾನ್ ಆನಿಂ ಗೌರಾವಾನ್ ತಾಕಾ ಸ್ವಾಗತ್ ಕೆಲೊ.
ಮನ್ಜಾತಿಂಚೊ ರಾಯ್, ರಾನಾಚೊ ಚಕ್ರವರ್ತಿ ಬೊಲ್ಪೊ ಸಯ್ತ್ ಆಪ್ಲ್ಯಾ ಸ್ಥಾನಾಂತ್ಲೊ ದೆಂವೊನ್ ಯೇವ್ನ್ ಹ್ಯಾ ನಿಳ್ಶಾ ಮನ್ಜಾತಿಕ್ ರಾಯಾಚೆಂ ಸ್ಥಾನ್ ದಿವುನ್ ಮಾನ್ ಕರಿಲಾಗ್ಲೊ ಆನಿಂ ಹೊ ನಿಳ್ಸೊ ಕೊಲೊ ವೊಗೇತ್ ರಾವೊನ್ ಮಾನ್ ಸ್ವೀಕಾರ್ ಕರಿಲಾಗ್ಲೊ.
ಅಶೆಚ್ಚ್ ದೀಸ್ ಪಾಶಾರ್ ಜಾತಾಸ್ತಾಂ, ಸಂಯ್ಬಾಚೆ ಸವಯೆಪ್ರಕಾರ್ ಎಕಾ ಜಾಗ್ಯಾರ್ ಸಾಂಜೆಚೊ ಕಾಳೊಕ್ ಪಡ್ತಚ್ಚ್ ಕೊಲ್ಯಾಂಚಿ ಬೋಬ್ ಸುರು ಜಾಲಿ ’ಕೂ.....’
ತಿತ್ಲ್ಯಾರ್ ಹೊ ನಿಳ್ಸೊ ಕೊಲೊಯೀ ಆವಾಜ್ ದಿವುನ್ ಸಾಂಗಾತ್ ದಿತಾನಾ ಶಿರ್ಕೊನ್ ಪಡ್ಲೊ. ತಿತ್ಲ್ಯಾರ್ ಹೆರ್ ಮನ್ಜಾತಿಂನಿ ಹೊ ಘುಟ್ ಸಮ್ಜೊನ್ ತ್ಯಾ ಕೊಲ್ಯಾಕ್ ಸಕ್ಲಾ ವೋಡ್ನ್ ಘಾಲ್ನ್ ಮಾರ್ನ್ ಧಾಂವ್ಡಾಯ್ಲೊ.
ಸಂದೇಶ್: ಆಮ್ಚೆ ಪಯ್ಕಿಯೀ ಆಮ್ಕಾಂ ಥೊಡೆ
ಪಾವ್ಟಿಂ ಜಾಹಿತ್ತ್ಯಾ ಬರ್ಯಾ ಮನ್ಶ್ಯಾಂ ಸಂವೆಂ ರಾವೊಂಕ್ ಆವ್ಕಾಸ್ ಮೆಳ್ತಾ. ತರೀ ತಾಂಚೆ ಥಾವುನ್ ಬರೆಂಪಣ್ ಜೊಡುನ್ ಆಮ್ಚೆ ಆವ್ಗುಣ್
ಸುಧ್ರಾಂವ್ಕ್ ಪ್ರೇತನ್ ಕರ್ಚಾ ಬದ್ಲಾಕ್ ಆಮ್ಚಾ ಸಂಯ್ಬಾಚೆ
ಪಾಡ್ ಗೂಣ್ ಆಮಿ ದಾಖಯ್ತಾಂವ್. ಖೊಟೊ ಮನಿಸ್ ಕಿತ್ಲೊ ಭಾಗೆಂವಂತಾಚೊ
ವೇಸ್ ಪಾಂಗುರ್ಲ್ಯಾರೀ ಏಕ್ ದೀಸ್ ತಾಚೆಂ ಖರೆಂಪಣ್ ಉಜ್ವಾಡಾಕ್ ಯೆತೆಲೆಂಚ್ಚ್.
About us | Feedback | Contact us
Copyright ©
2005 DAAIZ.COM All rights reserved.
Page concept, designed and maintained by Ashawadi Publications
