ದಾಯ್ಜ್ ತೆಸಾಂವ್: "ಕೊಂಕ್ಣಿ ಉಲಯ್, ಕೊಂಕ್ಣಿ ಉರಯ್, ಕೊಂಕ್ಣಿ ಆಮ್ಚಿ ಆವಯ್"
ತಾತ್ವಿಕ್ ನಿಯಾಳ್
ಮದರ್ ತೆರೆಜಾಚಿಂ ತತ್ವಾಂ
ಲೋಕ್ ಸದಾಂಚ್ ಅಸ್ವಾಭಾವಿಕ್, ಪಕ್ಶ್ಪಾತಿ ಆನಿ ಸ್ವಾರ್ಥಿ; ತರ್ಯೀ ತಾಂಕಾಂ ಭೊಗ್ಶಿ.
ತುಂ ಜರ್ ದಯಾಳ್ ಆಸ್ಚಿ, ಲೋಕ್ ತುಜೆರ್ ಸ್ವಾರ್ಥಿ ಮ್ಹಳ್ಳೆ ಫಟ್ಕಿರೆ ಬದ್ನಾಮ್ ಘಾಲ್ತಿತ್; ತರ್ಯೀ ತುಂ ದಯಾಳ್ಚ್ ಜಾ.
ತುಂ ಜರ್ ಜಯ್ತೆವಂತ್ ಜಾಶಿ, ತುಂ ಥೊಡೆ ಫಟ್ಕಿರೆ ಈಶ್ಟ್ ತಶೆಂಚ್ ಥೊಡೆ ಸತಿ ದುಸ್ಮಾನಾಂಕ್ ಜಿಕ್ತಲೊಯ್; ತರ್ಯೀ ಜಯ್ತೆವಂತ್ಚ್ ಜಾ.
ತುಂ ಜರ್ ಪ್ರಾಮಾಣಿಕ್ ಆನಿ ಶೀದಾ ಆಸ್ಚಿ ತರ್ ಲೋಕ್ ತುಕಾ ಫಟಯ್ತ್; ತರ್ಯೀ ಪ್ರಾಮಾಣಿಕ್ ಆನಿ ಶೀದಾ ಜಾ.
ತುವೆಂ ಭಾಂಧುಂಕ್ ವರ್ಸಾಂ ಲಾಗಯಿಲ್ಲ್ಯಾ ಭಾಂದ್ಪಾಕ್ ಕೊಣ್ಯ್ ಎಕಾಚ್ ರಾತಿಂ ಪರ್ತಿತ್; ತರ್ಯೀ ಭಾಂದುನ್ ರಾವ್.
ತುಕಾ ಜರ್ ಸಮಧಾನ್ ಆನಿ ಸಂತೊಸ್ ಲಾಭ್ಲೊ, ತರ್ ಹೆರಾಂ ತುಜೆರ್ ಮೊಸೊರ್ ಕರ್ತೆಲಿಂ; ತರ್ಯೀ ಸಂತೊಸಾನ್ ರಾವ್.
ತುವೆಂ ಆಜ್ ಬರೆಂ ಕೆಲ್ಲೆಂ, ಲೋಕ್ ಖಂಡಿತ್ ಫಾಲ್ಯಾಂ ವಿಸರ್ತಲೊ; ತರ್ಯೀ ಬರೆಂಚ್ ಕರ್.
ಸಂಸಾರಾಕ್ ತುಜೆಂ ಬರ್ಯಾಂತ್ಲೆಂ ಬರೆಂಚ್ ದೀ, ಸಂಸಾರಾಕ್ ತೆಂ ಪಾಂವ್ಚೆಂನಾ; ತರ್ಯೀ ಸಂಸಾರಾಕ್ ತುಜ್ಯಾ ಬರ್ಯಾಂತ್ಲೆಂ ಬರೆಂಚ್ ದೀ.
ಪಳೆ ಅಖ್ರೇಚೆಂ ಲೇಕ್-ಪಾಕ್, ತೆಂ ತುಜೆ ಆನಿ ದೆವಾ ಮಧ್ಲೆಂ; ಕೆದಿಂಚ್ ತುಜೆ ಆನಿ ತಾಂಚೆ ಮಧೆಂ ನ್ಹಂಯ್.
"ಮುಖೆಲ್ಯಾಂ ಖಾತಿರ್ ರಾಕೊನ್ ಬಸಾನಾಕಾತ್; ಎಕ್ಸುರೆಚ್ ಜಾವ್ನ್ ಎಕೆಕ್ಲೆಚ್ ಕಾಮಾಂ ಕರಾ".
"ಸಗ್ಳ್ಯಾಂಚ್ಯಾಕೀ ವ್ಹಡ್ ಭಿರಾಂಕುಳ್ ದುಬ್ಳಿಕಾಯ್ ಜಾವ್ನಾಸಾ ಎಕ್ಸುರ್ಪಣ್ ಆನಿ ಅಪ್ಣಾಚೊ ಮೋಗ್ ಕರ್ತೆಲಿಂ ನಾತ್ಲ್ಲೆಂ ಭಗಾಪ್".
"ಆಯ್ಚಾ ಕಾಳಾಚಿ ಸಗ್ಳ್ಯಾಂಚ್ಯಾಕೀ ವ್ಹಡ್ಲಿ ಪಿಡಾ ಕೋಡ್ ವಾ ಟಿಬಿ ನ್ಹಂಯ್, ಅಪುಣ್ ಕೊಣಾಕ್ಚ್ ಗರ್ಜೆಕ್ ಪಡಾನಾತ್ಲ್ಲೊಂ ಮ್ಹಳ್ಳೆಂ ಚಿಂತಾಪ್".
"ಹ್ಯಾ ಸಂಸಾರಾಂತ್ ಖಾಣಾಚ್ಯಾಕೀ ಚಡ್ ಲೋಕ್ ಭುಕೆತಾ ಮೊಗಾಕ್ ಆನಿ ಮೆಚ್ವಣೆಕ್".
"ಆಮಿಂ ಥೊಡೆ ಪಾವ್ಟಿಂ ಚಿಂತಾಂವ್, ದುಬ್ಳಿಕಾಯ್ ಫಕತ್ತ್ ಭುಕೆಲ್ಲಿ, ನಾಗ್ಡೆಂ ಆಸ್ಚಿ ಆನಿ ರಾವೊಂಕ್ ಘರ್ ನಾಸ್ಚಿ ಮ್ಹಣ್. ಪುಣ್ ಕೊಣಾಕ್ಚ್ ನಾಕಾ ಜಾಲ್ಲಿಂ ಜಾವ್ನ್ ಜಿಯೆಂವ್ಚಿ, ಕೊಣಾಚೊಚ್ ಮೋಗ್ ನಾಸ್ತಾಂ ಜಿಯೆಂವ್ಚಿ, ಕೊಣಾಥಾವ್ನ್ಯೀ ಜತನ್ ಮೆಳಾನಾಸ್ತಾಂ ಜಿಯೆಂವ್ಚಿಚ್ ವ್ಹಡ್ಲಿ ದುಬ್ಳಿಕಾಯ್ ಜಾವ್ನಾಸಾ. ಆಮಿಂ ಅಮ್ಚಿಂಚ್ ಸ್ವತಾಚಿಂ ಘರಾಂ ಅಸಲ್ಯಾ ದುಬ್ಳಿಕಾಯೆಕ್ ಆಸಾ ಕರುಂಕ್ಚ್ ಜಾಯ್."
- ಮದರ್ ತೆರೆಜಾ.
[ಹ್ಯಾ ಅಂಕಣಾಂತ್ ವಿಂಚ್ಣಾರ್ ವೆಕ್ತಿಂಚ್ಯಾ ವಿಂಚ್ಣಾರ್ ತತ್ವಾಂಕ್ ವಿಂಚುನ್ ತವಳ್ತವಳ್ ಆಮಿ ಪರ್ಗಟ್ ಕರ್ತೆಲ್ಯಾಂವ್]
About us | Feedback | Contact us
Copyright ©
2004 DAAIZ.COM All rights reserved.
Page concept, designed and maintained by Ashawadi Publications
