ಮತ್ಸ್ಯಕನ್ಯಾ

ಕೊಂಕ್ಣೆಚಾ ವಿಂಚ್ಣಾರ್ ಸಾಹಿತ್ಯಾಚೊ ಕೊನ್ಸೊ - ’ದಾಯ್ಜ್’ - ಫಕತ್ತ್ ಕೊಂಕಣಿ ಥಾವ್ನ್ ಕೊಂಕಣಿ ಪರ್‍ಯಾಂತ್, ಕೊಂಕಣಿ ಖಾತಿರ್.

ಕವಿತಾದಾಯ್ಜ್-24

ಮತ್ಸ್ಯಕನ್ಯಾ ಆನಿಂ ಪಿವ್ಡ್ಯಾಂಚಿ ಕಥಾ

ತೆ ಸರ್ವ್ ದಾದ್ಲೆ ಭಿತರ್ ಆಸ್‌ಲ್ಲೆ,

ತೆದ್ನಾ ತೆಂ ಸಂಪೂರ್ಣ್ ವಿಣ್ಗೆಂಚ್ ಭಿತರ್ ಸರ್ಲೆಂ.

ಪಿಯೆತ್ತ್ ಆಸ್‌ಲ್ಲೆ ತೆ, ಥುಕುಂಕ್ ಲಾಗ್ಲೆ.

ನವೆಂಚ್ ನ್ಹಂಯ್ ಥಾವುನ್ ಆಯಿಲ್ಲೆಂ ತೆಂ. ತೆಂ ನೆಣ್ತೆಂ.

ತೆಂ - ಎಕ್ ಮತ್ಸ್ಯಕನ್ಯಾ,

ವಾಟ್ ಚುಕ್‌ಲ್ಲೆಂ ಮತ್ಸ್ಯಕನ್ಯಾ.

ತಾಚ್ಯಾ ಪರ್ಜಳ್ ಕಾತಿಚೆರ್ ಅಕ್ಮಾನ್ ದೆಂವ್ಲೊ.

ತಾಚ್ಯಾ ಭಾಂಗ್ರಾಳ್ಯಾ ಸ್ಥನಾಂಚೆರ್ ಅತ್ಯಾಚಾರ್ ಚಲ್ಲೊ.

ದುಃಖ್ ನೆಣಾಸ್‌ಲ್ಲೆಂ ತೆಂ, ರಡ್ಲೆಂ ನಾಂ.

ಮಾಣ್ಸುಗಿ ನೆಣಾಸ್ಲೆಂ ತೆಂ, ನ್ಹೆಸ್ಲೆಂನಾಂ.

ತಾಣಿಂ ತಾಕಾ ಕಾಳ್ಶೆಲೆಂ, ಜಳ್‌ಲ್ಲ್ಯಾ ಮುಂಡಾಂನಿಂ.

ಗಡಂಗಾಚ್ಯಾ ಧರ್ಣಿರ್ ಲೊಳೊವ್ನ್, ಮಾರ್ಲಿ ಶಿಲೊಣಿ.

ಉತ್ರಾಂ ನೆಣಾಸ್ಲೆಂ ತೆಂ, ಉಲಯ್ಲೆಂನಾಂ.

ತಾಚ್ಯಾ ದೊಳ್ಯಾನಿಂ ಮಾತ್ರ್ ಪಯ್ಶಿಲ್ಯಾ ಮೊಗಾಚಿ ಸಾಯ್.

ತಾಚ್ಯಾ ಬಾವ್ಳ್ಯಾನಿಂ ಸ್ಫಟಿಕಾಚಿ ಸೊಭಾಯ್.

ಮೊತ್ಯಾಂಚ್ಯಾ ಉಜ್ವಾಡಾಂತ್ ತಾಚೆ ವೋಂಟ್ ಹಾಲ್ಲೆ.

ಆನಿಂ ಎಕಾಚ್ಚಾಣೆಂ ತೆಂ ದಾರಾಂತ್ಲ್ಯಾನ್ ಭಾಯ್ರ್ ಸರ್ಲೆಂ.

ನ್ಹಂಯ್ತ್ ರಿಗ್ತಚ್ ತೆಂ ನಿತಳ್ ಜಾಲ್ಲೆಂ,

ಪಾವ್ಸಾಂತ್ಲ್ಯಾ ಧವ್ಯಾ ಫಾತ್ರಾಬರಿಂ ಪರ್ಜಳಿಕ್,

ಆನಿಂ ಪಾಟಿಂ ಪಳಯ್‌ನಾಸ್ತಾಂ ತೆಂ ಉಪ್ಯೆಲೆಂ,

ಉಪ್ಯೆಲೆಂ ನಿರ್ವಾತಾ ತೆವ್ಶಿನ್,

ಉಪ್ಯೆಲೆಂ ಮರ್ಣಾಂ ತೆವ್ಶಿನ್.

ಮೂಳ್ ಸ್ಪ್ಯಾನಿಶ್: ಪ್ಯಾಬ್ಲೊ ನೆರುಡಾ

(12 ಜುಲಾಯ್ 1904 - 23 ಸಪ್ತೆಂಬರ್ 1973)

ಕೊಂಕ್ಣೆಕ್: ಆಂಟನಿ ಬಾರ್ಕುರ್

ಮತ್ಸ್ಯಕನ್ಯಾ ಆನಿಂ ಪಿವ್ಡ್ಯಾಂಚಿ ಕಥಾ - ಚಿಲಿ ದೇಶಾಚೊ ಕವಿ ಪ್ಯಾಬ್ಲೊ ನೆರೊಡಾ (ಜುಲಾಯ್ 12, 1904 – ಸಪ್ತೆಂಬರ್ 23, 1973) ಹಾಣೆಂ ಬರಯಿಲ್ಲ್ಯಾ ’Fable of the Mermaid and the Drunks' ಕವಿತೆಚೆಂ ತರ್ಜಣ್ ಹೆಂ ಜಾವ್ನಾಸಾ;

- DåAl¤ ¨ÁPÀÄðgï.

Kovithadaaiz: 1,2,3,4,5,6,7,8, 9,10,11,12,13,14,15,16,17,18,19,20,21,22,23

ದಾಯ್ಜ್ ಪಾನಾಕ್

About us | Feedback | Contact us
Copyright © 2005 DAAIZ.COM All rights reserved. Page concept, designed and maintained by Ashawadi Publications