ಮೆಲಿಸ್ಸಾ!

ದಾಯ್ಜ್ ತೆಸಾಂವ್: "ಕೊಂಕ್ಣಿ ಉಲಯ್, ಕೊಂಕ್ಣಿ ಉರಯ್, ಕೊಂಕ್ಣಿ ಆಮ್ಚಿ ಆವಯ್"

Placeholder: the original page gave this picture no description, and none has been written yet. It came from daaiz\daaiz\articles\nm1.asp.

ದೋನ್ ಉತ್ರಾಂ ಕಾಳ್ಜಾಚಿಂ

[ಕವಯತ್ರಿ ನಿರ್ಮಲಾ ಗೋವಿಯಸಾಚ್ಯಾ ’ಮೆಲಿಸ್ಸಾ ಅಮರ್ ಜಾ’ ಕವಿತೆಚೆರ್ ಪ್ರೇರಿತ್ ಜಾವ್ನ್ ಬರಯಿಲ್ಲಿಂ ದೋನ್ ಉತ್ರಾಂ ಹಿಂ]

- ನಾನು ಮರೋಲ್, ತೊಟ್ಟಾಮ್[ಕೊಂಕ್ಣೆಂತ್

ಸಭಾರ್ ಕಾಳಾಥಾವ್ನ್ ವಾಚ್ಪ್ಯಾಂಚಿಂ ಪತ್ರಾಂ, ವಿಮರ್ಶೆ, ಲೇಖನಾಂ ಬರವ್ನ್ ಫಾಮಾದ್ ಜಾಲ್ಲೊ ನಾನು ಮರೋಲ್, ಆಯ್ಲೆವಾರ್ ವಿಮರ್ಶಕ್ ಜಾವ್ನ್ ಸರ್ವಾಂಕ್ ವಳ್ಕೆಚೊ. ಸಾಂಗೊಂಕ್ ಚಿಂತ್‌ಲ್ಲೆಂ ಶೀದಾ ಸಾಂಗೊನ್ ಸೊಡ್ಚಿ ಹಾಚಿ ಸವಯ್ ದೆಕುನ್ ಹಾಚೆಯೀ ಮಿತ್ರ್ ತಶೆಚ್ಚ್ ದುಸ್ಮಾನ್ ಅಪಾರ್. ಪುಣ್ ಹಾಚ್ಯಾ ಕಾಳ್ಜಾಂತ್ಲೆಂ ಪ್ರಾಮಾಣಿಕ್ ಚಿಂತಪ್ ತಶೆಂಚ್ ಕೊಂಕ್ಣಿ ಹುಸ್ಕೊ ಭೋವ್ಶಾ ಥೊಡ್ಯಾಂಕ್ ಮಾತ್ರ್ ಕಳಿತ್]

ಅಮರ್ ತುಂ ಜಾ... ಬಾಳಾ ಮೆಲಿಸ್ಸಾ!

ಬಾಯ್ ನಿರ್ಮಲಾ ಗೋವಿಯಸಾನ್ ಆಕಸ್ಮಿತ್ ಜಾವ್ನ್ ಆಂತರ್‌ಲ್ಲ್ಯಾ ಆಪ್ಲ್ಯಾ ದಾಕ್ಟುಲ್ಯಾ ಮೊಗಾಳ್ ಧುವೆಕ್ ಶ್ರದ್ದಾಂಜಲಿ ಆರ್ಪುನ್ ಲಿಖ್‌ಲ್ಲೆಂ ಕವಿತಾ, ಏಕ್ ಕವಿತಾಚ್ಯಾ ಸರ್ವ್ ರಿತಿ ನಿಯಾಮಾಂಕ್, ಮಾಂಡಾವಳಿಂಕ್ ದೆಗೆಕ್ ದವರುನ್, ತ್ಯಾ ದಿಶೆನ್ ಕಿತೆಂಯ್ ಚಿಂತುಂಕ್ ಸಯ್ತ್ ಆವ್ಕಾಸ್ ದಿನಾಸ್ತಾನಾ ಮ್ಹಜ್ಯಾ ಮನಾಂತ್ಲ್ಯಾ ಭಗ್ಣಾಂಕ್, ದೊಳ್ಯಾಂತ್ಲ್ಯಾ ದುಖಾಂಕ್ ತಾಂಚಾಂಚ್ ಸ್ವಾತಂತ್ರ್ಯಾಂತ್ ವ್ಹಾಳೊಂಕ್ ಆವ್ಕಾಸ್ ದಿಲ್ಲಿ ಕವಿತಾ ಜಾವ್ನಾಸಾ. ಬಾಯ್ ನಿರ್ಮಲಾ ತುಜ್ಯಾ ಹ್ಯಾ ಜಿಣೆಯೆಚ್ಯಾ ಸಂದಿಗ್ದ್ ಕಾಳಾರ್ ತರೀ ತುವೆಂ ದಾಕಯಿಲ್ಲೆಂ ಧಯ್ರ್, ಸತ್ ವ್ಹಳ್ಕೊನ್ ಘೆವ್ನ್ ಆಪ್ಲ್ಯಾ ಭಾವಾಡ್ತಾ ವಯ್ರ್ ಧೃಡ್ ಭರ್ವಸೊ ದವರುನ್ ಆಪ್ಲ್ಯಾ ಜಿವಿತಾಚೆ ಮುಖ್ಲೆ ಆದ್ಯಾಯ್ ಸಾರುಂಕ್ ತುವೆಂ ಎಕ್ಟಾಂಯಿಲ್ಲೆಂ ಧಯ್ರ್ ಸರ್ವ್ ಆಮ್ಚ್ಯಾ ಆವಯಾಂಕ್ ಆದರ್ಶ್ ಜಾವ್ನಾಸಾತ್.

ಬಾಯ್ ನಿರ್ಮಲಾನ್ ಜಾಲ್ಲೆಂ ಸರ್ವ್ ದೆವಾಕ್ ಒಪ್ಸುನ್, ತಾಚ್ಯಾ ನಿರ್ಧಾರಾ ಥಂಯ್ ಖಾಲ್ತಿಮಾನ್ ಘಾಲಾ ತರೀ ಮ್ಹಾಕಾ ತ್ಯಾ ದೆವಾ ವಯ್ರ್ ಶಿಣ್ ಆಸಾ. ತಾಚಿ ಪದ್ವಿ ದಾಖಂವ್ಕ್ ಕಿತ್ಯಾಕ್ ತಾಣೆಂ ದಾಕ್ಟುಲ್ಯಾ ಮೆಲಿಸಾಕ್‌ಚ್ ವಿಂಚ್ಲೆಂ ಮ್ಹಳ್ಳೆಂ ಸವಾಲ್ ಪರ್ತುನ್ ಪರ್ತುನ್ ಕರುಂಕ್ ಮ್ಹಾಕಾ ಕಿತೆಂಚ್ ದಾಕ್ಷೆಣ್ ಭಗಾನಾ. ಬಾಯ್ ನಿರ್ಮಲಾ ತುಜ್ಯಾ ಹ್ಯಾ ಜಿಣಿಯೆಚ್ಯಾ ಹ್ಯಾ ಕ್ಲೀಷ್ಟ್ ತಶೆಂಚ್ ಸಂದಿಗ್ದ್ ಕಾಳಾರ್ ಆಮಿಂ ತುಜ್ಯಾ ಸಾಂಗಾತಾ ಆಸಾಂವ್. ಖಂಡಿತ್ ಜಾವ್ನ್ ತುವೆಂ ಭರ್ವಾಸೊ ದವರ್‌ಲ್ಲ್ಯೆ ಬರಿ ದಾಕ್ಟುಲೆಂ ಮೆಲಿಸಾ ಸರ್ಗಾ ರಾಜಾಂತ್ ಆಂಜಾಂ ಸಾಂಗಾತಾ ತಾಂಚ್ಯಾ ರಾಜಾಂತ್ ಸೊಭೊನ್ ಆಸಾ ಮುಣ್ಚ್ಯಾಕ್ ಆಮ್ಕಾಂ ಕೊಣಾಕ್‌ಚ್ ದುಬಾವ್ ನಾಂ. ದಾಕ್ಟುಲ್ಯಾ ಮೆಲಿಸಾಕ್ ಸಾಸ್ಣಾಚೊ ವಿಶೆವ್ ಮಾಗ್ಚ್ಯಾ ಬರಾಬರ್ ತೆಂ ತುಮ್ಕಾಂ ಸರ್ವಾಂಕ್ ದೆವಾಲಾಗಿಂ ಥಾವ್ನ್ ಬರ್‍ಯಾಂತ್ಲೆಂ ಬರೆಂ ಧಾಡುನ್ ದೀಂವ್ದಿ ಮ್ಹಣೊನ್ ತ್ಯಾಚ್ ದೆವಾಲಾಗಿಂ ನಮೃತೆನ್ ಮಾಗ್ತಾಂ.

[ ಕವಯತ್ರಿ ನಿರ್ಮಲಾ ಗೋವಿಯಸಾಚೆಂ ’ಮೆಲಿಸ್ಸಾ ಅಮರ್ ಜಾ’ ಕವಿತಾ ವಾಚಾ]

ದಾಯ್ಜ್ ಲೇಖನಾಂ

ವಿಮರ್ಶೆ

ದಾಯ್ಜ್ ಪಾನಾಕ್

ಸಜ್ಜಿಗೆ

ವಿಚಾರ್-ಉಚಾರ್

ಫ್ಲಾಯ್ಟ್!?