ಕವಿತಾकविताPoem
मेटां
[कविता]
मेटां
समाजेंत केदनांय असतुरी उलवंक व्हचाना, गुप्तीं सोसून व्हर्ता. पूण तिची अभिव्यक्त समजल्लीं नांत, तिची अभिव्यक्ती समाजेन ठरायिल्ल्या प्रकाराची न्हय, वेगळीच आसता. पूण जेदनां ती अपली अभिव्यक्ती समाजेन ठरायिल्ल्या रितीन करुंक मेट काडता तेदनां उदेता असली कविता. उत्रांनी मोटवी दिसुंक पुरो पूण ह्या दोन कडव्यांनी खूब सांग्ता ज्यें इतिहासाच्या पानांनी आमी परत परत वाचून आयिल्लें. हांगासर जिवी सिमेंट आसा आनी ताचेर हंकाराचीं मेटां आसात तीं थीर जावन उर्चें चित्रण कवी दिसयताना एक दऱ्यो आसा, आनी त्या दऱ्याच्या तडिचेर नेणत्या पावलांनी चलल्लीं मेटां पुसुंक ल्हारांक धाडचें चित्रण आसा. लिसांव भोव सोंपें; अर्दो कोळसो अल्कंदता पूण भरल्लो न्हय. दऱ्यो जाणारी आनी दऱ्याची सकत (गुंडाय/विसताराय) वर्णुंक तळीं/बांयची ससाय गर्जेची न्हय. आनी तो जाणतो दऱ्यो सयत नेणत्याचीं पावलां पुसू काडुंक अपलीं ल्हारां धाडता.
सलोमी मियापदव कोंकणिच्या फुडाराची एक भर्वश्याची कवी म्हणून ’आटवो सूर’ पुसतकांतल्यो तिच्यो एकेक कविता गवाय दितात. मोटव्यो पूण अपूरभायेच्या चिंत्पाच्यो कविता. आतां ह्या कवितेंतलीं तत्वां मेजुंक तुकाच सोडतां.
मेटां
जिव्या सिमेंटिच्या वाटेर
हंकारान चलल्लीं मेटां
सासणाक ऊरलीं.
दुर्सोण्यांक
बरगाल आयलोच ना!
दरया तडीर
नेणारपणान
चलल्लीं मेटां
ल्हारांनी पुसून काडलीं
कोणाकी कळ्ळेंच ना!
[एपरील, २०२३]
© 2023 सलोमी डी सोजा, मोगर्नाड · आशावादी प्रकाशन सर्व हक्कां राखून दवरल्यांत.
ಕವಿತಾकविताPoem Sep 2026
काळजाक खाल्तिमान घाल्ची मत
ಖಬರ್खबरNews Sep 2026
क्याथरीन रोड्रिगसाच्यो कथा-जमो उग्तावण, कोंकणी कविगोश्टी आनी साधकांक मान
More in Poinnari
ಕವಿತಾकविताPoem Feb 2025
धाळ्यो [डो. झीटा लॊबो]
ಕವಿತಾकविताPoem Oct 2020
केन्नां पुणी उटतेल्यात... (- विल्मा बंटवाळ)
ಕವಿತಾकविताPoem Nov 2016
येका फो०डाचि कता
Send your comments to author on this writing
This is not a comment box. Nothing you write here appears on the site or is shown to any other reader: it is sent to him by email, privately, and he replies to you directly if a reply is called for.