ಕವಿತಾकविताPoem

पयणारी २०२४ वर्साचो कवी - प्रकाश द. नायक

कवी आनी हक्क-मान. पयणारी २०२४ वर्साचो कवी - प्रकाश द. नायक

कवी आनी हक्क-मान. पयणारी २०२४ वर्साचो कवी - प्रकाश द. नायक

ppoty24

पयणारी २०२४ वर्साचो कवी - प्रकाश द. नायक

आशावादी प्रकाशन पयणारी.कोम चेर २०२३ थावन २०२४ पऱ्यांत ’कवी आनी हक्क-मान’ अंकणांत मांडून हाड‌ल्ल्या मयन्याळ्या कविता सर्तेंनी भारा मयन्यांनी भारा मयन्याचे कविंनी इनामां जोडल्यांत. हांतूं एका कवीक वर्साचो कवी जावन विंचला. आनी तो जावनासा गोंयचो नाम्नेचो कवी, शिक्षक, कोंकणी चळवळेकार प्रकाश द. नायक.

नाम्नेचो कवी, अंकण‌कार बाब शैलेंद्र मेहतान संपादन केल्ल्या ’कवी आनी हक्क-मान’ अंकणांत हरेका मयन्यांत एकेका कोंकणी कविच्या यादिंत, त्या कवीक हक्काचो मान दिवपाच्या इराद्यान प्रकाश पडगांवकार, नागेश कार्मली, वसंत वेळुसकार, लुवीस मसकरेन्हस, र.वी. पंडीत, चा.फ्रा.देकोसता, जे.बी.मोरायस, संजीव वेरेंकार, मनोहर राय सार्देसाय, बाकिबाब बोर्कर, पी. जी. कामत आनी युसूफ शेख ह्या भारा कविंच्या यादिंत भारा मयन्याचे कवी इनामां जिकुंक पावले; फेल्सी लोबो, डो.पूर्णानंद चारी, प्रकाश नायक, एन. बालकृषण मल्या, मोनिका डे’सा मथायस, मा|ऐवन मियार, संजय भोर्कर, सलोमी मियापदव, आन्नी द कोलवाले, आर. राम‌नाथ, संधेश भांदेकर आनी अमेय नायक हे भारा मयन्याचे कवी.

आशावादी प्रकाशन पाटल्या वीस वर्सांथावन वेग-वेगळे साहितीक सर्त मांडून हाडून आयलां. ह्या आधीं वर्साचे कवी इनाम जोडलेले कवी ह्ये परीं आसात;

दायज वर्साचो कवी २००५-६: एच्चेम पेर्नाल (अंकण: तिंतेरांत पिंतुरां)

दायज वर्साचो कवी २००६-७: आंटनी बार्कूर (अंकण: उत्रांत सूत्रां)

पयणारी वर्साचो कवी २०२०-२१: नीलबा खांडेकर (अंकण: मयन्याची कविता)

पयणारी वर्साचो कवी २०२३-२४: प्रकाश द. नायक (अंकण: कवी आनी हक्क-मान)

वोरयणार:

आंडऱ्यू एल. डिकुन्हा, उदय म्हांबरो, नानू मरोळ, शैलेंद्र मेहता

(समेसत कविंक, तशेंच वोरयणारांक धिन्वास)

लोकडाव्न (कोंकणी कवितेंचें पयलें आडियो पुस्तक)

आशावादी प्रकाशनान २००५ इस्वेंत ’तिंतेरांत पिंतुरां’ म्हळ्ळी मयन्याळी कविता बरंवची सर्त दायज.कोम मुखांत्र चलयिल्ली. हर मयन्यांत एक पिंतूर दिवून त्या पिंतुराचेर कविता बरंवच्याक कविंक दिल्ल्या आपोवण्याक पाळो दिवून बारा मयन्यांनी बारा मयन्याचे कवी इनाम जिकुंक पावले. तशेंच बारा मयन्यांत आयिल्ल्या १५९ कवितें पयकिंक एका कवितेक वर्साची कविता इनाम दिल्लो. इनामां जिकलल्या कवितेंक ’तिंतेरांत पिंतुरां’ पुसतकांत पर्गटलीं.

२००६ इस्वेंत ’उत्रांत सूत्रां’ म्हळ्ळी मयन्याळी कविता बरंवची सर्त दायज.कोम मुखांत्र चलयिल्ली. हर मयन्यांत एक पिंतूर दिवून त्या पिंतुराचेर कविता बरंवच्याक कविंक दिल्ल्या आपोवण्याक पाळो दिवून बारा मयन्यांनी बारा मयन्याचे कवी इनाम जिकुंक पावले. तशेंच बारा मयन्यांत आयिल्ल्या १३८ कवितें पयकिंक एका कवितेक वर्साची कविता इनाम दिल्लो. इनामां जिकलल्या कवितेंक ’शिंपडलेलीं मोतियां’ पुसतकांत पर्गटलीं.

२०१९-२०२० इस्वेंत पयणारी.कोम मुखांत्र ही सर्त तीन लिपिंत चलवन वेली. बारा मयन्यांत बारा मयन्याचे कवी इनाम जिकले तशेंच एका कवितेक वर्साची कविता इनाम लाभलें. इनामां जिकललीं कविता ’लोक डावन’ नांवाच्या तीन लिपिच्या ई-पुसतकांत तशेंच लोक‌डावन म्हळ्ळ्या आ(आडियो) पुसतकांत प्रसार जाल्यो. आतां ’कवी आनी हक्क-मान’ - हांगासर हक्काचो मान फावो जाता कोंकणी कवीक, जो आज आमचेमधें ना पूण ताच्या कवितें मुखांत्र तो अजून आमचेमधें आसा. देकून ह्या सकयल्यांक आमी मानाक विंचला:

कवी आनी हक्क-मान - १: