ಕವಿತಾकविताPoem

[ಮನ್ಶ್ಯಾ ಜಿಣ್ಯೆಚಿ]

This poem is available in its original Kannada only.

ಮನ್ಶ್ಯಾ ಜಿಣ್ಯೆಚಿ ಧಾಂವ್ಣಿಚ್ ತಸಲಿ; ಹಾಂಗಾ ಖಂಚೆಂ ಬರೆಂ ಖಂಚೆಂ ವಾಯ್ಟ್ ಮ್ಹಳ್ಳೆಂ ಪಾರ್ಕುಂಕ್ ಖಂಯ್ ವೇಳ್ ಆಸಾ? ಫಕತ್ತ್ ಆಪ್ಲ್ಯಾ ಶೆವೊಟಾಕ್ ಪಾಂವ್ಚಾಕ್, ಆಪ್ಲ್ಯಾ ಫಾಯ್ದ್ಯಾಕ್ ಪಡ್ತೆಲ್ಯಾಂಕ್ ಗಳ್ಸುಂಕ್/ಘಾಸುಂಕ್/ಪುಸುಂಕ್ ಉಪೇಗ್ ಕರ್ಚಾ ಜಿವಿತಾ ಸರ್ಕಸಾಂತ್, ಮನಿಸ್ ಸಯ್ತ್ ಫಸ್ತಾ. ಆನಿ ’ಅಸ್ಲಿ’ ಮ್ಹಳ್ಳೆಪರಿಂ ದಿಸ್ಚ್ಯಾ ’ನಕ್ಲಿ’ ಸಂಗ್ತೆಕ್ ಆಪ್ಣಾವ್ನ್ ಘೆತಾ. ಪುಣ್ ಎಕಾಕ್ ನಕ್ಲಿ ಕರುಂಕ್ ಕೊಣಚ್ಯಾನ್‌ಯೀ ಸಾಧ್ಯ್ ಜಾಂವ್ಕ್ ನಾ ಆನಿ ತೊ ಜಾವ್ನಾಸಾ ’ವೇಳ್’, ವೇಳ್ ಯೆತಾನಾ, ಮನ್ಶಾಚೊ ರಂಗ್ ಗಳ್ತಾನಾ ಕಳ್ತಾ ಕೊಣ್ ಅಸ್ಲಿ ಆನಿ ಕೊಣ್ ನಕ್ಲಿ ಮ್ಹಣುನ್. ಹ್ಯಾ ಅಪುರ್ಭಾಯೆಚ್ಯಾ ಚಿಂತ್ಪಾಕ್ ಕವಿತೆಂತ್ ವ್ಹಾಳಯಿಲ್ಲೆಂ ದಿಸ್ತಾ.

ಆಂಡ್ರು ಎಲ್. ಡಿ’ಕುನ್ಹಾ ಮನ್ಶಾಪಣಾಚ್ಯಾ ಚಿಂತ್ಪಾಚೊ ಕವಿ, ಹಾಚಿಂ ಚಡ್ತಾವ್ ಕವಿತಾ ಅಸಲ್ಯಾಚ್ ಮನ್ಶಾಪಣಾಚೆರ್ ಜಾಲ್ಲ್ಯಾ ವಾ ಜಾಂವ್ಚ್ಯಾ ಹಲ್ಲ್ಯಾಚೆರ್ ಆಟಾಪುನ್ ಆಸ್ತಾ. ದೆಕುನ್ ಹಾಚಿ ಏಕ್ ಕವಿತಾ ಕಾಂಯ್ ತೆಂಪಾ ಪರ್ಯಾಂತ್ ಯಾದಿಂತ್ ಉರ್ತಾ.

ಆಸ್ಲಿ ವಾ ನಕ್ಲಿ?

ಆಜ್ ರಜೆಚೊ ದೀಸ್

ಘರ್ ನಿತಳ್ ಕರುಂಕ್ ಚಿಂತ್ಲಾಂ

ಕೊನ್ಶಾಂ ಕೊನ್ಶೆ ಭರುನ್ ವೊಮ್ತೊನ್

ಕುಡಾಂ ಮಧೆ ನಕ್ಲಾಂ ಕರ್ಚ್ಯೊ

ಅಸ್ಲಿ ರುಪಾಚೊ ನಕ್ಲಿ ವಸ್ತು

ಸತಾಚಾ ವೊಪೆಚ್ಯೊ ಫಟಿಚ್ ಮಸ್ತು!

ಗುಜ್ರಿವಾಲ್ಯಾನಯೀ ನೆಗಾರ್ ಕೆಲ್ಯೊ

ವಿಂಚುನ್ ವಿಂಚುನ್ ರಾಸ್ ಘಾಲ್ಯೊ

ವಿಕ್‍ಲ್ಯಾಂಕ್ ಗಾಳಿ ಯೆಟುನ್

ರಸ್ತ್ಯಾ ಖಚ್ರ್ಯಾಂತ್ ಪುರ್‍ಲ್ಯೊ

ಘರಾ ಬಿತರ್ ರಿಗ್ತಾನಾ

ಘರ್ ಸಗ್ಳೆಂ ದಿಸ್ತಾ ರಿತೆಂ

ಭಿತರ್ ರಿಗೊಂಕ್ ಪಾದ್ದೆಂವ್ಚಾ ಮಾಕಾ

ಪತಿಣ್ ಪಳೆವ್ನ್ ಹಾಸ್ತಾ...

ಪತಿಣ್ ಅಶಿಯೀ ಹಾಸ್ಲಿ ಕಿತ್ಯಾಕ್?

ಕಾಂಯ್ ಹಾಂವಯೀ ಬದಲ್ಲಾಂ?

ರಿತ್ಯಾ ಕುಡಾಂತ್ ಚಿಂತುಕ್ ಪಡ್ಲಾಂ

ಹಾಂವ್ ಕೋಣ್? ಆಸ್ಲಿ ವ ನಕ್ಲಿ?

- ಆಂಡ್ರು ಎಲ್. ಡಿ’ಕುನ್ಹಾ [ಎಪ್ರಿಲ್, 2016]

Comments

No comments yet. Be the first to say what you thought of it.

Leave a comment

Write in Kannada, Nagari or Romi, whichever you like. He reads every comment before it appears here, so yours will not show straight away. Your name is printed above it.

Your name

Your comment

0 of 2,000 characters

Only your name and your comment are kept - no email address. They stay on the site until he removes them; to have yours taken down, write to him through the contact form and say which one. Privacy.

Author

Andrew L. Dcunha

1984 (Pattlea 42 vorsam) thaun konknnent sahity rochun ascho Andrew L Dcunha ek lokamogall kovi. Gamvan Gurpur Kin'nikombollacho to otam Bejai vosti korn asa. Devadhin Denis ani Mary Dcunha hanchea sat bhurgeam poiki to nimanno. Tannem 1000 voir kovitam, 150 ko mikvon lekhnam ani 30 mottveo kannio boroileat. ’Vhollu Vhollu Vhall Vhallea’ (2004 - Ashawadi Prakashan), ’Onzurachem Pan’ (2013 - Kovita Trust) ani ’Ayeracho Buk’ (2014 - Karnataka Konknni Sahity Okaddemi) tache prokttit kovita zome. Tachea "Onzurachem Pan" Pustokak Karnataka Konknni Sahity Okaddemi proxsoti, AIKWO (Okhil Bharot Konknni Boroupeancho Ektar Pursokar), Vishwa Konkani Kendra-cho Vimala V. Pai Kovita Pursokar ani Dr.T.M.A.Pai Foundation-acho Pustok Pursokar taka lableat. Ailevar tachea "Ujvaddachye Vengent" kovita pustokak Karnataka Konknni Sahity Proxsoti lablea. 2023 vorsachi Rajy Mott'ttachi “Sondesh Konknni Sahity Proxsoti” taka lablea.

Mongllur Akax‍vanni thaun sumar 40 konknni kar‍yokromam tannem sador keleant. Sumar 38 vorsam adim Raknno potrar ‘Andru Mam'’ likhnne namvan bhurgeancho somsar vibhag tannem choloun vhela. Amcho Yuvok potrar nirvahok sompadok zaun vaur dila. "Izoicho Kollo" potracho sompadok zaun vavur‍la. Daiji Dubai Boroupeanchea Ektaracho Sompadok zaun vaur dila. Maai‍bhaas.com zalli zagear, Raknno, Dirvem, Ujvadd potramni kovita onkonn tannem choloilam. Raknnear tacho "Kas Somsar" onkonn, Noman Jezu Ballok potrar "Khas Somsar" onkonn oni Amcho Sondex potrar sokallik lekhnam sorag prokott zaun asat. Tannem att pustokank prostaun boroilam. Vevegllea konknni kovita spordeancho, konknni kovita sador sortencho toxench kornattok konknni sahity okaddemichea pustok proxsotecho voroinnar zaun vaur dila. Gamvant ani porgamvant sobar kovitagoxtti tannem choloun veleat. Kovitam vixim sobar probondh monddon keleat ani upneas dileat. “Kovita Trust” cho to trustee zaun asa. Kovita.com zalli zagear sompadokiyam to boroita.

All 15 pages by this writer