ಕವಿತಾकविताPoem
आंकडो - १८. पांदऱ्यांतलें सुकणें गायता
जिवीत एक धांवणी तर, दोन थराचे मनीस संसारांत धांवतात. जशें वागयी धांवता आनी चितळयी धांवता. पूण ह्या दोन धांवणेचो तफावत; चितळ धांवता आपलो जीव वांचंवच्याक तर वाग धांवता जीव काडुंक. ह्या समाजेंत सयत असल्याच दोन थराचे मनीस जियेतात. कोण जिवितांत थकून उदक पियेवंक तानेतात तर दुस्रे असल्या मनशांचें रगत पियेवंक तानेतात.
माया आंजेलो अमेरिकाची नाम्नेची गावपीण, कवी, लेकक. असकत लोकाचो आवाज आनी तिच्या ह्या कवितेचें सोभीत तर्जण केलां बाब शयलेंद्र मेहतान.
आंकडो - १८. पांदऱ्यांतलें सुकणें गायता
पांदऱ्यांतलें
सुकणें गायता
मुक्त सुकणें मारता उड्डाणां वाऱ्याचे फाटीर उफेता सकयल व्हांवपी उदकांत प्रवाह सोंपता थंय आनी बुडयता आपलीं पाखां सूर्याच्या केसरी किरणांनीं आनी करता मागीर
धीटाय मळबाचेर मालकी सांगपाची. पूण
आपल्या अशीर पांदऱ्यांत भोंवपी सुकणें पळोवंक शकना आपल्या रागाच्या सरयांमदल्यान कापल्यांत ताचीं पाखां आनी बांदल्यात ताचे पांय देखून करता उक्तो गावचेपासत ताळो. पांदऱ्यांतलें सुकणें गायता भयान थरथरत अनवळखी गजालींविशीं पूण जांची बाळगिल्ली आसक्ति आनी ताचो सूर येता आयकूंक पयसुल्ल्या
दोंगरार कारण पांदऱ्यांतलें सुकणें गायता
स्वतंत्रतायेखातीर मुक्त सुकणें सोदांत सदांच नव्या वाऱ्याच्या गावपी झाडांतल्यान
व्हांवपी मंदमधुर वेपारी वाऱ्यावांगडा मोटे
किडे चोयतना वाट फांतोडेच्या चकचयाळ तणाचेर आनी करता मळब स्वताच्या नांवार. पूण
पांदऱ्यांतलें सुकणे रावता उबें सपनांच्या
थड्यार ताची सांवळी आड्डता भयसपनाची किळांच कापल्यांत ताचीं पाखां आनी बांदल्यात ताचे पांय देखून करता उक्तो गावचेपासत ताळो. पांदऱ्यांतलें सुकणें गायता भयान थरथरत अनवळखी गजालींविशीं पूण जांची बाळगिल्ली आसक्ति आनी ताचो सूर येता आयकूंक पयसुल्ल्या
दोंगरार कारण पांदऱ्यांतलें सुकणें गायता
स्वतंत्रतायेखातीर *** [मूळ:
माया अँजेलु,
कोंकणीक:
शैलेंद्र मेहता]
शयलेंद्र मेहता: पोलिटिकल
सायन्साचो अध्यापक जावन वावर केल्लो हो अंकणकार,
कवी, समीक्षक, तर्जकार तशेंच कोंकणी वावराडी.
गोंय मुळाचो सद्द्याक मुंबंयत वावर करून आसा.
चाळीस वरसां थावन मराठी, कोंकणिंत बरयता. ’सिसिफस
तेंगशेर’ ताच्या कोंकणी कवितेंचो जमो.
More in Poinnari
ಕವಿತಾकविताPoem Feb 2025
धाळ्यो [डो. झीटा लॊबो]
ಕವಿತಾकविताPoem Oct 2020
केन्नां पुणी उटतेल्यात... (- विल्मा बंटवाळ)
ಕವಿತಾकविताPoem Nov 2016
येका फो०डाचि कता
Send your comments to author on this writing
This is not a comment box. Nothing you write here appears on the site or is shown to any other reader: it is sent to him by email, privately, and he replies to you directly if a reply is called for.