ಕವಿತಾकविताPoem
ಆಂಕ್ಡೊ - 21. ಹಿರೋಶಿಮಾಮಾಚೆಂ ಭುರ್ಗೆಂ
ಆಯ್ಚ್ಯಾ ಸಂಸಾರಾಂತ್ ಮನಿಸ್ ಮ್ಹಳ್ಳಿ ಜೀವಿ ಭೋವ್ ವಿಕಾಳ್ ಜಿಣಿ ಜಿಯೆವ್ನ್ ಆಸಾ. ಕಾಳಾಕ್ ಸರಿ ಜಾವ್ನ್ ಅಪ್ಲಿ ಜಿಣಿ ಜಶೆಂ ಅಪ್ಲೆಂ ಚಿಂತಪ್, ಆಪ್ಲಿಂ ತತ್ವಾಂ ಆನಿ ಅಪ್ಲಿಂ ಸಿದ್ದಾಂತಾಂ ಸಯ್ತ್ ಬದ್ಲುನ್ ಆಯ್ಲಾ ಜಶೆಂ ಅಮೀಬಾನ್ ಆಪ್ಲೊ ಆಕಾರ್ ಬದ್ಲುಂಚೆಪರಿಂ. ನವೆ ನವೆ ಅರ್ಥ್ ತೊ ಅವಿಷ್ಕಾರ್ ಕರುಂಕ್ ಲಾಗ್ಲಾ ನವಿಂ ನವಿಂ ನಿಬಾಂ ತೊ ಸೊಧುಂಕ್ ಸಕ್ಲಾ, ಅರ್ಥಾಕ್ ನವೆಂ ರೂಪ್ ದಿಂವ್ಚಾರ್ ಪಡ್ಲಾ. ದೆಕೂನ್ ’ಸತ್’ ಮ್ಹಳ್ಯಾರ್ ಅಪ್ಣಾಕ್ ಕಶೆಂ ತರೀ ಫಾಯ್ದ್ಯಾಕ್ ಪಡ್ಚೆಂ ಮಾತ್ರ್ ಸತ್. ಸಮಸ್ಸೊ ಮ್ಹಳ್ಯಾರ್ ’ಅಪ್ಣಾಕ್ ಲಾಗು ಜಾತಾ, ವಾ ಅಪ್ಲ್ಯಾಂಕ್ ತ್ರಾಸಾರ್ ಘಾಲ್ತಾ’ ತೊಚ್ ಸಮಸ್ಸೊ ಜಾಲಾ. ಹ್ಯಾ ಪರಿಸ್ಥಿತೆಂತ್ ಏಕ್ ಕವಿ ಕಂಯ್ ಆಸಾ?
’ಝುಜ್’ ಮನ್ಶಾಪಣಾಚೆರ್ ಪಡ್ಚೊ ಭೋವ್ ಮಾರೆಕಾರ್ ಮಾರ್. ಪುಣ್ ಹೆರಾಂಚಿ ದೂಕ್, ಹೆರಾಂಚೆಂ ಮರಣ್, ಪ್ರತ್ಯೇಕ್ ಜಾವ್ನ್ ನಿರ್ದೋಸ್, ಗರೀಬ್ ಲೋಕ್, ಭುರ್ಗಿಂ ಕೊಣಾಚ್ಯಾಕೀ ಅಬ್ಲೇಸಾಂತ್ ಸುರು ಜಾಲ್ಲ್ಯಾ ಝುಜಾಂತ್ ಮೊರ್ತಾನಾ ಕಿತ್ಲೆಶೆ ಬರವ್ಪಿ ಅಪ್ಲಿ ಲಿಖ್ಣಿ ಧರ್ತಾತ್? ಜಾಗತಿಕ್ ಸ್ಥರಾರ್ ಕಾಂಯ್ ದಾಕ್ಲೆ ಆಸಾತ್; ವಿಲ್ಫ್ರೆಡ್ ಒವೆನ್ (The Parable of the Old Man and the Young), ಮಾಹ್ಮೂದ್ ಡಾರ್ವಿಶ್ (A State of Siege), ಕ್ಯಾರಲ್ ಆನ್ ಡಫಿ (War Photographer) ತಶೆಂಚ್ ನಾಜಿಮ್ ಹಿಖ್ಮತ್ (Hiroshima Child) ಪ್ರಮುಕ್ ಕವಿಂನಿ ಮ್ಹಾ-ಝುಜಾಂತ್ ಜಾಲ್ಲ್ಯಾ ಮನ್ಶಾಪಣಾಚ್ಯಾ ಲುಕ್ಸಾಣೆಚೆರ್ ಬರಯ್ಲಾಂ. ಹಿ ಕವಿತಾ ಕಾಳ್ ಉತ್ರೊನ್ ಕಶಿ ಏಕ್ ಕವಿತಾ ಜಿಯೆತಾ ಮ್ಹಣ್ಚ್ಯಾಕ್ ಗವಾಯ್ ದಿತಾ.
ಹಿ ಕವಿತಾ ಕಾಂಯ್ ರಿತಿನ್ ಮನ್ಶಾಪಣಾಕ್ ಹಾಲಯ್ತಾ. ಹಾಂಗಾಸರ್ ಸಾತ್ ವರ್ಸಾಂಚೆಂ ಆಸ್ತಾನಾ ಕಶೆಂ ಅಣುಬಾಂಬಾಂತ್ ಲಾಸೊನ್ ಅಪ್ಲಿಂ ಹಾಡಾಂ ಗೊಬೊರ್ ಜಾವ್ನ್ ಮೊರೊನ್ ಗೆಲ್ಲೆಂ ಏಕ್ ಭುರ್ಗೆಂ (ಚೆಡುಂ) ಅಜೂನ್ ದರೇಕಾ ಘರಾಂಕ್ ವಚೊನ್ ಜಿವೆ ಆಸ್ಚ್ಯಾಂಕ್ ಉಲೊ ದಿತಾ. ತುಮಿ ಪರತ್ ಏಕ್ ಪಾವ್ಟಿಂ ಝಗ್ಡೆಂ/ಝುಜ್ ಕರಿಜಯ್, ಪುಣ್ ಹೆಂ ಲಗಾಡ್ ಕಾಡ್ಚಾ ಇರಾದ್ಯಾನ್ ನ್ಹಯ್, ಶಾಂತೆಚ್ಯಾ ಇರಾದ್ಯಾನ್, ಕಿತ್ಯಾಕ್ ಮ್ಹಳ್ಯಾರ್ ಅಸಲ್ಯಾ ಗರಿಬಾಂನಿ ಭುಕೆಂತ್, ಆಶೆನ್ ವ್ಹಳ್ವಳ್ನಾಸ್ತಾಂ, ವಾಡಾಜಯ್ ಆನಿ ಹಾಸೊನ್ ಖೆಳೊನ್ ಜಿಯೆಜಯ್.
ಆಂಕ್ಡೊ - 21. ಹಿರೋಶಿಮಾಮಾಚೆಂ ಭುರ್ಗೆಂ
ಹಿರೋಶಿಮಾಮಾಚೆಂ
ಭುರ್ಗೆಂ
ಹಾಂವ್ ದರೇಕಾ ದಾರಾಚೆರ್ ಯೆವ್ನ್ ರಾವ್ತಾಂ ಪುಣ್ ಮ್ಹಜ್ಯಾ ಮೌನಾಕ್ ಕೊಣ್ಚ್ ಆಯ್ಕನಾ ಹಾಂವ್
ಬಡಯ್ತಾಂ ತಶೆಂಚ್ ದಿಸಾನಾಸ್ತಾಂ ಉರ್ತಾಂ ಕಿತ್ಯಾಕ್
ಹಾಂವ್ ಮೆಲಾಂ ಮ್ಹಳ್ಯಾರ್ ಹಾಂವ್ ಮೆಲಾಂ ಹಾಂವ್
ಫಕತ್ ಸಾತಾಂಚೊ ಹಾಂವ್ ಮೆಲಾಂ ತರೀ ಭೊವ್ ತೆಂಪಾಧಿಂ
ಹಿರೋಶಿಮಾಂತ್ ಹಾಂವ್ ಆತಾಂಯ್ ಸಾತಾಂಚೊ ಜಶೆಂ ತವಳ್ ಜೆದ್ನಾಂ ಭುರ್ಗಿಂ ಮೊರ್ತಾತ್ ತೆದ್ನಾಂ ತಿಂ ವಾಡಾನಂತ್ ಮ್ಹಜೆ ಕೇಸ್ ಉಜ್ಯಾಚ್ಯಾ ದಾವೆಂತ್ ಲಾಸ್ಲೆ ಮ್ಹಜೆ
ದೊಳೆ ಗಯ್ರೆ ಜಾವ್ನ್ ಮ್ಹಜೆ ದೊಳೆ ಕುರ್ಡೆ ಜಾಲೆ ಮರಣ್
ಆಯ್ಲೆಂ ಆನಿ ಮ್ಹಜ್ಯಾ ಹಾಡಾಂಕ್ ಧುಳ್ ಕೆಲಿ ಆನಿ ತಿ
ವಾರ್ಯಾಂತ್ ಪಾಚಾರೂನ್ ಗೆಲಿ ಮ್ಹಾಕಾ ಫಳಾಂ
ನಾಕಾತ್ ಮ್ಹಾಕಾ ತಾಂದುಳ್ ನಾಕಾ ಮ್ಹಾಕಾ ಗೊಡ್ಶೆಂ
ನಾಕಾ ಮ್ಹಾಕಾ ಬ್ರೆಡ್ ನಾಕಾ ಹಾಂವ್ ಮ್ಹಜೆಪಾಸತ್
ಕಿತೆಂಚ್ ಮಾಗಿನಾ ಕಿತ್ಯಾಕ್ ಹಾಂವ್ ಮೆಲಾಂ ಮ್ಹಳ್ಯಾರ್
ಹಾಂವ್ ಮೆಲಾಂ ಮ್ಹಾಕಾ ಜಾಯ್ ಆಸಾ ತಿ ಶಾಂತಿ ತುಮಿ ಆಜ್ ಝುಜಾ ಆಜ್ ಝುಜಾ ಕಿತ್ಯಾಕ್ ಮ್ಹಳ್ಯಾರ್
ಹ್ಯಾ ಸಂಸಾರಾಂತ್ಲಿಂ ಭುರ್ಗಿಂ ಜಿಯೆಂವ್ದಿತ್,
ವಾಡೊಂದಿತ್, ಹಾಸೊಂದಿತ್ ಆನಿ ಖೆಳುಂದಿತ್ ***
ನಝಿಮ್ ಹಿಖ್ಮತ್: ಲಿಖ್ಣೆನಾಂವಾರ್
ಬರಂವ್ಚೊ ಮೆಹ್ಮೆದ್ ನಝಿಮ್ ರಾನ್ ಟರ್ಕಿಚೊ ನಾಮ್ನೆಚೊ
ಸಾಹಿತಿ/ಕವಿ. (17 ಜನೆರ್ 1902 - 3 ಜೂನ್ 1963). 1945
ಇಸ್ವೆಂತ್ ಅಮೆರಿಕಾನ್ ಹಿರೋಶಿಮಾ ಆನಿ ನಾಗಸಾಕಿ ಶೆರಾಂನಿ
ಅಣುಬಾಂಬ್ ಘಾಲ್ಲೆನಿಮ್ತಿಂ ಮೆಲ್ಲ್ಯಾ ಹಜಾರೊಂ
ಭುರ್ಗ್ಯಾಂಚಿ ಖಬರ್ ಆಯ್ಕೊನ್ ಬರಯಿಲ್ಲಿ ಕವಿತಾ.
More in Poinnari
ಕವಿತಾकविताPoem Feb 2025
ಧಾಳ್ಯೊ [ಡೊ. ಝೀಟಾ ಲೋಬೊ]
ಕವಿತಾकविताPoem Oct 2020
ಕೆನ್ನಾಂ ಪುಣಿ ಉಟ್ತೆಲ್ಯಾತ್... (- ವಿಲ್ಮಾ ಬಂಟ್ವಾಳ್)
ಕವಿತಾकविताPoem Nov 2016
ಎಕಾ ಫೊಂಡಾಚಿ ಕಥಾ
Send your comments to author on this writing
This is not a comment box. Nothing you write here appears on the site or is shown to any other reader: it is sent to him by email, privately, and he replies to you directly if a reply is called for.