[ಬ್ರೊತೊ - 11] ಚಾಯ್ನಾಚೆಂ ವಯ್ರಸ್ (ಜೋಯ್ಸ್ ಲಿನೆಟ್ ವಾಜ್, ನ್ಯೂಜಿಲೆಂಡ್)

[ಬ್ರೊತೊ - 11] ಚಾಯ್ನಾಚೆಂ ವಯ್ರಸ್ (ಜೋಯ್ಸ್ ಲಿನೆಟ್ ವಾಜ್, ನ್ಯೂಜಿಲೆಂಡ್)

ಕವಿತೆಚ್ಯಾ ಸುರ್ವಾತೆರ್ ಕೊಣ್ ಪಿಸೊಳಿಂ, ಕಾಜುಲೆ ಧರ್ತಿತ್ ಆನಿ ಕೊಣ್ ಅಪ್ಲ್ಯಾ ಕೆದಿಂಕ್‌ಚ್

[ಬ್ರೊತೊ - 11] ಚಾಯ್ನಾಚೆಂ ವಯ್ರಸ್ (ಜೋಯ್ಸ್ ಲಿನೆಟ್ ವಾಜ್, ನ್ಯೂಜಿಲೆಂಡ್)

ಚಾಯ್ನಾಚೆಂ ವಯ್ರಸ್

ನ್ಹಂಯ್ ಥಾವ್ನ್ ವ್ಹಾಳೊನ್ ಆಯ್ಲಾಂಗಿ

ಮೊಳಬಾ ಥಾವ್ನ್ ಉಭೊನ್ ಅಯ್ಲಾಂಗಿ

ಚುರಿಯೆಂನಿ ಖಾತರತಾನಾ ಆಯ್ಲಾಂಗಿ

ಮ್ಹಳ್ಳೆಂ ಕೊಣಾಕ್‌ಚ್ ಖಬರ್ ನಾ

ದುಕ್ರಾಂಕ್ ಉಜ್ಯಾಂತ್ ಲಾಸಯ್ತಾತ್

ಕುಂಕಡಾಂಕ್ ಗುಡ್ಯಾಂನಿ ಪುರತಾತ್

ಮನೀಸ್ ಮನ್ಶಾಂಕ್ ಪಳೆಂವ್ಕ್ ಭಿಂಯೆತತ್

ಪುಣ್ ಕೊಣಾಕ್‌ಚ್ ಖಬರ್ ನಾ

ಶೆರಾಚ್ಯೊ ತಡಿ ಭದ್ರ್ ಕೆಲ್ಯಾತ್

ಘರಾಂಚಿಂ ಬಾಗ್ಲಾಂ ಧಾಂಪುನ್ ದವರ್ಲ್ಯಾಂತ್

ಮನ್ಶಾಂನಿ ತೊಂಡಾಂಕ್ ಮಾಸ್ಕ್ ಘಾಲ್ಯಾಂತ್

ವಯ್ರಾಸ್ ಯೆತಾ ಕಶೆಂ ತೆಂ ಕೊಣಾಕ್‌ಚ್ ಖಬರ್ ನಾ

ಭಿರಾಂಕುಳ್ ಮನಾಂಚೆಂ ಕರೋನಾ

ಕಂಗಾಲ್ ಕರ್ತಾ ಮನ್ಶಾಂಚಿ ಮನಾಂ

ಚೀನಾಂತ್ ಆಸಾಗಿ ಆಮ್ಚ್ಯಾ ಗಾಂವಾಂತ್ ಮ್ಹಳ್ಳೆಂ

ನಿಜಾಯ್ಕೀ ಕೊಣಾಕ್‌ಚ್ ಖಬರ್ ನಾ

[- ಜೋಯ್ಸ್ ಲಿನೆಟ್ ವಾಜ್, ನ್ಯೂಜಿಲೆಂಡ್, (ಜ್ಯೂನ್, 2020.]

ಜೋನ್ಸನ್ ಡಿ’ಕುನ್ಹಾ, ಅಜೆಕಾರ್: ಅಜೆಕಾರ್ ಫಿರ್ಗಜೆಚೊ ಜೋನ್ಸನ್ ಡಿ’ಕುನ್ಹಾ ವೃತ್ತೆನ್ ವಿಗ್ಯಾನ್ ಶಿಕ್ಷಕ್. ನಾರಾವಿ ಹೈಸ್ಕೂಲಾಂತ್ ಶಿಕಯ್ತಾ. ಪುಣ್ ಸಾಹಿತಿಕ್ ಮೊಗಿ ಆನಿ ಬರೊ ವಾಚ್ಪಿ ಮ್ಹಣುನ್ ಹಾಚಿಂ ಬರ್ಪಾಂ ಗೊವಾಯ್ ದಿತಾತ್. ಕೊಂಕ್ಣಿ ಭಾಶೆಚಿಂ ಗ್ರೇಸ್ತ್ ಉತ್ರಾಂ ಸಯ್ತ್ ತಾಚ್ಯಾ ಬರ್ಪಾಂನಿ ಸೊಭ್ತಾತ್. ಅಸೊಚ್ಚ್ ಬರವ್ನ್ ರಾವ್ಲೊ ತರ್ ಕೊಂಕ್ಣೆಚ್ಯಾ ಫುಡಾರಾಂತ್ ಏಕ್ ಬರೊ ಬರಯ್ಣಾರ್ ಜಾಂವ್ಚ್ಯಾಂತ್ ಮ್ಹಾಕಾ ತರ್‌ಯೀ ಕಸಲೊಚ್ ದುಭಾವ್ ನಾ.