ಎಕ್ತಾರಾಚ್ಯಾ ಮುಂಬಯ್ ಘಟಕಾಚೊ ಮುಖೆಲಿ ಸಂಯೋಜಕ್ ಜೋಯ್ ಪಾಲಡ್ಕಾನ್ ಸ್ವಾಗತ್ ಉತ್ರಾಂನಿ, ಹಿ ಏಕ್ ಸುರ್ವಾತ್ ಮಾತ್ರ್, ಕೊಂಕ್ಣಿ ಭಾಸೆಚೊ ಮೋಗ್ ಆನಿ ಹುಸ್ಕೊ ಆಸ್ಲೆಲ್ಯಾ ಸರ್ವ್ ಮುಂಬಯಾಂತ್ಲ್ಯಾ ಕೊಂಕ್ಣಿ ಲೊಕಾಕ್ ಎಕ್ವಟಿತ್ ಕರ್ಚೆದಿಶೆನ್ ಆಮ್ಚೊ ವಾರ್ ಸದಾಂ ಆಸ್ತಲೊ ಮ್ಹಳೆಂ. ಮಾನೆಸ್ತ್ ಹಿಲರಿ ಡಿ’ಸಿಲ್ವಾ, ಮಾನೆಸ್ತ್ ಲಾರೆನ್ಸ್ ಡಿ’ಸೋಜ್ ಕಮಾನಿ, ಆನಿ ಮಾನೆಸ್ತ್ ನಜ್ರೆತ್ ನೆರಿ ತಾಕೊಡೆ ಹಾಣಿಂ ಮುಖೆಲ್ ಮಾನ್ ಸಯ್ರ್ಯಾಂಕ್ ಫುಲಾಂಚೆ ತುರೆ ದೀವ್ನ್ ಸ್ವಾಗತ್ ಕೆಲೊ.

ತ್ಯೇ ಉಪ್ರಾಂತ್ ಹಿಲರಿ ಡಿ’ಸಿಲ್ವಾನ್ ನಿರ್ದೇಶನ್ ದಿಲ್ಲೊ ’ಖಣ್’ ಮ್ಹಳ್ಳೊ ನಾಟ್ಕುಳೊ ಮಿರಾ ರೋಡ್ ಕೊಂಕ್ಣಿ ಕಲಾಕಾರಾಂನಿ ಖೆಳವ್ನ್ ಧಾಖಯ್ಲೊ. ತಶೆಂಚ್ ಚಲುಂಕ್ ತಾಂಕ್ ನಾಂ ತರ್‌ಯೀ, ಕೊಂಕ್ಣಿ ಬರಯ್ಣಾರಾಂಚ್ಯಾ ಸಹಮಿಲನಾಕ್ ವ್ಹಡಾ ಹುಮೆದಿನ್ ಆಯಿಲ್ಲ್ಯಾ ಮಾಲ್ಘಡ್ಯಾ ಬರಯ್ಣಾರ್ ಮಾನೆಸ್ತ್ ರೊನಾಲ್ಡ್ ಪಿರೇರ್ ಆಂಜೆಲೊರ್ ಹಾಕಾ ಫುಲಾಂಚೊ ತುರೊ ದೀವ್ನ್ ಮಾನ್ ಕೆಲೊ.

ಜಾಗೊ: ಗ್ಯಾನ್ ಆಶ್ರಮ್, ಅಂಧೇರಿ, ಮುಂಬಯ್