ಕವಿತಾकविताPoem
वाट राकुन आसां
जिण्येंत एका वस्तुचे जांव, संबंधाचे जांव मॊल कळ्ता जेद्नां आमि ति वस्त वा संबंध होग्डाव्न घेतांव तेद्नां. मनिस मुकार पांव्चें स्वाभाविक, जित्लो मुकार तो वेता तित्लेच मापान तो आप्ल्या यादिच्या खोव्ळांक पाटिं सोडुन वेता. हें सैंबिक, स्वाभाविक.
उल्लाळ्च्या पानॆर फिर्गजेचो अर्जुन लुविस कानडि भासेंत आय्लेवार उदेल्लो काव्याळ बोंगो, अप्ल्या प्रतिभेध्वारिं हेर कविंचें गमन अप्णाशिं वोडुंक सक्ला, कोंक्णेंत पर्गट जांव्चि ताचि हि पय्लि कविता तर्यी, फुदिल्या दिसांनि अपुर्भायेचिं कविता ताचेथाव्न व्हाळुंदि आनि कोंक्णि कविताशेत ग्रॆस्त कर्च्याक कारण जांव्दि म्हणुन आंव्डेतां.
पाय्स पाव्ल्ल्या आप्ल्याचिं वाट राकुन आस्चें स्वाभाविक. हांगासर्यी तसल्या अत्रेगान वाट राक्चें ऎक स्वपाण आसा, उत्रां उत्रांनि काव्याळ इमाजि उभ्यो करुन तुजि वाट राकुन आसां म्हण्चो कवि कोणाचि वाट कारुन आसा म्हळ्ळें पार्कुंक तुम्कांच सोड्तां.
वाट राकुन आसां
काळोकाच्या कोन्श्यार
ल्हान्शि वात पेट्ता पळे
ति म्हज्या स्वप्णांच्या
किटळांनि पेटयिल्लि
मिण्कुंचि वात ति, दया दाकय;
पाल्वय्नाका..
दोळ्यांक पड्ल्लें
निरास्पणाचें धांपण;
तुवेंच काड्च्याक राकुन आसां.
धव्या केसांक
काळो रंग सारव्न,
तुजेलागिं नवो जातां.
गोबोर पुसुन न्हाव्न,
संपूर्ण नितळ जातां.
घायेल्ल्या काळ्जाक
समधानेचो कोपो मारुन
वाट राकुन आसां..
व्हडा अत्रेगान
तुजि वाट राकुन आसां..
- अर्जुन लुविस, पाणॆर (उल्लाळ)
अर्जुन लुविस: उल्लाळ्च्या पाणॆर फिर्गजेचो अर्जुन लुविस कानडि भासेंत आय्लेवार उदेल्लो काव्याळ बोंगो, कोंक्णेंत सय्त आप्लि कविताप्रतिभा घेव्न आय्ला. कविताशिवाय लॆखनां सय्त बरंव्चें देणें हाका आसा.
More in Poinnari
ಕವಿತಾकविताPoem Feb 2025
धाळ्यो [डो. झीटा लॊबो]
ಕವಿತಾकविताPoem Oct 2020
केन्नां पुणी उटतेल्यात... (- विल्मा बंटवाळ)
ಕವಿತಾकविताPoem Nov 2016
येका फो०डाचि कता
Send your comments to author on this writing
This is not a comment box. Nothing you write here appears on the site or is shown to any other reader: it is sent to him by email, privately, and he replies to you directly if a reply is called for.