ದಾಯ್ಜಿದುಭಾಯ್ ಸಂಘಟನಾಚೆ ನವೆ ಹುದ್ದೆದಾರ್

ದಾಯ್ಜಿದುಭಾಯ್ ಸಂಘಟನಾಚೆ ನವೆ ಹುದ್ದೆದಾರ್

ಎಮಿರೆತಾಂತ್ಲ್ಯಾ ಕೊಂಕಣಿ ಬರವ್ಪ್ಯಾಂಚೆಂ ಎಕ್ತಾರ್ ದಾಯ್ಜಿದುಭಾಯ್ ಹಾಂಚ್ಯಾ 2020 ಥಾವ್ನ್ 2022 ಪರ್ಯಾಂತ್ಲ್ಯಾ ಆವ್ದೆಕ್ ನಾಮ್ನೆಚೊ ಕೊಂಕಣಿ ಬರವ್ಪಿ, ನಟ್ ನಾನು ಮರೋಲ್ ತೊಟ್ಟಾಮ್ ಸಂಚಾಲಕ್ ಜಾವ್ನ್, ಕಾಣಿಯೆಗಾರ್, ವಿನೋದಿಕ್ ಬರವ್ಪಿ ಸುನಿಲ್ ಫೆರ್ನಾಂಡಿಸ್ ಕೋಟಾ ಸಹ-ಸಂಚಾಲಕ್ ಜಾವ್ನ್, ಮೆಲ್ವಿನ್ ಕಲಾಕುಲ್, ಡ್ಯಾರಲ್ ಡಿ’ಸೋಜ್ ವಾಮಂಜೂರ್ ಆನಿ ಸಂತೋಶ್ ಪೆರ್ಲಾ ಸಹ-ಸಂಯೋಜಕ್ ಜಾವ್ನ್ ವಿಂಚೊನ್ ಆಯ್ಲೆ.

ಕೊಂಕಣಿ ಭಾಸೆಚ್ಯಾ ಸಮಗ್ರ್ ವಾಡಾವಳೆಕ್ ಥೆಂಕೊ ದಿಂವ್ಚ್ಯಾ ಇರಾದ್ಯಾನ್ ಪಾಟ್ಲ್ಯಾ ದೋನ್ ದಾಕ್ಡ್ಯಾಂನಿ ದಾಯ್ಜಿದುಭಾಯ್ ಸಂಘಟನ್ ಸಾಹಿತ್ಯ್, ನಾಟಕ್, ಸಂಗೀತ್, ಕಲಾ ಅಶೆಂ ವೆವೆಗಳ್ಯಾ ಸೆತಾಂತ್ ವಾವ್ರ್ ಕರುನ್ ಆಯ್ಲಾ. ಹಾಂತುಂ ’ದಾಯ್ಜಿದುಭಾಯ್ ವರ್ಸಾಚೊ ಪುರಸ್ಕಾರ್’ ಪ್ರಮುಕ್.

ದಾಯ್ಜಿದುಭಾಯ್ ಸ್ಥಾಪಕ್ ಸಂಚಾಲಕ್ ಮಾನೆಸ್ತ್ ಡಯಾನ್ ಡಿ’ಸೋಜ್ ತಶೆಂಚ್ ಹೆರ್ ಮಾಲ್ಘಡೆ ಬರವ್ಪಿ ಹ್ಯಾ ಜಮಾತೆಂತ್ ಹಾಜರ್ ಆಸ್ಲೆ. 2018-2020 ಆವ್ದೆಚ್ಯಾ ಸಂಚಾಲಕ್ ದಿನೇಶ್ ಕೊರೆಯಾ ಆನಿ ಸಹ-ಸಂಚಾಲಕ್ ನವೀನ್ ಸಿಕ್ವೇರಾ ಬ್ರಹ್ಮಾವರ್ ಹಾಣಿಂ ನವ್ಯಾ ಹುದ್ದೆದಾರಾಂಕ್ ಥೆಂಕೊ ಭಾಸಾಯ್ಲೊ.

[Khobor] Daijidubhai songhottonache nove hud'dedar

Daijidubhai songhottonache nove hud'dedar