[खबर] गोयांत कोंकणी आदी साहित्याचें राश्ट्रीय कार‍यासाळ

सी.ई.एस. कला आनी वाणिज्य महाविध्यालय कुंकळी (गोयां) हाणीं साहित्य अकाडेमी (देल्ही) सवें दोन दिसांचें कोंकणी आदी साहित्याचें राश्ट्रीय कार‍यासाळ दसेंबर १२ आनी १३ तारिकेर गोंयचा कुंकळी गांवच्या सी.ई.एस. कोलेजिच्या सभासालांत मांडून हाडलें.

साहीत अकाडेमिचो संचालक दो|भूशण भावेच्या अध्यक्ष‌पणाखाल, मानेसत दो| उदय गांवकर, मानेसत विनायक खेडेकर मुखेल सयरे जावन हाजर आसले.

१२ तारिकेच्या परिसंवादांत नामणेचे गोंयचे बरयणार, कवी, नाटकिसत; दो| प्रकाश वज्रेकर, दो|पूर्णाचंद चारी, गोविंद शिरोडकर, सेयरू वेळीप, मार्कूस गोन्सालवीस, आर. एस. भासकर, दो|कास्मा फेर्नांडीस, कांता गावडे, वकील जोन फेर्नांडीस, पांडुरंग गावडे, विन्सी क्वाड्रोस, देविदास गांवकर हाणीं आपापलीं उलवपां/प्रबंध प्रसतूत केले.

१३ तारिकेच्या परिसंवादांत नामणेचे काणियेगार, कवी, समीक्षक; दो| प्रकाश पेऱ्यंकर, रामनाथ गावडे, बालचंद्र गांवकर, फोबर फेर्नांडीस, प्रकाश नायक, कमलाकर म्हाळशी हाणीं आपलीं उलवपां/प्रबंध प्रसतूत केलीं.

कोंकणी कादंबरेंनी, कोंकणी मटव्याकाणियांनी तशेंच हेर प्रकारांनी आदी साहित्य विश्यांचेर परिसंवादां आसलीं. कोंकणी कवितेंनी आदी लोक-जिविताचें साहीत/चित्रण विश्याचेर वल्ली क्वाड्रसान अपलो प्रबंध मांडलो, तशेंच स्टीफन क्वाड्रस आनी सिद्दी बरवपी सावेर संतान सिद्दी हाणीं ’कोंकणिंतलें आदी साहित्य’ विश्यांत संवाद चलयलो.

सी.ई.एस. कोलेज, पार्वतिबाय कोलेज तशेंच हेर कोलेजिचीं थावन पद्वी शिकचीं देडशां वयर भुर्ग्यांनी ह्या दोन दिसांच्या काऱ्यासाळांत वांटो घेतलो.