कोंकणी कवितावाचन 2019 सर्तेक मुंबय आयतें

[खबर]: कोंकणी कवितावाचन 2019 सर्तेक मुंबय आयतें

कविता ट्रसट आनी आशावादी प्रकाशन

कोंकणी कविता सादर सर्त

नेल्सन आनी लवीना रोड्रिक्स - V चा. फ्रा. देकोसता स्मारक कोंकणी कविता सादर सर्त

ल्हानांक - १५ वर्सां भितर‍ल्यांक (०१.०१.२००४ तारिके उपरांत जल्मल्ल्यांक) 

आनी

रोहन आनी लवीटा मोंतेरो - VIII अखील भारत कोंकणी कविता सादर सर्त

व्हडांक - १५ थावन ३० वर्सां भितर‍ल्यांक (०१.०१.१९८८ थावन ३१.१२.२००३ भितर जल्मल्ल्यांक)

नेमां

ही कविता सादर सर्त. कविता बरोंवची सर्त न्हय.

प्राये बाबतीं रुज्वात गर्जेची.

भाग घेतल्लीं कोंकणी भाषिकच आसजाय म्हणून ना.

भाग घेतल्यांनी स्वताची या हेर खंयच्याय कविची एकच कोंकणी कविता सादर करिजाय.

सादर कर‍ची कविता उण्यार देड मिनुटां आनी चड म्हळ्यार तीन मिनुटांची आसुंयेता.

पयल्या हंताची सर्त मुंबंयत – जेरिमेरी, वसय, कांदिवली हांगासर - एकेका विभागांत पयलेंचीं तीन स्थानां आपणायिल्ल्यांक - अखील भारत कोंकणी कविता सादर सर्तेंत भाग घेंवचो सुयोग लाभतलो.

पयल्या हंताच्ये सर्तेक स्पर्धिकांक खर्चा बाबतीं कसलेंय भातें कविता ट्रसट दीना. पूण भाग घेतल्या सर्वांक प्रमाण पत्र लाबतलें. ह्या भायर आशावादी प्रकाशनाचो बूक इनाम जावन लाबतलो.

फैनल्सांत कविता सादर कर‍तल्यांनी तांणी सादर करुंक चिंतच्यो कविता (ल्हानांनी - दोन कविता; व्हडांनी - तीन कविता) कविता ट्रसटाक दशेंबराचे १० तारिके भितर पावीत करिजाय. सर्ते दिसा, कविता ट्रसटान विंचल्ली एक कविता मात्र तांकां सादर करुंक आवकास.

कविता सादर कर‍ताना, कवितेचें आनी कविचें नांव सांगुंयेता सोडल्यार हेर खंयचोय विवर दीवंक आवकास ना.

कविता सादर कर‍ताना, कवितेंतलो विषय लोकाक सलीसायेन कळोंवच्यांत वाचकाक आसची प्रतिभा लेकाक धर‍तल्यांव सोडल्यार कविता न्हय. तरिपूण विंचलली कविता इनाम जोडच्याक पूरक जाता म्हणून समजुंचें. ताळो, सुडाळाय हेंय गर्जेचें. पयल्या दोन हंतांनी कविता वाच्येता जाल्यारी, तोंड‌पाठ कविता सादर केल्यार चडीत अंक मेळतले म्हणून समजुंचें. तीसऱ्या हंतांत कविता वाचुंक आडवार‍लां.

पयल्या हंताच्ये सर्तेंत भाग घेतल्यांनी तांचीं नांवां, पत्तो, फोन नंबर ashawadi@gmail.com ह्या ईमेयलाक बरोवन धाडुंयेता या सर्ते दिसा अर्ध्या वोरा आदीं दीवंक जाता. फोन नंबर: ७०२१९६७८८०

फैनलांत दोनय विभागांनी तीन इनामां आसतलीं.

• पयलें: रुपय २५०० तशें ट्रोफी आनी सर्टिफिकेट

• दुस्रें: रुपय २००० तशें ट्रोफी आनी सर्टिफिकेट

• तिस्रें: रुपय १००० तशें ट्रोफी आनी सर्टिफिकेट

मुंबंयत चल्च्या पयल्या हंताच्ये सर्तेचो विवर:

सपटेंबर २२ (आयतार: ३ थावन ५) - असुप्सांव कोंकणी संघटन (मुखेल्पण: वलेरियन पायस) फिर्गज्यो: कांदिवली, ओरलेम/मलाड

सपटेंबर २९ (आयतार: ३ थावन ५) - वसय कोंकणी वेल‌फेर असोसियेशन (मुखेल्पण: रेजिनालड सांतुमायेर, हिलरी डी’सिलवा) फिर्गज्यो: मिरा रोड, भयांदर, दहिसर, वसय, नाय‌गांव, नलासोपार, विरार, पाल्गर

ओकटोबर ६ (आयतार: सांजेर ३ थावन ६) - कोंकण तारां (मुखेल्पण: फ्लोरा कल्माडी)

फिर्गज्यो: जेरिमेरी, महाकाळी, मरोळ, पल्लोटी